泰海鮮 (已結業)

難得到屯門區，去三聖村食食海鮮，係村中間位置，座位有好多，有室內室外，大牌檔風味，服務同上菜速度正常，海鮮新鮮，味道幾好，食得好滿足，今次一行六人，叫左六個菜同幾支啤酒，總共$21xx，平均每人$350。鹽水蝴蝶蚌胡椒味強，好似飲緊故椒豬肚湯咁，辣辣地味道夠濃，換個清啲配海鮮整會較好，蝴蝶蚌比我想像中大。芝士脆皮龍蝦呢個係佢招牌整法，個芝士脆皮真係好香芝士味又脆脆地，芝士味濃，有點蓋過左原本龍蝦鮮味，而龍蝦爽口。白灼蝦簡簡單單保留到蝦鮮甜，配上油加小許辣椒，鮮味更特出。清蒸東星斑蒸到岩岩好，岩岩肉甩到骨，而且魚肉好滑。蒜蓉粉絲蒸扇貝扇貝一個好大，粉絲分量唔會太多，而蒜蓉味夠。蛋白蒸蟹蛋白有好濃濃嘅蟹味，蟹肉不算太多，但有蟹膏，又是一個食到原本鮮味嘅做法。

是晚八點幾肚腩男伙同兩男子即興入三聖嚐鮮，預左人多車多，諗住去食興記都要排個幾鐘，行過見到泰海鮮咁岩話有位唔洗等，就二話不說放底行裝出去買料shopping再返黎俾佢加工。第一道菜係冬蔭湯浸蜆。味道偏甜同太水，睇圖都見到。懷疑香料落唔夠之餘仲忘記加椰奶，真係似飲茄水。系泰國餐廳飲到哩個質素係唔合格的，可以稱得上為難食。聖子加工選擇左幾特別既鼓椒炒加炸米粉放底。出到黎味道未算驚喜，唔夠鑊氣。聖子皇勝在食材新鮮肥美，口感爽甜。脆米粉係過癮香口既，唯太硬身。蒸扇貝，哩味菜係毫無技術可言，只要夠多蒜同粉絲預岩時間再用熟油淋面，屋企整都無可能會撻Q一人拆一隻膏蟹，本來係我最期待的。看圖都見到海鮮檔呀姐無呃我，真係爆膏！加工就選擇左用鹽焗方式，出到黎係dry左同無味。唯有靠海鮮本身鮮味搭夠最後仲叫左個泰式炒飯，什豆炒飯加幾片臘腸，鑊氣係有既，亦都炒得好乾身，點知一啖食落去鹹到好似食左口鹽咁。其實我地仲嗌左個蒜蓉炒豆苗，係幾大碟同好食的。咁又一餐，未計料錢每人約400，對返個題其實點泰法呢？感覺此店名過於實喎大佬

第一次黎三聖食海鮮～ 之前朋友話泰海鮮好食，仲有黃秋生推介添，趁母親節就一於黎試下喇！去到三聖首先要自己買海鮮，我地揀左關財記，買左花甲、龍蝦、扇貝同鮑魚，買完就出發去泰海鮮。因為人比較多，我地要坐戶外，感覺好似大排檔。交左啲海鮮比侍應，坐低一陣就會過黎問我地想點煮，揀好左就等食喇～花甲揀左白酒忌廉，再加烏冬底。無想像中咁好食，白酒味太重，同埋期望個汁會杰身啲。龍蝦揀左芝士脆焗，感覺焗得有啲過火，厚粉左少少，但隻龍蝦幾多肉，又鮮甜，我諗清蒸或者蒜蒸會更鮮甜！扇貝當然要揀蒜蓉粉絲蒸喇～ 扇貝好大隻，都幾新鮮，不過無咩驚喜。鮑魚揀左果皮蒸，普普通通，無咩味。另外再叫左個必食豬排，肉幾鬆軟，不過無推介講到咁好食。我地4個人煮左5個餸，都食到幾飽下。整體黎講，無想像中咁好食，只係普普通通，我地估可能因為臨近母親節太多人，佢地忙起上黎質素就無咁好🤔 但比係出面酒樓食海鮮會新鮮啲，不過價錢有啲貴，加工費同買海鮮既價錢差不多。間中食一次都可接受既～

