京林屋 (明宮閣) (已結業)

這是一間我極喜歡的餐店，亦極喜歡推介它給身邊朋友。推介它的抹茶給抹茶控；推介它的焙茶給未認識焙茶的朋友仔；推介它的鰻魚飯給愛吃鰻魚的新朋友，還有什麼呢？今晚就推介它給愛吃的老爸。不知老爸會否跟我一樣，一吃便喜歡上呢？餐店裝潢沒有大改變，保持一向簡樸優雅的作風，內裏掛着一個印上店名的日式燈籠，滿有和風色彩。一走進內裏，老爸已被櫃枱內所擺放的食品模型吸引了，第一時間就問有無得吃，哈！內裏地方寬敞闊落，設有幾張二至四人木枱椅和一排長沙發座配四人枱，另一邊還有一張獨立的大卡座，枱與枱之間有一定距離，坐得很舒適，唯獨是沒有仿榻榻米的座椅，有點可惜…***************************甜品必定要吃，但老人家怎能晚餐只吃甜呢？還是先鹹後甜。店子供應十款鹹食，有飯有麵。有其父必有其女，所以我倆都是魚痴，在四款以魚為主的定食中，我第一時間當然會揀京式鰻魚飯 (原條) Kyoto Unagi Don ($98)，附有一碗熱辣辣的麵豉湯 和一碟醃漬蘿蔔。一看到兩大件鰻魚 就不禁垂涎，還有面頭放上大量紫菜絲，周邊伴着鮮黃的蛋絲，配上熱辣辣的焙茶飯, 的確好豐富吸引。兩大件鰻魚 相當厚身，挾起

京林屋試過好幾次，因為分店多，質素又有保證。餐廳裝修簡約，以大地色為主調，令人感覺柔和舒服。⭐️金目鯛定食$88今日放工想食返碗飯，即時諗起京林屋既金目鯛。金目鯛用醬料醃過，魚塊吸滿曬醬油既香氣，食落好香，魚肉好滑。焙茶飯有好香既茶味，真心好食⭐️黑豆茶$46茶味好香，入口濃郁。⭐️香港限定芭菲$98芭菲層次至少有十幾層。最上面係抹茶軟雪糕。抹茶味濃郁，下一層係蕨餅，Q彈，好鍾意呢種口感！我最喜歡食玄米脆粒，不過好似淋左d。白玉煙煙韌韌，唔黏牙。仲有紅豆蓉，餡蜜清甜，士多啤梨同抹茶都好搭。⭐️抹茶卷蛋$88呢度既雪糕真係好食！抹茶味好出，餘韻有茶既幽香。蛋捲中間嘅抹茶忌廉幾滑，有濃郁既抹茶味，唔死甜。不過蛋糕較濕潤，鬆軟D更正！▪️整體定食同甜品都好食！下次會再黎。

太古 - 一個住宅式圍城 中間有著一個大型商場 店舖林立 衣食住行皆滿足到區內居民生活太古有好多不同類型餐廳 檔次都有所不同 由低價高價有快餐到fine dining 到一應俱全 但要講到甜品店 選擇就比較少更多選擇可能要出返西灣河筲箕灣 估唔到到抺茶名店「京林屋」靜靜雞開左分店 仲記得2016年成立六羅灣希慎廣場開設分店造成排長龍經過太古又未食午飯 睇一睇menu 和食加甜品都好吸引女朋友又鍾意食抹茶同埋魚類 就試吓佢嘅午餐新店選擇開於地面 亦正正就係屋苑樓下相當容易見到及到達 環境好開揚 閒時品嚐一下甜品 很賞心樂事抺茶牛奶 $46鍾意牛奶嘅朋友都可以嘗試一下京林屋抺茶牛奶奶味比較重抺茶味比較清香 容易入口又唔會過濃呢啲天氣飲熱奶係比較舒服金目鯛定食 $88午餐叫左個金目鯛定食 鯛魚汁燒外表吸引「金目鯛」肉質細緻鮮美，適合任何烹調方式金目鯛魚肉鮮甜嫩滑 加以汁燒煮理之後 入味非常 甜鹹適中而且今次個飯係培茶烤烘而成 更帶有甘甜茶香 米飯口感亦較煙韌彈牙特製京林屋饀蜜 $98來到京林屋 甜品點會走甩由抺茶到培茶 小吃定貪住吃都一一俱備眼闊定肚闊都一定有款岩你食我就係眼闊型 所以寔中係

