Bella Shine (已結業)

觀塘收工 與同事小聚，地點都吾錯由地鐵站行過去4分鐘便到 餐廳裝修 以工業風為主 燈光暗暗 好舒服 岩哂放工同同事閒聊叫左兩個主菜另外+$88還有套餐（頭盤、湯品、飲料、甜品）🍮 價錢都算合理 頭盤是海蝦沙律 海蝦好大隻 上面淋了一些醬汁 酸酸的 非常開謂另外 餐廳做緊推廣 $15一隻生蠔 但最小叫4隻 生蠔非常新鮮 好有海水鮮味松葉蟹肉蟹膏汁煮意大利飯正宗意大利飯 飯粒分明 裡面有絲絲蟹肉配搭蟹肉膏汁 濃濃既鮮蟹味在口中排徊 不過見意同朋友share 食 因為份量太大碟 頂級美國肉眼扒12oz 配牛肝菌燒汁肉質堅實 脂肪比較少 無雪味 油花位香 味道方面 因為食材新鮮 所以沒有多餘調味 店家提供了牛扒醬汁 勝在大份 3-4人 份量亦很足夠 還搭配了薯角和沙律菜。整體餐廳都不錯 餐廳服務員都好細心 快手 環境安靜 舒服 😌 下次都會來

上次食完之後已經好想再嚟食啦今日放工之後終於同朋友一齊嚟再食生蠔同甜品首先我哋叫咗個軟殼蟹沙律，其實兩個人嚟講份量都有啲多，不過都好脆好好食！我哋仲叫咗飯松葉蟹膏意大利飯，雖然意大利飯唔係我最愛，但係好香蟹味，而且飯既軟硬程度岩岩好。我見生蠔仲做緊優惠，叫四隻嚟食住先，而食西餐一定會叫嘅仲有薯條呀～身為芝士控，緊係食芝士煙肉炸薯條啦～店員見我哋落左主食，仲提我哋鋪頭做緊優惠，加1蚊可選擇餐牌上既食物，所以我哋追加左份清酒煮蠔呢～最後仲叫左份柚子鬆餅，啖啖都有柚子味，又香軟，好少鋪頭甜品同主食都咁好食~下次生日飯要再嚟食過!

已聽說過觀塘有很多商廈，有高質素的西餐，今次就試其中一間，可能早下班原故，來到時候只有一兩張枱，可以自行選擇想坐的位置，與友人就選擇了一角的位置，比較舒服一點餐牌見到都頗多選擇的！花多眼亂，出現選擇困難症，最後好辛苦選了以下三款🌟松葉蟹肉沙律配胡麻汁🌟$88很足料的松葉蟹，不是零碎的，再配埋胡麻醬，無得輸🌟蒲燒鰻魚海膽忌廉汁扁意粉🌟$108鰻魚是以條狀方式上碟的，不是切粒的，這個價錢來說，相當抵食，還有鋪滿了滿滿的紫菜，賣相好吸引期間限定的新鮮生蠔，只需$10咋！🌟西京燒銀鱈魚配紅菜頭乳酪汁🌟$168忘記了已經點了鰻魚意粉，主菜又點了銀鱈魚，魚，全部都係魚銀鱈魚對比鰻魚就滑身很多，都好好食！還配有一塊橙肉，辟除魚腥味。

1. 岩鹽焦糖厚焗鬆餅（$58）🍯鬆餅好厚，而且非常鬆鬆，配上焦糖，好似食緊充滿香濃焦糖嘅海綿，加上雪榚，又熱又凍，口感超豐富🤤彤樂評分：8.5/102. 脆焗德國咸豬手配蜜糖黑椒燒汁（$198）🍖製作需時，所以如果大家叫可以一入去叫左先，份量好多，兩個人都食唔晒，豬手外皮好脆，入面好厚肉之餘又有少少肥膏，不過有少少硬，但配上蜜糖黑椒汁，感覺會好好多😁彤樂評分：7/103. 生蠔（$10/1隻）10蚊一隻嘅話算好抵食，而且又可以無限任食， 生蠔唔算好火大隻，不過食到少少海水鹹味之餘又有鮮味，算係幾物超所值！彤樂評分：7.5/104. 鹽燒牛舌（$68）牛舌有4塊，塊塊都好厚實，食落唔會乾柴，經過鹽燒，味道更突出，不過略嫌有少少韌🙈彤樂評分：7/105.軟殻蟹天婦羅咸蛋黃扁意粉（$118）🍝軟殼蟹天婦羅炸得好香脆，同混有濃郁鹹蛋味道嘅扁意粉好夾，而意粉軟硬適中，味道好突出，唔錯！彤好評分：8/10

