金飯館

營業中

休息中

之前有朋友介紹我食呢間新開既餐廳，今晚一食，果然好味！1.秘制炒牛肉雙燶邊蘭王蛋飯$78雖然係金飯碗係一間快餐廳，但竟然用蘭王蛋，深深感受到呢間係一間有質素要求既餐廳！煎蛋既燶邊好出色，係脆到有聲既！蛋黃亦非常流心！牛肉好香。炒飯非常乾身、有鑊氣！好難得！😋😋2.即叫即炸椒鹽豬扒飯$78椒鹽豬扒肉質粉嫩易咬，炸皮夠薄，炒飯一樣乾身出色👍🏻👍🏻🤣3.蜜汁雞翼五隻$48熱辣辣！非常蜜汁！皮脆肉嫩！😋😋師傅好有工架，會再Encore!

📍金飯館📮牛頭角牛頭角道323號地下J號舖.🙎🏽‍♂️係牛頭角見完客已經夜, 決定近近地係附近搵野食, 經過見呢間食碟頭飯既餐廳坐滿晒人好似幾唔錯, 就即管試下呢間金飯館既水準啦.即叫即炸椒鹽豬扒飯 HKD78坐低左之後, 周圍望下隔離啲人食緊咩, 見到差唔多每一台客人都有點呢個飯, 相信係餐廳嘅生招牌😌唔洗10分鐘, 新鮮炸起既豬扒飯就ready上枱🥢炒飯底呈現金黃色, 粒粒分明, 充滿鑊氣, 豬扒份量驚人, 有成5-6 大舊, 岩哂大胃王🤭上面仲鋪左好多炒到好香既料頭, 令個飯更香更惹味秘製沙嗲牛肉雙燶邊蘭王蛋飯 HKD78沙嗲牛麵就食得多, 沙嗲牛飯真係第一次見🧐除左香噴噴既沙嗲牛之外, 呢個飯仲加左兩隻用日本蘭王蛋整出黎既荷包蛋, 香濃既蛋汁加濃郁既沙嗲汁, 撈埋落個炒飯底食先至係成碟飯精粹, 根本唔需要太多餸已經足夠KO哂成碟飯🤤蜜汁雞翼 5隻 HKD48呢度既雞翼可以稱得上係king size, 大大隻好厚肉, 即叫即炸, 外皮查滿晒蜜糖🍯.餐廳價錢經濟, 食物高質, 相信係牛頭角街坊既飯堂😙唯一提醒大家碟頭飯既份量都幾驚人, 就連出名大食既🙎🏽‍♂️都係好給力先食得哂一碟飯,

收工係附近行下，睇下有咩好食，行過見門口都幾多人等外賣，入面又好似爆晒咁，即管試下，好好彩仲有位，真係慢少少就要等。兩個人決定叫兩個飯嚟share，再加個小食，叫埋野飲啱啱好。好多款飯都好似好正，最後決定叫秘制沙嗲牛肉雙燶邊蘭王蛋飯同即叫即炸椒鹽豬扒飯。小食就揀咗蜜汁雞翼，野飲就手攬檸茶檸水各一。秘制沙嗲牛肉雙燶邊蘭王蛋飯 $78好香，跟一兜仔菜脯，個沙嗲好正，食到花生醬味，d 牛肉唔會老晒過熟，個飯係炒底，正，隻蛋由於我唔食生蛋黃，淨係食咗蛋白，好香真係，朋友就大讚個黃好正。即叫即炸椒鹽豬扒飯 $78見隔離左右個個都有叫呢個飯，餐廳又大大張poster，勁吸引，勁多舊豬扒，咬落仲好juicy，又香口，唔會話好辣，個飯都係炒底，兩個炒飯都係粒粒分明，掂。蜜汁雞翼 $48由細到大都好鍾意食蜜汁雞翼，所以要叫嚟試，夠晒蜜糖，又夠脆，旋風式食咗3隻🤪手攬檸茶檸水 $17正常野飲，不過唔知點解叫手攪😂😂😂唯一彈嘅地方係，d 位有d窄，人又真係好多，其他都好好，值得再食。

