一生懸麵

營業中

休息中

食過好多次, 接近每次都會點 辛辣沾麵$8X元黎講, 依個份量, 依個味道, 好抵食！幾時出返限定海膽蠔沾麵？大大塊火炙豚肉脂肪:啖啖肉比例大概係2:8, 脂肪係邊邊位。如果脂肪多點應該燒出黎會再香點。不過我都幾滿意, 但70分扁平粗麵底(普通硬度)真係好正, 最近麵底都無變, 依類掛沾麵湯簡直一流！辛辣魚介湯底魚介呢. 我本身就麻麻嘅, 因為本身好淡！但依個湯就好濃味, 辛辣味當然都好出!食完預左有少少口渴, 不過掛住汁去食, 真係滿足！值80分！無紫菜雖然紫菜只係點綴, 不過有, 會開心點.掛住海膽蠔沾麵依個係以前嘅限定拉麵, 真係好掛住可以成本高, 所以唔再造?依家嘅限定多數都係雪糕沾麵, 持續左成年,我諗應該都受歡迎, 有機會會試下！

出開旺角整完嘢，周圍睇吓有冇咩食，行完成條女人街見到呢間舖頭，一生懸麵，嗯，個名似曾相悉，應該係上網見過，咁都留有印象應該好多人講過。知道係食沾麵，我未試過，見唔使等位就不如入去試吓啦。叫咗個辛辣麵，啲湯可以揀凍或熱，凍湯唔好喇啩，梗係熱啦。啲麵條比平時啲拉麵粗，又冇烏冬咁粗，其實更似上海拉麵。呢樣好奇怪，既然係沾麵，即係用麵條浸湯，希望啲湯會黐住啲麵一齊放入口，咁梗係越幼越掛得湯多啦，點會整咁粗㗎？我估計係貪方便，啲麵一早淥定攤凍一碗碗擺喺度，攤耐咗啲麵條會黐埋一餅，越幼越黐，佢俾粗麵唔係為咗口感味道，只係為咗慳時間降低成本。諗到呢度就冇乜癮，為咗驗證我嘅諗法，專登上Wikipedia 睇吓人哋啲沾麵係點。果然，冇一幅相係粗麵，有啲甚至比拉麵更幼。咁樣唔得囉，又唔係茶記，收人成舊水淥一碗爛鬼麵都咁懶，認真啲唔得嘅？雖然食落唔算難食，但啲汁就滴到一枱都係，好難搞。叉燒都嫩滑，湯都夠濃夠味。但如果俾我揀，我寧願食湯拉麵。其實反正都係浸湯食，真係唔明點解要分開上，又唔係外賣驚浸淋啲麵。咁樣做除咗拉長咗個進食時間，又唔見得比湯麵好食咗，搵嚟搞。沾麵呢種食法都係呢幾年忽然間興起，綽頭嘢多。網上

終於試到一直好想試嘅一生懸麵(*≧ω≦)每次經過都見到大排長龍，所以冇辦法之下，就叫外賣自取，估唔到質素都好好👍🏻 叉燒夠大塊，一般每碗都會有三小塊筍，拉麵會幫你分湯。▧ 辛辣沾麵冇得選擇辣度，個人來講，辣度啱啱好呀~沾麵湯底濃稠度剛剛好，夠掛面，唔會太油膩。好鍾意佢嘅辛辣味道，唔會留喺口腔好耐果種。沾麵嘅面同拉麵嘅面唔同，沾麵嘅面質比較粗身，就可以掛上更多湯底，熟度同口感啱啱好▧ 海老拉麵連同一小盒櫻花乾蝦，可以加入湯底中，蝦味夠重，夠濃，好味！拉麵就用左較幼身嘅麵條。▧ 外賣自取有九折優惠，質素咁高來講，本身價錢已經好化算！已經好想再試佢其他嘅湯底及款式，係回頭率好高嘅餐廳！

喺旺角staycation🛌上openrice搵附近餐廳🍴無意中見到呢間名好得意嘅拉麵店👀見評價唔錯決定去試試佢！🍜白湯豚骨拉麵 $68食拉麵第一啖飲左湯底先😋湯底濃郁厚滑 一啲都唔油膩 冇太多味精味道 食晒成碗麵都唔會好頸渴👍🏻 另外叉燒雖然唔係入口即溶嘅程度 但係都幾腍 肥瘦剛好 另外仲有半熟蛋/木耳/荀乾等等 特別要讚下荀乾 唔會食到渣同埋冇奇怪嘅味🥺✨🍜辛辣沾麵 $78沾麵嘅麵條比起拉麵粗身~更有咬口💕本身以為佢地嘅辛辣湯底唔太辣 因為望落去同拉麵嘅一樣都係冇乜油脂喺面👀點知都幾有驚喜!!平時食開辣嘅我覺得超惹味🌶我覺得濃稠度適中 不過男朋友就比較期待會有更加稠身嘅湯底😢另外配菜都係有齊晒半熟蛋等等～💌兩款嘅麵量都比起出面食開嘅多 食得超滿足 下單之後等大概5分鐘就食得 店內仲提供冰檸檬水 環境乾淨舒服 有機會會再去食✨

