新越越式料理 (已搬遷) 新店位置

最近成日有機會在九龍城區出沒，周圍搵啲小店試吓。我朋友一人叫咗一碗生牛肉湯河，有讚有彈、好壞參半。首先要讚下，店員俾咗兜金不換同青檸我哋，咁樣嘅做法好正宗，唔係每一間越南餐廳都會咁做，而我都好開心咁將全部金不換放晒落我碗湯河度。另外，佢嘅牛肉河入面有好多芽菜、生洋蔥絲、炸乾蔥、碎蔥、好啱我口味。仲有，河粉都幾滑下，值得加分。 除此之外，都要讚下呢間餐廳嘅環境。裝修用色主要係白色同淺灰色，舒服簡潔。餐枱夠大張，坐得舒服。不過，今餐飯最需要彈嘅，就係佢嘅牛肉湯冇乜牛肉/牛骨味，仲要非常鹹。我認為，一碗牛肉湯河嘅靈魂就係湯度，佢個湯做得唔好，下次真係唔使再來幫襯。

6月去完越南，好似幾個月無食過越南野.心思思.九龍城原來除左泰國菜館多，也不乏出色越南菜.尼間店雖然細，但人氣都幾旺.當然要點生牛河，睇下距既水準去到邊.香草先上，分開一籃.湯色較深，偏濃.有點特色.鮮甜味足.加入芽菜增加口感.牛肉高質，夠滑夠嫩.河粉薄身，煙韌.口感唔錯. 整體感覺比較出色.龍眼冰.甜味較淡，清幽.食得出係龍眼本身甜味.果肉夠多.仲點左個小菜.越式牛柳炒西蘭花.牛肉滑嫩，醬汁好惹味.西蘭花熟度perfect.好滿意的一餐飯.路過九龍城食厭泰國嘢.不妨一試.

多數去九龍城都食泰國野今日就食吓其他野發現哩間越南pho係越南開都過黎講到牛肉湯低好正宗店面唔大 設計比較簡約坐得舒適有空間感小食款式多 價錢算合理=椒鹽軟殻蟹=軟殻蟹一般在其他食店比較貴$68黎講分量算唔錯軟殻蟹炸得食香口 真係脆卜卜雖然唔太似椒鹽 因為蒜得多有點搶但亦算香口惹味=生牛肉河=牛肉湯真的很真材實料很有很有很濃牛味 加少少青檸汁後 湯味更香更濃郁附上得多芽菜作配菜因為湯底真的得熱燙生牛肉到我影相時已經變熟了=豬排湯河=湯底較清淡 豬排很滑 金黃色十分香口=珍多冰=味道唔會好甜 很合我口味=越式咖啡=越式咖啡 見到佢慢慢滴落黎成件事好治癒點餐後才發現他們有入口越南啤酒有機會會想再試

數次經過此店都覺得內部裝修與一般越南餐廳不同, 樓底很高而且以木為主, 今天終於決定一試。最後點了兩個湯河及兩個小吃。桌面上放了各樣的越式醬料, 方便選吃不同食品時添加。晚市亦可跟餐加飲品, 加$8要了一杯很久未喝過的咸檸七。鮮茄牛腩湯河: 友人選的鮮茄牛腩湯河, 看湯的顏色就知道蕃茄是很足料。在越式牛河湯底的基礎下加上了鮮茄, 令湯底的味道多了一份清新。牛腩夠淋, 河粉亦爽滑。生牛肉河: 總覺得吃越南菜一定要吃一碗生牛河。牛河湯底很香, 感覺沒有添加味精, 加上附上的青檸及一些辣椒粒, 令湯河更惹味。牛肉用湯剛好浸熟, 夠滑。整體不錯。豬頸肉: 份量很足, 豬頸肉外烤得很香, 調味亦好, 好吃。順化蔗蝦: 吃越菜必要點我最愛的蔗蝦! 蝦肉很厚, 外面炸得香脆, 配上甜酸辣醬, 很滿足。咬了一口蔗, 很甜, 難怪蝦亦帶一點點香甜。吃了這麼多一人都只是百多元, 挺經濟。看到旁邊的客人在吃咖哩好像很不錯, 下次可以再試試。

