Girlboss by Master Kama (已結業)

聽聞Girlboss by Master Kama推出了龍蝦包買一送一的限時優惠，相等於半價優惠！ 加上Master Kama的龍蝦包十分好吃，知慳識儉的我們當然不能「執輸」。這裡真的非常適合女孩子的聚會，整個粉紅色的格調、舒適的寶石綠絨沙發、雲石桌子，打卡真的一流。吃包和薯條會比較乾身，一定要配杯飲料才好。女孩子還是點熱飲對身體較好，除了有多款花茶外，latte也是頗為特別。這個Black Boss Latte原來是下了竹炭粉，十分特別，還是第一次喝到。微微苦澀的竹炭粉與latte出奇地配合，原理跟chai tea latte一樣，香而不過甜。Green tea latte則是港女至愛，上面的鮮奶泡沫空氣感十足，奶味香濃，味道則偏甜。用上生拆蟹肉而非魚肉蟹柳，鮮甜味道十足。牛油果完熟，綿滑濃郁，跟蟹肉味道很配合。青蘋果片和青瓜粒爽脆，沙律菜也新鮮，加上莓果味道的沙律汁，整個配搭很清新。餃子的份量比想像中多，性價比高。餃子皮薄，外層煎得香脆，內裡雞肉與雞軟骨的混合很有口感，醬汁份量剛剛好。終於來到是晚主角！買一送一的龍蝦包還配有薯條和沙律，份量不少。旁邊的檸檬忌廉汁是用來淋在龍蝦包上吃

之前成日都經過呢間野，覺得裝修好靚，好適合打卡，於是今日見有時間就黎食了。六點鐘黎到，無人排隊加上個場好少人，所以我地被安排到一個較大較靚既枱，岩曬一眾愛打卡之人士。睇睇個menu 有咩食先雖然我同朋友都唔係好餓，但散叫唔抵，所以我地叫左個bossy royal set. 個set 入面有7樣野食，我地都諗左好耐😂首先佢上左個餐湯，睇落顏色較怪，但飲落甜甜地，味道似南瓜湯，唔錯。個沙律有別於其他店舖，佢竟然用杯裝😂味道都可以之後上左幾個主菜個牛個人覺得好普通好香口好脆，個汁match青口都算新鮮，薯蓉好味！全場最好食既一樣野！黎到一定要叫，好濃芝士味，多士烘到好脆。其實食唔多到酒味，個人唔太好意大利飯，所以覺得還好。

見依家餐廳好多人去食咁就去睇下佢係咪真係咁吸引啦去食晚餐 order咗個2人餐頭盤係2個沙律第一個係蟹肉牛油果蘋果青瓜沙律份量算少 但牛油果味好香第2個係黑松露醃漬蕃茄仔冇咩料 最好食係舊水牛芝士同個汁👍🏻之後就係小食龍蝦玉子燒但成舊玉子燒得一粒龍蝦仔🤷🏻‍♀️冇咩特別再黎芝士蟹肉釀蟹蓋個2人餐嗌依個 要加$28但蟹蓋裏面 算多蟹肉嘅再上Girlboss龍蝦包依個又係要加$28單嗌好貴 成$158一個 個人覺得好唔值因為龍蝦肉都唔係特別多之後到主菜 海鮮拼盤除咗d蜆有少少腥同帶子冇咩肉外其他都ok 海膽忌廉蟹肉意粉2人餐又係唔包 要額外加多$15海膽都係好少 一啖就食完 成碟都叫多蟹肉嘅 但整體上黎講 冇咩味最後order嘅野飲熱Chocolate Fantasy有好多綿花糖係面👍🏻同依杯Healing Time係全場最有驚喜依杯係cocktail黎 仲要有綿花糖係面 好靚好重酒味通常係cafe度好少會飲到cocktail嘅野平均每人食咗$300其實真係有d貴 唔太值但餐廳嘅環境 真係無疑係會令人食野都開心d嘅