今晚黎左觀塘食Bella Shine兩個人食無得叫到成枱都係野食先黎一個松葉蟹肉沙律配胡麻汁諗住前菜會細細碟 黎到既時候先發現份量可以係四人份呢我地仲點左四隻生蠔 因為做緊推廣所以優惠價$10 一隻 好新鮮呀仲有軟殼蟹天婦羅  熱辣辣好脆等左一陣再上埋輕煎日本帶子黑松露意大利飯平時我就對意大利飯無咩興趣 不過未送到黎已經聞到好香!!最後緊係唔少得甜品 朱古力餅葡萄雪葩窩夫見到廚師係度烤緊個窩夫 好期待呢食落唔會太甜 而且雪葩都好好食!下次可以叫埋朋友一齊再黎食呀~

豬太郎自從無喺觀塘返工已經好少嚟呢邊食飯～今日同家姐行apm決定喺附近啲工廈食啲嘢😗呢間Bella Shine環境好舒服！同朋友坐耐啲傾計都無問👍🏻👍🏻仲可以見到廚房準備！即刻有一種好安心嘅感覺😽❤️#輕煎日本帶子黑松露意大利飯 $128超級推薦！一放低已經聞到黑松露嘅香味😽食落好creamy!啲飯煮得啱啱好!最驚食risotto煮到好硬同粒粒分明(根本炒飯)，帶子輕輕煎過唔會乾晒👍🏻👍🏻👍🏻，唔鐘意食risotto嘅家姐都大讚好好味！龍蝦湯加咗$88 upgrade 做套餐仲有埋餐飲、餐湯同指定甜品(加錢轉其他一樣得😏)湯入面帶粒粒龍蝦肉～湯味好濃郁！#生蠔 優惠價$10見到menu發現有$10生蠔～即刻試吓佢！唔會好細隻～價錢合理得嚟仲非常新鮮！唔敢食生蠔可以先配檸檬汁食～易入口夠晒清新！#松葉蟹肉沙律配胡麻汁 $88前菜仲揀咗個沙律～貪佢有啲蟹籽同蟹肉～食落口感好豐富！值得一讚係沙律菜食到底唔會有水～廚房做事夠認真👍🏻#軟殼蟹天婦羅 $78唔好睇佢得兩隻咁少！大隻兼厚肉！即叫即炸熱辣辣食最開心！#朱古力餅葡萄雪葩窩夫 $58明明食到好飽🙄家姐堅持完美嘅晚餐需要食甜品～well咁就揀

觀塘依家已經係九龍東嘅中心點，人流之多真係可以媲美油尖旺😱簡直係兵家必爭之地💪🏿💪🏿我知道有好多有實力嘅食肆，都進駐咗觀塘嘅工廠大廈入邊，今日同朋友試咗間fusion菜叫咗個dinner set佢個龍蝦湯真係冇得頂，飲得出係用咗大量嘅龍蝦殼去制作，🦐味非常濃郁真係唔捨得一大啖飲晒佢，要細細淡咁去品味佢當中嘅鮮味我平時食開嘅鵝肝蘇味比較重，但今次呢個凍鵝肝蘇味比較少，質感唔會太林，入口即溶，好似食緊一件雪糕一樣加上黑魚子嘅鹹味，更加能帶出鵝肝本身嘅鮮味怕蘇嘅朋友一定啱食，因為依塊羊扒只係有好輕微嘅蘇味，建議大家叫七成熟，因為羊太生嘅話又冇乜羊味，肉質嫩滑，有肉汁味道好清新甘甜，並帶有淡淡嘅蘆薈味總括來講，菜式有新意，將唔同嘅菜式結合並且味道好夾，一定會再試

夜晚又嚟到觀塘工廈發掘新美食。呢度侍應服務幾好㗎， 得返半杯水，侍應就斟水俾你。食物嚟講有西式又有日式，我今日就揀咗全日式。 本來諗住輕食，點知叫下叫下又叫多咗! 啲蠔好抵食，十蚊一隻，幾新鮮吖! 胡麻醬味道同分量都好夠，同啲沙律菜撈埋啱啱好。 呢一個我冇order到，原來侍應話係送㗎喎! 好啱吖，可以俾我送沙律食。 銀鱈魚好滑，有少少甜味，而佢可以配香橙食，可以配薯仔食，又可以配紅菜頭食，撈埋啲炸咗嘅蔥食又得。 鰻魚都幾大塊，好多汁，而意粉煮得有少少硬度唔錯。

