有囍 (已結業)

泰國菜餐廳愈黎愈多，終於俾我揾到一間令人十分滿意既地方。先叫荔枝玫瑰花茶($33 hot) 清清喉嚨，飲落甜甜地，玫瑰味好香~最令人驚喜係呢碟泰式咖哩蝦($168) 先講啲蝦，大大隻，真係有手掌咁大🤚🏻 煎香再放入咖哩度，鮮味唔會俾咖哩蓋過，蝦係本身就剪開咗2邊，剝殼超級方便，都令到咖哩味足以滲入。而我覺得呢個咖哩咁好食係因為咖哩入面係加咗蛋，食落係好稠，好滑同好香！點埋薄餅($28/ 2件)，每啖都食到咖哩，真係食過翻尋味🤤香芒米紙卷 ($58)每舊卷入面都係大大舊芒果，好甜好fresh!! 入面仲有大量生菜同甘荀，對於唔鐘意食甘荀既人黎講好似真係太多😂 如果改為檬粉應該會仲好食。參巴焗魔鬼魚 ($158) 魔鬼魚上面鋪滿秘製辣醬，食落超級惹味。拎起一排魚骨，下面既魚肉可以話係冇哂骨~ 好似魷魚咁可以一條條咁拉岀黎食，魚味道唔重，主要係靠香味同辣味，但口感不錯。椰皇燕窩 ($98)成個椰皇咁上，成個甜品暖暖地，飲落超香，好重椰汁味。入面仲有份量絕對唔少既燕窩，吸引哂椰汁既精華，滋陰又養顏。食完辣辣既泰國菜，食一碗椰皇燕窩係十分完美既組合🙈

今晚難得和舊同學食飯，搵間不趕人餐廳才得，唔可以阻礙我們談心在太子開左一間星加坡菜餐廳，已經好多明星來食過全院滿座叫個二人套餐，再加小菜，就這樣吧好滑海南雞，肉質鮮美好吃，配香飯和油飯好香藥材味，飲完都暖晒由於叫套餐，所以麥皮蝦有兩餐，啖啖肉，好鮮美，完全令人愛上，下次要散叫先，可以食多幾隻炒得好香，芥蘭食落沒有苦澀滋味這個好多海鮮（蝦，魷魚）作配料，有臘腸片，貴刁即系河粉，我最愛，河粉炒得爽口彈牙食落好香好脆口，鹹蛋王味好突出，食不停口好濃果茶，飲咁多間餐廳果茶，這間最好飲，大力攞介玫瑰花浮動，飄逸出它的獨特香味，聞到少少荔枝味，甜甜地，飲完當晚應該好好睡一覺好滿足的一餐，下次再食其他

晚飯時間去了太子旺角警署後面的食街，出名多野食，中西意泰都有，我們今次就十試了這間星東南亞菜。幾個人決定點一些特色菜，店員比了些建議我們。泰式燒鱔：燒鱔很厚肉，表面沾上燒汁燒至帶點焦香，切成一斷斷，肉嫩且滑。星加坡麥皮蝦：麥皮帶點香甜味，而且焗得香脆，蝦肉大隻且爽口彈牙，吸引了麥皮的香甜味，味道不錯。星加坡巴東牛肋條：牛肋條份量十足，炆得又腍又入味，平時配薯仔，但這個是配蕃薯，味道香甜，跟平常咖哩有點不同，比較香的洋蔥味，香料味都很濃郁，帶點輕微辣，但偏惹味，配埋份薄餅點尼食，薄餅煙韌有咬口，非常飽肚。荔枝玫瑰花茶：荔枝及玫瑰味兩者都很香，但味道很夾，唔會蓋住另一款的味道，不過比較甜。椰青：即叫即開，清甜解渴。

天氣寒冷的日子特別愛吃火鍋，窩夫與好友日前便去了位於太子花園街的有囍，用肉骨菜來打邊爐。火鍋湯底和配料的選擇不少。窩夫喜歡在醬油裡加生熟蒜。肉骨茶(藥材)湯底($98)來了，其實窩夫本來想試喇沙湯底的，卻又怕辣呢。肉骨茶的藥材味不是那種濃得來叫人難以接受的味道，窩夫建議打邊爐前先喝碗肉骨茶暖暖胃，藥材的味道滲進了排骨，但又沒有蓋過本身的肉味，絕對不能錯過。招牌手切本地肥牛(細$188)的份量不少，脂肪比例不算太高，肉質腍滑有肉味，難怪是招牌之一。響鈴卷($58)是驚喜之作，一上桌便已聞到香濃的豆味，應該是新鮮炸起的，而且不會卷得太厚太實，口感跟平日吃的響鈴有點不同，值得一試。西洋菜($28)十分新鮮，口感爽脆。自家手包雲吞($58)一客有六隻，隻隻脹卜卜，十分足料。芝士墨魚丸($128)一客有12粒之多。墨魚丸爽口彈牙，裡面加了芝士，令味道更加豐富。窩夫第一次邊火鍋邊喝花茶，店員推介的荔枝玫瑰花茶($33)顏色很美，甜度適中，非常好喝。除了火鍋，有囍還提供多款東南亞小菜，鄰桌的胡椒蟹和麥皮蝦看來都很吸引，有機會要去試試。

