樂天皇朝 (利舞臺廣場) (已搬遷) 新店位置

🔸新年團年食咩好？🔸又到新年，又開始諗去邊到啱一家大細食飯？樂天除左傳統中菜，晚市仲有好多人氣點心，最出名就係小籠包😋料理精緻，環境舒服，同長輩後生一齊食都一定好滿意😎—— 烤麩 $58烤麩鬆軟，吸滿哂醬汁，甜甜鹹鹹幾好味，食完真係打開咗嗰個胃咁，做前菜啱晒—— 蘿蔔絲酥餅 $48肉眼都見到炸得好有層次，外脆內軟，酥皮輕盈又唔油膩，蘿蔔絲帶有自然清甜，切得好幼，口感細膩—— 蔥油餅 $40外層金黃酥香，內餡塞滿晒蔥，鬆軟細緻，啖啖都有蔥嘅鮮香味—— 李白醉雞 $88酒味濃郁，每件雞都可以食到酒嘅香味，雞皮爽彈，肉質滑嫩。可以另加$10轉雞脾✅—— 皇朝小籠包 $142餐廳招牌必試！每款食落都成功還原到個口味，仲會教你跟住順序由淡食到濃，比較特別嘅係鵝肝同芝士，同小籠包一齊又幾夾🤣唔會太濃味，每粒都充滿肉汁，好鮮甜—— 重慶水煮魚片 $208色香味俱全！鮮嫩魚肉配上辣椒同各種香料調味，底下仲有大量薯粉芽菜木耳，超惹味😋辣度可自選，唔食得辣嘅人都可以食到小辣👍🏻—— 皇朝擔擔拉麵 $68湯底好香花生味，撈底仲會見到唔少花生粒，辣到似譚仔5少辣😂但嗰種辣係食完好快過，好過癮；拉麵有嚼勁掛湯👍

歐遊回來，不想再吃西餐，星期二和老公一起到銅鑼灣樂天皇吃午餐。茶位費每位$10，小食每碟$15，另收加一。特色皇朝小籠包(八色)口味有原味、糟溜絲瓜、鵝肝、黑松露、芝士、蟹粉、蒜香、川味八種，有一張紙條教你如何順序吃小籠包，小籠包皮很薄，每種口味各有特色，特別是原味、黑松露和川味很搭。紅油鮮蝦豬肉抄手拌麵抄手包蝦仁還挺好吃的，拌麵味道很香，帶點麻。皇朝擔擔拉麵拉麵很滑，擔擔麵有花生碎粒，吃起來更有口感。

一早有聽聞呢間餐廳嘅招牌皇朝小籠包，於是前幾日約埋朋友一齊去試下。餐廳環境古色古香，整體帶中國風嘅裝飾。餐廳格局比較像酒樓，所以都見到唔少朋友親人聚會，共聚歡樂時光。一坐低就會提供一壺普洱茶同小菜栗子花生。<蘿蔔絲酥餅> $45酥餅入面嘅蘿蔔絲晶瑩剔透，以為會好脆身喇，其實口感酥香軟糯。<無錫鮮肉鍋貼> $38鍋貼共有三隻，外脆內軟，咬落去汁香四溢。如果外皮可以再薄啲會更好!<皇朝擔擔拉麵> $65顏色橙紅，略有青蔥絲作點綴。麵質偏軟，都幾索汁，辣味突出，花生醬香氣不太明顯。<特色皇朝小籠包（八色）> $138呢個特色小籠包喺我哋今次嚟嘅主要原因。小籠包顏色鮮豔繽紛，八種唔同味道，分別為原味、糟溜絲瓜、鵝肝、黑松露、芝士、蟹粉、蒜香及川味，餐廳建議由原味開始，並由最重口味嘅川味作結。各款小籠包味道都相當還原，加埋薑絲同醋一齊食，更突出小籠包本身嘅鮮味。

一直都好想試樂天皇朝的八色小籠包，大鄉里今日終於試到了！先唔講食物，想讚讚樂天皇朝的華麗中國夙裝潢先，入到黎好似去了古裝片的拍攝場地咁有蓮花水池、紅燈籠、皇袍、戰袍等等，真係好有'穿越'feel~仲見到以玻璃隔著的開放式廚房，即叫即做小籠包及點心，好有heart!食物就試了...特色皇朝小籠包（八色）$138一次過試晒全部口味的小籠包，最驚喜是黑松露味、蟹粉味及鵝肝味，夠晒濃味，我中意上海炒飯$93一上碟見到好深色以為中伏會好咸，好彩食落唔咸而且好多餡，有蝦、茶粒、肉粒，口感豐富皇朝擔擔拉麵$65喜歡吃辣的朋友不要錯過，真的幾辣，但無搶到花生味，兩者平衡到真係正宗上海口味的擔擔麵熱豆漿$22當天天氣急降，叫了杯熱豆漿暖暖身，想不到真係熱到出煙，熱豆漿就是夠滾先好飲總結︰開心的一餐~好滿足

