新德里餐廳

營業中

休息中

一到重慶大廈門口就有好多印度人招呼你。唔習慣嘅最好一早做好資料搜集，自己入去搭lift就得。呢間餐廳係3樓。前菜有免費嘅胡椒脆薄餅送 ，配埋薄荷醬同燒烤醬都幾開胃。🐟瑪莎拉燴魚(中辣) $87酸酸咸咸，無想像中咁辣，好多油，魚肉算滑，但份量不多。🥬新德里特式雜菜(小辣) $70⚠️我地差唔多食曬所有野先後加，點知伏左! 因為成蝶都係醬汁咁濟，好咸，搞爛曬，係要配飯或薄餅食嘅，所以已經太飽!🐑新德里特式燴羊肉(小辣） $90👍🏻香料味好重，有啲似芥末味，配羊肉，蓋左浸羊羶味。唔會太辣，配返或烤餅一流芝士烤餅 $28有四塊，好夠味，d芝士少少溶，主要配埋咖喱汁，少油🍹芒果乳酪 $35新鮮芒果，入面feel到有果肉，加埋乳酪又唔會十分之甜。食印度咖哩時配返個飲品可以balance返，唔膩！總結：正宗印度菜，重慶係不二之選！呢間就唔算太貴。環境乾淨舒服，上菜唔洗等好耐👍🏻不過食呢d一餐都好濟（and 都係個句...好咸），大家未必習慣。有定心理準備之後要解下胃啦！

一直以嚟我都對印度嘢食情有獨鍾，幾乎每兩個禮拜就食一次🙈呢日就的起心肝、鼓起勇氣入重慶大廈試試最地道嘅印度美食，新德里算係幾出名嗰間，應該都啱香港人口味😝前菜會送每人一塊薄餅加薄荷醬，醬汁比較平時深色啲、多咗重香料味，薄餅就好似超薄嘅粟米片再鹹少少，單食會齋咗啲，加埋新清嘅薄荷醬就啱啱好👍🏻我哋叫咗好多人推薦嘅瑪沙拉燴雞($78)同芝士烤餅($28)，雞肉貫徹印度大大件嘅傳統，而且出乎意料地嫩滑，應該係用咗雞髀肉煮😋雖然餐牌寫係小辣，但都幾勁吓，會有餘韻留喺個口度繼續刺激你條脷，不過絕對唔係好難受嗰種，加埋多重嘅香料係超惹味🥳芝士烤餅表面燒到焦香、非常吸引，而且見到中間真係夾咗好多芝士🤩雖然未做到拉絲效果，但咬落去真係會成口芝士，再加埋Naan本係好煙韌，就好似食緊鬆軟版嘅芝士麻糬波波😚作為Naan嘅愛好者，可以話係非常滿足，加埋瑪沙拉燴雞，簡直就係韓式嘅芝士辣雞😆呢個配搭我都好推薦大家試試～費事叫太少又驚太多食唔曬，我哋再嗌咗個薄荷烤麥餅 Mint Paratha ($25)，不過個老闆似乎覺得我哋嗌太少又唔叫嘢飲，所以全程黑面🥲Anyway講返食物，呢個烤餅嘅賣相好似台式手抓餅，但

是但問個香港人都知重慶大廈的印度野最出名，而如果你問我邊間最好食？我會答你係新德里。可能大家睇得多《重慶森林》，會以為重慶大廈係一個有關殺手、罪惡、槍林彈雨之地而卻步（我細蚊仔個陣都係咁諗）。畢竟重慶大廈的確有自己生態（詳情可以睇下我老死中大人類學教授麥高登著作：《世界中心的貧民窟：香港重慶大廈》），明明是香港地方，一搭入大廈一步，周圍的顏色氣味都唔同曬。而且一入去就勁多印度人sell野好唔舒服，自己行的話，地面個層得印度鋪同找換店行到暈陀陀。我自小係尖沙咀成長，對於去重慶大廈食咖哩，都算有d心得，我可以話比大家聽，唔洗怕，去食新德里，係有攻略。你只要係大廈門口講句：新德里！之後就會有好友善的印度手足親自帶你上餐廳。先睇下menu。落完order就會送餐前小吃papadam。Papadam脆扑扑，不過就咁食就咸d，所以可以點埋枱面的薄荷醬同燒烤醬。免費小吃，不過不失啦。作為多年新德里fans的話，芝士烤餅係必食的！而作為多年新德里fans，我覺得芝士烤餅＋菠菜芝士的味道是最夾的！只是那拉絲芝士足以把玩四個小時，拉到我樂而忘返！仲叫多份蒜蓉烤餅。蒜蓉味充足，不過就真係太大塊，仲大過我塊面