新年前同朋友一齊聚下，當然要去粉紅秘密花園，價錢亦都唔貴～我地又點左滿台美食蟹肉牛油果蘋果青瓜沙律口味比較清淡， 蟹肉份量略為少左d，蔬菜、 蘋果爽口～Girls分享盤有粗薯條、雞翼、餃子、芝士條、雞肉棒等， 新鮮即炸，脆卜卜～龍蝦包每次嚟都會點的， 麵包鬆軟香口， 龍蝦肉份量十足，正～有機紅藜麥椰菜花檸檬芝麻沙律醒神開胃，但菜嘅份量可以再多啲～低溫慢煮三文魚烤蘆筍薯蓉香草荷蘭汁三文魚肉質幼滑～黑松露野菌扁意粉黑松露味香濃， 野菌鮮甜～最鍾意呢度仲有各款有或無酒精飲品～食飽飽之後 一齊去睇賀歲片如珠如寶～

久違的一次女生聚會，撇下男友，就去些跟男友不會去的餐廳吧。這家充滿粉紅泡泡的餐廳，絕對是跟男生來會尷尬、跟女生來會興奮的地方。很久前來過一次所以推介成今次的聚腳點，餐廳依舊走優雅少女路線，光猛明亮。我們二人，今次又與梳化卡座緣慳一面了。飲品選擇非常多，但因我們點冷飲都是例牌喝不完，倒不如點一杯分享一下。千選萬選下我們點了Yellow Submarine，就是用新鮮芒果和雜莓打成的沙冰。沙冰口感幼滑，不會只得冰感而忽略了水果味道，反而每一口都是果味，味道酸酸甜甜；莓果那層還夾雜著莓果果籽，是真的用水果打成的力證，真材實料。女性主題的餐廳定位也從女性的角度出發，女生總是甚麼也想試一口，又有選擇困難，於是這裡發明了Bossy Royal Set ($388)，二人份量，由沙律/湯、前菜、主食、漢堡/比薩/意粉/飯都可自選，每款少許，便可以分享著試很多菜式。而且意粉和飯還可以選half/half，可試到的菜式再多一倍，很是滿足啊。鮮甜的蟹肉和完熟的creamy牛油果是個好配搭，拌著沙律菜就算沒有沙律醬也很易入口。加上青蘋果和青瓜片的爽脆，是個口感豐富的沙律。接著另一個沙律和兩款前菜一并用了三層

朋友是事業型女性，相約到荃灣廣場晚飯，並訂了位，我們來到時大約七時半，已經有五、六成客人就座。餐廳裝潢以粉紅色為主題，令人有溫馨浪漫的感覺，難怪全場客人都以女士佔大多數，男士就寥寥可數。卡座以弧形的梳化，並有木柵與鄰座分隔，私隱度較高，方便交談，有相當舒適寫意的氛圍。社會上兩性的社交習慣早就自有分別，一班男士聚會，除了到酒吧之外，多是在火鍋店或茶餐廳，女士們則多會選擇中高檔的餐廳，間中亦會在酒廊餐廳出現，難怪有某些行業訓練新人時就將此現象歸納為女性消費較高或是較有儲蓄習慣。卡座適合人數較多的，而人數少如兩至四人的亦有一些較小的餐桌，餐廳用的餐具也有打做自家品牌的概念。我們點了一份二人份量的Bossy Royal Set($388)，包括兩個全份的沙律或餐湯，我們選了蟹肉牛油果蘋果青瓜沙律及三文魚柚子檸檬玻璃杯沙律；兩個半份前菜就要了龍蝦芝士玉子燒及香草白醬焗大蜆薯蓉；主菜全份選了燒一口安格斯西冷˙焗薯粒˙烤蔬菜˙香草法式牛油汁；而意粉及飯就點了黑松露野菌扁意粉及海膽吉列大蝦五穀米茶漬飯，共有七款菜色，相當豐富。此外，飲品方面我們就要了Pineapple Mint Tea($58) 及G

一早收工諗著去荃灣路德圍睇下有冇新餐廳，但見到2間豆腐花大戰人龍太恐怖啦，所以就轉左去荃灣廣場。最後就拉左男友去一間BOOKMARK左好耐嘅餐廳- GirlBoss。我一直俾餐廳粉紅色既主題吸引，但係開頭男友見到餐廳以粉紅色為主都有D驚，不過佢見到座上有唔少男顧客都冇咁驚。店內待應都比較年輕，而且態度親切。落單時店員就推介左個BOSSY ROYAL SET。蟹肉牛油果蘋果青瓜沙津雖然賣相有點遜色，但係蟹肉都幾大舊，而且蘋果沙律甜口夠哂開胃。黑松露醃漬番茄仔瑞士芝士玻璃杯沙律食之前餐廳提示要搖下個樽先，可以俾沙律更均勻沾到黑松露沙律汁Lady’s Beer雖然寫住係Beer，有d似啤酒味但係完全無酒精既青蘋果梳打飲品，最有趣既係用飲筒攪兩下，就會有d「啤酒泡」湧出黎，夠哂gimmick ~Children Herbs一見到套靚靚杯碟已經好吸引，加埋粉紅色既莓茶同新鮮水果粒再配上檸檬，清新得黎帶點甜唔知係唔係SET關係食物會用籠架分3碟出，成個感覺即刻高貴哂，而且亦都方便食客比張枱有足夠空間逐碟取出慢慢食。鮮果米紙捲．鮮蝦米紙捲 米紙都幾晶瑩剔透，點少少柚子醋汁令酸甜味道更出眾。龍蝦芝士玉

