新記煲仔雞粥 (已結業)

元朗地膽一定對老字號新記雞粥不陌生，招牌貴妃雞粥即叫即滾，煲得稠身又不乏米香。 雞粥都是逐煲煮的， 一有柯打，師傅就加雞煮粥，粥底綿稠，貴妃雞的鹹味不算濃，雞肉夠嫩滑又有彈性新鮮熱辣，最重要的是雞肉竟然滲出雞油，淡淡的油香增加鮮味！雞粥以外，招牌小吃、菜式同樣做得𣎴錯。其中紅燒乳鴿浸滷水後風乾後即叫即炸，皮脆肉嫩又多汁。連粗獷的炸豬大腸也做得細緻，除了上皮水令外層更香脆外，更會原條去炸，炸好才切件，不會像某些餐廳為方便炸前已預早切好一件件，所以豬大腸內裡依然鮮嫩，但我嫌佢口感有少少un，有d難咬。腸粉也是即叫即拉，老公最愛的炸兩腸粉，腸粉厚度剛好有米香椒鹽魷魚酥不過不失，建議可以揀大條d去炸，食落才有口感！同埋要小心火侯，我覺得今次炸得有少少鞋口，不過整體水準都高過好多其他食店。最後一提，呢間有openrice 外賣自取，又有優惠，十分划算！

今次專登黎元朗嘗試呢間老字號雞粥，等了十分鐘左右，一煲熱騰騰嘅雞粥就上桌了。粥底較稀，水水地，但味道ok，雞塊嘅味道ok不過口感唔算滑，整體ok，但同預期有落差。蔥花蝦米腸粉不錯，口感好滑，入面嘅蝦米都夠香。豉油皇炒麵剛上嘅時候係攤凍左嘅，當時店鋪入面的客人不算多，只有4-5檯，在這樣一間老字號餐廳食到攤凍嘅麵令我感到詫異，幸好佢地都立即幫手加熱翻。呢個豉油皇炒麵質感乾身，不會太油，味道也不錯，整體ok。

今日放工入去元朗新記到食嘢幾年前去過好多人排隊而家依然一樣...今日等咗15分鐘就可以坐低叫嘢食😬佢哋最出名嘅雞粥必叫今日我叫咗貴妃🐔粥、蜆介鯪魚球及海蜇手撕雞😋鯪魚球最快上枱大大粒但唔夠熱我覺得不過不失冇以前咁好味😌跟住就係佢哋最出名煲仔🐔粥上枱新鮮滾熱辣貴妃雞肉質嫩滑真係好好味呀📣粥又好綿好入味真係冇浪得虛明👍🏼👏🏻食過之後回頭率好高😍係值得搭車入嚟食嘅粥品🙌🏻不過今次最驚喜係海蜇手撕雞😍海蜇好似橡筋咁煙靭再配合埋手撕雞絲及甜甜哋小小辣嘅汁醬真係食到停唔到口🤤但係我掛住食唔記得影相🤭🙄之後重忍唔住叫多個打包返屋企同家人分享🤣雖然山長水遠入到黎但我覺得值得😎

呢個雞粥超足料，有成十幾二十件切雞，而且雞汁同雞油撈埋落粥一齊煲，雞味濃郁🤩而且仲係即叫即煲，超正！必食推介！💡炸魷魚鬚非常香口，皮脆肉厚。🥳調味都適中，但鍾意重口味人士就可以加埋豉油一齊食😋正！涼拌皮蛋唔洗講啦！大份夾抵食！🤩呢個雞翼有炸過個皮，令雞皮冇晒油淋淋嘅感覺，肉質鮮嫩多汁，都係必食推介！😛炸兩都有一定水準架～愛吃嘅人可以試吓～😙食宵夜飲藍妹是常識吧😎女仔就飲佢個鮮豆漿啦！😙下次經過一定再試！😉

收工路過去食嘅小店，武漢肺炎期間都全場爆滿，生意唔錯。主打食雞粥，除此之外都有炒粉炒麵，種類繁多，我地點咗幾個前菜，加個貴妃雞粥。炸兩皮非常薄，但豉油過咸。皮蛋味道正常，涼拌汁雖然唔辣，但有淡淡蒜味。魷魚鬚味道正常，但略微炸得太乾。海哲手撕雞就真係麻麻地，可能個人真係唔太鍾意食海哲，前菜涼菜整體一般。至於主打嘅貴妃雞粥，我覺得係出色！個雞好滑，就咗睇會以為佢好似白切雞咁無味無道，一咬落去係好香酒味，咸味適中，我都係而家先知貴妃雞係咩味。粥底就好綿，係好食嘅粥底一鍋粥其實唔多，一個人都食得晒，下次黎我會叫多個粥！