每次都一大班人先會勇闖重慶森林今次披荊斬棘，先可以過到大門極多人湧至派傳單。本身都target食呢間，行到門口森林守衛為左搶生意，大開折扣優惠，話有8折。提提想食的朋友，記得攞佢個張卡，講明有折，否則佢埋單會反口。因我地無keep住張卡，埋單時佢只俾左個9折，算食物水準係不錯新德里特色繪羊肉個羊肉有個好濃的汁包住，唔會好羶，肉質係嫩而不乾醬汁並唔係咖哩味，奶味重配烤餅食一流新德里特色炒飯正宗印度菜用印度米長身不黏的米仍然沾上醬汁配牛肉、雞肉炒成素咖哩角佢個紅色的醬汁先係咖哩角的靈魂甜甜的醬汁中和本身偏鹹的味道一定要加個個醬蒜蓉烤餅夠香，配汁醬一絕見隔離枱有叫其他烤餅，會較乾身呢個油份充足（當然月巴仔啲）芝士烤餅起司拉絲控不要錯過好食過芝心批好多倍烤餅內夾住一層mozzarella cheese重點係要放涼一點，等芝士凍番有拉絲效果呢個烤餅係毋須配任個醬汁食，已經好好食一句：記得係大門攞佢張卡

一直有聽聞重廈大廈的印度菜非常出色，難得今次有朋友推介，終於可以試一試了。首先一進重慶大廈已經有非常多人很熱情的跟你招手急著遞宣傳單張給你。今次我們要試的就是這一家了。我們一共七個人，選了幾個菜，不得不試的當然是咖哩和烤餅。我們點了椰汁咖哩燴魚（中辣），蘑菠菜芝士（小辣）和為不嚐辣的朋友而點的香濃腰果汁燴羊肉，配上芝士烤餅，再叫了一個新德里特式炒飯和蘑菇印度黃飯。飲料方面，咸乳酪比較特別，芒果和士多啤梨乳酪也不錯，但喜歡乳酪味較重的就要試一試甜乳酪。最受朋友歡迎的是蘑菠菜汁和有拉絲的芝士烤餅。另外可能因為我們去的那天人客比較多，所以上菜比較慢，如果趕時間或餓着肚子去的朋友要注意一下～

其實一路都想黎重慶大廈食嘢，但次次都話呢度好危險，女仔唔好黎，但自從係尖沙咀返工後，覺得咁近都唔黎咪好傻豬，於是搵左一日Lunch同同事黎到重慶大廈三樓既新德里餐廳食嘢。重慶大廈咁多印度咖哩點解偏偏揀呢間？無他既，網上Search到話連日本雜誌都評呢間係全港最好食既咖哩嘛！咁係咪最好食都要食左先知既。一入到去餐廳，充滿印度風情既音樂加埋藍藍既燈光有種昏眩既感覺。我地三個女仔坐低，印度店員就送左碟印度脆餅加蘸汁俾我地，d汁好似Washabi架埋d檸檬、乳酪既味道，怪怪地，我就食唔慣啦。我地三個女仔Order左新德里特式炒飯、瑪莎拉烤雞、燒烤五香雞件同埋芝士烤餅。特式炒飯略平凡，就係d雜菜啊，蛋啊，豆角炒埋，睇唔出幾特色，但印度米比較長條，食落去口感較乾身，都OK啦！另外係瑪莎拉烤雞，話係烤雞，其實成碟好Juicy好多汁，紅卜卜咁食落去其實應該都係咖喱黎，我覺得，齋食係重口味既，要配埋個芝士烤餅，烤餅蘸瑪莎拉汁，幾惹味。烤餅係印度叫Naan，有好多味，個人推介芝士位同蒜蓉味，圖中係芝士Naan，可以見到入面有少少Cheese，增加左鹹味，但其實就咁食一定寡，一定要蘸咖喱。最後重點推薦佢地個