好耐都冇去過屯門三聖食海鮮啦!!今次就一家人黎到食個海鮮大餐先~~係食之前就梗係要過隔離既海鮮檔揀靚海鮮啦;朋友推介左 "關財記" 比我地, 見到佢地既游水海鮮都幾多款!!咁就係咁依揀左幾款拎去 "泰海鮮" 加工~佢地既加工製作費唔算貴, 收費合理;各種加工煮法都齊備, 明碼實價寫到明, 唔會呃人~我地就揀左隻象拔蚌整刺身~呢度總共一斤三両, 整左出黎都幾多;仲可以加錢要埋湯底堂灼~新鮮既象拔蚌刺身 一片片咁有返咁上下厚度;食落有口感仲好爽口鮮甜!!蒜蓉粉絲蒸扇貝, 隻隻扇貝都大過隻手掌架!!!扇貝上面鋪上蒜蓉粉絲黎蒸~~一上台已經好想食啦!!唔會以為隻扇貝淨係個殼大, 入面舊肉都有隻手掌咁大;而且非常厚身, 真係超級肥美~~最鐘意既係佢地放面既蒜蓉超多, 真係特別滋味!!除左食海鮮, 當然要飽肚既野食啦~我地就買左花甲黎整 "白酒忌廉煮花甲配烏冬"超大碟既烏冬配上差不多一斤既花甲;白酒忌廉汁食落唔會過膩, 而且烏冬彈牙, 配上花甲做配料可以話係中西日 CROSSOVER~~呢味青山灣焗芝士龍蝦係朋友推介的, 所以就買左 4隻龍蝦黎試試~~鋪滿芝士既開邊既龍蝦, 金黃色又漲卜卜的;芝士

吃海鮮, 不想走得遠, 離我家最近的便是屯門三聖邨, 眾所周知, 要吃海鮮, 必須自己去買海鮮再交給餐廳加工, 今次去了泰海鮮, 味道也相當不錯! 一大班人吃飯, 人就會有惰性, 我也不例外, 因此買海鮮的重任交給了友人. 據知, 她們是去了附近的關財記購買的, 說是料夠好, 價格合理, 這點我不容置疑, 因她們都是格價高手, 去市場買菜也沒有人敢騙她們. 先來象拔蚌刺身, 一斤三両 , 好大隻!! 蚌膽好軟滑, 蚌身則爽脆, 沾些wasabi豉油, 這款 '前菜' 吃得我們津津有味. 以加工費每斤$80來算, 於自攜食材上加約$100, 也差不多吧!一斤鮑魚, 買時也沒想過怎樣吃, 店員建議薑葱煀, 又挺惹味啊! 每隻鮑魚也大過鐵匙, 鮑魚邊軟滑, 而中間則帶點彈牙, 真的十分滋味.  加工費為每公斤$64, 值的!談到這道油鹽水貴妃蚌, 是又愛又恨的, 愛是因為即使以油鹽水都令蚌如此鮮味, 但恨就是有點韌, 應該是煮得有點過火啊. 一斤十三兩有八隻, 泰海鮮還加點芹菜及蒜去吊味, 芳香撲鼻啊~ 吃到這裏, 朋友說在買海鮮時, 有一樣必定讓我為之驚訝, 就是扇貝! 為何這樣說呢? 因

入來屯門三聖邨吃海鮮也是頭一趟，多得友人安排，一行6人浩浩蕩蕩又西鐵，又輕鐵，總算安然到達，九龍人入屯門，有大鄉里的感覺。到來才知原來原本的「冬菇亭」竟可以變成這樣的酒家，幾家「冬菇亭」酒家選定了「泰海鮮」，是友人的舉薦，故所點菜式也是由友人發板。真是見識少，以為一般的白灼蝦，友人說這個是「白灼九節蝦」，九節蝦並非經常遇見，而且，這樣大隻得更少見，外殼較一般蝦堅硬，但肉質爽彈，味道鮮甜，蘸些辣椒豉油提鮮，已非常好吃。再來一客「象拔蚌刺身」，吃得生的朋友可以當刺身吃，沾一點芥末及豉油，象拔蚌入口十分爽脆，若對生吃有些擔心，堂灼便是最安心，輕輕堂灼一下，象拔蚌仍有份爽口感。這裡不單有海鮮，更有小炒，甚至泰式美食，這個「泰皇芝心蝦丸」就是店員所說的招牌，蝦丸貼滿麵包粒酥炸，入口甘脆而不膩，蝦丸很彈牙，再咬下去，是邪惡的流心芝士漿，真的好吃得很。熱辣辣的「蒜蓉粉絲蒸扇貝」帶着濃濃蒜香上桌，每隻也肥大肉厚，味道鮮甜，口感爽彈軟熟，粉絲吸收盡蒜蓉及扇貝的香味，不能錯過的大配角。最後吃點菜作平衡，「蒜蓉油麥菜」屬製作簡單的菜式，好吃在於油麥菜翠綠新鮮。來三聖邨吃海鮮可以自攜海鮮再付油料加工費，亦有懶

