Pho Bar (已結業)

星期一晚到中環接朋友放工，我哋唔想食西餐、又唔太肚餓，於是就去咗一間另一朋友極力推介嘅越南餐廳🇻🇳。餐廳位置非常隱蔽，喺內街入面，行過隨時會Miss咗。雖然同行朋友未食過，但佢都熟路知喺邊😎。我哋晚上8點鐘去到，餐廳有另一枱客人。餐廳環境好細，座位一眼睇哂🙈，我哋坐Bar枱都幾舒服，冷氣十足。餐牌清晰簡約，選擇唔多，所以好快就決定好食乜。好彩我哋早嚟半步，趕得及最後一碗牛河，因為無幾耐就聽到店員喺電話同客講話牛湯賣哂！如果無牛湯，我應該會好失望😜。至尊($98)配金邊粉(+$0)，至尊就即係綜合火車頭之類啩🤣。餸料幾多，有牛肉、牛丸、牛𦟌、牛柏葉同扎肉，其中牛柏葉好好食啊🤤。如果想要飽肚感，金邊粉係一個唔錯嘅選擇。湯頭方面，最後嘅🐂牛湯比我哋飲上！牛湯偏深色，味道頗濃郁，且唔油。不過同平日食開嘅唔太同🤔。配料有六種，自行選擇，包括金不換、芽菜、蔥、芫荽、洋蔥同炸蒜。除咗蔥之外，全部我都OK，但芽菜今日無哂；唔知係咪就關舖，洋蔥特別多，有好多圈，正😍。生熟美國頂級牛肉($88)配意大利翠玉瓜麵(+$20)，牛肉份量非常多，一啲都唔孤寒，而且夠厚身，唔會碎濕濕，更不乏牛味🐮。由於見🥒翠肉瓜

喺付近番工嘅必試！極力推薦佢哋嘅越南河，同男朋友分別叫左至尊同生熟美國頂級牛肉首先佢個湯低個顏色非常吸引力，食落好香濃😋至尊有牛拍葉、牛腩、牛丸、牛肉、扎肉等等，大大塊超足料！冇諗過咁多料份量咁大，知道就唔會叫左咁多小食🤣... 不過完全冇後悔，佢啲小食唔算係越南style ，應該話係fusion 野，但都好好味！秘制薯條上面加咗嘅粉，好惹味，一啲都唔油，炸到外脆內軟，好食到停唔到口！秘製雞翼上邊嗰醬好似係芝士醬，又係超惹味！留意番佢係單骨嘅，方便進食爆炸雞個英文有個ass 字，嚇死，原來係炸雞腿🤣，又係幾好味嘅，但略嫌炸得多咗啲春卷呢個好鬆脆，味道不錯！最後個人私心推介佢哋個奶茶，奶茶控如我一飲就知唔係求其嘅，個茶味好獨特，各位喜愛奶茶嘅不妨一試！😋

藏身於中環利園西街嘅小巷中，好容易被中間排檔遮住而走漏眼，如果係咁就真係走寶啦！。📌至尊 $98 ～ 其實係牛嘅大雜燴，有生熟牛柳片、牛腩、牛丸、牛柏葉、扎肉，湯底好重牛香而不肥膩，金邊粉又估唔到咁滑溜，索晒D牛骨湯，正！👏📌豬頸肉越南河 $88 ～ 一樣係牛骨湯底，厚切濃邊豬頸肉，仲有好多片，配上大量洋蔥、金不換等香口配菜，真係聞到都流口水🤤📌秘製薯條$38 ～上枱已香氣四溢，即炸粗薯條灑上香辣粉，仲有3款醬任你點👍📌秘製雞翼$42 ～ 單骨雞翼除咗方便食，仲令雞翼更加入味，外層秘製醬汁酸酸甜甜，越食越想食！任何主食+$12 有凍、熱咖啡、茶或汽水。凍檸茶、凍奶茶都好好味，茶底靚，冇hea做！枱面都放有酒精搓手液，供食客使用！一列吧枱似足拉麵店格局。可以外賣Apps 落order，外賣自取仲有85折！