樂天皇朝係訂座平台個優惠兩點半後先有未夠鐘食就係時代廣場附近9行下先過格離利舞檯食野呢度有間U記旗艦店不過就第一次上去原來都幾多野食去到門口先見到其實佢餐廳本身下午茶時段就有自帶五折優惠唔洗訂座平台 book都得門口有張圓梳化可以等位樂天皇朝就係好出名七色小籠包果間餐廳我都係睇過下先知原來係新加坡集團研究完就覺得同鼎泰豐有d似都係係賣小籠包賣到全世界有好多分店而家係香港總共有五間分店之前都有去過旺角雅蘭果間不過見銅鑼灣呢間好似有個水池威d又有半價就想試多次入門口就有個半開放式廚房見到師傅整小籠包都已經係而家連鎖小籠包店既基本設計黎入面太暗個水池就係餐廳中間兩邊梳化位之間不過我地就安排坐窗邊既二人位個位就有D窄不過身後有置物籃坐低就已經有茶同小食兩樣都要收費餐牌都用左成兩頁黎介紹小籠包既咁小籠包同粵式點心有d唔同基本間間都話自己手工做既樂天皇朝就話每粒都有18摺同鼎泰豐一樣咁最大特別就係除左原味之外仲有另外七種顏色拉麵都吹到自己好大豬骨湯每日燉足十二個鐘我就無試到落單係寫紙仔本身已經夾住左張七色小籠包既順序食法話說我好鍾意食擔擔麵黎到呢種食川滬菜既地方我就一定會叫番碗黎食但呢碗野真係幾失

八隻色嘅小龍包，聞名已久，今天襯放假和先生去試下。一步入餐廳，典雅的裝潢和音樂讓人如置身宮廷。每日下午兩點半至五點內下單，有五折優惠。無錯！係五折呀！食物精緻、環境舒適，五折埋單，非常化算。皇朝小龍包八隻小龍包，八種顏色和口味，按指示由淡至濃來食用，由原味到川味，逐粒放入口，每一隻都味道分明，湯汁清甜飽滿，皮薄不破，摺痕清晰，小龍包都變成藝術品了。皇朝擔擔麵這碗擔擔麵花生醬味不重，肉碎炸菜等配料亦不多，主角完全在麵條和湯底上，麵條屬拉麵，細滑口感好，豬骨湯底香辣惹味，不覺油膩。雪菜黃魚煨麵奶白色的魚湯，鮮美濃郁，魚肉幼滑，可以慰藉心和胃的一碗麵。如果雪菜多點就更好了。

𝗴𝗲𝘁 𝘆𝗼𝘂𝗿 𝗳𝗶𝘅 𝗼𝗳 𝘀𝗵𝗮𝗻𝗴𝗵𝗮𝗶𝗻𝗲𝘀𝗲 𝗳𝗼𝗼𝗱 𝗵𝗲𝗿𝗲! 𝗶'𝗱 𝗵𝗶𝗴𝗵𝗹𝘆 𝗿𝗲𝗰𝗼𝗺𝗺𝗲𝗻𝗱 𝘁𝗵𝗲𝗶𝗿 𝘀𝗽𝗲𝗰𝗶𝗮𝗹𝘁𝘆 𝗱𝘆𝗻𝗮𝘀𝘁𝘆 𝗿𝗮𝗶𝗻𝗯𝗼𝘄 𝘅𝗶𝗮𝗼 𝗹𝗼𝗻𝗴 𝗯𝗮𝗼. 𝗶𝗳 𝘆𝗼𝘂'𝗿𝗲 𝘀𝗵𝗮𝗿𝗶𝗻𝗴 𝘄𝗶𝘁𝗵 𝗳𝗿𝗶𝗲𝗻𝗱𝘀, 𝗱𝗼 𝗴𝗿𝗮𝗯 𝘁𝗵𝗲 𝗳𝗼𝗶𝗲 𝗴𝗿𝗮𝘀 𝗮𝗻𝗱 𝘁𝗵𝗲 𝘁𝗿𝘂𝗳𝗳𝗹𝗲 𝗼𝗻𝗲𝘀🫢.記得啱啱出八色小籠包果期個個都爭住去食，我又係等到熱潮過哂先去～ 建議由淡味食到濃味，分別有原味、絲瓜、鵝肝、黑松露、芝士、蟹粉、蒜香、川味，當中最出色一定係鵝肝，果種鵝油香同豬肉鹹香配合得剛好～ 另外試咗幾款包點同麵食都唔錯定價又唔貴，裝修得華麗又坐得舒服，聚餐一流🥂