我與幾個朋友也愛食海鮮, 間中便會相約去食, 早前在友人帶領下去了屯門的泰海鮮食海鮮. 食店外有不少海鮮檔, 可以選擇後, 交俾店舖加工. 海鮮款式也有不少, 我地選了幾款, 包括白灼九節蝦, 白酒忌廉煮花甲配烏冬, 蒜蓉粉絲蒸扇貝和泰皇芝心蝦丸. 白灼九節蝦. 白灼蝦食得多, 九節蝦甚少食. 九節蝦一般不會好大隻, 但勝在夠彈牙和鮮甜, 簡單白灼最能帶出蝦的鮮美. 白酒忌廉煮花甲配烏冬. 剛才點了一個清淡的煮法, 這個以白酒忌廉煮法, 相對濃味得多. 花甲處理得夠乾淨, 入口沒有沙. 花甲肉質幾爽身, 與白酒忌廉好夾. 我地想飽肚一點, 就加了烏冬. 每條烏冬也沾滿了醬汁, 特別好味, 而且烏冬質感也不錯. 蒜蓉粉絲蒸扇貝. 上枱時已聞到蒜蓉香味. 扇貝夠大粒, 完全不覺得乾. 而粉絲吸收晒汁的精華, 特別好味. 泰皇芝心蝦丸. 上枱時真係嚇一跳, 我無諗過係咁大粒. 這個一定要趁熱食. 一咬開蝦丸, 饀裡的芝士就會流出. 蝦肉夠爽口彈牙, 再配上流心芝士, 雙重口感. 對於甚少入來屯門食嘢的我, 這餐海鮮餐真係好豐富, 朋友無介紹錯.

兩老住屯門，雖然時不時會入去探他們，但老實說，對屯門都不太熟悉，連好出名食海鮮的三聖邨也沒有去過，真失禮....不過不能笑我，皆因入得屯門，當然要食住家飯啦！但今日一大班朋友話齊齊入去食海鮮，柴娃娃吃返餐好，有機會開開心心聚一聚，幾遠都要走。朋友們選了一間命名「泰海鮮」, 地方都幾大, 單看大廳都設有不少四至十人的圓枱, 還有另一邊的貴賓房, 真係好岩大班人餐聚。坐安後, 看看餐牌, 都有很多選擇, 但今日不用傷腦筋, 因為友人是海鮮專家, 已有心水,由他發辨就得, 我就開定支冰凍的汽水等食吧!******************************先來海鮮湯, 熱辣辣上枱, 雖天氣炎熱, 但也美味得忍不住喝多幾碗。一大窩海鮮湯連湯料上枱, 見到有大量的海鮮, 如蜆、巨大的瀨尿蝦、多種魚類, 還有蕃茄 和薯仔 等, 的確真材實料。湯身 呈奶白色, 沒有油光, 加入那麼多食材煲成, 精華所在, 難怪啖啖都如此鮮甜, 再加些胡椒 去腥, 帶有胡椒香辣, 很美味!******************************接着是白灼九節蝦, 九節蝦!? 真係很少見, 不知是否蝦殼睇落有九

今日跟好友入嚟屯門三聖食海鮮～經過一啲冬菇亭，就見到呢間泰海鮮。初初我以為呢間鋪頭係食泰式嘢～～ 見到餐牌先知原來唔只泰菜，仲有其他嘢食～不過呢度出名食海鮮，就由朋友話事啦～海鮮湯，足料鮮甜！ 睇湯楂就知有幾多料？魚、蜆、瀨尿蝦！！！仲有番茄、薯仔好好飲～白灼九節蝦 ，喺本地嚟嘅～ 幸好依家仲係當造～ 九節蝦蝦身有一深一淺嘅橫向紋路，煮熟咗有明顯嘅九節花紋，所以有九節蝦呢個稱號。九節蝦肉質爽脆，識食梗係白灼加豉油點，食出鮮味～ 蒜蓉粉絲蒸扇貝，扇貝好大隻！超多蒜，好惹味！ 泰皇芝心蝦丸，極邪惡！ 以蝦丸打造，入面有流心芝士，出面加埋麵包糠，炸到金黃色！彈牙十足，小心食時爆芝士呀！不過個人覺得麵包糠吸得太多油，如果落少啲會更好～仲有叫咗碟蒜蓉白菜仔，呢餐好豐富又滿足～