九龍城泰國菜嘅餐廳真係好多，又大都都好好味嘅，但呢晚特別想食越南菜，上openrice搵下就搵到呢間，食評好似又唔錯，價錢又好似唔貴。好彩七點幾到，唔太多人 (食食下八點後就開始多人)。呢度有二人餐，望落都抵食，有沙律、小食、粉麵、飲品同甜品，但我吔想試啲更想食嘅野，都係散叫好啲。食越南菜，其實係主要為咗食生牛肉湯河，呢度嘅水準都唔錯，河粉同牛肉嘅份量都唔少，仲有好多芽菜。本身個湯底都已經好夠味，所以都唔洗再加薄荷葉同青檸，加了一點魚露汁就已經好正，以五十幾蚊嚟講都真係算唔錯。另一特別想食就係木瓜沙律，本來諗住叫二人餐，都有木瓜沙律，但睇清楚啲原來散叫嘅係"木瓜雞絲蝦沙律"，套餐嘅係木瓜雞絲沙律 (冇蝦)，所以都係散叫嘅有雞絲同蝦嘅吸引啲。木瓜夠爽口，份量都唔少，蝦就唔算好新鮮，而個沙律汁好似唔係好夠fresh，好似平時食嘅好味啲。叫個炒菜啦，馬拉盞最惹味，要咩菜就要問店員，呢晚就有通菜、椰菜苗等，我吔揀咗通菜，用細鑊仔載住，好似好有鑊氣咁，但食落就有點失望喇，平時好鐘意嚟食九龍城泰國菜館嘅炒菜，因為都好有鑊氣，住家飯難啲做到。可惜今次就食唔到呢個水準，仲相對比較油膩。另外就仲叫咗個小

放假無野做搭10分鐘小巴由旺角入去九龍城碰吓運氣啦，話晒九龍城都係東南亞係食嘅聚集地。今次決定試吓越南野。門口有少量人排隊，根據我過往經驗有人排隊嘅差極都有個譜先講下個咖喱羊腩河，我都估唔到越南餐廳整個羊腩有幾好食肉質炆得夠林，又唔會太干變湯渣，湯味濃郁，但我略嫌咖喱唔夠辣！（我平時譚仔食開中辣）生熟牛肉湯河，湯底牛肉味濃,D牛肉都幾新鮮呢個沙律一啖咬落去有好清甜嘅蔬菜味入邊嘅蟹肉都大條，每啖都食倒蟹肉，配合埋番茄嘅清甜味最後呢杯鹹檸七，好濃嘅甘味甜味同埋鹹味，飲得出佢可能係用左靚嘅鹹柑桔，同出邊飲嘅好唔同，一定要試

今次同朋友一行兩人, 去九龍城覓食,行下行下發現咗呢一間門面幾光猛,同好多人喺餐廳門口外面停低睇佢嘅餐牌嘅越式餐廳, 見咁多人停低睇下呢間嘢個餐牌, 咁我同我朋友都唔執輸走埋去睇下, 一睇發覺佢啲嘢幾抵食下, 咁我同埋我朋友就決定入去試下啦!餐廳室內環境一入門口嘅時候就留意到呢間餐廳嘅室內設計簡單但係好舒適, 餐堂裏面用咗四至五盞LED射燈向住高樓底嘅天花板射上去, 配合埋天花吊扇, 好有空間感!晚市套餐餐牌入咗去餐廳之後就好自然坐低然後就睇下佢個餐牌,發覺呢間餐廳嘅嘢食都唔係太貴而且性價比都甚高, 到咗呢個時候我同我朋友都進入咗一個好肚餓嘅狀態啦,就喺呢個時候畀我哋見到除咗普通餐牌之外佢哋仲有晚市套餐, 呢個晚市二人套餐份量都幾多下, 有一個小食,可以揀春捲或者雞翼, 正餐可以揀生熟牛肉河或者香茅豬扒飯, 仲有跟個炒時菜, 而今次用餐嘅時候就有得畀我哋揀通菜,芥蘭或者椰菜. 而呢個餐仲有跟甜品㖭, 甜品有得揀荔枝凍奶或焦糖燉蛋, 同埋熱飲兩杯, 而我哋就揀咗加$8要椰汁涼粉紅豆冰! 春卷即叫即炸夠新鮮，油份唔多炸到金黄色，皮薄多料，有豬肉，蝦，木耳，粉絲點一點魚露之後再用生菜包住黎食