屬於女士的餐廳登陸荃灣廣場，聞名而知其霸氣 -- GIRL BOSS。粉紅金邊懷舊酒店裝潢，光線亮麗醒神，添了幾分少女情懷。訂座晚上八時半，由於人氣大熱，到埗仍需等候。一會後，便坐梳化二人位。(附上晚上十時多用餐完畢的 Girlboss by Master Kama)餐單上的 BOSSY ROYAL SET，2人份量，包有湯/沙律 x2、前菜x2、主菜x1、漢堡/pizza/意粉/risotto x2，一set $388 。款式多樣化，抵食之選。係超過50道菜式，云云中揀選以下。店員接過點餐紙，有效率地逐步上菜。沙律：蟹肉牛油果蘋果青瓜沙律，玻璃小瓶鋪上一層又一層沙律菜，面上疊上爽脆青蘋果。旁邊置上一絲絲的蟹肉，伴上綿滑牛油果。造型清新，食落很fresh。而另外一樽三文魚柚子檸檬玻璃杯沙律，則玩兒多多，要將沙律葉塞進瓶中，chok 勻後，才品嘗。柚子蜜甜加上檸檬的清香酸，好味。前菜：Girl's 分享盤(另＋$38) 清一式金黃煎香脆炸系列，六款人氣必愛小食，煎烤雞翼、雞軟骨餃子、炸芝士條、雞肉串，shake shake 薯條以及沙律。年輕就是本錢，熱氣香口小食就是要同姊妹好分享。當中

星期四晚上想搵一間靚靚嘅餐廳食下飯relax下， 就選擇咗荃灣的Girl Boss， 一行到去餐廳嘅門口已經畀佢粉紅色嘅佈置深深吸引住，濃濃嘅少女味直逼眼球， 場內嘅格局亦都非常之有少女風，啱曬我又鍾意食嘢又鍾意睇靚嘢嘅人。 估唔到星期四weekday場內已經坐滿客人，入座起計個半小時用餐時間。我哋叫咗個Bossy Royal Set $388，包括有兩款沙律(全份)+兩款前菜(半份)+一份主菜(全份)+兩份漢堡/薄餅/意粉/燴飯(半份)) 以及兩杯特色飲品。 份量非常足夠兩個人食！套餐叫咗蟹肉牛油果蘋果青瓜沙律，烤大蝦田園沙律白味噌芥末沙律醬，德國腸凍肉芝士拼盤，煎鵝肝白酒煮蜜桃爆谷+$20，烤蒜蓉牛油龍蝦+$68，海膽忌廉蟹肉意粉+$15，迷你芝士和牛漢堡， 佢有啲食物係要加錢去食嘅，例如龍蝦，鵝肝同埋海膽忌廉蟹肉意粉， 但係我覺得都值得一試， 尤其是佢烤蒜蓉牛油龍蝦跟餐加68蚊就已經可以食到！佢哋呢度嘅餐具好靚呀，好有少女&公主格調， 食物未到，望到啲餐具都已經好開心！Boost Monster， 樣貌好趣怪，一嚟到我已經瘋狂影相， 至於味道都好特別，有葡萄檸檬吹波糖味。Girl

