Just Eat (已結業)

收工之後尋覓未食過嘅餐廳，喺寧靜嘅英華臺揾到間幾新嘅越南嘢🤩舖頭大概有廿個位，都幾光猛企理我同朋友坐得幾近廚房，可以聽到炒嘢時嘅鑊氣聲😂 正呀越南絲網春卷係我必嗌外面酥脆，入面又香又熱嘅芋絲豬肉餡係平凡嘅美味😍包埋新鮮爽甜嘅生菜同醃蘿蔔絲一齊食就清新好多同有多種口感😆青檸薄荷梳打喺泰越餐廳都係熱門嘅選擇Just Eat呢杯薄荷葉俾得好慷慨，梳打水飲到食完飯都仲有汽，幾唔錯👏🏻聽到廚房傳出嘅鑊氣聲就知炒粉麵飯類有料果然無諗錯雞絲扎肉蝦頭油炒金邊粉雖然外表比較普通，但香氣撲鼻蛋好香同蝦油好惹味，金邊粉炒得好靚份量仲好大添越南香茅燒牛肉三文治包係介乎法包同豬仔包之間嘅質地，香脆偏鬆同乾身，吸咗甜甜地嘅沙律醬同肉汁之後都唔會腍晒牛肉燒得好多肉汁同香🤤 仲好腍身易咬健康起見，就算出街食飯都會嗌返碟菜呢個馬拉盞炒芥蘭好香海鮮鮮味而唔係一味得個咸，輕微辣味令人更加開胃芥蘭好嫩，炒嘅時間啱啱好，份量好多🤩 好抵食整體來講店員有禮，上菜速度快份量偏大價錢相宜地方都幾易揾，食晏/放工嚟食都幾方便👏🏻

前幾日生日，男朋友知我鍾意食越南菜，帶左我去西環的Just eat食嘢，個到都叫近西營盤地鐵站，行去正街的扶手電梯落去就到，好方便，好彩我地早到唔係都無乜位坐。我哋叫左一碟雞絲扎肉蝦頭油炒飯、蕃茄濃湯海鮮金邊粉、絲網春卷、越南凍咖啡奶、凍柑桔梳打。雞絲扎肉炒飯材料都幾足，而且粒粒分明，又唔話覺得佢炒得過火，所以不錯。我覺得最正係蕃茄濃湯海鮮金邊粉，一來我好鍾意蕃茄湯底，二來連男朋友不嬲都唔好蕃茄湯都話好味，蝦味好濃，係咁飲，除了海鮮仲有啲肉碎，層次感豐富。絲網春卷脆卜卜，包住生菜食，令你唔會覺得好內疚，而且好好味，就算擺耐左都無問題，唔會腍左。男朋友就係飲凍咖啡奶，佢好鍾意呢杯飲品，我就覺得味道似拖肥，咖啡味都出，但相對奶味比較重。柑桔梳打好正，柑桔味都幾出，係唔鹹的鹹柑桔，少少微酸好開胃，清新得來帶多一點味道。

位於西環英華台地下有一家Just Eat越南餐廳，在正街自動電梯直上電梯旁，非常就腳。餐廳裝潢簡潔企理，牆上幾幅油畫襯托出幾分越南的風土人情。午餐時段有幾多款套餐可選擇，我哋選了特濃牛湯牛肉河粉和燒豬腩肉配絲網春卷撈檬二个套餐。越南餐中我最鍾意的是生牛肉河粉，濃味的牛肉湯底新鲜嫩滑的牛肉，給到我驚喜和滿足感。在炎熱的夏天吃撈檬是一个好選擇，加上酸酸甜甜的汁好醒胃。絲網春卷酥脆香口，食到停唔到口。越南凍咖啡香濃順滑但略甜小小。青檸薄荷梳打清涼解渴夠健康。我喜歡這家餐廳，以後還會光顧。

話說依條英華臺不嬲都帶有一份神秘感，同時啲餐廳有如車輛轉，不停易手開新店。最近又有餐廳新開張，叫做Just Eat🍽，係一間新派越南餐廳嚟，而家做緊九折優惠。餐廳環境簡約，有種小清新的感覺🌿。座位唔多，但坐得舒服，留意番冷氣比較凍！餐廳無做晚市套餐，所以只能夠散叫。我哋兩個人各自叫咗一碗粉同一杯飲品，再加一份小食Share。估唔到咁樣已經好飽，份量十足👍。濃味牛湯浸牛肉河($62)，河粉可轉金邊粉或檬粉，但食Pho就梗係唔轉啦！🐮牛肉河勝在各方面都非常平均，牛肉份量多、口感夠厚亦唔錯；而且湯頭好濃郁，記得落埋辣椒粒同青檸汁吊味，我成碗湯飲哂🤤。燒雞撈檬($62)，依個係驚喜之作，首先撈檬有唔少花生粒、生菜絲同蘿蔔絲撈埋一齊，而且最重要係凍檬本身無痴埋變成一餅餅，加埋魚露汁食，酸酸的好開胃😆。不過最矚目嘅係燒雞🐔，因為佢唔係平日食開嘅雞扒或好乾身嘅雞塊，其實佢係兩串雞肉串燒嚟，但起咗肉，有四件。雞肉有燒烤香味，肉質十分嫩滑，而且好好肉，十級正😋。絲網春卷($38)，中式春卷我就唔鍾意食，不過絲網春卷就可以試下嘅，加上係朋友發板。春卷夾埋生菜食，成個感覺昇華咗不少😍，都OK。飲品方面，我哋