近排轉天氣, 太陽落山之後真係凍到傻! ❄️咁凍既天氣底下, 最好就係食一D暖笠笠既野, 令個人暖D。今日約左班朋友係元朗食飯見面, 本來都無咩頭緒去咩餐廳食飯, 但我見天氣咁凍, 於是就建議去新記食番碗熱辣辣既粥 。老實講, 我就未食過呢間餐廳既, 不過我之前有聽講過住元朗既朋友推薦過呢間餐廳俾我, 我估計應該OK既。🤭我地好好彩, 因為岩岩好係靠牆位置岩岩有一枱食客走人, 所以我地就算一行5個人都可以即刻入座, 唔洗等位! 👍🏻係晚市呢D咁旺場既時間都唔洗等, 真好! 店舖面積唔算大, 所以枱與枱之間的空間都唔會太大, 係舊式港式餐廳既setting。不過呢度好乾淨企理, 而且送菜款式選擇好多, 除左招牌既粥品之外, 炒粉麵飯, 菜類滷味都應有盡有! 而且價錢親民, 性價比簡直高到不得了。😎海蜇手撕雞 ($49)份量好足, 好大碟! 海蜇好爽口, 而且上面落左好多麻醬, 基本上每一啖都食到麻醬味, 加埋少少白芝麻的香, 好食! 而手撕雞方面, 肉質鮮嫩而且雞味好出, 完全唔似出面某D鋪頭既雞絲咁, 乾得濟會韌同痴牙。除左上面兩樣野之外, 我仲食到有醃黃瓜絲, 佢地應該醃左一段時間,

那天是寒冷的晚上，想吃一碗熱乎乎的粥暖暖全身。小編就找到這間以雞粥聞名的老店，然後就獨自一人前往。當時大約是晚上8時，店外有很多客人在買外賣，小小的店裡的客人都很多，也有些客人坐在外面吃。小編看到菜單，原來有超多的選擇，有各色各樣的小吃、小菜和粉麵，單單是粥類都有很多配搭，讓小編非常多心，但最後還是想要先試吃最出名的雞粥，還有要了一份小食。這是貴妃雞粥($51)，看到圖片還以為會很大的一鍋，原來是一小鍋，聽到店員對旁邊的客人說是一人份量。粥是用了泰國絲苗米，被雞油染上了淡黃色，飄逸着雞香。雞粥裡面大約有7件雞，軟滑的雞肉帶點咸香。小編覺得慚愧，因為剩下2件雞吃不了，雞的份量真的很多，可惜的是即使已經很飽了但仍然想吃多點粥。另外的小食是香脆炸大腸($49)，可說是3-4人的份量，所以小編頂硬上也只吃了4份1，再一次覺得慚愧。離一離題，如果小編把剩下的食物拿去給旁邊的客人，不知道會否被嫌棄呢？如果真的有人在你用餐時給你送上剩下的食物(當然食物要看上去還很完好和乾淨)，你會接受別人的好意嗎？回題，炸大腸旁邊配上豉油，質感香脆，配著粥吃，一番風味。總結，雖然價錢都不算是便宜，但是是真材實料，味

係元朗想食粥，好多朋友都會話新記好食，好耐之前食過一次佢地外賣既粥，最近又再去試試，睇下其他野食係點先!餐牌上面有超多款式選擇，好多都好想食，而且價錢仲要唔貴呢!首先係好出名既雞粥，雞肉好滑，真係淨係睇相都見到而且份量都唔少架!跟住叫左蠔仔粥，蠔既份量又係超多，起碼有20粒!鍾意食蠔既人一定要叫呢味呀!同行朋友指明要食乳鴿，果然係冇令我地失望，一句講哂:「皮脆肉嫩」!配淮鹽真係冇得輸仲有鯪魚球，一碟有六舊，係以「舊」去形容，因為又係好大粒!仲好彈牙，魚肉唔腥，配送既蜆介醬都有成六粒蜆!食熱氣野當然要飲返杯野飲啦，我叫左七喜話梅柑桔冰(左)，朋友叫左五花茶(右)，話想清下熱氣我杯七喜話梅柑桔冰真係好正，味道好足!!!正正就係我想要個種酸酸甜甜味，另外朋友都話五花茶好飲。今次餐飯真係食得好滿足呀!因為所有野都好食!絕對會再幫趁

這家粥算是元朗的老字號，住附近的人想食粥都會想到這家。它也是某周刊的「八大嫩滑雞粥之一」，也曾獲得「優秀祝粉面店優異獎」。這裏的粥不是「一碗碗」，而是「一窩窩」，份量很足。最便宜的粥$29，就有一大窩，平民之良食也。有原隻蟹的鮮蟹粥也不貴$51。我點的是馳名的「貴妃雞粥」。一窩粥有很多塊貴妃雞件，雞件入口香滑而且帶一點咸香味。牌紙上有說，粥是用泰國絲苗米。粥是軟綿綿的，雞的精華都融入粥中，每一口粥都有濃濃的雞香味，亦帶有一絲絲的咸香味。我們另外點了貴妃雞（例牌），雞肉也是鮮嫩，帶點咸香味的。菜單上有說，貴妃雞是挑選最新鮮嫩畫的母雞，用超過20種藥材及香料，加上頂級的蝦乾及瑤柱烹調而成。很珍貴似的。揚州炒飯也是炒得很香，有很多爽滑的蝦。小食方面，XO醬拍拍瓜（小黃瓜）和秘制雞中翼都不錯。飲品推介「七喜龍眼冰」，清涼透心。未到7pm 已經高朋滿座，室內室外的座都坐滿要排隊了，可見受歡迎的程度。