同好姊妹約好每星期一聚談談心食個飯，所以今次我地一致揀左呢間以少女粉紅色既GirlBoss餐廳，門面粉白為主，超少女風，岩哂我地d少女心我地叫左Boss Set $388 包括有兩份沙律、兩份前菜、一份主菜同埋兩份漢堡/薄餅/意粉/燴飯；先黎個前菜先：「黑松露醃漬蕃茄仔瑞士芝士玻璃杯沙律」黑松露控必食，食之前關上蓋搖一搖等底部既醬汁搖勻即可食用啦！酸酸甜甜的好開胃，沙律菜片片新鮮爽口「蟹肉牛油果蘋果青瓜沙律」面上是蟹肉加牛油果，底部有蘋果仲有青瓜，加埋沙律菜一齊食真係一款好清新既沙律！「柯南的神秘茶」熱飲呢款茶真係好特別又有睇頭呀，配上別緻既茶壺茶杯，真係讓人心情大好！要待茶葉浸泡一會先好飲用呀，咁樣茶味會出眾d架！茶倒出時係藍色架，加入杯前的一小壺裝滿蘋果（類似蘋果醋似的），加人後立即變上迷人紫色好靚呀！前菜同主食都以一個別緻既架上，就如皇室般的享受「龍蝦芝士雞翼」炸雞翼上淋上龍蝦汁灑上芝士片食落味道非常夾「龍蝦芝士玉子燒」玉子燒內夾住龍蝦肉每啖都啖啖肉呢！「燒一口安格斯西冷」牛肉燒等剛剛好，好有牛感又有牛味雖然主菜係西冷，但周邊既配菜都唔輸架，平時好少食粟米，但佢既燒粟米真係好食，

女波士當然遇上過啦，不過，咁耐以嚟，小弟都喺咁唔好彩，遇人不淑，未試過有好下場。但喺，是夜同表姨甥女嚟到「Girlboss by Master Kama」補祝佢生日，結果就有個好下場，食咗餐唔錯嘅晚飯。餐廳嘅環境絕對喺好少女，因為一室都喺夢幻粉紅，所以，是夜所見，都喺以女生為多。如有得三幾個人，最搶手喺入門口左邊嘅馬蹄位，空間大啲，又自成一角，而且，皮梳化椅睇落都好坐啲。有咩菜式，一大張A3紙印晒出嚟，仲兼喺一張落單紙，好似考試剔格仔咁。種類包括沙律、是日餐湯、前菜、主菜、意大利麵、意大利飯、 漢堡、薄餅、熱鍋及兒童餐，都有頗多選擇。此外，亦有一款自由組合嘅二人餐「Bossy Royal Set」（$338）及指定菜式嘅一人餐「Girl Power Set」（$138）。特別提一提個「Bossy Royal Set」，真喺幾划算， 包咗兩客沙律 / 餐湯（全份）、兩客前菜（半份）、一客主菜（全份）、兩客意粉 / 意飯 / 漢堡 / 薄餅（半份），部份菜式可加錢升級，但需留意部份菜式喺以半份計，不過包咗咁多嘢，夠飽之餘，仲可以試到多啲嘢添。唯一美中不足，喺個餐唔包飲品，需另外散叫。溫提一

今日同個好FD慶生, 兩條女之前諗左好耐食咩都諗唔到, 最後見到呢間超粉紅既CAFÉ就決定黎試下, 因為荃灣對我地2個黎講都唔算近既地方, 所以希望間野唔會令我地失望, 好采間野唔單只靚, 食物仲要都幾好味!!渡過左好開心既一餐晚餐。去到門口既時候已經覺得好誇張, 因為真係成間野粉紅色, 好靚, 勁少女(奈何已經係中女), 但因為被安排左係門口位, 所以欣賞唔到餐廳入面既完整裝修。我地叫左個2人SET同埋2杯野飲。個SET望落好多野食, 但係其實每樣都係細細份, 所以係OK既, 我覺得幾好, 因為真係試左好多唔同既菜式, 好過叫2個MAIN跟住飽左!!BOSSY ROYAL SET $388沙律/湯 2款蟹肉牛油果蘋果青瓜沙律成個沙律都好清新, 呢期愛上左牛油果, 蟹肉雖然唔係新鮮既蟹肉, 但係呢個配搭好好, 有小小開胃, 好中意。三文魚柚子檸檬玻璃杯沙律呢個沙律就好豐富, 勁多三文魚啦, 檻欖, 同埋唔知咩菜, 超嫩個菜, 勁新鮮, 不過可以檻欖油重手左, 有小小過油。前菜2款 (半份)黑魚籽海膽紅蝦‧芒果醬(1件)開頭以為佢會有2隻, 可惜得1隻, 不過好正呀!! 海膽新鮮冇怪味!