龍圖閣海鮮飯店

營業中

休息中

今日約咗幾位朋友敘舊，揀咗間中式酒樓，可以坐耐啲慢慢傾。酒樓主打懷舊菜。尖椒釀九肚魚尖椒釀鯪魚肉就食得多，釀九肚魚第一次試，比起鯪魚肉九肚魚軟滑很多，口感特別，加上天婦羅做法，另外被更加香脆。百花馬友蝦膠煎肉餅平平無奇的煎肉餅，加了蝦膠，令整碟菜式即時高貴左，而且馬友也增添了鹹香。懷舊手打蝦多士一聽就知心機菜，手打蝦膠又確係彈牙，多士做得好香脆。椒鹽排骨少少辣，幾香口，送飯一流。川式辣子雞川式做法，用咗好多配料用煲仔上，少少麻辣，好惹味，計也做得好嫩滑。菜遠琵琶豆腐食咗咁多肉類，清清地有菜有豆腐。琵琶豆腐做得不錯，好幼滑。

十月的一場慶生飯局。最為遺憾的係沒有帶酒。先要說明的是呢到係免開瓶費的。同時廚師落味重手。個人黎講如果有杯酒平衡下就一流。再者是晚所食既都係好岩送酒。無論係豪邁d開枝大啤定係開枝紅酒嘆下都十分岩KEY。先黎既花甲。該係成晚較平淡既一味。用上咸菜同胡椒帶出花甲既鮮味。花甲肉厚鮮甜。就是殼也厚。一人一只不太夠喉椒鹽白飯魚用上有手指尾般粗。大大條既白飯魚。火候控制得宜。外脆內滑。周不時係大排檔不是魚太細條就係炸過火變左魚乾。正如食友所講真係自己一個都拍得曬一碟。再黎就係一人一隻焗元貝。隻隻都有手掌咁大。用上葡汁去焗。釀料較咸而帶甘荀同洋蔥既甜。帶子位十分厚肉係濃濃既醬汁中現出佢既鮮甜。剛熟唔過火！如果可以襯埋杯爽身既PROCESCO就更好了。接住落黎既呢個煎肉餅可以算得上最讚既一味。馬友咸魚既梅香。蝦膠既爽口鮮甜。豬肉既油香肉味。三者完美融合。同時肉餅撻得夠身。亦煎得表面香脆。絕對係食唔停口。如果可黎埋杯SPICY重D既SHIRAZ。咁就爽YY啦。蠔鬆炒得夠乾身。香口野味。用生菜包黎食平衡左咸度。鴛鴦雞一面係蒜香炸子雞一面係貴妃白切雞。炸既一面皮脆肉嫩帶炸蒜既香氣。白切一面皮爽肉滑更見雞味。

放工後，來到位於尖沙咀近P3出口的「龍圖閣海鮮飯店」與友人們一同晚飯。店子以以其地道風味海鮮和小炒所馳名，還有提供多款原創菜式，看上去好像頗不錯嘛。餐廳環境，乾淨企理又夠光猛。.龍圖老火湯 (老黃瓜煲豬骨)先來一煲老火湯，整煲湯都係挺足料，飲落味道清清的很滋潤，很適合最近開始轉變的天氣。.高湯胡椒鹹菜浸花甲花甲size大隻肉厚鮮甜爽彈，高湯帶有胡椒味，雖然大家也說味道像福字麵的湯包，但其味道也不差。.手打百花蝦丸每粒手打蝦丸都炸至金黃色，熱辣辣的入口真係相當香口，而且蝦膠爽彈，蝦味濃郁。.百花馬友蝦膠煎肉餅馬友蒸肉餅就見過，煎肉餅都係第一次見。肉餅以蝦膠、豬肉和鹹魚所製，肉餅煎至香口微脆，入口帶濃郁鹹魚帶出的鹹香味，特別之餘又美味，回味無窮。.椒鹽白飯魚每條炸至脆身不油的椒鹽白飯魚，咬落酥脆，配上椒鹽的惹味，真係欲罷不能，食到停唔到，完全是一道很棒的佐酒小吃。.招牌鴛鴦雞「鴛鴦雞」包括切雞和蒜香燒雞，一道菜品嚐兩款不同的炮製方法，兩者的肉質食落都挺嫩滑，小妹就喜歡較香口的蒜香燒雞，夠晒惹味。.生炒蠔鬆生菜包先把蠔豉切碎，再加上冬菇碎等一同炒香，再把它放在生菜上包好同吃，咬落充滿陣陣蠔豉

