BAKE Cheese Tart (已搬遷) 新店位置

今晚在銅鑼灣的焱丸水產，吃完浜燒之後，和老公逛崇光百貨，去到food court發覺已經大執位，很多店鋪都已經改了位置，並加入了一些新元素，不過這間賣獨沽一味芝士撻的店家，還在這裏。想當年剛開始的時候，我就見過要排隊，排成大半個鐘，現在熱潮過了，唔駛排隊，不過排在我前面的中國女子一買都半打，我和老公因為剛才的晚餐太飽，所以只買了一個試試。😂😂😂芝士撻每個$20，吃落芝士味道濃郁，撻皮鬆脆，可能因為差不多收工，個撻唔熱，如果熱些會仲好味，怪不得當年要排長龍。

今日路經Sogo 超市，見到li間居然無人排隊，當然要買黎試試啦～首先外層既牛油曲奇皮非常鬆脆❤將撻咬開一半，d cream cheese湧出黎，果然夠流心❤鹹香之中又有點點酸的味道，令人愈食愈多，難怪會成為坊間爭先模仿既對象啦！

有日喺銅鑼灣行街行到好攰見反正喺Sogo，記得地連住地鐵果層再落一層，有超市，入面仲有幾間小食店，就決定去望下尋下寶正所謂未見其舖先聞其味，落到去，行一行，已經聞到一陣陣出爐撻既味道，就喺落電梯後左轉，已經見到舖頭，前面仲排左7-8個人等緊叫芝士撻，我當然唔執輸去排，無耐，後面仲越來越多人添⋯⋯聽到前面一叫就叫6個（後來知道6個會平啲，仲有個盒添），我始終第一次試食，叫住一個先上面睇落去無乜特別，睇埋下面先見唔見到中間個餡係漲卜卜架，可以想像到佢係非常足料⋯⋯而最緊要係佢味道，唔會太甜，但芝士味就非常濃郁而且最有驚喜既係佢唔一定要熱食，室溫食亦都好好味唔需要翻熱只能夠話，當只集中做一樣野，會帶你去極致

鍾意食芝士嘅我又點會唔知道 最近嘅芝士撻 大行其道 通街都係 但係講到最出名嘅其中一個地方就當然唔少得呢個銅鑼灣嘅 芝士撻 每次去到呢間鋪頭都會被一大堆芝士迷重重包圍因為佢哋最出名係芝士撻 佢對芝士卡內裏 係流心餡 熱刺時一口咬落去外脆內嫩滑出便鬆化 有口感好重芝士味 咬開 就會有芝士流出來 令口女面女女愛愛都充滿芝士嘅香氣令人沉醉於芝士嘅世界 而且因為 芝士撻 本身唔算話太甜 所以亦唔會令人覺得太漏 一口氣食兩至三個都無問題

來自北海道的芝士撻BAKE cheese tart，由三種濃淡不同的芝士而做成，並會先後兩次入焗爐，而據說香港店鋪出售的是由北海道直送到港，保持味道跟日本的相似。芝士撻風好像暫時消散，剛好到銅鑼灣午餐便心血來潮打算去回家吃。在地鐵內看到原來要很多人都要大排長龍才能買到心頭好(說到好像去買手袋一樣…) ，可是去到地庫卻一直都找不到店鋪，是因為沒有長長的人龍所以很輕易便在旁邊擦身而過了LOL買了一人一個芝士撻($20個)回家給月巴試食，結果她打算當早餐吃…好吧那就放雪櫃一晚來個冷熱兩食！從雪櫃拿出來放室溫3分鐘，口感像芝士蛋糕一樣，不會感到滯膩，撻皮有少許焦黑這反而在雪凍後而變得脆身！把吃剩的一半拿去翻熱，翻熱的芝士撻也不能弄得太燙嘴，否則不能吃到流心的效果了。雖然自制的流心效果沒有買的時候那種效果，但吃到軟軟的芝士也算是不錯喔；而且不通溫度的吃法有不同的口感，不過個人認為要熱吃才較有特色呢！

難得行過Sogo，見到Bake有3大盤芝士撻出左爐，又見到條隊唔太多人，就決定排一陣買黎食下。買既時候，店員會問你即食定外賣。我當然買隻黎即食再外賣啦。芝士撻 - 3/5分一食先知原來係唔熱既，個撻皮又唔脆，又無咩牛油味，個芝士都還可以，甜甜地，少少芝士味，比較清淡。另外，好細隻下，3，4啖就食曬。朋友介紹先黎食，點知甘普通，仲要20蚊隻。個人覺得無咩特別，完全唔明點解甘多人排隊買黎食。

難得與媽行經Sogo, 與她來到超級市場逛逛，一直也很想嘗試名氣甚大的Bake cheese Tart，但之前人龍太長，實在不想排隊，雖然今天是星期天，但竟意外地沒有人龍，只有幾個人，故想也沒想買來試試！櫥窗外可見芝士撻整齊地排列着，排隊時亦能嗅得到芝士撻的香氣。我們買了四個回家，我已急不及待打開盒子預備一嚐美味。三個芝士撻一排，有些面層較窿，有些則較不會，我選了面層較焦黑的，因為是個人喜好。當我滿心期待拿上手以後仍是熱熱的，原來已冷卻了，因為個人較喜歡新鮮熱騰騰的感覺，故用焗爐焗一焗，芝士香氣撲鼻，實在令我食指大動。我咬下一口，瞬間讓我由原先以後能上達天堂，卻依舊在凡間。先說餅皮，雖然是脆的，但是很薄，吃不出鬆化的感覺。值得一讚是芝士餡味道確實濃郁，不愧是用上了三種芝士混合而成，充滿咸香，沒有酸味，但我認為不夠軟滑。總的來說，芝士餡做得出色，但一小個索價$20，餅皮質感欠缺，覺得有點名過於實，我應不會再買來吃。希望有天能到日本一試，而不會失望。