放工同老公去九龍城搵野食，食得太多泰國野同西餐，今次想試下第二樣。行行下見到有間越南野，都不失為一個唔錯既選擇，可以為我地月尾既蜆港次旅做好準備。一入去見到裡面裝修好溫馨，掛滿鳥籠令人感覺好寫意。座位都好闊落，果個時段唔係太多人，好快就安排左我地入座喇。餐單選擇好多，但我地胃口不大。我地兩個人揀左三樣野食：生牛肉河、牛柳粒紅飯同牛油田雞。《生牛肉河》生牛肉河係我最鍾意既Vietnam food，必點。上枱熱辣辣、好香香料味，伴碟有青檸、生青紅辣椒同香草葉，可以按需要加入。我就重口味既，差唔多放哂所有配料落去。先飲一啖湯，好夠火候，有齊各重香料味，都有少少肉味，仲有淡淡藥材既清香。再食一塊牛肉，好鮮甜，係新鮮手切牛，值得加分。河粉切到薄一薄，又唔會輕易夾斷，都係好考功夫的。份量方面，牛肉有十塊以上，都算好足料；但河粉唔多，大食既男士要注意。《牛柳粒紅飯》呢個就係老公既飛佛，基本上都係佢既必點項目。價錢唔平，好彩上枱都夠份量。牛柳粒有好多，大大粒，甜中帶少少酸，幾惹味。紅飯帶誠意，認真煮過，但我地覺得可以再乾身少少。《牛油田雞》呢個不得了喇！我平時好鍾意食牛油雞翼，貪其重口味。估唔到呢度有

三哥剛外遊回來, 帶了很多手信給我, 好開心! 佢最喜愛吃生牛肉河, 我們便選擇了一家越南餐廰餐廳雖然人多但感覺舒服, 樓底高不會吵耳, 方便傾計談心餐牌食物豐富, 比一般越南餐廳多選擇!但我三哥的最愛: 生牛肉河是必食的湯底用了牛骨, 極之濃郁! 生牛肉肥瘦適宜, 新鮮嫩滑, 而生牛肉河美味之處是加了洋蔥、蘿蔔、芽菜、 香茜等味菜, 此外, 再送上一小藍 - 生的薄荷葉及香菜, 添加多少份量悉隨專便! 蒜蓉法包, 熱辣辣香脆的法包加上牛油及蒜泥, 香氣滿溢, 未吃已流口水馬拉盞炒芥蘭, 炒芥蘭是我的是愛, 芥蘭葉青細嫩, 馬拉盞這個味道亦非常的配合, 馬來西亞的鹹蝦味有一點點似我們的蝦醬但沒有這麼濃, 越食越好味! 薯仔燴羊膝, 這味菜泡製得非常之好, 醬汁配以薯仔紅蘿蔔, 不太鹹、不太甜、不太肥膩 = 剛剛好的味道 羊膝才精彩 - 不太騷味, 肉軟稔, 肋位的肉連肉汁, 我最喜愛的一味菜

九龍城的越南餐廳不少，我最喜歡新越，因為，不少越南餐廳，味精多，吃後渴得很！這裡的生牛肉河，湯頭甜，吃後不口渴。今天Honey點海南雞飯。雞肉不太滑嫩，飯也不算香口，只能靠醬汁提味。但是，配湯則不錯！少少辣，胡椒香，有蘿蔔片，清甜。Honey加錢點了越南滴漏咖啡，不錯，香濃！我一定點生牛肉河！湯底清甜！而且，牛肉片薄且嫩！配大量洋蔥和香草，清新丰富！！