龍拉麵 (已結業)

今日好難得入到屯門 朋友仔話要帶我食拉麵禾雖然夜晚7點幾落雨濕濕 門口都有5-6個人排緊隊聽聞老闆係由車仔檔開始造起 而啲麵都係自己研製 係個好有心既廚師拉麵既款式唔多 只係有3款 白龍(豬骨湯) 黑龍(黑松露醬+櫻花蝦) 同 赤龍(擔擔麵湯)仲排緊隊 已經有店員會同你落定單既然係第一次食 當然就要試最普通既豬骨湯口味同時都可以選擇麵要爽啲/淋啲店入面既位置唔多 大概係坐到6-7個人大約等左45分鐘 終於可以坐低喇湯底冇味精 真係好清呀 麵質爽口而塊叉燒更加係精髓 厚厚既 夠淋身 又夠惹味加埋隻溏心蛋 真係好滿足呀

彼女對香港嘅拉麵一向無乜大興趣，因為無賣點嘅拉麵就同普通煮個公仔麵無乜分別 —— 直至彼女遇上龍拉麵！位於V City附近嘅小店，由美心西餅旁邊嘅天橋過對面馬路，經過財務公司，就會見到無論幾點都要排隊嘅小型拉麵店。店內只有6、7個位，排隊嘅時候，店員已經會比張咭仔你落定單，為嘅係：當你一坐低就有得食！三款選擇包括：白龍 —— 豚骨濃湯黑龍 —— 櫻花蝦黑松露醬赤龍 —— 擔擔麵湯每碗拉麵已經配有：叉燒、溏心蛋、紫菜、小木耳、葱、粟米亦可以自由加配更多配菜、叉燒、甚至麵底今次彼氏揀咗食黑龍，而彼女就揀咗白龍。先講黑龍，其實之前每次去，彼女都係食黑龍。因為本身就係黑松露嘅忠實FANS！白龍嘅湯底，加上黑松露醬同滿滿嘅櫻花蝦，食落好濃郁。喜歡黑松露嘅，一定唔可以錯過而當日彼女就食咗比較清淡嘅白龍，專心咁品嘗龍拉麵嘅特色叉燒！平時嘅拉麵店，應該已經將呢片叉厚分咗4片。但其實無返咁上下厚度，根本食唔到叉燒 燒完嘅香味！啖啖肉嘅口感，配合適量嘅脂肪，對彼女嚟講，送晒成碗麵就啱啱好喇 而平時唔鍾意食蛋嘅彼女，都要讚一讚呢一 粒溏心蛋！可能係選用日本蛋嘅原因啦，無嗰鍾蛋黃嘅腥味。不過彼氏就反而唔太欣賞

依間龍拉麵開左無耐，食過2次~經過門口已經覺得佢好有日本風味。店入面只係得麵食（3款拉麵+1款冷麵），無任何其他小食。💁🏻依間拉麵店應該幾多人幫襯，有次去到我夜晚去連冷麵都賣哂。兩次我分別叫左白龍同黑龍，個人覺得黑龍好食d，味道比起白龍淡，帶有櫻花蝦的鮮味，整體食起尼無咁濟。另外拉麵都有個人化選擇，可以揀少麵/走葱等等，連走油都得！因為第一次揀正常覺得有d油，我第二次去食就揀走油，個廚師就問我要唔要少少油，應該無油會影響口感/味道(?) 少油左覺得岩岩好😂另外有額外調味料！e.g. 辣椒油、芝麻比我地自己落。落幾多都得🤣鍾意辣又可以加多d！加完真係另一種風味~不得不提既就係依一塊叉燒！完全滿足到我食肉的慾望，勁厚身，而且半肥瘦，一咬落去d肉汁必晒出嚟，但又唔會太過油膩，總之塊叉燒真係成碗麵既主角勁正👍🏻之後依粒糖心蛋真係流心！！不過我就嫌佢太咸，不過我朋友話糖心蛋不嬲係咁。但我覺得食完之後成碗麵都好濃味，愈食愈咸，咸過左頭，要狂飲水，同埋會有d濟。總括而言，依間拉麵店都可以一試，會為左佢d叉燒繼續幫襯，但唔會有「好想好想黎依度食拉麵」既感覺。下次食會照走油，同埋叫佢淡味d~💁🏻