同好友難得一齊放假，佢話呢間餐廳早去做折扣，所以約我一齊食，手1800左右到場，大廈在APM後面，位置都好易搵，門口係三廠走廊，門口裝修幾靚，入內裝修幾舒服，木紋加草皮，桌椅唔迫，最吸睛門口嘅兩組盔甲！朋友問清楚可以主餐牌散叫食物半價（用某apps)餐包（免費）蒜茸包烘得鬆脆，蒜味香微辣，好味！生蠔半打（$10/隻）生蠔較瘦，幾鮮有海水味，不錯松葉蟹肉沙律胡麻汁（$44/半價價錢）蟹肉絲多，加卜卜脆蟹籽，蔬菜片撈過胡麻汁，無澀味又濕濕地不失爽脆，好味！海膽醬燒龍蝦半隻（$64/半價價錢）賣相靚龍蝦肉嫩，海膽焗過無乜味，三文魚子新鮮，幾好味！（上枱比晒工具開蟹鉗濕紙巾，窩心）蒲燒鰻魚海膽忌廉汁扁意粉（$54/半價價錢）好大塊鰻魚，自己唔太喜歡食鰻魚，但呢塊鰻魚厚身燒到出晒油脂，醬汁入晒味，嫩滑好味（不過都幾膩口）意粉有咬口，醬汁薄身唔膩，加埋蘆筍同黃椒炒，爽口清爽，平衡到鰻魚嘅膩，好味！西京燒銀鱈魚配紅菜頭乳酪汁（$84/半價價錢）賣相好靚，鱈魚煎得好脆皮，肉質嫩滑唔腥，簡單灑啲胡椒鹽已好好味！墊底薯仔片稔口！紅菜頭汁上放滿蔬菜粒，新鮮爽脆！好好味朱古力餅、葡萄雪葩窩夫（$58）賣相好靚

太太要OT，我去接她放工，於是就在附近的觀塘區晚膳，她提議這間就在附近而她也曾經試過的餐廳。由於一放工就過去，所以一進去就有位。餐廳是走日式西餐的路線，現時在觀塘區甚至全港都如雨後春筍般發展，尤其是在觀塘，即使是在工貿大廈甚至是工廠大廈，很多都是年青人創業的目標，而走的也多是中檔路線，不要再停留在以前的年代，以為工廠區價錢就會便宜。租金平是便於創業，現在是要觀乎餐廳的質素是否物有所值。餐廳是以半開放式廚房的型式，你可以看到他們備餐的情況，廚師及店員都是很年青的，服務態度不錯。我們點了一客鹽麴法國黃春雞配蜜糖芥苿燒汁($178)，一客輕煎日本帶子黑松露意大利飯$128)，另加$88可以轉套餐，加多有清酒日本生蠔及西班牙風乾火腿伴煙燻溏心蛋作頭盤，餐湯就是甘笋薑藍青口濃湯，甜品就有紅豆抺茶奶凍及和菓子伴雪糕，以及餐茶，似乎幾吸引，但太太恐怕太多吃不了，後來就只有一客轉套餐。先來的是甘笋薑藍青口濃湯跟麵包上，湯底夠濃，喝得出甘笋及薑味都很重，味道不錯。湯面放了幾粒麵包粒，但湯裡藍青口就得一兩粒。跟著上來的是頭盤的清酒日本生蠔及西班牙風乾火腿伴煙燻溏心蛋，清酒日本生蠔的蠔不大，可以放在小杯內，

今日揸車嚟到觀塘聽講觀塘嘅工廠區有好多好嘢食所以我喺附近睇完戲就過咗去觀塘到食嘢咁係工業區都有好多好嘢食今次我就揀咗間任食牛扒嘅餐廳我本身都好鍾意食牛扒所以任食牛扒對我來講係好吸引鋪到其實一入到門口就見到一個好得意嘅士兵裝修入到去間鋪頭其實都幾大座位之間都唔算太迫一坐低我哋就叫咗兩個任食牛扒餐個任食牛扒餐會送多一個主菜俾你應我就叫咗帶子risotto 同烤羊架估唔到個Risotto真係好好食原本以為係配菜嘅risotto估唔到帶比我有驚喜依個烤羊架都烤得啱啱好至於係底嘅薯蓉就不過不失喺餐前佢會送一個蒜蓉包同埋餐湯俾你蒜蓉包都幾香蒜味湯呢就冇咩特別由於係任食嘅關係主菜嘅任食牛扒梗係唔少得啦雖然佢唔係好似和牛咁入口即溶但系我覺得牛扒嘅質素都真係唔錯唔算話好多根有啲似安格斯牛扒嘅感覺好有牛肉味淨係食牛扒梗係滿足唔到我啦我仲叫咗三隻生蠔$10/隻都ok味道非常之鮮甜不過如果可以大隻啲就更加好啦淨係鮮味都值回票價價錢都係$228/人我覺得都性價比高而且仲任食沙津添可惜我得兩個人食如果六個人就會送一打生蠔我都好想食夠一打HAHA

