李家 (已搬遷) 新店位置

經朋友大力的推薦下，終於跟她一起到李家吃炸雞ヽ(*´∀｀)ノ跟其他在港的韓國炸雞點不同，點餐前，店員已送上白蘿蔔和沙律，白蘿蔔真的是炸雞的好伴侶，有解膩的功能～ 不夠可以添加(★‿★)今日的主角出場了！登登登～是甜辣炸雞+原味炸雞，是即叫即炸，所以外層十級脆，每一口也有ASMR 的聲效🤣而且肉汗多到會滴出來，實在太太太美味了～原味炸雞更原汁原味呢但是我更鐘情甜辣味 哈哈哈另外點了芝士蛋卷，又是超美味呀！ 拉出芝士絲的蛋卷，滿滿的蛋香味 又有層次感～中間夾著熱溶溶的芝士，每一口也大滿足

Wellbeing honey garlic fried chicken $180(👅: 8.2/10)I can tell this flavour of the chicken in this restaurant is the best and this flavour is my first try as I have visited this restaurant twice. This kind of sweet honey with garlic combine together is great and really match with the chicken.-Cheese egg wrap $120 (👅: 8/10)This is the classic Korea egg roll and it’s a must try item as inside contain lots of cheese 🧀👍🏻-Hot sauce chicken & rice cake with cheese $160 (👅: 8/10)This sauce is so good w

熱鬧嘅情人節，一行四人慶祝情人節，到咗尖沙咀緊係食韓國炸雞，之前係韓國都有食過依間（李家chicken HOF & SOJU)炸雞，喺韓國好出名，4個人可以試多幾個菜，叫左半半炸雞，一雞兩味道食，貪心想食曬兩個味道，叫咗原味加甜辣味道兩款，雞算炸得鬆脆，但係雞件比較細，冇以前咁好食，🈶️啲失望牙芝士雞蛋卷，香濃嘅芝士味，質感軟綿綿，仲有芝士嘅拉絲，口感幾得意，泡菜餅，好似一片薄餅甘，食到泡菜味，其餘冇咩特別，味道都唔算辣，，到第四個餸，燒五花腩肉，感覺肥膩，好似食緊燒肉甘，肉質硬硬地，味道普通，尖沙咀鋪頭比較細，座位唔算太迫，可能係情人節有限時個半鐘

好耐冇黎呢間李家啦～今日一行五人，去完迪士尼Happy，凌晨12點先開餐。可能餓左好耐，晚餐宵夜一齊食，我地嗌左4樣野。第一次食芝士雞蛋卷。嘩！D芝士痴住個蛋，軟綿綿又香，加上我係茄汁控，真係覺得好好味！蒜香蜜糖炸雞，非常邪惡嘅食物。雖然邪惡但一食落去，脆卜卜，D雞辣中帶甜，好惹味。再來我一個我嘅至愛- 泡菜煎餅。一咬落去，多泡菜，好香蛋味。如果個薄餅可以再乾身d，會更好。最後黎一個魚餅湯（類似呢個名）。個湯辣辣地：）咁夜食呢D美食，罪惡感好大架！但難得可以同好友聚下，就覺得好滿足啦😍

李家炸雞...成日都見到門口大排長龍....今晚決心黎排一排...意外唔算話太多人！半半炸雞，原味炸雞同甜辣炸雞各一半。原味炸雞無咩特別..甜辣就好好味...其實隻汁係有啲似甜酸排骨既味... 唔算好辣！ 仲叫左個芝士蛋卷...食完好滯！ 好厚既蛋充滿住芝士田....加埋茄醬同芥辣醬....甜甜地...好食..但最尾3個女仔都係食唔哂🤣 鋪位好細間...但座位好闊落...仲叫左支韓式清酒，慢慢同朋友吹水...無趕客！