開咗咁耐，終於拎起心肝嚟試一試好唔好食平時長期都超級多人，原因全間店得七個位今日終於有幸等左10分鐘到就有得食小店可以揀嘅嘢食唔多，不過我認為拉麵湯底唔需要多最緊要好食今次同💁🏻‍♂️揀咗一個白色一個黑色試吓，店員話赤龍係辣既我嗰個係白龍，首先第一次食拉麵係有雲耳嘅，個湯真係超級清，可能我重口味啦要加七味粉同埋胡椒同埋芝麻先好食，面底係遍硬既，店舖外面見到佢寫咗不加味精不加雞粉，如果佢真係全部用真材實料整嘅咁都算唔錯嘅不過超級值得一讚嘅係個叉燒係超級好食，首先佢唔老，之後店家將佢兩邊都煎到好香，個蛋好流心，唔需要多講睇圖就見到如果你問我點解咁多人排隊，我自己認為一定係個蛋同叉燒💁🏻‍♂️叫左黑龍，勁多櫻花蝦，黑松露味不算太重，如果鍾意重口味湯底的人，應該不太適合總括嚟講，就憑佢個叉燒同蛋，都值既，湯底就不太適合我的口味，有機會再試下赤龍吧

前日午餐時間係德政圍落車，一落就見到呢間新開嘅拉麵，大大個招牌非常eye catching，見到最平嘅「白龍」都係$68 比平時嘅拉麵平少少就決定嚐下鮮。去到個陣都坐滿哂，係門口等左5-10分鐘先入得，坐低就好快有得食。碗麵一上枱，舊叉燒最吸引我，因為係啱啱燒起，仲見到面到有啲油脂泡沫，忍唔住就要食啖先。湯底同拉麵都係合格質素唔算特出。溏心蛋我唔鐘意全隻蛋上，切開一半一眼就可以睇到溏心，視覺上吸引好多。但一碗麵有一樣突出都好夠，由於塊叉燒太正，我食完碗麵再特登加$15食多塊。

早前經過看到還在裝修，今天再來已經有小小人龍在排隊。趁未吃東西，就排埋一份試試看。 招牌字形設定，讓我想起【龍珠】。難道老闆是龍珠的粉絲？ 拉麵店主打無味精、無雞粉，適合一家大細、健康之人。 每日限定150碗，夠霸氣。 為方便食客，點餐紙也一早貼在門口。 拉麵價錢不貴，跟紅橋那間有得fight。 店舖蠻小，只有7個吧枱位。但幸好大家也來得快、吃得快，不用等很久就可以入座。筷子也印有龍標誌，看得出老闆的用心。 白龍 $68 先試原味「白龍」。 拉麵麵質蠻有嚼勁，掛湯一般。豚骨湯底蠻濃，比平時吃的豚骨湯多了一份清甜。 叉燒肥瘦適中，輕輕火炙，帶點香脆。 溏心蛋不太入味但夠流心。 黑龍 $78 第一眼見到這碗黑龍，以為是來錯了。原來黑龍並不是黑色，湯底顏色只是比原味稍深色一點。 之前試過其他拉麵店的黑松露拉麵，覺得格格不入。但這碗黑龍另我刮目相看。 豚骨湯加上黑松露一起煮，兩者融合得很好，一點違和感也没有。淡淡黑松露味加櫻花蝦香，湯底更加香濃。 如果一定要選一碗，非黑龍莫屬。

新張時已有朋友介紹，無奈時間地點唔配合，終於搵到一日有時間去食5點幾到已經要排隊等位，原來全店只有7個位，難怪日日都排長龍啦，而且坐位比較逼，最搞笑係枱底會有個籃俾客人放袋，但我覺得佢整個鈎仲好啦，真係一個唔該就踩左落自己個袋拉麵口味只有三款，都合理嘅，得7個位、1個師傅，整太多花款反而難入貨，好易變左嘥野，但每碗拉麵得一件叉燒就覺得太少囉自助斟水，水樽內有青瓜、檸檬，飲落好似食緊沙律🥗好fresh麵好快就煮好，我地叫左黑龍白龍各一，我食黑龍，覺得湯底好濃味，飲落唔涸喉，但食唔到黑松露味，叉燒好淋好入味，都幾厚，最正係隻蛋，蛋白滷得夠色夠味，裡面又夠溏心，比霸嗎好食其實真係唔錯，只係要等好耐令我冇動力再幫襯