男友喜歡吃咖哩，一於上openrice看看有什麼咖哩小店好吃。這間小店食評不錯便去試試。小店位於重慶大廈，裡頭有各式不同的餐廳，店員很熱情地為各自的店舖拉客。我們找到 "新德里"的員工，他直接帶我地上餐廳。餐廳裝修簡潔乾淨，地方亦闊落。我們點了幾個招牌菜，分別有香燒春雞脾、芝士烤餅、燴羊肉 及 芒果乳酪。芒果乳酪最先送到，大大杯果味香濃，感覺是新鮮攪成沒有溝水。有沒有乳酪已不再重要，啖啖杧果香夠晒吸引。雞脾細細隻有蔬菜墊底，熱騰騰跟鐵板上。店員細心地將雞脾切開一半，方便食用。雞脾厚身但肉質嫰滑，味道不是太濃，有淡淡的炭燒味。雖然沒有醬汁但亦不會乾身！烤餅漲卜卜，外皮有少許燒焦。內裡芝士蠻多，是最愛的起絲芝士!! 烤餅煙韌有咬口，芝士香口而且不會令人有太飽太滯的感覺。大家記得襯熱吃，超讚!羊肉細細碟，咖哩味道較正宗，有多種香料，味道易入口。平時我只愛吃日式咖哩，估不到這裡的咖哩連我也覺得不錯。香料味道不會太搶，小辣=微辣，是香港人可以接受的辣度。男友對這餐很滿意，結帳時發現這裡沒有收取加一服務費，平均每人$100有找，對比起其他位於尖沙咀的餐廳，來得好吃抵吃。

今日終於約到朋友去重慶大廈食咖哩，聽人介紹去食就硬係去新德里咖哩！重慶大廈門口，就真係亂，成班人見你係食咖哩就圍住你，唔夠多人去就怕怕，不過如果你好彩有新德里咖哩的伙計係到，佢會比張9折卡你，但個人就唔太提議你去拿，因為真係會比人圍住，所以最好入去有明確目標，直接入，唔好比機會佢地一坐低，就比左一個小食，脆脆地，好似薯片咁，幾搞嘢！我地4個男人食，叫左3個咖哩，3個烤餅，同一個飯，因為烤餅要就夾咖哩食，，同佢果到既咖哩(一個碗) 份量都比較少，所以最好一起叫第一次食正宗咖哩，超好食，但份量我就覺得唔太夠，值得去食，價錢呢。。我地4個人每人都要$100落樓，都食左$400,本人就覺得貴左少少，不過都值得耐唔耐去再試試

某日看到一個飲食介紹印度菜，從來沒有吃過印度菜，也對印度菜沒有好感，主持人吃著素咖哩角，但看見她一咬下去，內裡的青豆薯泥立刻從嘴角流出來，吃得津津有味。在「開飯」搜尋一下印度菜，發現最多好評就是重慶大廈內的印度菜館。這個地方一向給我神秘的感覺，每次經過門前也快步走過。不過美食在前怎可錯過，便拉著白老鼠帶我去嘗嘗那兒的美味。有點像泰國的芒果沙冰，味道酸一點，有點像奶昔。形狀獨特像個三角錐體，味道有點辣，但反而刺激食慾，難怪女主持吃得津津有味。雞肉和魚肉也很入味，魚較鮮味，是有質素的魚柳。烤餅不太油膩，內裡夾著芝士，切開一拉，芝士立刻流出，看得我口水直流。不過只吃了一小塊已把我的肚子塞得滿滿，當然少不了頭痛的後果呢!