韓國炸雞其實係香港已經興左一段時間但熱潮仲未減弱，今日同好友相約食炸雞諗唔到宜家都仲要等咁耐。等左成粒鐘先入到去食野，真係餓死寶寶了蜜糖蒜蓉炸雞 $180份量多，應該有一只雞嘅份量，炸雞熱辣辣送上枱，食落去炸粉薄而炸到好鬆脆，雞肉肉質好嫩滑仲保持到有肉汁，炸雞同蒜蓉蜜糖撈埋一齊食甜甜辣辣咁好match，正呀芝士雞蛋卷 $120切開入面d芝士好多，終於明白芝士夠多夠熱先自自然可以做到拉絲既感覺，雞蛋卷亦唔會over cook，食落好fresh好新鮮，芝士同雞蛋嘅比例好夾，食多幾舊都唔會好膩今次掛住食嘢唔記得咗影個Menu所以唔記得呢個叫乜名不過一定要同大家提提呢個肉柳，雖然食落好有肉香味但係好感太過林，林到完全冇晒口感。我自己就覺得遜色左少少黎得呢度食炸雞點少得飲啤酒，呢個啤酒入面有加到燒酒成份，但唔會有刺喉嚨嘅感覺，比較易入口。李家炸雞嘅水準真係好出色下次會在試下其他口味，同朋友一齊嚟食炸雞飲啤酒就最好不過

其實佢係好韓國家庭式嘅食店，沒有華麗裝潢，甚至有啲兜踎，與韓國炸雞店相近。想不到星星令佢突然爆紅，客量完全超出小店嘅負荷。熱潮過去後，人潮回復合理水平，閒日晚上等兩張枱，還可接受。根據長居韓國的朋友所講，韓國人很多時晚餐會走幾場，食幾間餐廳，就算一大伙人，每一間點嘅份量也不會太多，只點最招牌最想食的share, 食完心頭好就即轉場，唔喜歡食完坐喺度hea。而雞炸，韓國人係唔會攞嚟當正餐嘅，只會當晚餐後cupping時的送酒食物或宵夜，但最流行還是宅配外賣，再加便利店買啲燒酒啤酒自斟自飲。電召炸雞市場競爭非常大，選擇之多如天上繁星，店家會以送精品或積分制吸客。其實一睇啲餐具就知佢走平民實而不華路線紅色雞食過多次，今次轉吓口味試蜜糖蒜蓉炸雞，評分俾紅色雞更高。蜜糖汁會比平時紅色雞汁稀少少，無咁黐立立，輕型啲。pat蒜蓉有少少苦味, 但蒜味已融入蜜糖汁內，淨點蜜糖已經有香濃蒜味。除蒜蓉外還有幾瓣蒜瓣, 雞帶少許辣，幾開胃。芝士蛋卷係招牌菜之一，大量mozzarella cheese做出拉絲效果，但我幾肯定佢用嗰隻芝士同我喺荃灣南豐九樓熱烘焙鋪買四十幾蚊一大包嘅急凍芝士碎係同一隻，呢隻芝士寫到

呢間排隊係有啲跨張，但係真係值得排，而且開到凌晨4點，夜媽媽想食肥野啱晒。個感覺好似加拿大korean town韓國人開嘅小店。份量好大，最啱一班朋友一齊去食。甜辣炸雞 - 一份雞起碼有10件雞，炸雞出色，香口入味，配埋Hite啤酒，一口熱氣 一口清涼，爽!芝士雞蛋卷 - 芝士控必點！厚厚嘅蛋中間包住芝士，一夾就會拉出長長嘅芝士，外層的茄汁更為蛋卷添味，落足料好滿足。芝士辣雞炒年糕 - 芝士控必點II! 有少少辣，係鐵板上，一夾又會拉出長長嘅芝士，內裡有年糕、雞肉粒、青椒、泡菜、紅蘿蔔等等