尋日下午，食完個下午茶;就想食甜品。。。我朋友就買左三個芝士撻，睇佢外表就好似焗過頭，偏黑，尤其個撻皮。芝士撻啲餡有好香的芝士，食落去好滑而且好重忌廉味。撻皮就重左曲奇餅皮，會比較硬身。

某日經過Sogo, 見這間之前大排長龍的名店竟然得三四個人排隊, 之前那些排到地面的人龍不見了, 唔駛排就買回家一試睇吓有幾好味........點知.....回家一開, 有兩個好似冇焗過咁, 個面燶d都冇, 咬一口, 完全唔流心, 芝士味不香不濃, 只有微微的酸味??撻皮沒有香味(牛油), 亦非常乾口, 食完非常口乾, 我覺得美X Lab比它還好吃, 都唔知為乜要排, 還是我不懂吃??

早就知道芝士撻熱潮有退去的一日這一日，來了！小弟經過銅鑼灣，芝士癮大發於是去看看BAKE多唔多人，順手買點回家果然，唔使點排隊就買到很香的餅皮和芝士香味與其他幾間芝士撻店比較BAKE的餅皮比較結實，咬下較剛脆芝士味亦較重同較濃中間綿潤，入口鬆軟所以我比較鍾意食佢地的芝士撻美中不足是芝士撻面頭的噴焦效果每個都有不少的差異應該要改善一下

對比上一次食, 今次個芝士撻既芝士味弱了點, 酸酸既乳酪味蓋過左應有既重芝士味。凍食既芝士撻既撻皮仍留有微脆既口感, 由於乳酪味挺突出,食左成個都冇漏既感覺。焗左既芝士撻既撻皮好鬆脆, 蛋香味更明顯, 芝士味比凍食較為濃郁。切開芝士撻, 中間有流心效果, 芝士流心仲散發住芝士香士香！

過江龍在香港十分吃香，一件芝士撻都要等上兩三個小時！幸好熱潮總不會一直持續，逛完花展來到崇光百貨超市看一看BAKE芝士撻的熱賣情況，看到只是一條短短的人龍就馬上排隊，懷念一下在東京的味道，哈哈！ 一個個芝士撻整齊地排列在眼前的景象好吸引。 排隊大概5分鐘就買到。買後即食，東京的味道重現眼前！軟滑又香濃的芝士餡配上鬆脆的曲奇餅底，好吃得很！一口接一口很快地就把芝士撻吃光了！以後到銅鑼灣都要去sogo探望一下我心愛的芝士撻！

2016年3月14日 (星期一) 3:00pm 室內面積非常小，以深灰色陶瓷磚作裝潢，簡約低調。 店內擺放了大焗爐、食物層架和托盤。焗爐負責不斷烤焗，確保芝士撻源源不絕，新鮮出爐。 一個店員負責包裝，一個負責收錢，排隊付款速度算正常。 等候了 5 分鐘，便買到新鮮出爐的芝士撻。 【最佳食法】：1) 當天以常溫享用2) 放進雪櫃，冷藏後則像雪糕3) 焗爐加熱，外脆內軟。 芝士撻 - 軟心芝士慕思以 3 種芝士配合而成，包括北海道函館產輕味芝士、法國產鹽味忌廉芝士和別海產濃味芝士，質地輕盈，感覺似慕絲又似泡沫。芝士撻外表烤焗得金黃，內裏餡料滑溜，可惜芝士味不算濃郁，反而略帶微酸。撻皮方面，超脆曲奇餅底是用牛油搓成，又香又脆口，值得一讚！ 芝士撻全部由日本空運到香港，售賣前才拿出來翻焗。 廚師特意用上『二重燒製法』：首先燒脆曲奇餅底，之後加入芝士慕絲再燒焗，質感香脆，不飽滯。 年輕的店員彷如機械人一般，木無表情，服務態度有待改善了。 每個芝士撻定價為 HK$20，4 個要 HK$80，價錢比較昂貴，我覺得每個應該 HK$12 左右就差不多呢！ 芝士撻比我想像中的細小，

情人節食食食活動-第三站其實開左咁耐都仲未食到.....一黎唔就腳，二黎次次都係紅日先黎到....所以次次條隊都要排2個幾3個鐘....於是今日又黎碰運氣~XD下午3:30去到銅鑼灣，諗住順便落去SOGO睇下條隊有幾長啦~又好彩，樓梯得幾個人排緊!咁梗係跟住排啦!!望住佢一盤盤金黃色嘅芝士撻出爐.....真係流晒口水~排左20分鐘左右終於到我啦!!(好興奮!)最後買左4個。芝士撻焗完個樣金黃色，焦焦地真係好吸引~入口其實唔算好熱，因為芝士撻出爐後會攤一段時間.....加上天氣凍，所以個撻有D凍凍地。如果熱D就好了~><撻皮係曲奇皮，好香脆~ 我鍾意!中間嘅芝士口感同味道有D似乳酪。少少流心質地。有好香芝士味，微酸。整體唔錯!想食第二次!希望下次再有機會唔洗排咁耐就好了!

天呀，今日排左10分鍾就到我，買6個110蚊咋（平時20蚊個），一買買左12個。如果真係要同半熟工房對比，我覺得bake個餡係好食過半熟工房！因為熱食既時候冇咁酸，而且較咸香。但皮就半熟工房鬆軟啲，啲度好似有少炒焗焦左咁既顏色。但我知道做硬啲皮係有原因既，因為防止啲半熟料漏出黎