星期六陪呀媽去觀塘裕民坊一帶行吓買餸，順度喺嗰頭食晏。與其幫襯大商場有嘅連鎖店，我哋對小店更感興趣☺️。本身想食米線，但天氣仲係熱熱哋，所以去咗「金飯館」。前排已經有聽講過呢間餐廳，朋友專登去咗食，評價仲要唔錯，間接令我有啲期待。小店樓面面積唔大，所以基本上全程都滿座，人氣好高👏。餐廳名字或多或少都透露咗呢度係食乜，💛🍚 金飯應該係指炒飯。我目測每枱都食緊囉，而炒飯嘅實物係同圖片一樣咁吸引，無照騙！即叫即炸椒鹽豬扒飯($78)，椒鹽豬扒飯係餐廳嘅首席招牌菜，枱與枱之間嘅隔板都會見到佢嘅蹤影。椒鹽豬扒勁澎湃😍，近乎完全將炒飯覆蓋。豬扒有五至六件，外層炸至金黃香脆，乾蒜香口惹味；肉質軟稔唔乾身，並無用鬆肉粉過份醃製🐷。菜式份量慷慨，男仔食都一定夠飽。秘制沙嗲牛肉雙燶邊蘭王蛋飯($78)，沙嗲牛配飯並唔常見，不過兩者夾埋都唔錯。🐮沙嗲牛有十多片，每塊均好入味，沙嗲汁超香濃，但辣度稍為強啲會更佳。炒飯索盡沙嗲汁嘅精華，但飯粒唔會因此而變濕，仍能保持粒粒分明。最後不得不提隻煎雙蛋，燶邊流心重蛋香，正🍳。蜜汁雞翼($48/5隻)，其實預咗食唔晒，但見隔離枱食好似好正咁，就想試埋🙈。雞翼熱辣辣炸起，係

最近屋企樓下開左依間炒飯專門店，每次經過都見門外總好多人等位或等外賣，今晚無煮飯和屋企人一試，食出其滿分誠意。店子雖細枱櫈排列工整，座位有一定空間唔算好迫，環境光鮮無油煙味。而炒飯係即叫即炒，炒飯需時但值得一得，真心覺得好味，足料又好味道，價唔經濟ＣＰ值高。是街坊飯堂的不二之選，難怪平日夜晚店子都慣常坐滿人啦～即叫即炸椒鹽豬扒飯 $78豬扒五大塊厚身，份量相當多，無骨半肥瘦，食起來啖啖肉，肉質鬆軟保留肉汁。以椒鹽炸蒜花椒爆炒，醞釀著避風塘風味，欣賞其香口惹味，味道也不會過濃，配以黃金炒飯底，飯粒粒分明，水準不俗，加埋菜脯粒，多份口感和味道。炒飯都幾大碟女仔未必食得晒。秘製沙嗲牛肉雙燶邊蘭王蛋飯 $78沙爹汁味道香濃好多汁，牛肉嫰滑大片好多片。配以燶邊蘭王蛋，蛋香非常濃郁，蛋液撈飯食超正，加埋菜脯粒，好味好味。蜜汁雞翼 $48雞翼五隻大隻，外皮脆沾滿蜜汁，內裡充滿肉嫩充滿肉汁，小食都值得一食。手攪檸檬茶 熱飲 +$6，凍飲 +$8，用黃檸加青檸，味道清新無澀味。

前排lunch time經過附近見到新開左呢間炒飯專門店，今日男友黎接我收工，就同左佢黎試新野😁我地見到有即叫即整既椒鹽豬扒配炒飯底諗都唔駛諗即刻叫咗個，呢樣係我地兩個都好熱愛既菜式🤣另外仲叫左秘制沙爹牛肉煎燶邊蘭王雙蛋飯，小食蜜汁雞翼，熱檸水同凍檸茶～由於全部都係即叫即整所以等咗大約10至15分鐘，不過好值得😎椒鹽豬扒賣相勁正！豬扒有五大塊，舖到好似成朵花咁傘開，底下係金黃色粒粒分明既炒飯😍椒鹽香口，豬扒炸得唔油膩，肉質半肥瘦入口軟滑完全唔柴😋炒飯好有鑊氣！夠乾身分明👏秘制沙爹牛肉煎燶邊蘭王雙蛋飯都好出色！沙爹香濃牛肉都嫰滑隻蛋邊位真係勁脆！😍 中間流心，而且用左上等日本蘭王雞蛋，顏色偏深蛋香味濃郁😯 拮穿佢撈飯勁正！🤣蜜汁雞翼唔會太甜，炸到好脆，面頭灑咗啲白芝麻更香😋呢度既檸茶除左普通檸檬仲加埋青檸，幾有誠意👏👏 茶底清新唔會太苦澀～即叫即整真係無得輸！難怪平日夜晚都坐滿人😙

