本原純素

營業中

休息中

香港純素Cafe不多，集西、日、泰式多元化菜式小店更少之有少。餐廳位於樓上，室內外座位，裝修設計簡約，本著「原」、「素」宗旨。食物方面 -  紅咖哩雜錦蔬菜天貝配酸種麵包：雜菜份量充足、款式多樣：洋食西蘭花、BB椰菜、紅蘿蔔、粟米芯，天貝等。湯汁微辣濃郁，雜菜吸晒特濃咖哩香料精華。配搭帶微酸酵母味而且氣孔密度高、內鬆外脆嘅酸種麵包，好夾。意想不到比農夫包或薄餅更夾，有新境界。純素全日早餐：雖然烹調方法簡單但食材新鮮，製作用心有誠意。大啡菇、清甜聖女茄、超甜粟、牛油果、BBQ天貝、奇亞籽布丁等，份量相當豐富。特別點讚BBQ天貝，BBQ醬汁應該係自家製作純素配方？醬汁味道比一般餐廳淡，無濃烈肉味精卻帶點香甜味。由於天貝係用黃豆發酵製成，將醬汁吸收後十分惹味而且水潤。飲品方面 - 黑芝麻豆腐沙冰：要求店員製作少甜，又真係做到1分甜，令芝麻油脂感變得清新，帶點輕微豆香，整體零甜膩。可惜好多大冰打唔碎，仲有勁多冰粒，用粗紙飲筒吸吮都會塞住飲唔到。雜莓高蛋白奶昔︰植物奶清香輕盈，唔會蓋過雜莓之酸甜。開胃，但好大杯，飲半杯已經飽肚頂胃。不過，又係冰粒未打碎。總結︰最後再點讚店家，睇到我其他網上平台寫

位於商業大廈一樓，舖位好大，好多座位，晚市亦唔算多人。餐牌選擇多，而且款式都幾創新，由pizza、意粉到全日早餐都有。[] $138阿麻籽布丁、牛油果、粟米、茄汁天貝、蕃茄仔、酸種麵包，全部都係食食材原味道。[]可以揀配蒟蒻麵/酸種麵包/藜麥飯揀左蒟蒻麵，非常掛汁，咖哩係紅咖哩，比想像中辣。全部蔬菜都好新鮮，第一次食天貝，都幾特別。[]超濃郁，飲完個口好香朱古力味，好飲。

現代人注重健康飲食，素食餐廳如雨後春筍越開越多，無論客人是否茄素，三五知己出行偶爾亦會換個口味～以為素食就是淡而無味，或者味道單一？非也，現時的素食店已不同往日。這間中環樓上鋪就自成一隅，裝修簡約以盆栽點綴，氣氛輕鬆舒適，亦有個細細的露台用餐區，吸引不少外國人來chill下～——————————🔹紅咖哩雜錦蔬菜天貝 $138單看賣相已經合格，驟眼看有點似北海道湯咖哩，味道香而惹味，帶點微辣，特別選配平時少吃的蒟蒻麵，掛汁得來又Q彈爽脆。配菜夠曬多，有西蘭花苗、茄子、椰菜仔、紅蘿蔔、玉米筍等，口感味道超豐富；最特別是「天貝」，原來它是發源於印尼爪哇的超級食品，由黃豆加入益菌發酵而成，入口煙韌帶粉感，充滿豆香，第一次食確實幾得意。🔸自家製酸種豆腐漢堡 配薯角 $118酸種麵包新鮮出爐，熱辣辣脆卜卜，煙韌但不會乾身的質感，特別出色！豆腐植物肉漢堡軟熟juicy，醃紅菜頭清新酸甜，有助中和芝士的膩口，整個burger都好高質！薯條外脆內軟，即炸即食當然是正！🔹焙茶朱古力Bagel $32焙茶Bagel做base，包入苦甜的朱古力，濃香的茶味及朱古力搭配得不錯，質感亦適中，做到我喜歡的QQ口感。