假日與友到元廟蹓躂，想起附近的美味粥檔，登時令人口水直流。鮮甜的蟹粥，有誰不愛？熱辣辣軟綿綿的烯粥，入口是燙燙的，可卻這就是美味！生滾的蟹仍激有蟹味，不會盡然流失於粥裏，蟹是色白肉厚，啖啖滋味！再來的是店之名物貴妃雞粥。雞很香很滑；之不過可能先吃蟹粥，未免鮮甜度略有不及；然而因為有更香的雞油，我們也是飛快地完成了這煲雞粥！二個大食積要幹掉二煲粥簡直迎刃有餘，故此再來一碟叉腸是也。腸衣米香猶存，叉燒多到透皮，滿足飽足。友人說：就算多熱，都要來安哥~

放學，想食宵夜！新記乜都有，要小食有小食要飽肚有飽肚！個蔥花蝦米腸粉真係真心好食帶子豬潤炒麵，啲配料有點點失望，但係麵炒得好食！貴妃雞粥，普通，唔係我杯茶個魷魚鬚我想反枱，係酥炸定蒸炸

論食雞粥，對面嗰間出名d,但食過味道麻麻。今次試新記實在係無得彈。款式多，味道好，又夠哂抵食！貴妃雞粥每枱都叫，一煲大概有五大件。類似鹽焗雞，配粥不錯。不過雞我覺得鹹左少少，下次會試海鮮類。粥最緊要係夠哂滾，所以特別正。另外，哩到小菜都有好多款，嚟多幾次都唔會悶。涼伴揀左海蜇生腸，雖然細細碟，但食落份量又唔算少。佢個汁做得不錯，應該加左麻油特別香，少少辣同好香蒜味，宵夜食就一流。粥店少不了腸粉。蔥花蝦米腸大大份，夠抵食。腸粉較幼，而且唔會過鞋，一啖一條。蝦米唔會太乾身夠香，蔥花又新鮮又夠多，算係做得不錯。最後唔少得招牌脆皮乳鴿，嚟新記係必食嘅。真係熱辣辣，做得比某些酒樓更要出色。外皮脆，肉質嫩，肉汁香，唔點任何調味料都夠哂味。

難得有時間可以去天水圍散步，咁當然要順便去元朗食好西啦。見好多人都推介呢間，一於就黎試。6點左右入鋪見無乜人，不過啲員工放哂野食係台上面準備開餐，我都有少少唔好意思阻住佢地食飯開工。不過佢地都照同我地落單今次叫左4樣野，主打掌然係雞粥，跟住有手撕雞、蝦醬通菜、炒麵(無影到相)雞粥好足料，大概有7、8件雞件，而啲雞件又唔會多骨少肉，淨係張相你都見到幾多雞肉雞肉好鮮，無雪味雞油味慘入哂粥底，好正個通菜雖然有好多辣椒但又唔辣兼唔咸，不過我就覺得油膩左少少....手撕雞甜味比辣味重，但又唔會蓋過左個辣味。

難得今日港鐵半價，所以搭西鐵去元朗搵好野食！元朗區實在太多選擇，應有盡有，最後揀左粥店，呢種天氣食粥唔會太熱。同男友兩個人要了貴妃雞粥，蠔仔粥，炸大腸，炸兩，手撕雞。貴妃雞粥，粥底唔會太水，軟綿綿。貴妃雞好滑，有少少咸味，應該醃完先煮粥。蠔仔粥，蠔仔好鮮甜，一啲都唔腥，如果再多少少蠔仔就完美了。炸大腸真係冇得輸，外皮爽脆，配埋甜酸醬更加好味！海哲手撕雞，撈埋芝麻醬都好好味。

粥要綿, 料要多, 價格要合理才是一碗靚粥, 在元朗走著走著, 看見“B仔涼粉”旁的這家雞粥人山人海, 於是就進來一探其虛實。一進來就, 就點了一碗貴妃雞粥, 2個人剛好每人一碗半, 雞件挺大的, 粥綿綿細滑, 雞味香濃, 雞件多, 肉質嫩滑, 沒有放味精, 味道十分香甜; ($47)只吃粥, 太單調了, 跟朋友2人來一隻紅燒脆皮乳鴿, 斬開四件,金黃色的外皮, 十分香脆, 鹹味適中, 肉汁鮮味; ($51)來一碟小炒, 蒜茸炒螺肉, 可能下水太多, 螺肉炒得不夠乾身, 而且味道略為清淡, 吃不到螺味, 味道一般。($40)吃粥, 當然少了大腸, 大腸十分肥美, 黃金外皮, 外脆內軟, 腸味十分濃郁, 入口即化, 吃完後整個口都充滿腸的“蘇味”, 久久不散。($40)雖然桌椅較小, 環境有點擠, 但是價格實惠, 整體的味道是不錯的, 原來人多是真的有道理的。