經過牛頭角見到一間新開無耐嘅餐廳，餐廳用飯來做主題，除咗門面見到大大粒飯既卡通公仔之外，入面仲裝修得幾靚。到咗晚餐時間已經有一家大細嚟排隊，可見受歡迎既程度 秘製炒牛肉雙燶邊蘭王蛋炒飯呢隻雙蛋真係無得輸，一睇色水就知係嚟自日本蘭王，大大隻呈燈黃色，而且仲要係燶邊，煎得恰度好處。睇到咁飽滿既靚蛋畫面真係好治癒，咁靚真係有啲唔捨得拮穿佢🥺 炒飯底粒粒分明，再配搭沙嗲牛肉既微辣夠哂惹味🤩，濃稠嘅蛋漿除咗增加炒飯既濕黏度，更令蛋香滲入每一粒飯，食落更有層次👍椒鹽豬扒飯大大碟既椒鹽豬扒飯又幾足料喎！飯係混合咗蛋絲同埋蔥既炒飯底，更加入色彩鮮艷既辣椒，望落開胃。椒鹽豬扒肉質鬆軟，相當惹味。蜜汁雞翼蜜糖既甜配上香脆嘅表層，上面更灑上芝麻增加口感。雞翼尺寸比一較大，所以入口啖啖肉👍 正一間港式餐廳入面，奶茶絕對係靈魂角色，呢度既奶茶比例岩岩好，飲得出茶香又唔會過於苦澀，即刻精神曬🤩總結：見到間餐廳要排隊都知佢相當有料，估唔到所有餸係新鮮滾熱辣即叫即整，而飯採用炒飯底真係幾有誠意。除咗食物質量幾好之外，值得一讚既係店員服務態度都nice，係一間幾親民既溫馨小店，真係幾適合一家大細嚟食👨‍👩‍👧‍👦

去觀塘搵朋友，發現了這間新開的飯館，見個名幾特別，就入去開飯！他們是小店經營，各種飯只需$50-80左右，食了後發現食材高質，性價比相當高，好驚喜🤩最驚喜的是龍躉球飯，是超大塊且厚的龍躉肉，煎得金香，肉質亦好嫩滑，如此高質素的確是意料之外～還可以配特色咖喱，微微香辣得來好特別，似是餐廳自己調出來。黃金海皇泡飯亦是另一驚喜之作，海皇湯好濃香 足料，入面有魚肉、帶子、瑤柱、鮮蟹肉 ，配⬆️脆米，口感一流。款款食材都是有質素的。蜜汁雞翼非常香蜜糖味，而且蜜糖表層好香脆，甜度剛好，幾高質。麻辣青瓜加了好入味的四川作調味，青瓜非常爽脆，好啱鍾意食辣嘅人。平時不太好食飯嘅我，在這裡吃過後對飯完全改觀，下次再來開飯😋

今日經過牛頭角道，看到這家新開的炒飯店🙇🏼‍♂️ 進店後，熱心的店員帶我入座，並介紹了他們各種炒飯👍🏻 炒飯的配搭有很多種，脆皮牛腩、安格斯牛柳粒、椒鹽豬扒等等。最後我選了龍躉球飯（炒飯底）和蜜汁雞翼。食評：龍躉球飯性價比很高，有大約4塊大片的魚肉。肉質有彈性，連魚皮都是厚厚的😋 加了用蛋黃做的金沙汁，配上炒飯味道很好，炒飯的蛋也是很足夠，炒得很乾身👍🏻 蜜汁雞翼的醬汁很豐富入味🤤，雞翼每隻的份量也是偏大，愛吃雞翼之人吃三隻應該是不夠的😆還點了一杯手攪凍檸茶，沒有拍照，凍檸茶的菜底也喝得出是有花了心思在裡面，味道剛剛好。環境上是舒適的，空氣十分流動，廁所的衛生也做得很好。店內擺設了不少裝飾品，一些藝術畫和Bearbrick公仔，看來老闆也是個潮人👻這次整體的體驗是十分不錯，老闆最後也親自過來問我意見，有什麼地方可以改善☺️ 我當時想不出來，下次一定會叫上好友們再來試的。

o係YM2 附近覓個食，俾呢間地鋪櫥窗o既公仔吸引o左~ 中式飯館一直俾人o既印象都係可能比較傳統、樸實一d，但佢就用上大大隻卡通公仔招徠，甚有朝氣活力。店員亦都對客人非常之有禮貌，連有個阿姐淨係入o黎攞張外賣紙都多謝前多謝後o架！招牌蝦頭油炒飯($73) 無疑係餐廳o既重點推介，實物超足料，先有三隻大蝦，卷成蝦球狀，睇見都晒流口水，食落爽口味濃，未計飯裡面尚有唔少較細o既蝦仁。除o左蝦之外，仲有其他海鮮，蠔仔肥美，滑o都o都的，加埋元貝粒同掰開o左o既細魚肉，俾咁多餸我餐廳會唔會蝕本o架……！﹖蝦頭油盡得蝦頭蝦膏o既精華，加落加o左蛋、炒至黃色o既米飯，再瀋上多多蝦米，是香的。作為炒飯，佢都唔算好油膩、熱氣o個隻感覺。隨飯附有一兜菜脯，落埋就會多一點鹹香。另外叫o左一份3 隻小食雞翼($25/3隻，$35/5 隻)，有兩隻口味，試o左蜜汁。呢個幾驚喜，濃甜o既蜜汁，瀋o左芝麻同黑椒去燒，所以會甜中帶辣。更重要o既係o個層皮，咬落去有少少似齋燒鵝o個個口感同味道，非常可口！下面鋪o左椰菜，吸滿d 汁，當然係要食埋。個炒飯可加錢跟餐飲，只有最common o既飲品可以揀，選擇唔多。檸檬茶