影片
更多
2020-11-25
3728 瀏覽
放假去咗荃灣行街，順路食放題做晚餐，但其實「牛之鍋」並非一般嘅任食，因為呢度同時有得打邊爐㗎🍲。餐廳喺悦來坊入面，面積大兼多位，坐得舒服😌。收費方面，星期一至四晚正常時段成人每位$228，早啲埋單或者遲啲食就會平啲。我哋坐低第一時間梗係叫一轉嘢食先啦😆，食物種類繁多，包括火鍋配料、壽司刺身、沙律、一品料理、天婦羅、燒物同即制甜品等 火鍋湯底有十款揀，雙併加$18，我哋要咗壽喜燒湯併🍅蕃茄薯仔牛粒湯，前者濃味啲，我比較鍾意，後者就微酸。我哋枱係一大個鴛鴦鍋，不過隔離枱好似係一人一鍋，唔知點解呢，但無影響👌。我認為全晚淨食牛肉都夠飽夠回本🙈，完全冇諗過放題嘅火鍋牛肉會咁高質。肉類有四款，包括兩款牛肉、一款羊肉同一款豚肉，呢幾款肉有得揀份量，大碟或細碟。我哋諗住得兩條友就叫細啦，點知嚟到發現細碟都勁大碟，起碼有十大片😍，正。美國牛肉同美國特上牛肉我哋都有叫，兩款肉嘅紋理唔同，但都無出現黑蚊蚊或者有肥冇肉嘅情況🥩。睇名會以為特上牛肉應該正啲，但食落我哋一致覺得另一款普通美國牛肉更啱味蕾，🐮因為牛味濃啲，而且每片大大塊兼夠厚，口感更佳。你睇下真係超大塊㗎‼️，由於份量多，又要食其他嘢，我哋最終只能
放假去咗荃灣行街，順路食放題做晚餐，但其實「牛之鍋」並非一般嘅任食，因為呢度同時有得打邊爐㗎🍲。
餐廳喺悦來坊入面，面積大兼多位，坐得舒服😌。收費方面，星期一至四晚正常時段成人每位$228，早啲埋單或者遲啲食就會平啲。
我哋坐低第一時間梗係叫一轉嘢食先啦😆，食物種類繁多，包括火鍋配料、壽司刺身、沙律、一品料理、天婦羅、燒物同即制甜品等 
火鍋湯底有十款揀，雙併加$18，我哋要咗壽喜燒湯併🍅蕃茄薯仔牛粒湯，前者濃味啲，我比較鍾意，後者就微酸。我哋枱係一大個鴛鴦鍋，不過隔離枱好似係一人一鍋，唔知點解呢，但無影響👌。
我認為全晚淨食牛肉都夠飽夠回本🙈，完全冇諗過放題嘅火鍋牛肉會咁高質。肉類有四款，包括兩款牛肉、一款羊肉同一款豚肉，呢幾款肉有得揀份量，大碟或細碟。我哋諗住得兩條友就叫細啦，點知嚟到發現細碟都勁大碟，起碼有十大片😍，正。
美國牛肉
446 瀏覽
2 讚好
0 留言
美國特上牛肉
8 瀏覽
0 讚好
0 留言
你睇下真係超大塊㗎‼️，由於份量多，又要食其他嘢，我哋最終只能夠食多一碟美國牛肉，哈哈。
火鍋配料仲有唔少選擇，🥦蔬菜類就喺出邊拎，🍡而丸類同麵食等就可以用點餐紙嗌。
火鍋以外，呢度同放題無異，刺身熟食都有。先講刺身壽司類🍣，我朋友有叫刺身，佢話正正常常啦。而我點嘅火炙芝士蝦壽司同花之戀非常好啵，前者夠哂多芝士🧀，而後者並唔係其他放題店有得食。雖然芝麻八爪魚🐙係入貨，但有得食都開心。
燒物方面，我哋要咗芝士燒蟹蓋、🍍燒菠蘿同🦴串燒日本雞軟骨，兩樣都係我鍾意食嘅嘢。份量唔多，但啱食可以瘋狂再叫。炸物方面，我哋要咗🦑黃金墨魚餅同🍤大蝦天婦羅，味道比較平庸，而且有啲油。
一品料理方面，我要咗醬汁牛舌👅同黑松露牛油粟米🌽。份量小小的，唔會塞飽你個肚。
甜品方面，選擇非常多，所有甜品都係經點餐紙嗌，有別於其他放題店放哂喺雪櫃。除咗普遍嘅細杯裝甜品外，呢度仲有提供中式糖水、綿綿冰同榴槤班戟等。齋講誠意已經攞滿分💯！我哋要咗芒果綿綿冰同日式抹茶芭菲🍨。
餐廳有好大個飲品櫃🥤。
總括嚟講，雖然餐廳嘅日式料理食物質素未必令你非常難忘，但火鍋牛肉出色，亦冇出現漏單嘅情況，加上店員們超級有禮貌👍，整個用餐過程真係食得好開心。我仲見唔少街坊喺九點半後幫襯添！
張貼