因有兩位好友生日，有心人靜雞雞攪個飯局聚會，實質是為兩位好友慶生。地點在尖沙嘴，由各方都容易到達的地方，酒樓亦不乏有多年處理酒席或小菜之經驗，想吃得舒適、平實，這處最適合不過。龍圖老火湯，是老黃瓜煲豬骨湯，家庭中常喝之湯水，感覺溫暖、平實。咸菜胡椒浸花甲，花甲的花紋很特別，有異於其他貝殼，偌大的一隻，肉質鮮美，以咸菜和胡椒浸煮，微辣、咸香，墊底的粉絲吸收了花甲的精華，不可不吃。手打百花蝦丸，如乒乓球般大小，蝦膠以人手打琢，份外彈牙、有質感，蝦味鮮美，外層甘脆。百花馬友蝦膠煎肉餅，以馬友鹹魚打成茸，混在蝦膠和豬肉琢成肉餅，然後煎香，惹味非常，外層微焦甘香，鹹魚的深沉多層次的味道與蝦膠和豬肉相結合，轉化成另一種複雜的香味，非任何一種單一食材可煥美。椒鹽白飯魚，這道菜佳妙之處在於粉漿夠薄，炸過的白飯魚像披上輕紗籠，灑上惹味的椒鹽，鬆脆可口，令人一吃再吃。生炒蠔鬆生菜包，以切碎蠔豉，潤腸粒，冬菇粒等炒香，伴以炸米粉，吃時以生菜包著吃，十分滋味，愛吃蠔豉的我，愛其濃郁的蠔味和潤腸的油香，生菜可解膩。招牌鴛鴦雞，有蒜香雞和貴妃雞，整檯人民意結果，多愛蒜香雞，也許味道較濃，雞也嫩滑；貴妃雞，被比下去

參與友人的飯局，選址在我熟悉的尖沙咀，可是對帝皇廣場則感到陌生，在漆咸道上走了一會，編編找不著，離遠一看，原來廣場的入口不在漆咸道，其實廣場正正對著港鐵站其一出口，位置蠻方便的！步上扶手電梯，「龍圖閣」便在眼前。室內亮麗整潔，唯晚餐時間食客不算多，莫非位置真的不夠顯眼！菜式由友人發辦，先來一個老火湯，當晚是節瓜章魚豬骨湯。湯香不俗，味道溫純，從此湯調子大致可引出「龍圖閣」忠於原汁原味的風格。唯湯的熱度可稍為加強，尤其冬天將至，一口熱湯，不單令湯味提昇，更能令食客暖身，馬上加分！在街市的海鮮攤檔，經常見到不到的花甲，有的殼子厚身且花紋明顯、有的較薄，紋路灰暗；而花甲肉亦有不同之處，至於售價錢亦因而不一。當晚的花甲體型屬大，而且色澤鮮艷，相信質量不俗！隨即將花甲送口，花甲肉質厚身，質感爽脆、且鮮甜，沒令人失望！而新穎配搭的鹹菜胡椒湯底，則稍嫌味道較清，沒預期那般的惹味，或可考慮加強胡椒的份量！椒鹽白飯魚炸得通透乾爽，入口「卜卜」作響，夾隨適量的椒鹽，香脆惹味，是佐酒佳品！發現白飯魚炸後體型仍不少，原來「龍圖閣」買手每日從艇家入貨，揀手的新鮮的材料，絕不是一般行貨！對於這道炒蠔鬆，頗有新鮮感

人越大，越害怕過生日。記得在<生日快樂>中，古天樂在離開後還會和他最心愛的劉若英說一聲生日快樂，那刻的感動是自內心自然流露的。原因可能是人大了，知心好友越少，內向令自己害怕生日一天會孤獨渡過....不過，和別人慶祝永遠是高興的，特別是三五成群的慶祝，加上老朋友大多熱烈地彈琴熱烈地唱，就算歌聲不夠奔放也一定喜氣揚揚，今晚一班朋友聚一聚，加上有人生日，這一聚顯得特別有意義。這裡環境很適合大班人吃飯聚頭，環境安靜，地方闊落，價錢老實說不太貴，地點方便，尖沙咀實在沒法再多挑剔。由落單到上菜，快到不行，於今日的生日飯，是否暗嘆人生苦短呢？以自己的名字來做一個老火湯的名字，相信也是滿有信心的表現，就好那些老店，是一種氣勢的表現。龍圖老火湯，上既時候係一碗一碗，沒有那些傳統勁旅的氣勢，整大盎老火湯放於你面前，讓你想起楊采妮的那句經典不會哭於你面前，老火湯就在你面前。反而這裡的老火湯是一種含蓄的形態，老黃瓜和豬骨煲得入味，味道也不錯，但奇怪就是沒有老火湯的氣勢磅薄，在口中經歷那種無窮的材料化成的甘甜，是這個湯的弱點。身邊朋友卻很喜歡，難道是我因為沒有盎而影響了味覺？以貌取湯，還是先入為