天氣凍❄️❄️天文台更預告有機會會降至7度☃️咁凍即係又到打邊爐既日子啦🍲🍲今次聽朋友介紹 太子一間好正既打邊爐餐廳估唔到放工即到 都要排下隊先入到座餐廳好新潮 完全唔係傳統中式酒樓 茶餐廳格局👍🏻環境舒服湯底好多選擇 花多眼亂 我又選擇困難症發作啦😫最終揀左滋補湯底好足料 雞同花膠都好多😱😱唔洗擔心湯底會好油侍應等湯滾起後 幫我地「不」走d油 先之飲湯好細心❤️❤️調味格都好特別 精緻好欣賞呢😍😍食物方面 好多都自家制 好欣賞👏🏻👏🏻特別係墨魚丸 份量多好爽口 彈牙 唔似出面街 完全係有鮮海鮮味👏🏻呢個拼盤 擺設有花過心思❤️一睇就知海鮮好新鮮 仲會有冰鎮住 必點菜式👍🏻👍🏻同場加映鮮甜湯底加烏冬一流既選擇😋飲品方面 普通汽水 可樂一定有不過 仲有d新穎既飲品可以考慮下玫瑰花味濃 可以中和返打邊爐既油膩感😘滋潤品又點止一樣呢好多燕窩噢😨😨好足料好清甜 上枱時保持到熱辣辣一上枱就已經到聞到椰香啦😋

本身諗住family trip去新加坡， 但經過眾人嘅商議之後都係決定去日本， 因為啲機票實在係太平，同去新加坡差唔多。 既然新加坡之旅唔成行，咁就唯有上網搵下有咩新加坡美食， 搵到呢個12月份十大好評的新加坡菜， 當然要嚟試下。餐廳嘅位置都算容易搵 ，七點半去到冇乜人，但過唔夠半個鐘就多人黎到，都算滿場。 嗰日天氣好凍，十度以下，好多人都嚟打邊爐，但喺我心目中已經鎖定要食胡椒蟹， 所以一埋位scan一下menu就可以叫菜。新加坡炒胡椒蟹， 記得幾年前去新加坡Jumbo食的黑胡椒蟹， 嗆辣嘅味道令人難忘。今次當然要再試。 但呢次嘅煮法唔同，預先煮熟，然後再喺客人面前用冧酒， 胡椒，洋蔥炒均，上菜時色香味俱全。 而且我哋今次仲咁好彩，由個樣有啲似馬來西亞人嘅老闆娘操刀炒畀我哋。 不過辣度就冇新加坡咁嗆喉， 但多咗其他味道，層次更加豐富，迎合香港人口味。飲食均衡緊係要叫個菜啦,淨菜嘅選擇唔多，得芥蘭同椰菜苗，咁我梗係揀平時冇乜食到椰菜苗啦。 呢度菜難度唔高，但揀啱新鮮嘅食材， 先可做到鮮嫩可口。泰式辣肉碎炒飯 ，呢個價錢好平， 分量又大，飯炒到粒粒分明， 加咗四季豆， 辣肉碎， 辣椒 洋蔥

朋友失戀，人家舉目無親，佢就舉目無朋，都怪他以前太過戀愛大過天，忽略了好友，做朋友嘅，便安排一個飯局一起歡喜一下吧。在街頭遊盪之後，失戀之人當然要冲沖喜，貪其意頭好，今晚決定有囍吧。很明顯，餐廳應該是新開張不久，室內裝潢，座椅擺設都非常新淨。感覺舒適得很。餐廳以火鍋和小菜為主打。今晚隆重登場的是新加坡胡椒蟹，乍看是好大隻的蟹，經專人在眼前表演，將香矛，洋蔥，白胡椒在白鍋炒香，再把蟹倒入一同炒香，頓時香味撲鼻，最精彩的部分是專人表演點火，紅紅烈火，非常狀觀，引來旁邊食客的注意，不期然照起相來，未吃已經覺得好味呢。大概2分鐘後，火熱變小，熄火後就可以上枱，專人不忘把蟹件重新排烈整齊，金黃香味四溢，厚實的蟹肉竟然那麼爽口彈牙，進吃時黑胡椒在口中散發，行氣活血，令整個人熱乎乎。泰式燒鱔其實就是附上一碟泰式醬，酸酸甜甜的味道，正是表達了泰式料理的口味，燒鱔金黄的外表，鱔肉的味道鮮甜甘香，若果燒至更脆的外皮相信會更加難忘。羅白糕是比較特別的菜式丶與平時中餐酒樓吃開的有所不同，感覺口感比較鬆軟，羅白味道被黑醬油遮蓋，雖然很香但感覺不像是在吃羅白糕。愛美是女人的天性，餐後來一杯玫瑰花茶，感覺為皮膚補充