一直bookmark左呢間良心拉麵店好耐💛久仰大名嘅一生懸麵聽朋友講呢間好食又長期都排長龍今次終於約咗朋友嚟試今日星期六晏就唔算好多人排隊等咗大約10分鐘就可以入座門面貼滿文宣💛-🥢辛辣沾麵 $78火炙叉燒燒得好香 油香味突出溏心蛋就正常水準最驚喜係佢個沾麵汁湯底濃郁但又唔會太咸食到好口渴 辣度都足夠麵質煙韌彈牙好掛到汁唯一挑剔嘅就係湯底唔太夠熱-🥢章魚燒呢個章魚燒就好一般 唔太推介嚟到嘅時候已經唔夠熱醬汁都唔夠多 章魚有啲細粒-整體嚟講呢間價錢合理 食物質素都幾好會為咗個沾麵再嚟食📍推介指數：4/5

約了朋友到旺角逛街，順便吃沾麵。夏日炎炎，清爽的沾麵比熱湯拉麵受歡迎。接近中午2點，店外有10人左右排隊。排隊期間店員會分發點菜單，可以慢慢考慮想吃什麼。和其他日式麵店一般，可以選麵的硬度，另外亦可選冷或熱麵底。等了20分鐘左右便有位，比想像中快。店內空間不大，與鄰座相距較近，但有膠片相隔。每桌也有一瓶冰水，顧客可以在等候餐飲期間飲用解渴。朋友點的魚介豚骨沾麵，分量很足。我點的辛辣沾麵亦隨後上桌。我和友人都選了凍麵底，上枱時麵底卻在冒煙，吃下去也是熱的。半熟蛋煮得不錯，但缺了個角，好像被人偷吃了一樣XD半肥瘦叉燒厚度夠，吃下去有一點點烤過的味道，要是可以燒多一會兒會更香。辛辣沾麵醬汁濃郁但不夠辣，下了點七味粉調味。飲品是現成的枝裝飲品。總括來說可以一試，表現正常但沒有驚喜之處。

又黎到女人街搵野食，見到幾多人等位又想食拉麵就揀左呢間。餐廳入面同同街其他差不多大細，以簡約日本風格。食物分量足又夠濃郁，估唔到有間唔錯嘅拉麵店，性價比高。叫左一個沾麵同一碗拉麵，每人大約$70，無加一。白湯豚骨拉麵 $68分量都唔少，麵黎講正正常常，煮到我鍾意嘅軟硬度。而個湯好濃好濃嘅豬骨味，唔會好油又唔會好咸，難得飲哂都無問題。叉燒好厚，叉燒兩面都用左火槍燒一燒，食落更多左個焦香味。辛辣沾麵 $73食過好幾間沾麵都覺得唔太鍾意，但呢間又覺得幾好味。麵質感比湯麵食落更有煙韌口感，掛湯效果好好。湯好夠熱，而且相當濃郁，呢個辣度岩岩好，香辣惹味。

對比起拉麵我更加鍾意食沾麵,最好就係可以選擇沾麵嘅麵質。無意間俾我搵到依度嘅沾麵除左可以選擇硬度之外,仲可以選擇熱麵或者冷麵。男朋友選擇左辛辣沾麵,湯底唔算辣不過有辛香,佢就選擇咗熱沾麵,辛辣湯底比較杰身,掛麵效果比較好。溏心蛋嘅流心效果吾錯,叉燒亦夠淋而且叉燒預先燒過,有火焰香氣。我選擇左濃香櫻蝦沾麵,因為我比較鍾意食有口感嘅拉麵,所以我就揀左較硬冷麵,拉麵經過過冷河食落比較煙靭有口感,沾麵櫻花蝦湯底有滿滿櫻花蝦,沾麵湯底比較稀,掛麵效果唔算太理想,但櫻花蝦嘅香味依然突出。

香港難得有heart既沾麵店，要推薦一下。在網路上看到一生懸麵老闆的專訪，對他的付出及堅持十分滾動，是次光顧一生懸麵新旺角分店，地點十分方便，四個朋友share 3款不同拉麵，都夠飽，叫左我至愛既濃香櫻花沾麵、辛辣沾麵同白湯豚骨湯拉麵，係旺角，呢種質素及價錢，真係無的輸。沾麵一般都會好濃味，但一生懸麵恰到好處。環境方面，雖然地方唔大，但都唔會太迫，亦都唔會有趕客走既情況，會再幫襯。唔講咁多，去片啦😋