Goobne Chicken (The Hart)

營業中

休息中

好耐都冇食過呢間炸雞連鎖店Goobne Chicken 啦，今次再同朋友嚟呢到食晚餐，睇吓水準有冇變到先～辣椒脆烤雞💰HK$208外皮烤到好薄好脆口，內裡雞肉嫩滑，辣味係夠濃嘅，但整體唔係好有味！下次都係食返其他經典嘅炸雞比較好～凱撒沙律💰HK$108沙律好大碟，係好好嘅消滯良品～砂鍋魚糕湯💰HK$158魚糕湯辣味夠重，仲有可以一次過試哂好多款唔同嘅魚糕～生啤💰HK$150生啤做緊買二送一優惠 ，好抵飲～

約左好久的閨蜜晚餐我哋選擇咗係尖沙咀嘅赫德道，地方就腳，靜靜地傾吓計好過Bar restaurant😌呢度環境好韓國feel，店員都好親切，細心今晚落雨，店員安排左我哋坐窗邊，一路食嘢一路講近況，好舒適好有意境，為整頓晚餐增添左色彩點了一碟蜜糖咖哩烤雞，放在桌上，好似一件藝術品，肉質很滑，很香口，蜜糖味甜度剛剛好，帶小小咖喱幑辣，連唔食辣嘅都接受到另外再點左砂鍋魚糕湯，賣相很得意，色彩繽紛繽紛，各種唔同嘅魚肉都有，個湯好鮮甜我哋飲咗大半咁多肉當然要點返個沙律中和下，好大一盤，真係物如其名，成件盆栽藝術品咁，有少少唔捨得食😅朋友想食芝士就點左個芝士烤雞串，同樣地都係好大碟，一條蔥故夾住一件烤雞，好香口，而且不油膩，整盤芝士煙煙韌韌飲品方面，好有特色，點一杯全晚都飲晒，因為同樣地大大杯我哋又發掘左一個新嘅聚腳點，三五知己飲嘢吹水冇得頂

韓國的炸雞市場已發展成熟，而Goobne卻沒有跟隨炸雞的潮流，反而以健康烤雞作招徠，所謂烤雞就是用焗爐烘烤的方式烹調，過程中不需加油，看中了這間韓國菜是主打非油炸烤雞，便跟同樣熱愛韓國食物的友人來試一下。從尖沙咀鬧市走進赫德道，座立一間Hotel Hart，而Goobne的招牌就在酒店的二樓，相當顯眼。招牌以紅色為主，代表了Goobne引領潮流的年輕形象，當中的綠色樹葉則代表健康的形況。進入餐廳內，裝修以木質格調為主，感覺份外親切。有室外和室內區，全都幾乎滿座，我們就選坐在室內的窗邊。首先點的是果味蒜香烤雞拼甜辣烤雞，終於不用擔心會熱氣了，用焗爐處理的雞肉，相比傳統油炸雞，少了一大份油膩感，讓我們食得相當放心，但又不失香脆的口感，而且更能吃出雞肉原有的味道，肉質相當細嫩。果味蒜香烤雞味道甜甜的，每隻都鋪滿蒜香片，而甜辣烤雞是帶點微辣，兩種味道的濃度都恰到好處，不會搶到原有雞肉的味道。吃了這麼多雞肉有點口渴，點了杯無酒精的鯊魚之淚。一出現藍色海水跟鯊魚很搶魚，細心看還發現鯊魚在流血，果然是充滿驚喜的飲品。裡面是檸檬與香桃的味道，喝起來甜甜的帶點酸味，搭著烤雞喝冰涼解渴。而友人點了some

偶爾想食韓式炸雞又唔想咁熱氣，同時面對脆皮厚又凍哂既風險，我就會諗起呢間烤雞。 幾年前熱潮正盛，真係試過等兩粒鐘，而家當然拎飛冇耐就入得啦。以前食過蜜糖咖喱烤雞同火山烤雞念念不忘，本來打算問有冇得雙拼，但落單時店員先話蜜糖咖喱已經停售，亦只可以揀返menu上定好左既半半烤雞。烤雞製作需時，先叫左個砂鍋魚糕湯 ($150)。本來係受圖片上竹簽穿住長長魚糕既外貌吸引，點知圖與現實不符，只有大量魚片頭、彩色魚糕、包左韓國粉絲既腐皮係熱湯內飄盪。魚糕湯幾大鍋，湯頭幾香胡椒味，但呢個用料同份量真心只值$78。韓式BBQ醬煙燻烤雞+火山烤雞(辣) ($218)BBQ味醃料顏色略淺，味道亦偏甜；火山辣味後勁強勁，朋友食到出哂汗，我就覺得咸淡同辣度岩岩好，必叫。每種味都足料有半邊嫩滑既雞，有齊雞脾、雞翼、雞鎚同雞胸等。 好鐘意雞皮燒得香口，燒熟後再淋上醬料，完全唔油膩。鋪頭比較大，店員好難一眼睇哂，後尾發現可以用台上既鐘呼喚店員，幾方便。店員大部分係真韓國人，要有心理準備以”this~ this~ and this~”大法落單。點都好，雙手戴上手套大口大口咁食肉係開心既！

