素一 (已結業)

自助餐食過好多次，素食自助餐係第一次。素一位於SOGO後面，交通方便。門面好光猛，用色柔和。入到餐廳，裝修以白色為主，樓底高，空間感足夠。有梳化位，氣氛好舒服，客人可以輕鬆舒服咁用餐。食物供應區住於餐廳後方，與廚房相連，refill食物好方便。每位客人坐下後，都會送上素咕嚕肉及姬松茸蟲草花粟米燉湯，如果人多，素咕嚕肉會冰鎮咁上。咕嚕肉其實人竹雞肶菇，外層好脆，帶少少酸味，好開胃。姬松茸蟲草花粟米燉湯好足料，用料亦豐富，好清甜，夠火侯。如果姬松茸蟲草花粟米燉湯唔岩口味，食物供應區有胡椒咸菜涼瓜湯可以選擇。胡椒味濃，略嫌涼瓜味較淡。飲品方面，冷飲有豆漿、熱飲品羅漢果水及紅菜頭檸檬水，其實唔算好熱，暖暖地，入口剛剛好。另外亦有茶包供應。沙律係食自助餐必食，呢到嘅沙律菜選擇較少，但醬汁幾特別，除一般嘅橄欖油及意大利黑醋，呢到仲有芒果醬、山葵沙律汁、XO醬。究竟XO醬撈沙律會係咩感覺呢﹗？另外，食物選擇非常多，食物供應區中間主要提供熱食，如麻婆豆腐、炒菜、炒瓜、炆豆卜、白蘿蔔、炒飯炒麵等。熱食中最為吸引是薑醋蛋，醋味足夠，只係薑味較淡，同埋唔夠入味，只有蛋嘅外層入味。相對熱食，食物供應區外圈嘅食

以前嘅我係個無肉不歡嘅食肉獸，食素？NO WAY🙈 但隨著年齡嘅增長，我都開始愈黎愈注意多菜少肉，健康飲食🙆‍♀️.係網上睇到呢間「素一」嘅介紹，主打新派素食自助餐，由黎自昂平寶蓮寺同日本嘅師傅操刀，食物水準固然有番咁上下質素，而價錢仲非常親民實惠💕 有見及此，一到星期六放假，嗱嗱聲拉埋男朋友一齊去LU🤣.晚市嘅DINNER BUFFET 每人$188 FOR 90分鐘（🤫星期一至五就抵D 每人$168炸)，供應時間由6點至11點，所以我地6點半到趕到黎🙈.餐廳裝修以春夏秋冬為主題，室內燈光光猛明亮，再以人手係雪白色既牆身上繪畫出各式各樣嘅抽像畫，簡約而優雅。座位方面都好寬敞，配上皮製梳發椅，坐得舒服自在☺️.店員帶我地入座後，隨即就遞上附送嘅原隻素鮑魚同姬松茸蟲草花粟米燉湯。燉湯相當香甜又足料，姬松草同蟲草花幾乎佔左成碗嘅三分之二，仲有桂圓肉，杞子，腰果等，飲落清甜滋潤。而素鮑魚仿真度真係超高，連口感都似足😱 素鮑魚入口滑溜有韌勁，淋上芡汁，好入味😋.跟住就緊係「巡視」一下自助區啦～ 自助區分為熱葷，壽司，前菜，沙律，炸物，涼菜，老火湯，飲品，糖水，生果，炒飯炒麵，PIZZA，燒物。。。

近排見fb推介呢間素食自助餐，藉住母親節就帶媽咪黎試下雖然身處喺寸金尺土既銅鑼灣，但定價好貼地，難怪開張唔到兩個月已經座無虛席。餐廳就喺世貿旁邊嘅商業大廈地庫一樓，好易搵，最重要係唔使排隊搭lift，一落電動樓梯就到門口畫有一幅畢加索風格既壁畫，用色繽紛，令人有耳目一新嘅感覺。原來素食都可以有好多選擇，食物烹調融合咗中日風格，款式新穎，見在場都有唔少年輕人捧場，食齋唔再係老人家嘅特權。擺喺熱爐最前位置既芋頭同番薯大顆圓潤，人人經過都忍唔住拎返個口感食起黎同外面既完全唔同。外皮乾身，一啲都唔濕，唔似蒸煮而成，蕃薯肉更香甜，令人好奇到底師傅係點整場內亦有沙律菜同醬料吧，作為開胃菜適合不過。炸物金黃香脆，其中炸饅頭同南瓜餅深得我喜愛南瓜餅入口香甜綿密，絲毫不油膩；炸饅頭外脆內軟，配合煉奶食，既係主食又似甜品，忍唔住一口氣食左兩個。白烚娃娃菜同炒菜心都整得好淋，即使擺左段時間仍然新鮮翠綠；麻婆豆腐個汁帶微辣，好惹味，啲肉碎口感同真豬肉一模一樣薑醋蛋煮到好好好好好入味中華沙律好爽口素餃內餡包左滿滿既蘿蔔、木耳同椰菜碎，口感豐富鮮嫩，唔會好寡。絕對要推薦呢啲素食壽司，簡直幾可亂真出自經驗日本菜師傅