記得多年前有一段時間非常喜歡吃印度咖喱,因喜愛其香料味道濃郁及比巴基斯坦的辣來得更有層次.更是這裡的常客差不多一星期吃上三至四次.直至某一天突然覺得已經吃夠了!上癮的癥狀也像連根拔起,這些年來也再沒有踏足重慶大廈.這天晚上看電影前先找地方吃飯突然就想起了這裡.隔了這麽多年大厦內變得整潔,電梯也已更換過(還是強烈建議不要行後樓梯)打開店門那熟悉的感覺又回來了,除了檯椅的擺放位置有些不同外大致上是沒甚改變.基本上餐牌已印在心中,友人不吃辣便改一改腦海中己預定的食物.落單時交帶了一聲時間有點趕希望能快點上菜.烤五香雞件----十分鐘不到比小吃的薄脆更快出現!醃制過的雞件配合鐵板的熱力所散發的味道確是非常誘人!雞件肉質雖不算嫩滑但醃得非常入味,有輕輕的小茴香的味道.Vindaloo Mutton----應算是印度咖喱種類中最辣,由幾種不同的辣椒粉混合香料煮成,因加入了醋及蒜頭所以味道也比一般較為濃烈得多這個辣度對近年吃慣麻辣的港人來說當然只屬一般(但對很多外國人來說這已是頭痕級別)羊肉保留了點羶味,可以再煮得更軟身的話效果更佳.Chicken Tikka Masala ----主要味道來自香料

第一次去重慶食,由友人介紹呢間,話試過唔錯.....姑且試下新野 4個人,樣樣都可以試下 咩都唔識,所以由友人發板咖喱羊肉角: 一拮好脆,似係0岩0岩炸好,食落唔覺"蘇",但感覺同普通咖喱角無咩分別 芝士烤餅: 呢個好好味,見到有半溶ge 芝士,有芝士又唔會太濃,就咁食已經好好味 咖喱羊肉烤餅: 普通.....羊肉唔多,亦唔係好香不知名雞.....拿黎送烤餅....Match 新德里炒飯....好重香料,有時會咬到,即時反胃 炸奶球....同想像中差好遠...奶味唔多,不過甜甜地都幾好味另外試飲過甜乳酪, 拉奶茶.....d 味道奇怪到唔識形容.....esp 拉奶茶,落左好重香料...係煮野食會落個d 茴香, 香茅咁...... 真係頂唔順

話左去重慶食印度菜好耐, 一路都冇時間。終於呢個星期日由細佬帶路去為食一番。 燒烤五香雞件: 燒得好香, 雞件係雞脾肉所以係滑唔會燒到又乾又’鞋’ 芝士烤餅: 夠晒熱, d 芝士’jit’ 晒出黎 瑪莎拉燴蝦&茄汁燴雞: 撈飯、’yarm’ 烤餅之選

好友生日想食重慶咖喱, 就去好耐無去既"新德里"還記得一年前, 未到8點已經人頭湧湧, 但今日竟然得幾張枱, 心諗唔係難食左呀?因為得傻婆2人組, 所以食物唔多, 只係叫左羊肉咖喱角 (好味推介 *****)牛油 及 芝士烤餅 (好味推介 牛油:** 芝士:***) (另外推介 蒜茸)瑪莎拉chicken, 其實可以揀羊, 牛 或 海鮮, 但傻婆覺得chicken 好d (推介 ****)(另一推介 腰果咖喱 - 唔辣架) 士多啤梨 + 香蕉 沙沙 (即印度milk shake) (好味推介 ***)另外 附送之脆餅 味道遍咸 要點印度香草醬, 印度甜酸醬 成晚消費都只係 $155