之前已經食過呢間，覺得好食所以再幫襯多一次！上次黎主要食d 鐵板烤雞，今次諗住試下d 唔同既野。先叫左個特制雞蛋卷，係好長既一板。佢用左個蛋包飯既概念，不過裡面唔係飯，全部都係餡。d 蛋本身唔同平時去日本鋪食果d 玉子咁樣，而係好似腐皮卷咁一層層，好鬆化。裡面係d 卷物常見既青瓜蟹柳，食落有d 甜味。今次我地睇中左兩款散件果d 韓式烤雞。首先呢款就咁叫”韓式烤雞” 既烤雞籃，好大籃，皮脆肉嫩，不過個辣度好高，佢唔只外面有辣粉，就算唔連皮食入面都好辣。我覺得ok 既~ 不過同檯有人話太辣…金黃烤雞既口味就大眾化好多，金黃源自各種芝士粉，好香芝士味，亦都好甜好易入口。呢個一定要連埋皮食，成口粉咁既衝擊先至正斗…！食左咁多熱氣野梗係要飲番啖湯潤一潤番下，我地叫左個砂鍋魚糕湯。唔算好大兜，不過好足料。個湯吸晒d 魚蛋、蘿蔔同菜既精華，所以好惹味… 同埋呢個又係有少少辣，因為都有d 辣椒去煲。

同friend約開尖沙咀行街，大家都冇所謂就嚟左呢間試下星期日夜晚8點半左右都唔駛等位不過就坐得最近門口。。明明都仲有其他靚位。。不過整體都乾淨企理好肚餓，嗌左兩樣嘢首先梗係不可不食嘅韓式炸雞落左order之後15~20分鐘嘢食就到炸雞當然係要趁熱食 本身已經鐘意食香口嘢嘅我覺得佢比多數炸雞好雖然食炸嘢仲講求健康好矛盾但係佢感覺上係冇咁邪惡的 冇咁油 冇咁多炸粉 冇咁呃秤跟住就係睇menu推介嘅砂鍋魚糕湯我本身唔太鐘意食魚 不過都覺得ok所以都食得哂食下吹下水 背景音樂係一堆熟悉但up唔出係邊套劇嘅主題曲 轉眼就消磨一個夜晚環境同食物 真係唔錯幾適合幾個friend嚟吹水re-u係韓國fans更好溝女就一般啦除非想食檸檬

自從韓劇盛行，炸雞啤酒又成為另一種飲食文化😊Goobne Chicken 喺韓國大型烤雞店，今天楝左去尖沙咀店試下餐廳設有室外及室內座位，可以滿足唔同顧客要求凱撒沙律用木盆盛載，份量好大，多種顏色蔬菜，賣相唔錯，健康又清新☘️蒜香烤雞餐廳製作方法喺烤焗，唔喺炸，但是雞皮香脆美味，忍不住唔食，雞肉嫰滑，加左蒜香，味道更為惹味砂鍋魚糕湯最喜愛韓國魚糕串，先飲一啖湯，綢魚高湯淸甜微辣用料豐富，有魚糕串、魚豆腐、香菇及魚丸等, 大満足西柚韓式米洒淸新西柚味道、好吸引，加左米酒香甜，配上烤雞，好夾

第一次幫襯尼間Goobne Chicken，果然沒令大家失望。網上睇到夜晚好多人食要排隊，於是三丁友去尼度食lunch😋甘就一定吾洗排隊啦⋯⋯.早前去韓國想晏晝食炸雞，但韓國人應該夜晚先多人食，所以不到夜晚就吾開嘅😢.首先一到門口就見到EXO😽😽，就算吾係佢地嘅飯都想立即影張👀👅.我地今次三個人去就叫四樣野，啱啱好，吾洗浪費🌝.總括黎講Goobne Chicken 真係吾試吾得！👍🏿👍🏿👍🏿

這間韓式餐廳標榜不賣炸雞, 而是一律烤雞. 是次點了韓式烤雞, 原味烤雞和香酥烤雞三款, 一碟已夠九個人分到至少兩舊, share食非常抵食 所有烤雞烤到皮脆肉嫩, 沒有炸粉無減雞的香脆可口, 反而少了份油膩感. 個人最喜歡原味烤雞, 不辣但鹹香很入味. 香酥烤雞則是烤得較乾身, 比其他口味更酥脆. 喜歡辣的點韓式烤雞很適合, 那種韓風甜辣辣得很過癮😊 烤雞還會附上韓式甜辣醬和hollandaise sauce, 讓烤雞多了一層次的風味. Somerby Apple Cider Rita很大杯, 兩人分也很足夠. 夠凍的apple cider加梨味沙冰座底, keep住夠凍之餘也不會溝淡cider味, 凍酒加上烤雞最爽熱食點了砂鍋魚糕湯, 大長今炒年糕和京蔥雞肉併盤. 除雞以外副食選擇不多, 但餐牌上的都比較特別, 不是每間韓食都有. 砂鍋魚糕湯有不同顏色的手打彈牙魚蛋, 雞蛋, peppers, 還有吸了湯汁的魚糕很入味. 大長今炒年糕是濕炒, 有許多牛肉和peppers佐料. 京蔥雞肉併盤無骨雞件本來已醃得很入味, 加上麻醬和京蔥絲很搭整體好好味又好抵食(特別係有咁多人share)