上海飽餃店

營業中

休息中

紅磡區小店，店家自家製作包點餃子，半開放式工場，不時見到師傅純熟地包製。雖然堂食貴一蚊，但我覺得呢類野食需要熱辣辣先好食！不過今次堂食啲包同餃都係凍左，感覺真係差好遠，如果第一次食係咁既我諗無下次。① 蔥油大餅 $11蔥油餅大推！厚身又幾鬆軟，外層少少酥香，加埋蔥油味及芝麻真係剛剛好。一個人食一塊已經夠飽，所以通常都同朋友Share。② 生煎包 $7③ 生煎餃 $7包類同餃類啲餡分豬肉同牛肉餡，可按喜好選擇蒸或煎，但煎既如果唔係新鮮煎起就有機會凍左。但始終生煎包個底脆脆地正啲，生煎餃就有啲似鍋貼，所以我無試過蒸包或蒸餃。④ 小籠包 $32小籠包即叫即蒸，熱辣辣而且皮薄有肉汁，正！

見到紅磡街坊推介呢度嘅上海包點，話職員每日新鮮包製，大獲好評。星期六下午4點半到達，當時店內無客人，不過門口KEEP住有街坊買，職員都KEEP住煎包、煎餃。蔥油大餅 $11/件而家唔多地方有賣，即使有賣都唔香。雖然今次呢件餅唔係新鮮煎出嚟，外層只有少少酥，但蔥油味好香，有芝麻位多左芝麻香而變得更正。麵包口感算鬆軟，唔會好實。相信如果新鮮出爐一定好正!!🤤豆沙酥餅 $9/件呢個細細件，唔熱，內餡都係普通綿紅豆蓉，而且由於太普通，感覺最唔抵XD生煎牛肉包 $35/5隻職員表示已經煎好一段時間，所以食果陣只係暖。雖然未到爆汁，但肉汁幾甜，帶點洋蔥味。麵包唔算厚皮，整體好味。😋其實當日有新鮮出爐豬肉生煎包，不過真係太飽，食唔落了。下次再試😏小籠包 $30/籠即叫即蒸，包皮算薄，湯汁好鮮甜。雖然舖仔細細，但職員同老闆幾有人情味，知道我地四個Share嚟食，自動幫手剪開四份蔥餅，整體用餐體驗唔錯。

有得堂食又有得外賣，好似叫外賣平啲(?)，外賣姨姨好nice，推薦我食乜嘢，又好有耐心等我諗食乜嘢。*小籠包(4隻)小籠包每一隻都包得好靚，一盒四隻，每一隻都完整冇爛。小籠包皮偏厚，對我來講係一個意外嘅發現，皮厚搭餡食好有口感，好可惜凍咗有少少硬。豬肉餡料非常足料，唔會太過油膩，仲好juicy。生煎餃 單隻外賣生煎餃同樣皮厚，煙韌香軟，冇生煎嘅脆外皮，但依然有果種焦香。餡料好多，非常足料，有菜又有肉，口感滿分，仲可以單隻買添。蔥油大餅 $9聽講呢度嘅蔥油大餅好出色，一定要買嚟試。蔥油大餅一定油，但食完唔會太滯太膩，蔥油香味偏淡，食落麵粉香多過蔥油香，勝在蔥粒好多，彌補番淡蔥油味。菜肉包 $8第二朝即刻買菜肉包食，熱辣辣嘅菜肉包。包身鬆軟，香噴噴，近餡料嘅包身過濕，口感欠佳。餡料肉菜半半，豬肉紮實+菜甜，有口感又帶肉汁，但餡料偏少。仲買咗一杯凍豆漿($6)，豆味普通，唔會太甜。

我一黎到 就望到店入面得2個人食緊 我心諗: 點解咁少人既....但我都黎到門口 望住蒸籠同蔥油大餅 入去吧!!!原來呢度外賣比較多 由於全店得2位員工 所以我坐左大約4-5分鐘 先落得單先來價錢牌 所有都係25蚊樓下叫左蔥油大餅($8)同小籠包($20有4粒)我見蔥油大餅已經預先整好哂 本來唔係好想叫 但見咁多人都話好食 所以我都係叫左一上碟 芝麻同蔥油味就已經係度飄緊 好香而且佢既份量唔細 微暖既餅 食落去芝麻同蔥油味更加突出 加上個餅又香又脆有微微既(喊)味 油膩感好微好微好值得推介~ 另外 小籠包 佢竟然係即叫即蒸 我以為係一值KEEP住個蒸籠度 所以呢一點我好欣賞雖然未食 但已經覺得好新鮮 哈哈真係唔錯 皮薄 肉多 好飽滿既湯汁 最重要皮多Q彈 輕輕夾起個小籠包都唔會穿但係如果唔沾上醋汁一齊食 我就覺得(喊)左小小 肉香有 但鮮味比較小 而肉質唔會太死實或者過淋 口感唔錯如果沾醋一齊食會減淡左肉既(喊)味 比較清新D 

偶爾都會路過這間位於紅磡的上海飽餃店，但一直未食過。這日趁又路過便一於入去食個午餐先。店內裝修十分簡單，很有'街坊'feel。環境衛生勉強合格，地面和枱面都有不少麵粉和水印。除了那'正宗'的熱廚房內努力的師傅外，還有2位兼顧店內及店外的外賣的阿姐。阿姐們雖然講話大聲，但都頗親切友善。依我這日所見，原來外賣生意看來比店內食的更好呢。一如其店名，這裡的食物以各式上海飽和餃點心為主。我點了生煎飽（$16）和小籠包（$18）各一份，定價十分便宜呢！生煎飽和小籠包都是新鮮煎起和蒸起，熱辣辣。老實說，兩者的賣相一貫這店的風格頗'街坊'，有點粗不夠精緻，但味道其實合格有餘，皮也做得不錯。餡料肉質新鮮，兩者都有少量肉汁湯包。吃完生煎飽和小籠包後已經有點飽了，但看到鄰枱的蔥油大餅看似吸引，便又向阿姐加點。一問之下原來可以點半份蔥油大餅（$12一份，$6半份），真好。蔥油大餅同樣熱辣辣上枱，做得外脆內鬆，餅上灑了不少芝麻很香口，蔥的味道沒有很濃不過我覺得很夠了。這餐最喜歡就是這個蔥油大餅了。總括而言，吃過這次後雖不至於會很想經常再來，但間中一吃亦應該頗滋味的。

I really love eating plain bread, both western and chinese. For Shanghai bread, not my favour, cos i don't like eating meat, too fat and too oil. However, this time not too bad, if you really like eating shanghai food, go and try ...really worth and yummy 小籠包(HK12/4p) Very very juicy and the skin is very thin:.... the most yummy 小籠包 that I ate so far...but not suitable for me...too oil and too many fat meat inside..菜肉蒸餃(HK12/4p) I believe this would be good, not too oil since is steam and have

2010-5 (weekend)食完雞蛋仔再轉去上海飽餃店食小籠包, 都要蒸幾分鐘嘛, 叫多件有好口碑的蔥油大餅, 話睇吓仲有無喎, 講到好似好搶手咁, 咸咸暖暖香香囉, 小籠包嚟到梗係食咗先啦, 皮薄有汁肉亦算多, 唔錯, 果然係鎮店之寶, 同蒸素效不相百仲bor, 話咁快搞掂晒, 食埋件餅. 過隔離金滿堂買豆漿, 睇吓係咪好似 op食評講咁好飲d, 又唔覺喎, 同飽餃店比, 水多咗d, 又甜咗 d, 下次都係飲翻飽餃店喇,