話咁快就12月, 係時候都要開始諗食乜, 傳統地覺得聖誕係應該要食西餐先應節雖然未必間間餐廳會咁早出聖誕餐, 不過我諗平時D餐都OK, 聖誕餐都有保證D!!______________________________佢呢度有set dinner, 本身已經跟左頭盤, 湯, 甜品你亦可以叫餐牌上既main dish再加$88 upgrade做set我今次就叫左唔係set既羊架再upgrade.🔹頭盤 - 清酒日本生蠔 。西班牙風乾火腿伴煙燻溏心蛋生蠔好鮮甜, 食落又唔係好重酒味, 隻蠔都幾厚肉, 配上爽口既日本海藻, 感覺好refreshing, 作為頭盤真係好開胃!.風乾火腿咸咸香香, 連埋超級溏心既蛋一齊食, 好好食, 超推介!.🔹餐包 - 香草牛油蒜蓉包大大塊法包上塗滿左香草牛油, 好香又焗得好脆身, 平時D餐一係細細件, 一係得一件, 呢度一個餐有兩大件, 岩哂我!!.🔹餐湯 - 甘笋薑藍青口濃湯飲落有少少似南瓜湯, 飲落仲有D 好幼既甘筍顆粒, 飲得出好真才實料, 好濃味同creamy! 仲食到一隻大大隻青口, 薑我又唔係好飲得出, 不過起碼唔唔會唔夾.🔹主餐 - 法式香草寶雲

少有地去觀塘啊 於是上網睇下發現Bella Shine搬舖重開新裝潢更有情調 兩人晚餐嘅好地方我地今次冇叫set dinner散叫左2個main course 再加錢upgrade($88)頭盤有#清酒日本生蠔，#西班牙風乾火腿配煙燻溏心蛋生蠔好肥美 配上清甜嘅清酒 好食至於火腿少少咸味 加溏心蛋 又幾特別主菜我地要左#輕煎日本帶子黑松露意大利飯 ($128)帶子好大隻 個飯好多菇菇 不錯另外就係#法式香草寶雲酥焗紐西蘭羊架 ($188)羊架七成熟 唔太羶 肉質頗嫩甜品有#紅豆抹茶奶凍，#和菓子伴雪糕P.S 而家加$10就有一隻生蠔 幾鮮味架_________________________裝修環境：✨✨✨✨✨服務態度：✨✨✨✨食物質素：✨✨✨✨(5個✨為滿分)價錢：$~250/1人________________________唔信我嘅可以自己去試試😂

2017.11.26 😊【工廈裡的高質西餐廳】食在觀塘香港的樓價、呎價真是貴得可怕😢隨著觀塘的舊墟重建 不少的工廠大廈亦改頭換面以致近年的Party Room、樓上鋪、食肆亦相繼選址開左工廈為的是呎價相對相宜 地方又更加廣闊這次來到的餐廳 雖然選址在工廈可是地點亦相當方便 就在創紀之城附近👪果然小店的空間感十足 適合朋友或公司聚餐站在大門的兩個盔甲武士就像歡迎客人般牆上掛著牛的小畫作 簡單介紹主打料理生蠔 $10/隻由於小店是新開 最近大推新張優惠生蠔都是$10一隻 而且無限量叫😈當然要豪一豪 來個半打做前菜吧雖然價錢經濟 蠔尚算新鮮 帶著微微海水味惟身型口感跟晚餐的清酒日本生蠔較瘦但整體上還不錯Dinner Set $308前菜：清酒日本生蠔 西班牙風乾火腿伴煙燻溏心蛋有時食生蠔都會害怕有陣陣腥味餐廳就巧妙地選擇搭配了清酒🍶酒的味道相配得宜 不會太過濃烈蓋過了蠔的鮮 餐湯：甘筍薑藍青口濃湯小店就有別於一般的餐廳都是以紅、白湯為主別出心栽地準備了冬日之選小妹還是第一次嚐試到這道口感相當豐富的湯起初還以為是南瓜湯可是仔細品嘗後卻發現加入了紅蘿蔔🥕很特別的味道主菜：薄燒日本鹿兒島A5和牛西