位於利源西街嘅Pho Bar，鋪位唔算起眼，但食物質素應真唔簡單，大家如果經過附近，真係唔好走寶，不防入去試下。店鋪裝修簡樸，有一張可以坐十人嘅bar枱，另有兩張坐四人嘅高桌。🥢至尊 🍜- 稱得為至尊一定係樣樣都食齊，唔洗驚走寶😋，先講湯底，味道濃郁，配埋芫荽、蔥花同芽菜等配料，增加香味同口感。牛丸好有牛味、彈牙；牛栢葉爽脆；生牛肉鮮嫩；仲有兩大件牛腩，非常重牛味，諗滑唔痴牙👍🏻。🥢生熟美國頂級牛肉 - 牛肉黎到仲係半生熟，牛肉鮮嫩、入口即溶😋🥢冰山燒豬頸肉 - 豬頸肉燒得好香口，好貼心配埋生菜🥬可以包住黎食，消除油膩感😋。🥢爆炸雞 🍗 - 外皮燒到卜卜脆，一口咬落去真係卜卜聲爆晒炸咁🤣，但入邊嘅雞肉仍然保持juicy，真係好食過韓式炸雞😋，配埋三款醬汁（自家秘製醬、他他醬、蟹子醬）個人最鍾意係秘製醬，小小酸味味帶啲洋蔥味😋。店鋪放置左好多搓水液供食客使用，值得比讚👍🏻

朋友之前安排2月尾往越南🇻🇳，準備網上申請簽證的時候。當地政府暫時不發旅遊簽證。為了好好安慰他，與他吃一頓越南午餐。-環境：坐在開放式廚房前的吧檯可以欣賞廚師每一個步驟。讓食更能感受到製作上的用心。牆壁是色彩鮮艷的花花牆。-餐廳上除了四款麵食外還有沙律及小食。每人一張點餐紙，根據自己的喜好而點菜及選擇配料。午餐時段一人一碗麵食還加多一款小食也不算太豐富吧！？-HK$98至尊～本人比較貪吃，只有至尊滿足我。牛腩、牛𦟌、牛柏葉、肥牛、牛丸、扎肉。眾多的食材，牛腩及牛𦟌深🉐️我歡心。兩者也是軟熟不黏牙🤗。深褐色的湯底非常香，份量大的金邊粉好像永遠吃不完🤪。-HK$88生熟美國頂級牛肉河粉～嫩嫩的牛肉吸收湯的精華👍🏻配上惹味的炸🧄、辣口的洋蔥🧅、及香味十足的蔥粒更加滋味。-HK$48爆炸雞～非常適合懶人朋友🤣。外屠鬆脆一口咬下去，肉汁在嘴邊湧出來。肉的質地非常嫩。提供他他醬、明太子醬和辣醬三款醬汁任我蘸但我我偏愛明太子醬。-HK$20 越南青檸梳打~味道不太甜又解渴。-HK$25 越南凍奶茶~茶味濃帶著煉奶的香

早聽說在利源西街有一長龍越南餐廳，但一直未有機會光顧！最近比較適合在吧台用餐，特意前來一試店子位置有點隱敝，隱身在排檔後，新派裝修，座位以吧枱型式排列，還有兩張四人枱餐廳提供點餐紙，讓食客可以按個人口味隨意選香料或配料如炸蒜、金不換、芽菜等！又可另加$20加各種配菜如牛腩、牛柏葉、牛展、牛丸等，做法貼心貪心的我理所當然點了至尊，有生熟牛柳片、牛腩、牛肉丸、牛柏葉、牛𦟌及扎肉！湯頭呈茶色，用二十多磅牛骨、牛肩、牛觲、牛腩煲 20小時，清澈鮮甜，味道濃重牛魔王一定要試生熟美國頂級牛肉再加牛柏葉！牛肉無渣，有肉甜！牛柏葉爽脆雞翼控又怎能錯過秘製雞翼！醬汁濃郁，入味得來仍然保持肉汁另一小食冰山燒豬頸肉熱哄哄，用新鮮生菜夾著來吃真是絕配每一主菜可以優惠價加配飲料！吃越菜配青檸梳打簡直透心涼檸檬茶補充維他命C，抗疫佳品