我走到 reception 話想坐低左先去買海鮮，誰知侍應姐姐話唔得囉，咩道理呀？上網搜集一大輪資料後，決定好碑最好既忠仔記，誰知黎到時原來是係賣海鮮架乍，要再到附近食肆加工囉，無緊要，我早有準備 ﹗泰海鮮，Go Go Go ﹗係忠仔記買完超新鮮超抵游水海鮮後，帶埋海鮮走到泰海鮮加工，但居然要等位囉，幸好不到 10 分鐘就入座隔離的小舖位，兩個坐大檯？唔洗迫迫夾夾，正呀。泰海鮮每日只做兩隻招牌炸子雞，又食唔到喇，已經三顧草蘆無雞叫 ﹗不設海鮮供應，必須來料加工，另有少量泰菜供應，菜色都好吸引。忠仔記新鮮食材，加埋泰海鮮 7 種海鮮烹調加 1 碟菜 2 支啤酒 1 可樂，埋單價錢都合理。角螺 2 隻、珍寶扇貝 2 隻、澳洲花龍蝦 1 隻、瀨尿蝦皇 3 隻、黃油奄仔蟹 1 隻、大花竹蝦 1 斤、大花螺 1 斤。 堂灼角螺 2 隻、上湯焗龍蝦 1 隻、椒鹽瀨尿蝦皇 2 隻、鹽焗黃油奄仔蟹 1 隻，食食下似乎唔多夠食，唔想食粥粉麵飯，都係返去忠仔記補補倉先得呀！行到老遠的忠仔記入貨，追加蒜蓉粉絲蒸扇貝 2 隻、椒鹽瀨尿蝦皇 1 隻、白灼大花竹蝦 1 斤、辣酒煮大花螺 1 斤，紅瓜子 $280、

今次，朋友遠道來港，一盡地主之誼，特意帶他們到屯門三聖食海鮮。當然，要先到三聖海鮮街選購海鮮，再到這間店給烹調，這樣價錢比起直接到店內進食來得便宜。豉椒炒蜆豉椒炒蜆非常很惹味，蜆肉沒有沙石，而大部分蜆肉也是留在殼裡，醬汁惹味，必配白飯一碗來吃。蒜蓉粉絲蒸扇貝通常扇貝一定配搭粉絲來蒸。這間店舖一樣烹調出色，粉絲完全吸收了扇貝的鮮味。另外，扇貝蒸得剛剛好，不會顯得太熟，配上蒜蓉和蔥花來吃，鮮甜無比。椒鹽瀨尿蝦還未端到桌上，離遠已聞到氣味。的確每隻瀨尿蝦也都沾滿椒鹽及蒜粒，香口惹味，基本上連蝦殼也可以吃掉，滋味無窮。吃前，必定替瀨尿蝦做一下按摩，這樣蝦殼會較容易剝出黎。啖啖蝦肉，爽口鮮甜，每次吃海鮮必吃。