因為我同大少去日本幫朋友買咗好多嬰兒用品，所以約出黎食飯交收，朋友話好想食李家，咁當然，大肚婆話事喇，最緊要佢想食~~之前來自星星的我，令到呢間韓式炸雞店一度好HIT(雖然依家都重HIT緊)，我諗佢咁多人排隊，一定有咩個人之處~~本身唔好酸味嘅我，當然唔會食呢啲前菜喇~魚蛋湯 - 呢個湯我覺得係全晚最好食嘅一味，個湯有啲辣，但係佢可以帶起個魚蛋湯嘅味道，入面除咗有魚蛋之外，重有芽菜，個辣味唔會太搶，只會係帶一帶味~泡菜餅 - 呢個泡菜餅比我喺其他地方食嘅香，但係……佢啲泡菜堅酸~芝士雞蛋卷 - 呢個簡直對於唔食芝士嘅我嚟講，實在太驚喜喇，個蛋一啲都唔會太老，芝士份量啱啱好，拉到絲出嚟……超好味~~豉油炸雞 - 我覺得炸得太乾身，味道其實啱啱好，唔會太鹹，但係就真係太DRY~~芝士辣海鮮炒年糕 - 呢個朋友好鍾意，因為好多芝士XDXDXD，我就其實唔要啲芝士，都覺得佢OK好味，因為辣辣地，又有啲唔知拉麵定係意粉嘅嘢，最緊要……有我最愛嘅年糕~~

對於一個芝士迷來說，林家的芝士雞蛋卷是必吃的！芝士雞蛋卷 - 製成品是很大的一卷！我用刀切開，蛋卷裡香噴噴的芝士立刻流出來，芝味濃郁。蛋卷香而滑溜，配著香軟的芝士，美味之極。而且，外層的茄汁更為蛋卷添味，推薦比鐘意芝士既朋友。

28/03/2015 晚餐4個女仔tst shopping完想食韓國菜，見李家好出名就去試下。6點半去到時見人龍唔算太長，但第一輪剛入座，所以等了一小時😓入面環境好暗，落order後送上兩碟前菜。但係沙律菜個底有好多水,未停乾水😖等左20分鐘終於有野食喇！第一碟-芝士雞蛋卷雞蛋好香，芝士都好多，好好味，鐘意芝士既朋友環試下，但係4個女仔分有點膩。第二碟-海鮮煎餅呢個煎餅都不錯，用左好多雞蛋煎，所以都幾厚！餡料好豐富，有大蔥、蝦、魷魚等等。仲有個醬，酸酸的，唔辣，都幾夾！第三碟-鐵板燒五花腩燒五花腩伴有辣泡菜及辣大蔥絲，仲有BBQ醬可以沾，但我覺得無咩特別。第四碟-芝士辣雞年糕四碟之中，呢個最辣，同樣係鐵板上，表面芝士係拉唔斷，內裡有年糕、雞肉粒、青椒、泡菜、紅蘿蔔等等，因為環境太黑所以睇唔清楚。我覺得好特別，因為其他店舖未有賣呢個！P.S.李家每碟野食都好好好大碟，3-4人份量，所以在場好多人食唔晒，餘下既野食可以take away的😊

近年韓風刺熱，尤其是一年前的「外星人 cross over 地球人」的「愛情 x 精探 x 科幻」電視劇除了瘋魔香港的電影精之外，更加帶動了韓式炸雞的潮流。拖拉了多個月，終於有機會一嚐。既然要吃，當然找一家較有名氣的店子。很多四周找吃的香港人皆知道，尖沙咀金巴利街是香港的小韓國，多年前已是韓國食品雜貨小店、地道韓式燒烤小店的集中地，絕大部分都是韓國人旅居香港的家庭經營，由老闆、廚師以至樓面服務員，可能根本是父母子女一家大細。隨著近幾年韓風横掃，這些韓式食店已經入侵金巴利道，但很多仍然維持家庭式經營模式，當然，也有一大部份近年才開業的，老闆為香港人，只是找來了韓國人掌廚而已。食韓式炸雞，要夠地道風味，當然揀一間韓國人經營的地道式小店，「李家」正是其中之一。開業時間也只不過幾年，早於千頌伊及都敏俊的熱爆韓劇，極可能是香港第一間主打韓式炸雞的食店。尖沙咀店不接受訂座，要先到先得。去到金巴利道找尋「李家」時，首先見到的是與總店隔幾間舖位的「李家」外賣店，講位置、門面開揚，其實外賣店更佳，可能本店太近街尾，而且門口不太明顯。未到18:45到達，看見門外已有幾批人等候，但店內却仍然有空枱。進門一問