是日與朋友一行10人來到尖沙咀聚會食晚飯，由識飲識食的朋友帶路！由於係星期一再加上朋友一早訂左位，所以即使係晚飯黃金時段亦無須等位！坐低傾2句，無耐就有老火湯飲跟住就係頭盤，黎到食中菜，不過唔好以為頭盤就一定燒味拼盤，今餐食既頭盤絕對不是省油的燈！第一味是咸菜胡椒浸花甲，胡椒味恰到好處，有辣味但沒有搶過花甲的鮮味！跟住呢個椒鹽白飯魚真係無得頂，聽小二講，佢地係用新鮮白飯魚整既，所以食落去特別香口！生炒蠔鬆生菜包，蠔鬆加上炸米粉，口感豐富！法式焗元貝，用新鮮元貝焗成，配以西式調味，一款幾有特色的菜式！百花馬友蝦膠煎肉餅，由於有蝦膠成份，所以比一般肉餅更加彈牙，外層煎到金黃色，非常香脆！咬落去，亦食到啖啖鹹香！送飯一流！招牌鴛鴦雞，一邊白切雞一邊蒜香脆皮雞，個人比較喜歡白切果邊，口感婌滑，雞味突出！咕嚕肉 - 甜酸味適中，由於個人好鐘意食咕嚕肉，本來諗住叫個白飯，但係比跟住個2個飯打消左個念頭跟住2個飯，不得不介紹，第一款籠仔荷葉蒸花蚧糯米飯，可能我孤陋寡聞，之前未試過花蟹配糯米飯，所以感覺幾新鮮，花蟹當然啖啖肉啦，溶入左蟹汁既糯米飯，更加係好食到停唔到口！不停添飯是常識吧！第二款臘味煲仔

一班老友記約埋我一起食飯，都馬上答應赴約，今晚我們相約在龍圖閣海鮮飯店食個飯、聚一聚。地方環境寬敞，坐的位置都好闊落舒適，餐廳地方都好優雅堂煌，裝潢帶點傳統。  發板點菜都是交番俾我老友負責...... 先來一碗老火湯，都好足料夠火侯，是日龍圖老火湯是老黃瓜肉排，味道都好鮮甜濃味，鹹度適中， 沒有添加味精，飲完個湯都晤會口渴。 高湯胡椒鹹菜浸花甲花甲王都好結實飽滿又大隻厚肉，食落都感到花甲好新鮮，用了鹹菜、老雞、金華火腿、豬骨和胡椒......熬成高湯，高湯的味好濃郁，味道充滿雞和金華火腿的鮮甜，同時有鹹菜的鹹鮮，高湯也沒有一點油花，可以放心大大啖飲下去， 最關鍵當然要食多些粉絲，它吸收了高湯鮮味精華，恨不得連湯一口氣喝光，不得不讚真是好味道。 椒鹽白飯魚炸得香脆金黃，炸漿都不會好厚，食落有點似薯條，香口鬆脆，椒鹽的味道份量恰到好處，值得推薦。 籠仔荷葉蒸花蟹糯米飯大花蟹肉的肉質都結實， 亦我想像中更鮮甜飽滿，糯米飯黏性足，香軟帶點煙韌，粒粒分明內有臘肉，約一斤半重大花蟹與糯米飯一同蒸，糯米吸收了花蟹的肉香，飯內都點蟹的鮮味，不足之處是個糯米飯炒得未夠乾身。 百花馬友蝦膠煎

回港已經差不多兩個星期,回歸工作mode,身心都很累,只有吃飯時才可以放空,今晚適逢其中一位食友生日,大夥兒出外吃飯慶祝今次,教父選了尖沙咀的龍圖閣海鮮飯店,交通方便,只是門口有點難找,人均消費都幾 Flexible,由百幾至幾百均有......相信香港人,大時大節都離不開一家人在酒樓吃飯,這家飯店都是考慮之列!一入門口,就見到大量之前訪問的剪報~一坐低,先送上 龍圖老火湯 (是日為 赤小豆扁豆豬骨老黃瓜湯)我覺得好好飲,同媽咪煲一樣味道,材料十足,平時我好少在街飲湯,因為怕有味精,但今晚我飲清~飲完老火湯,就來了咸菜胡椒浸花甲,花甲新鮮大隻,食落啖啖肉,沒有沙石,好滿足,咸菜胡椒湯有粉絲墊底,吸滿湯汁的粉絲好好味~貪心飲啖湯,即時覺得暖笠笠 ^_^接著就是 手打百花蝦丸,咬落啖啖蝦肉超彈牙,只是剛剛炸起好熱氣喔~~百花馬友蝦膠煎肉餅平時家裡吃肉餅都是蒸的吧?!這次煎也很香口,遠遠也聞到馬友的香味,入口外層是脆脆的生熟度剛剛好,肉質彈牙嫩滑,只是覺得比較油膩~招牌鴛鴦雞我個人喜歡左手邊的香蒜炸雞, 皮脆肉嫩,而且炸過都不會覺得很油膩旁邊的白切雞被比下去了~生炒蠔鬆生菜包我自己原則上就不