一直以嚟都好鍾意呢間pho bar，好耐冇嚟食過，今次就分享一吓。今日2點半嚟到，唔逼人，坐得舒服~至尊 ($98)貪心嘅我唔洗諗梗係食至尊，有齊牛腩、牛𦟌、牛丸、美國牛肉、牛栢葉及扎肉。牛肉肉味濃郁，湯底顏色清澈入味，而且一啲都唔油。仲可以按照個人口味加減薄荷葉、金不換、芽菜及最重要嘅炸蒜！最鍾意食炸蒜，去其他地方食野落單嗰陣指明要多炸蒜但總係冇人理，但喺呢度啲蒜量非常慷慨！金邊粉口感彈牙，而且夠晒有份量，2點幾3點開始食，真係飽肚到夜晚！

中環既利源西街非常狹窄，充滿各種街檔，但其實兩旁不乏好餐廳，今日中環上班族帶我去左Pho Bar。Pho Bar如利源西街一樣狹窄，不過餐廳安排更多吧枱坐位，所以出入都算暢順。Pho Bar主要賣Pho同喇沙，小食亦有豬頸肉、薯條之類。喇沙賣相幾靚，可以見到所有食材，包括豆卜、魚片、蝦、蛋等。米線口感爽滑，湯底散發濃濃蝦香，不過無乜椰香味。食晒啲麵之後，湯底仍然有一部份，證明麵條唔太吸湯，令整碗喇沙唔會變成撈麵。朋友叫既「至尊」並非浪得虛名，食材數之不盡，包括生牛肉片、牛丸、牛柏葉、牛展、札肉同牛腩。湯底味道幾濃，而且唔會飲到好口渴。對我嚟講最重要係可以自選配料，因為我個人好唔鐘意芽菜，但自己經常忘記走芽菜。冰山燒豬頸肉幾香口，不過有啲油膩，包埋生菜一齊食會好啲。平時餐廳既薯條離不開黑松露醬或蕃茄醬，但Pho Bar既紫色配日式鹽味薯條有驚喜，竟然有明太子醬。一蘸明太子醬已經不能自拔，明太子醬唔會太鹹，加上薯條熱辣辣兼香脆，配搭非常出色。每人叫左一杯奶茶，奶茶偏向港式味道。食完之後有發現同一條街令我感興趣既餐廳，下次再介紹大家。

近排天氣轉涼，想食啲有湯又溫暖嘅食物，就諗起越南pho。又健康又好味😄。一直都好想試吓中環既Pho Bar，所以今日就趁病病地，早啲收工去試吓。好彩早d到，大約7點幾就開始多人。我叫咗個至尊Pho，佢有得自選配料，有金不換，炸蒜，芫荽蔥等，識食嘅我梗係所有都要啦。個Pho一上枱已經聞到好香嘅炸蒜味，令生病既我增添食慾😋個Pho 有勁多料，有生熟美國頂級牛，牛柏葉，牛𦟌，牛腩，牛肉丸，扎肉，真係咩都有，好豐富👍🏻同朋友share 咗個冰山燒豬頸肉同爆炸雞。爆炸雞有三款醬料，食得出係明太子沙律醬，Sriracha 沙律醬，同埋tartar sauce。個明太子同Sriracha 沙律醬好好食。唔止配上爆炸雞好食配上燒豬頸肉都好食😋總括來講性價比好高，平時一個至尊Pho 咁嘅質素都要大概$120，lee 度$100有找！下次再去試吓其他嘅嘢食先😁