今日約了兩位師姐聚會，她們想食韓式炸雞，所以我們今晚就去李家嘗嘗啦~~我們都知道要食炸雞要先排隊的啦，可是我們不想排呀~所以我們約了六點，早一點去，可能不用排那麼久呢~誰知，到的時候，已經有不少人在等候啦....最後我們等了一個多小時才可以入座呢~~~原來餐廳都頗細，有兩張大枱及幾張細枱，難怪要等那麼久~~肚子咕咕叫，很肚餓呀！不客氣，快點兒點菜先~~今晚只有我們仨，所以只點兩道菜--香蔥炸雞及雞蛋卷~才剛坐下，店員已經送上生菜沙律及醃蘿蔔生菜沙律頗新鮮，配上芝麻醬，不錯的開胃菜蘿蔔則爽脆又酸酸的，非常開胃~待會兒配著炸雞一起食，非常消膩呢~芝士雞蛋卷成品很大的一卷！用刀切開，香噴噴的芝士立刻流出來~~雞卷滑溜溜的，配著香軟的芝士，不錯呀！不過略嫌雞蛋味不夠重，要靠面層的茄汁添味~香蔥炸雞，成品又是大大的一碟~炸雞外皮炸得鬆脆，內裡依然保持嫩滑多汁，配著面層香辣的大蔥，不錯！李家的水準著實不錯，不過要排隊這麼久，值不值，真的是見仁見智啦...

一想到韓國美食，當然是啤酒! 炸雞! 聽說李家是韓國人開的，應該可以食到道地美食吧，故晚上就跟友人，三人行一同前來試試。李家位置偏離尖沙咀地鐵站，不過也算易搵到。比預期中少人等位，不過也等了約20分鐘才有位。食韓國野，點少得先啤酒呢! 先叫2000cc 生啤，啤一啤吧，生啤味道好清，完全唔苦，好易入口 最岩一邊食炸雞一邊飲，Cheers!重點推介之一係芝士雞蛋卷，雞蛋好滑，入面有好香濃的芝士，但食落又唔會太膩，份量亦好多，三個人都食唔晒辛辣麵呢度的辛辣麵其實味道同公仔麵的辛辣麵真係差唔多，不過麵身比較彈牙，配合辣辣地的湯底，好惹味至於甜酸炸雞個汁酸酸甜甜好開胃，但覺得個汁太過洁，而炸雞唔夠熱。一開始食覺得唔太辣，不過越食越辣，食完好口渴，不過味道都OK。其實每碟份量都好大碟，三人三個餸都食唔晒，一齊食到捧住個肚埋單，真係好好味!

並不是首回到 "李家 Chicken"，想到之前嚐到的美味兼刺激的炸雞、以及又鮮又辣的海鮮湯，總教人興奮得馬上開 Topic 命為 "Our Spicy Touch"，約齊脚 Encore 讓大家好好回味！選址在 "李家 Chicken" 最切合不過，因為我們同是李氏家族，又屬於愛刺激、愛辣兼愛喝酒人仕，所以早早於一個多月前已約定，幸好各人未有因身體不適或上課等雜事構成阻礙，果然上下一心、誠意可嘉！此聚還邀約了幾名其他姓氏的亦親亦友，一行共13人，足夠令我們在星期五晚食得開心、玩得瘋癲！"李家 Chicken" 內部隔局與酒吧極為相似，燈光昏暗，不斷播著韓國歌星組合的 Music Video，令人有點昏昏欲睡的感覺。大部份座位都被屏風分隔，單從間隔很難分辨它是一間食肆！唯一一張大桌子，三面被圍著，桌面宽闊四正，食物飲料多來都有充足空間擺放，再加兩張椅子，剛好容納了13人！採用了新鮮薯仔，不是即食冷藏貨色，用意是好的。可惜炸得不脆，薯條均沒精打采似的，薯仔本身亦無薯味，跟在濟州吃到的水準差遠了！唯一醬汁味道較為特別，尤以黃色芥末醬，混合了蜜糖，芥末的搶喉味沒有了，多了一份微甜，不錯！食韓