英皇紅酒扒房 (已結業)

在北角覓食，要找到一間好味的中式食市並不困難，隨便找一間也不 會太差，但要找一間有質素的西餐廳反而會有點難度，而在北角健康 村一帶有一間開業近一年的西餐廳，裝潢不算華麗但屬於帶點美式酒 吧風味那種，感覺蠻吸引的，筆者其實在該店剛開業不久已很想試一 下，奈何一直未有機會，直至較早前約了朋友在北角聚餐，遂趁機去 一試究竟。餐廳全店以啡白色相間為主調，座位多而寬敞，木器傢俬皮沙發配上 白色磚牆，加上柔和的燈光，鮮明舒適，是區内少見的精緻大氣西餐 廳。 細看用牛皮紙印製嘅餐牌，晚餐set有齊豬牛羊魚的選擇，當然還 有其他side dish跟Pasta，傳統得來款式亦頗多，筆者當然貫徹一向的 作風，都是向著肉系的餐牌進發，點了美國穀飼牛肉眼10安士及脆 皮德國鹹豬手，外加一客水牛城雞翼。先登場的是蒜蓉多士，以百吉包搽上蒜蓉牛油烘香，咬落酥脆伴隨著 蒜蓉牛油香，唯略欠麵包應有鬆軟口感，點上餐湯就剛剛好。 是日餐湯是甘筍忌廉湯，湯底以甘筍煲煮打碎製成，入口啖啖甘筍茸，口感香滑豐富，味道清甜。接著先上小食水牛城雞翼，大大隻甚有睇頭，每隻雞翼都裹上濃濃橙 色醬汁，入口微脆香口，酸辣惹味，個人覺得可加强一

由屋企去鰂魚涌其實都幾近，所以星期六日有時都會係呢度出沒。鰂魚涌一到星期六日就會變得相對靜，少左平時煩囂同埋人來人往既感覺。係呢度搵食相對變得容易，最少唔駛等位咁麻煩。今晚行過見到一間餐廳價錢合理，於是就入左去食晚飯。餐廳主打西餐，內裡都幾寬敞，冇迫既感覺。餐牌既套餐唔會好貴。餐湯餐湯先有羅宋湯配多士。羅宋湯唔會好稀，湯既濃度適中，多士就非常脆口。脆皮德國鹹豬手 $168豬手都幾大件，一個人應該唔會食得晒。就咁睇仲以為豬手皮會硬，原來勁脆口。至於豬手本身好腍，啖啖肉，真係食極都食唔完。豬手上枱既時候店員又會比幾樣醬汁揀，揀番平時最鐘意既黃介末襯豬手。配菜有脆薯角，熱辣辣好好食。美國野生有幾燒春雞 $148燒春雞原隻上都幾大隻，$148晚餐食到價錢合理。燒既火喉唔錯，切開燒春雞，裡面既熟度都係岩岩好，咬落多肉而且尚算嫩口。唯一美中不足係通常食燒春雞都有手套提供，而呢度要用刀叉食。旁邊仲有金黃色既脆薯角，大愛。今晚呢餐兩個人都係三百蚊多d，不過呢兩個餐既份量真係好多，多到食唔晒，飽到食唔落甜品。相信呢個份量三個人食都足夠，而且會變得更加抵食。

是晚與舊同事聚舊，她帶我去鰂魚涌與北角之間，靜中帶旺的英皇道！餐廳門前對正巴士站，人流如鯽！另設有室外位置，慢嚐慢聊底下更別有一番風味。晚餐種類繁多，有雞豬牛魚羊。配上餐湯、薯角雜菜，價錢中規中矩，既豐富又飽肚！是次餐湯為周打蜆湯，材料豐富！入口海鮮味濃，質感順滑。蜆肉既鮮甜又漲卜卜，配上其他蔬菜，倍感美味！隨湯附上的蒜蓉包烤得金黃香脆，再蘸上一小口的湯，更能突顯出蒜茸的味道！美國榖飼牛肉眼(10oz) - 10oz份量絕不欺場，面積相當大！肉眼軟稔易切，生熟度調配得合時。肉質帶點微紅，入口嫩滑之餘還帶點肉香！另有紫洋蔥及蕃茄薯角等等的伴菜，可以解膩及豐富口感！脆皮德國鹹豬手 - 原隻呈上，香氣滿溢。份量之大令我為之震懾！豬手外皮十分酥脆，真係食到有＜嗦嗦聲＞！內裡肉質軟嫩多汁，不會顯得乾踭踭及肥膩～侍應送上豬手時會同時遞上三款醬汁。我個人喜好芥末醬，覺得蘸上之後更能突出其美味！