牛極 (通菜街)

營業中

休息中

一條友係旺角食晏想食好啲，搵到呢間裝修同野食賣相都幾吸引既餐廳就決定一試～呢間牛扒店就好似日本嘅拉麵店咁，自己用售票機點餐另外就有一個自助區， 可以自己斟水，取醬料，仲有羅宋湯有飯同有沙律～我叫咗一份最細既西冷，不過黎到都唔細😅 好厚身😀牛扒係用熱石上，所以想要幾熟可以自己決定👍👍 我就大約等到七至八成，幾juicy，有牛味但唔“蘇”，點啲生蒜同辣汁感覺仲開胃左😁 我就幾中意呢個熱石上可以自己決定幾熟既idea， 因為好多時出去食牛扒話要幾熟同最後上菜真係有幾熟係有啲落差，而且感覺呢間餐廳用料幾靚，有surprise👏

呢排出現多間熱石牛扒店，今次朋友推薦呢間牛極，價錢都唔算好貴，還有自助沙律和飯，啱晒我呢啲坐唔定又鍾意自己拎嘢食的為食女子——————————🔸沙律🥗 在等待主食前，店員提醒我們可以先出去拎沙律、飯、湯和醬料。雖然沙律只有椰菜絲和番茄仔，但係配上芝麻醬或酸醋汁，非常醒胃且解膩👍🏼朋友特別喜歡沙律配芝麻醬，所以前後都拎左兩大碗🤣湯是番茄牛肉湯，但有點偏鹹😩醬料區分別有自家製燒肉汁、辛味芥末燒汁和胡麻沙拉汁，本人較喜歡第一種~🔹牛肩肉眼  180g $80等咗大概10分鐘，牛肩肉眼終於嚟到🤤肉嘅份量比我想像中多，外層輕輕燒過，但入面仍然非常生，需要客人自己繼續燒，整體肉質很軟腍，就算燒到熟曬，依然很腍👍🏼🔸西冷 200g $130這個西冷比牛肩肉眼更加厚身，肉味亦相對較重，不過肉質就韌少少，而三種醬汁中，自家製燒肉汁同肉最夾，甜甜地，令肉味更突出。整體比較鍾意牛肩肉眼多啲❤️

香港最近大熱自助燒牛扒店，今日在旺角行經這間店，入去試下這店的流程是一入門口先用自動售票機選心水牛肉類型同重量，總共有六款，分別是：牛肩肉眼、牛肋骨排、西冷、牛柳、日本和牛，同埋每月推介店內陳設好有日本氣氛坐下後把單交給店員就可以先去自助吧，自助吧有沙律、麵豉湯、白飯同檸檬水，都係任食任飲，不用額外付費，物超所值牛肉湯-牛味濃而帶有番茄味，湯底有大量牛肉，一定要試沙律-任取，椰菜絲切得好幼細，配合柚子醋，令人好開胃主角送到，以火山石板上送上，切開一小塊牛扒放在石板上，再按自己喜好自行燒至理想熟度，有三款汁可供自行選擇西冷煎香後外脆內嫩，肉味重，油花分佈平均，而且肉質富彈性牛肋骨扒係帶骨嘅，感覺上會無咁抵，但骨附近嘅肉一般都比較嫩滑好味，而且本身厚切，不但有口感，牛肉味亦相當重同突出

最近熱石煎牛扒愈開愈多，今日終於有幸試下其中一間- 牛極除咗牛扒，沙律丶湯同飯都係任食同日本食拉麵一樣，入座前先揀好想食ga牛扒同份量👆🏻👆🏻👆🏻，揀好之後，番埋位坐一陣，牛扒就會為你送上👇🏻👇🏻👇🏻300g 牛肩肉眼300g 西冷300g 日本和牛300g 則係有幾大舊？？？300gram其實大概等於平時出面ga 10安士。而三款牛扒，出奇地，我個人覺得牛肩肉眼ga性價比係最高，肉質結實，口感亦都最好。日本和牛都唔錯，肉質柔嫰，而且食到油香，但價錢上比牛肩肉眼貴一陪，而西冷就最普通，肉質偏軟。另外，熱石煎最好ga就係你可以根據自己喜好去決定將佢塊牛扒煎成medium rare 丶medium丶medium well ,甚至well done都得，唔使擔心over cook ga問題。總括黎講，牛扒都係一分錢 一分貨，但最平ga牛肩肉眼扒，性價比絕對高，值得推介👍🏻👍🏻👍🏻