我對海鮮的鍾愛從沒減退，久不久會約同學或好友去吃海鮮，流浮山和三聖村是較常去的地方。今晚好友話有好介紹，遂計劃好放工後，立刻趕入三聖村，可惜波士五時許才叫開會，一開便是兩小時，結果遲大到，要成班老友飲住酒等我，認真對唔住！原本約好在海鮮檔一起揀海鮮，都因我的遲到，由好友們代勞，我只負責吃的部份。先來辣酒煮花螺，香辣而惹味，螺肉煙韌，作為頭盤，胃口全開。上湯龍蝦煎米粉底，以上湯烹調，最能品嘗龍蝦的真味，龍蝦肉爽彈牙，確是新鮮，以煎米粉墊底，在我來說，是新食法，吃慣伊麵底，偶爾轉下口味，也是不錯。薑蔥焗蠔，巨大的進口鮮蠔，吸收了薑蔥的香味，蠔身飽滿，蠔汁充沛，勁正！清蒸杉斑，吃蒸的魚，一定要生猛，否則原形畢露，不似豉椒，上粉炸等可有掩飾，今晚的蒸杉斑，火候剛好，肉質嫩滑，豉油又調得好，真好吃。椒鹽瀨尿蝦皇，似乎這是最佳的烹調瀨尿蝦皇方法，惹味微辣，新鮮便見飽滿結實，否則肉削，像一泡水。陳皮蒸鮑魚，甘味的陳皮將鮑魚的鮮味，以更佳的層次呈現出來，肉質煙韌。蒜蓉粉絲蒸扇貝，愛吃扇貝，除了是其鮮味外，最主要是啖啖肉，免剝殼，蒜蓉蒸，很惹味，粉絲吸收了扇貝的汁液，無得彈。揚州炒飯，好友教路，用魚汁，

香港的海鮮市場分散四方，由最南的香港仔和南丫島，到最西的西貢，都去過很多次。而在西北方的屯門，也有一處食海鮮的熱門地點，就是三聖村。這晚約定了幾個朋友，在三聖村大擦一餐。屯門對我來說，好似好偏遠，其實很多巴士都路經三聖村的，地點並不難找，在屯門港鐵站亦有巴士及輕鐵直達。我們先在三聖海鮮街的「關財記」海鮮檔揀貨，然後便送到三聖村內的泰海鮮加工。起得個「泰」字，表示這店喜用泰式煮法，但我們各人商量，都認為中式煮法較好，以最簡單的煮法才試出真鮮味。這店的加工費，由$48一斤起，另外有些如元貝及蟹，則是逐件計。這晚共吃了七樣海鮮：辣酒煮花螺，重點在汁料，辣得來又好香濃，非常惹味。上湯焗龍蝦，這次棄用芝士或咖哩，以最簡單的上湯來煮，龍蝦的鮮味完全出到來，而用煎米粉底亦是一絕，卜卜脆的米粉，配合上湯，十分甜美。薑蔥屈蠔，大大隻蠔，肉質鮮甜，而汁料亦調得恰好。陳皮蒸鮑魚，厚肉的鮑魚其實不用花太多調味料去煮，我認為陳皮是有一種點石成金的效果，令海鮮增添獨特的香味。椒盬瀨尿蝦，我自己吃瀨尿蝦就一定是這樣吃，是習慣的問題吧！蒜蓉粉絲蒸扇貝，充足的蒜蓉和蔥花，加上爽滑的粉絲，就令扇貝變得很有層次。清蒸海斑，

經朋友介紹，又一次來到三聖嚐鮮，這次我的新嘗試是「泰海鮮」。星期五晚上的「泰海鮮」，一遍熱鬧朋友是熟客，眼前的大廳滿是客人，喧鬧之聲此起彼落。由於朋友是熟客，我們被招呼到一房間去。房間吊著水晶燈，大約可容納六至七人，最吸引我注意的是這幾個閃亮耀眼的奬盃，全是2015年屯門龍舟賽不同項目的奬盃，相信老闆熱愛這項運動。「泰海鮮」的餐牌不單具備各種中、西煮法的海鮮，更詳列來料加工的收費，這種明碼實價的做生意態度，值得表揚！看完奬盃及餐牌，我們到海鮮檔選擇心宜的海鮮。我愛的辣酒煮花螺第一道呈上。花螺體型雖然偏小，但肉質較嫩，不過論爽彈程度，始終及不上大花螺的口感那般充實。醬汁方面，味道豐郁，雖然辣意不強，但第一口未適應辣度前，一不留神被辣汁嗆到了。若能將醬汁添加麻辣及層次感，相信效果會更加完美。上湯龍蝦煎米粉底是大家的心水之選。上湯烹調得不俗，香而不過鹹，又不會太糊口，以配襯中小型的龍蝦來說，汁量與濃稠度剛好。至於煎米粉底則較為薄身，面層明顯預先沾過漿粉再煎，雖然外層香脆，但內層的米粉帶有點點水氣，不夠香口，這點應該不難改善。薑蔥蠔的蠔隻鮮甜，生熟度掌控恰好，可嚐到軟滑啫喱狀的蠔心。我們原以為