這天約朋友到中環食lunch~ 大家不約而同都想食越南餐~ 好的, 就來試一下早前傳聞中的好味越南粉! 剛巧在中午時段,  加上店子細小而坐位又不多, 所以我地在店外等了15分鐘~之後被安排坐在bar枱, 雖然椅子較大, 跟廚房和旁邊食客還有一點點的距離, 但也有點壓迫感, 坐得不太舒服!這裡的食物選擇不多, 而我就選了最貴的"至尊"河粉來試! 滿心期待的"大牛河"終於送上, 我立即嚐一口湯底, 牛湯香濃不錯; 只可惜內裡的牛柳片, 牛腩, 牛肉丸, 牛栢葉, 牛尾, 牛展和扎肉大部份都是碎濕濕的! 就連牛栢葉都剪為一分三的size! 全部細細件之餘加埋都沒有10件! 加上麵底又不算多, 細食的我食完也不夠飽!!  索價HK$88一碗實在很不值! 至於朋友揀的豬頸肉撈檬就沒有驚喜, 不過不失! 由於大家都不夠飽, 所以多點一個"秘製雞翼"! 雞翼賣相好吸引, 配上香草和秘製醬都好好味! 但又好可惜竟然連一隻雞翼都要一開二, 一條骨拆開當為一隻雞翼... 大家發現後都覺得無奈和感到不划算!單看menu本以為好抵食, 可惜配以這樣的份量相信都不會再來第二次!

以前中環閣麟街有間越式粉麵舖甚得我心，生牛河湯底滾燙而鮮甜，牛肉多汁而鮮嫩。可惜，不敵貴租，結業了。綿綿細雨，喚醒昔日的味道來，燃起舌頭對越南湯河的渴望，期望在這間Pho Bar得到慰藉。接近下午1:15，利源西街窄巷之中已悄悄地排起了人龍。Pho Bar的招牌也不顯眼，只是灰牆上的幾粒字再離遠打個燈窺探一下舖內環境，一張L型吧檯，加裡面兩張四人檯，目測座位最多20個。店面細細，不做外賣很難生存吧。所以近門面的位置是外賣corner，等待的過程中亦有人外賣。幾個女店員忙出忙進，帶位小姐相對資深，但又要兼顧招呼客人，以致排我後面的2個人看到有空位都不能進，有些鼓譟。我看看門口的餐牌。不錯嘛，我會叫這種做「攻心計」定價法。最便宜的生熟牛柳片($68)加個$10變「特級」($78)(多牛肉丸、牛柏葉和牛展3種食物)之上再加個$10變「至尊」($88) (多牛肉丸、牛柏葉、牛展、牛尾、牛腩和扎肉6種食物)「差$10」多3樣喎的心態，好吧！你贏，我最終點了最貴的「至尊」。可以選河粉／金邊粉或者意大利翠玉瓜麵(+$18)(伏味濃，我選了最穩陣的河粉)。順道點了芝士薯條($24)和爆炸雞($38)S

見到在利源西街新開的越南牛河店離上班的地方很近, 當然是要快快去吃上一吃。本以為恰恰遇上香港幾十年一預的寒冬, 會令我們的PHO BAR 之行佔優勢。但人算不如天算, 到達店子的時候正好成為第一組等位的客人! 四人在門外哆哆嗦嗦地等候, 身後亦瞬間出現了一條小人龍。雖然店家很努力地想幫我們盡快安排入座, 不過食肆之事一向說不得準。「我們不會趕客人走的。正如一會兒你們坐下之後, 我也不會趕你們走啊」是的, 明白。在中環的小店吃中午, 實在是太習慣「快下單、快上菜、快收拾」的打仗模式, 即使店方不明言, 見你把最後一口食物放入口中就會馬上過來大力抹枱, 這心思, 誰也明白。PHO BAR竟可以信心滿滿的說出這一句, 實在令我驚訝又欣賞。希望它之後都可以保持初心吧。(編按: 食肆做好自己的那一部分不施予壓力, 食客當然也要做好自己的本分。大家相互體諒, 總是要過的日子, 也變得易過, 是也不是?)如是者在寒冬之下等了約十五分鐘, 就等到我們的四人枱了。老老實實, 不算是一個長時間的等待, 絕對是在可以接受的範圍。反正等待的時候我們早已經想好吃甚麼, 一坐下, 就拿出點餐紙快速畫了起來。麵食分