今日同朋友想食小龍包，就諗起樂天皇朝喇。<蘿蔔絲酥餅，$45>蘿蔔絲酥餅雖然無金黃色嘅外表，仲以為會唔係太好食。點知食落係絕對驚喜！岩岩炸好，熱辣辣，酥餅好鬆脆，餡料充滿juicy嘅蘿蔔絲。<蟹粉小籠包6pcs，$138>原本諗住嗌八色小籠包，但一嚟驚太多食唔晒，二嚟無得大家都試同一款味道，所以我哋最後就決定蟹粉小籠包。個皮好薄，入邊充滿晒湯，好好味。蟹粉味道都重，不過我個人偏好原味。<重慶紅油鮮蝦抄手，$78>呢個紅油抄手唔算太辣，但又幾惹味。仲要有得揀鮮蝦雲吞，好味。<糖醋魚片，$98>無骨嘅魚片好好食，仲有酸酸甜甜咁，好開胃。<皇朝擔擔拉麵，$65>擔擔麵都幾好食，味道好夠，不過拉麵略嫌腍左少少。整體而言，我都好推介大家食樂天皇朝，食物質素不錯，價錢唔太貴，性價比都幾高。

樂天皇朝呢個名好耐以前已經聽過，佢嘅八色小籠包傳到沸騰，而我偏偏係佢嘅名聲無咁響之時去試，因為覺得咁樣先試到真材實料！地理位置非常方便，銅鑼灣A出口一出過條馬路就會到利舞臺，然後再搭lift上去就到去到稍等五分鐘就有位，其實餐廳入面好大，我粗略估計有大概四、五十張枱，所以都一定要多店員先可以應付咁多人嘅需要撈拌海中寶我會形容佢為加強版嘅涼伴海蜇，佢比起平時大碗咗好多，等同於一碗麵嘅份量，然後醬汁亦係比平時更濃烈，酸味加強咗，入面仲有啲魷魚係到清炒白菜苗簡單嘅一道菜式可以睇廚師嘅功架，白菜苗無炒得太老亦都無太生，保持到爽脆無錫鮮肉鍋貼睇到呢款係啲人話必叫嘅，所以叫咗一碟嚟試下。咬落去塊皮厚度適中，一咬開就有少少汁漏出嚟，當然未去到爆汁情況，入面舊肉正正常常皇朝小籠包一共有八款味道：原味、人叄、鵝肝、黑松露、芝士、蟹粉、蒜香、麻辣。有一張字附上，寫住建議大家跟次序食，由原味食到麻辣，因為味道一種比一種濃郁。其中最濃郁莫過於黑松露同蟹粉！食完成個口腔都充滿住陣味道豬骨湯鮮肉卷拉麵兩款拉麵都係食小籠包時上咗菜，於是攤咗一陣先食，未能夠食到新鮮熱辣嘅味道。湯底清甜，唔係濃郁個種，麵條稍稍煙韌，鮮

我今次是慕名前來樂天皇朝的，因為聽聞這裡的食物水準很高，所以決定一試。今日是星期三，平日的晚上，我入座時已經是八時，竟然座無虛席，可想而知這裡的受歡迎程度。樂天皇朝位於利舞臺6樓全層，只聽名字都覺得好有氣派，果然佈置典雅，裝潢甚是講究，一入門口便被中間的水池吸引了視線，水池擺放了水蓮燈。在昏暗的燈光襯托之下，更加如幻似真。可惜自己沒有早些到來，否則可以坐近水池旁的座位就更有氣氛。樂天皇朝以小籠包出名，特別是八色小籠包，更是令很多食客慕名而來。但我和朋友都是鍾情原味小籠包，所以今次都是先吃原味的。小籠包來到的時候，每一個都是大小均勻，我急不及待把外皮咬了一口，真是皮薄如紙，跟住喝了湯汁，肉汁湯的鮮味湧進嘴裏，好潤、好香、不油膩、真是好吃得簡直是無法形容呀!蘿蔔絲酥餅，條紋的酥皮做得很細緻巧手，我顧不得什麼形象，先輕輕地吃一口，感覺外皮香脆、鬆軟，裏面的蘿蔔絲一絲絲、軟綿綿，清香爽甜，令人停不了口， 絕對是極品小吃。紅油鮮蝦抄手較為特別，所以叫來一試，果然冇令我們失望，鮮肉配搭鮮蝦更加美味，配上紅油立刻令人胃口大開，回味無窮。京醬肉絲配薄餅，肉絲肉質細嫩配上京醬，惹味可口，肉絲份量很多，再

