楓林小館

營業中

休息中

🇭🇰味道唔錯，份量又夠多，座位闊落環境又清靜，啱曬悠閒傾偈食飽飽。🌗椒鹽鮮魷（小） $118細份得黎都幾大份😆，魷魚偏薄偏軟但亦見彈牙，外層粉漿蓬鬆，與鮮魷厚薄不成比例，另椒鹽味不足，重口味啲會更好。🌗紅燒乳鴿 $78乳鴿都幾大隻，每人¼隻已經夠，皮薄肉厚但唔夠嫩滑多汁。🌖鮮果脆皮黑豚肉 $148其實即㡳咕嚕肉😆，黑豚肉肉質嫩滑，外層香脆薄粉，肥瘦度剛好，唔會一忽柴皮一忽肥膏；醬汁甜酸味適中，唔會太酸太刺激👍🏻。🌖欖角冰梅骨 $158冰梅骨甜甜酸酸夠晒開胃，味道清新酸味溫和；欖角嘅味道唔突出，可能已經同甜酸融為一體，份量好多食極都仲有。🌗魚湯花甲浸勝瓜 $118花甲數量夠晒多，而且全部都係新鮮開晒口，清潔都做得好好，一粒沙都無；花甲同勝瓜都夠味，可惜魚湯太鹹，唔可以當湯咁飲。🌗芝士汁中蝦煎脆米粉 $188中蝦新鮮彈牙；米粉雖然都脆脆地，但有少少黐牙，每人分到兩片脆米粉，加埋芝士汁食實在好夠飽。

𝐅𝐮𝐧𝐠 𝐋𝐮𝐦 楓林小館 is traditional Cantonese restaurant with very wide range quality offerings. Their crew was ex-Michelin chefs and they maintained the standard through decades. My lunch visits would always cover both dim sums and fried dishes (小菜)🙌🏼My must pick one is 欖角冰梅骨 𝗣𝗼𝗿𝗸 𝗥𝗶𝗯𝘀 𝘄𝗶𝘁𝗵 𝗕𝗹𝗮𝗰𝗸 𝗢𝗹𝗶𝘃𝗲 𝗮𝗻𝗱 𝗣𝗹𝘂𝗺 👍🏼 I love the balance of this dish, salinity vs sourness and fat vs lean. Perfect flavour and texture for every single piece. The 皇金蝦炒飯 𝗙𝗿𝗶𝗲𝗱 𝗥𝗶𝗰𝗲 𝘄𝗶𝘁𝗵 𝗣𝗿𝗮𝘄𝗻 𝗮𝗻𝗱 𝗦𝗮𝗹𝘁𝘆 𝗘𝗴𝗴 𝗬𝗼𝗹𝗸 was a representa

今次第一次試呢間響大圍好出名既中菜館分店。位置唔算難搵，門口一上樓梯便到餐廳。整體裝修佈局幾優雅，放左一d中式擺設做裝飾，而當日坐既卡位亦非常闊落，坐得非常舒服；此外，餐廳杯杯碟碟好乾淨，連洗手間都好企理，衛生水平相當高，服務環境屬中高檔次食物方面，我地嗌左「招牌紅燒乳鴿」，皮脆肉嫩，一食落去肉汁爆哂出黎，而蝦片都炸得香口，果然係鎮店之寶另外，我地點左「鮮果脆皮黑豚肉」，又一驚喜之作，黑豚肉肉質鮮嫩，而且師傅將外皮炸得好爽脆，淋上酸甜汁，實在是難以形容既美味！「黃金蝦炒飯」亦不負我所望，炒飯炒得乾身，而且富有鹹蛋黃香，蝦仁亦新鮮爽口，非常美味最後，餐廳仲送左兩碗免費糖水，綠豆沙好足料，原本想嗌芝麻卷，但因為太飽既緣故，唯有下次再試！

同事知道老字楓林小館號係銅鑼灣重開之後就即刻話要去重溫一下當年的味道！餐廳的裝修很典雅，不會過於華麗但卻有陣陣的沈實的氣質。服務的店員也是非常有禮。我地叫左林小館很有名的紅燒乳鴿，XO醬炒腸粉，楓林蝦餃皇和豉油皇銀芽炒麵。紅燒乳鴿：乳鴿體態結實，黃金色的外皮脆而不油，肉質亦很幼滑！！！點上淮鹽和醬汁更是惹味。楓林蝦餃皇：蝦餃外皮很薄，而且晶瑩透亮！内餡的蝦仁很大粒，鮮味十足。XO醬炒腸粉：Xo醬有少少辣辣地但好香口，腸粉非常滑溜！加上火喉足夠，所以炒得特別惹味。銀芽炒麵：炒麵夠乾身，而且不會感覺到很油膩！同事們都很喜歡。

朋友介紹話呢度d點心好味，今日見起cwb就過黎試下🥳。起c 出口往灣仔方向直行5 分鐘都好快到，呢頭原來都幾多野食添。✨餐廳環境幾舒服，2個人仲可以半價㨂指定點心一款。✨蝦仁燒賣皇（$49)： 真係勁大粒，入面勁多蝦好足料，而且食落非常彈口，最重要係半價。✨懷舊馬拉糕（$36)：質地好鬆軟，甜度啱啱好，食完真係勁飽肚。✨紅燒乳鴿（$78): 係呢度嘅招牌菜，有埋手套濕紙巾好貼心。乳鴿新鮮熱辣辣，啖啖肉仲好juicy~~食落肥肥地帶油香，外皮仲有少少脆好好味。✨黃金蝦炒飯（$128): 顏色好金黃原來係有咸蛋黃😍而且仲唔少添。個飯炒得好乾身粒粒分明，而且食到咸蛋黃既香味。材料好簡單，只有蝦同埋菜芯，不過味道清清地幾好味，蝦肉仲勁爽👍🏻✨蜂蜜黑糖糕（$28): 呢個有驚喜💋，食落煙煙韌韌，入面好似蜜巢咁既形狀，質感好特別。好鍾意佢有黑糖味但又唔會好甜，幾過癮。✨飯後仲有糖水送，係芋頭西米露～～椰汁味好香，芋頭夠腍，不過質地就比較杰，劃上完美既句號🤣飽到上心口。✨呢度環境唔錯，啱晒傾計慢慢坐，服務仲非常周到👍🏻下次帶屋企人黎再食過先

同朋友嚟食，服務好，食物好必再次光顧服務員夠細心，欣賞服務熱誠，笑容足夠，上菜速度適中，溫度夠熱，叫咗四道菜，豉汁煎封釀豆腐，紅燒乳鴿， 糖心皮旦酸薑，香煎蓮藕餅

人越長大，越懷念舊東西，懷念那些年的東西，那些年的電影，那些年的美好，電影英雄本色，Mark哥在中式酒家槍戰的那一幕，已經成了永恆的經典，如今能在新的楓林小館回味一下，帶著幾分懷疑的心情去，怕只怕往事只能回味，先品嘗最有名的紅燒乳鴿，一口咬下去，仍熱燙，外皮脆，鴿肉嫰，連骨也入味，果然名不虛傳，信心指數上升，再來一客豉油皇鵝腸，釀尖椒，椒鹽蝦及炸子雞，滿足了，美好的回憶全都回來了，他們推介豉油皇炒麵，肚皮都受不了，下次再來試