江蘇銘悅

營業中

休息中

江蘇銘悅是香港少有主打江蘇菜的地方，當晚吃了多道色香味俱全的菜式，砂鍋濃湯花膠津白湯用料十足，賣相架勢，用上海參、花膠、蛋角、津白等材料，熬成滋潤養顏的濃湯。皇湯玉帶子軟魚麵用了兩種魚肉製成，令魚麵口感更彈牙，北海道帶子煮至七成熟，保持鮮嫩的質感，湯頭充滿鮮甜。除了巧手菜式，這𥚃也提供各款精美點心，黑椒牛肉煎餃和海苔芝士蝦春卷香口惹味，灌湯小籠包皮薄多汁。避風塘澳洲龍蝦融合粵菜的特色，龍蝦肉厚而嫩滑，香辣的調味滲入龍蝦肉中，同時保持鮮甜。涼拌杭椒鮮鮑角是另一心頭好，鮑魚切角，入口爽而嫩，味道帶辣，是清爽開胃的前菜。

新年過後相約大學同學食晚飯，佢作為一名港漂，比起我呢啲陀地更識捐窿捐罅搵食。同時，佢哋對中菜好講究🇨🇳，知道邊啲先係接近正宗口味。呢晚我就跟佢去咗位於上環嘅「江蘇銘悅」，呢度環境似會所餐廳，設有包箱房間。餐廳所提供嘅菜式選擇繁多，有齊各種經典菜餚🥢，點心類以至山珍海味小菜等一應俱全，當中並加入新派元素。恰巧我哋都唔肚餓，所以主要嗌輕食，可以一次過試多幾味。江南麻辣口水雞($108)，🐔口水雞係冷盤，屬例牌份量。雞件都算厚肉、兼肉質滑；充份浸泡於醬汁之中。口水醬偏辣，如果麻味重啲更佳🌶。招牌灌湯小籠包($88/4件)，食上海菜一定唔少得小籠包🥟。小籠包皮薄均勻，入面裝住湯汁同鮮肉，熱辣辣食有爆漿嘅效果💦。無錫雙魚兒($118)，🐟雙魚係指白飯魚拼黃鱔，兩款魚炸起上嚟都幾巨型，望落好似炸到有啲硬🤔。不過非也，而且用咗糖醋炒乾，食落香脆。金盞牛柳粒鍋巴卷($78)，脆鍋巴整成甜筒嘅形狀🍦，入面塞滿牛柳粒同三色椒等🥩，味道唔錯，但略嫌兩者剁得比較碎，欠缺口感。孜然香辣花菜($198)，椰菜花用煲仔上🥦，保到暖之餘，亦保留到鑊氣。菜花孜然味突出、微微辣，再加埋煙肉粒，鹹香味濃🥓，但唔重口味。香蕉

國語人約我喺上環食飯，帶我嚟呢間江蘇銘悅，餐廳環境寬敞，而且仲設有VIP房。先嚟幾款前菜，無錫雙魚兒係白飯魚同鱔切成絲，條條甘香，而且再用糖醋兜過，食落條條甘香又脆卜卜。金盞牛柳粒鍋巴卷將鍋巴卷成好似甜筒咁，再釀入牛柳粒，牛柳粒每粒好似黃豆咁大，每粒都好滑又有肉味。江南麻辣口水雞味道相對偏辣，雞件嘅份量都唔少，而且仍能保持嫩滑。孜然香辣花菜就只係微辣，炒得乾身味道唔錯。嫩雞煨麵份量的骰，雞湯味濃，配合雞肉粒同菜粒確係嫩滑。最後當然要食返招牌灌湯小籠包，小籠包內有滿滿嘅上湯，趁熱食真一流。 而且小籠包手工唔錯，摺紋收口都好靚。香菜帶子過橋水餃用了新鮮，伴以芫荽真係一個幾好嘅配搭。香蕉高力豆沙同平時食開嘅口感唔同，感覺有點似麵包。入面仲有香蕉同紅豆。

呢晚朋友帶咗我去上環品嚐私人會所級嘅商務晚餐🥣Menu有好多菜式，真係唔知揀咩好😵‍💫，所以最後就叫咗每位$498嘅晚市套餐～😆淮安三小碟（左起）甜梅酒醉雞·巧手一口燻魚·陳醋肴肉醉雞酒味濃郁，好鮮嫩；燻魚甜甜咸咸，愈食愈開胃；陳醋肴肉有薑醋味，甜甜地幾特別👍🏻松茸螺頭燉湯🍄燉湯真材實料，香濃得嚟唔會油，而且無味精👍🏻乾燒虎蝦球蝦肉好彈牙，好鮮味🦐糟溜鱈魚球魚肉好嫰滑，醬汁甜甜地，估唔到又幾夾🐟金盞牛柳粒鍋巴卷牛柳粒用上上海粗炒嘅醬汁，好惹味，鍋巴好香脆，但比較痴牙🧐兩頭烏奶油高山菜味道幾清，唔會油膩，仲有少少金華火腿粒作點綴及調味😋招牌小籠包小籠包皮好薄，裡面有好多湯汁👍🏻是日甜品芒果南瓜糕作結尾，淡淡清新嘅芒果味🥭座位好闊落，而且設有包間，私隱度更高～