一直想試樂天皇朝的八色小籠包, 但不想到旺角跟人逼, 更不想特意由九龍坐車到銅鑼灣。不過, 最近長期在銅鑼灣工作, 可以不用坐車就能品嚐呢！吃上海菜, 小籠包不可少, 必點的是樂天皇朝的名物 - 八色小籠包！另外還點了擔擔麵, 揚州炒飯和宮廷驢打滾。八色小籠包每人挑了4款味道, 黑松露和芝士味道小籠包的松露味和芝士味都不夠突出; 麻辣味不錯, 但可以更好, 如果更辣會更惹味; 鵝肝味道很濃但不會膩, 亦算不錯! 男友試了餘下的味道, 意見是人蔘味很怪, 蒜香味跟原味的味道沒大分別, 蟹粉味有點腥, 總括就是覺得這兒的小籠包普普通通。皇朝擔擔麵湯跟麵分開盛載, 防止麵條浸淋, 很貼心! 麵量對女生來說剛好。擔擔麵湯底味道尚可, 很香麻醬味道, 可惜未夠辣, 更辣會更呢！整體普通。揚州炒飯男友不太滿意, 說炒飯味道不夠好。宮廷驢打滾賣相不差, 味道不錯, 紅豆蓉不會太甜, 但口感麻麻, 太軟了！總括而言, 食物水準大致是可以的, 不過不失吧！如果讓我選擇, 還是X翠拉麵小籠包為首選。

難得星仔過黎藏友想見下佢, 就約左今晚飯聚雖然係平日夜晚但晚市果然比中午多好多人星仔19:00黎到攞籌我地最後都都等左半個鐘倒先可入座其實一個月前先同同事第一次黎食lunch黎食晚飯都係第一次難得一行六人, 可以試多d野, 睇下有咩好食先(星仔話最好食都係小龍包因為香港店平過新加坡店所以佢建議一人一籠小龍包加個拉麵我地當然ban左佢XDDD)首先來個鍋貼一碟6隻, o岩o岩好可以一人一隻食落外表唔算好薄不過入面都幾多料豬肉好香, 仲有肉汁, 唔會乾巴巴, ok李白醉雞 ($68)碎雞整到一座山咁, 幾得意雞肉都幾滑不過就唔係好夠酒味如罵酒味再重d就正撈拌海中寶 ($68)入面有海蜇, 蝦, 魷魚海蜇好爽口, 蝦都新鮮, 肉質彈牙魷魚都有嚼勁上海炒飯($68)炒飯都炒得算乾身軟硬適中, 都唔錯入面有蝦, 豬肉粒, 蔥花豬骨湯鮮肉卷拉麵($58)入面有豬肉卷, 流心蛋, 蘿蔔, 海帶, 小唐菜豬肉卷切得薄薄地, 都幾滑流心蛋真係流, 正蘿蔔好林, 冇渣, 正不過湯底就比較清淡, 唔係好杯茶拉麵本身質地都係少少林而我比較鍾意彈牙的麵質所以我覺得普通皇朝擔擔拉麵 ($48)湯底好濃烈o既花生味

店名：樂天皇朝地址：銅鑼灣波斯富街99號利舞臺廣場6樓好味指數：8.5／10價錢：$88／8粒皇朝小籠包小籠包包含八種口味，而進食次序也相當講究，由淡至濃，先吃原味>人參>鵝肝>黑松露>芝士>蟹粉>蒜香>麻辣。小籠包即叫即蒸，夠熱辣辣。肉汁多，味道亦不錯，尤其黑松露，味道濃郁。個人認為不用添加黑醋，因太濃而蓋過了本身味道，還是原汁原味吃比較好。開心share:現一至五3-5光顧，大量食品都可以享有半價優惠。店名：樂天皇朝地址：銅鑼灣波斯富街99號利舞臺廣場6樓好味指數：7.5／10價錢：$48皇朝擔擔拉麵擔擔拉麵配上辣芝麻和花生，湯底濃而不膩，沒有辣味，麵條粗滑爽口，份量約有4小碗。開心share:現一至五3-5光顧，大量食品都可以享有半價優惠。店名：樂天皇朝地址：銅鑼灣波斯富街99號利舞臺廣場6樓好味指數：7／10價錢：$32／3粒無錫鮮肉鍋貼鍋貼皮較厚，煎得不夠香脆，只有底部略略煎過。肉質不錯，肉汁亦鮮甜，但由於皮太厚，影響整個感覺。開心share:現一至五3-5光顧，大量食品都可以享有半價優惠。店名：樂天皇朝地址：銅鑼灣波斯