香港而家茶風盛行，茶類飲品甜品琳瑯滿目，其中這間位於太古的京林屋卻是我至愛。餐廳咸食款式不算多，只有幾款定食及麵食，主要的是甜品類，以茶為主題，其中抹茶是主要的甜品素材。金目鯛定食金目鯛表面塗滿燒汁，所以帶點甜味，魚肉油份豐富，基本上一半是魚肉，一半是魚油，油脂入口甘香而且唔腥，加上沒有魚骨，可以安心食用。抹茶蕎麥麵蕎麥麵比較簡單，只有一些雜菌及蘿蔔蓉，以及日式芥末配醬汁，麵質爽口而且有彈性，還帶有點抹茶的清香，簡單且清新。焙茶芝士蛋糕芝士蛋糕的焙茶味濃郁，質感幼滑，芝士味不會蓋過焙茶，無一般的芝士蛋糕咁膩，而焙茶雪糕味道不及芝士蛋糕濃郁，但依然有茶香。林屋抹茶巴菲抹茶雪糕味濃，茶味苦中帶甘，下面是紅豆及忌廉等，份量十足。煎茶入口有茶香，不過帶點苦澀，等一下就開始回甘，口腔內留有茶香，不是一般茶包所能媲美。

黑色星期五，今天發生了一些事，情緒處於谷底，與其留在家裡胡思亂想，不如出外逛逛吃吃東西。抹茶是療癒身心的美食，今晚就吃抹茶吧！這是我第二次在京林屋用餐了，這裡的焙茶飯和抹茶都給我深刻的印象。晚上8時全場客滿，非常熱鬧！用餐空間也顯得狹窄。⭐️金目鯛定食$88金目鯛以醬料熬煮，魚塊吸滿了醬油的香氣，嚐一口，滿嘴都是醬油香，魚肉軟腍，蔥也醃製過，入口清甜，真的很棒呢！配上一口焙茶飯，茶香迷人，是一道製造精緻的日式定食！⭐️玫瑰蘋果煎茶定食可以配一壺茶，今次品嚐玫瑰蘋果煎茶，店員奉上一個小漏斗，以免錯過品茶的最佳時間，漏斗倒數後就可以品嚐，蘋果的幽香蓋過茶味，非常容易入口呢！⭐️讚岐烏冬$68這碗烏冬有兩塊魚餅、一片魚板、一撮海苔絲和大量蔥花，湯底清淡，喝下去很順喉，烏冬滑溜溜的，不一會就「𠽌」完了。⭐️抹茶牛奶忌廉$48顏色很迷人，是很夢幻的青草綠色。入口不苦澀，能喝得出抹茶的甘香，的確不錯。⭐️牛乳紅豆白玉金磚$88這款是新推出的產品，我沒有選擇抹茶雪糕，牛乳雪糕也毫不遜色。牛奶味道很突出，聞起來有豐盈的奶香，入口冰凍幼滑，雪糕很出色呢！中間的紅豆甜而不膩，沒有一般的死甜，最下面是烤得香脆的丹麥麵

今日和太太拍拖紀念日, 我們於太古京林屋食晚餐, 我們點了期間限定的照燒雞扒飯, 葡萄煎茶和抹茶紅豆白玉金磚, 太太點了金目鯛定食, 抹茶牛奶忌廉和限定甜品甘栗戀人。期間限定的照燒雞扒飯, 雞扒肉質鮮甜, 食落啖啖肉, 雞扒飯配上的蛋絲很有蛋香；雞扒飯醬汁食落醒胃；紫菜食落爽脆惹味；配菜白蘿蔔酸酸甜甜好醒胃, 味噌湯鹹適適中, 菇好爽口；整份照燒雞扒飯份量十足, 口感豐富, 美味無比；葡萄煎茶茶味香濃,葡萄味甜度適中, 味道清甜美味；抹茶紅豆白玉金磚亦是餐廳另一限定食物, 抹茶紅豆白玉金磚賣相吸引, 金磚熱辣辣, 邊位好香脆中間好軟綿, 配上冰凍茶味香濃的抹茶雪糕和紅荳一起食, 口感層次豐富, 食落惹味清新,白玉食落爽口而不會黏牙；太太點了金目鯛定食金目鯛食落鮮甜味美, 肉質鮮甜, 配上香甜的醬汁, 令金目鯛食落開胃, 而飯好軟綿, 很有飯香, 食落滿足；抹茶牛奶忌廉溫度適中,抹茶味香,茶味香濃, 配上香滑的牛乳好滑和香濃忌廉, 飲落去味道清香又香滑, 口感十足；最後甘栗戀人是限定甜品, 聽個名很適合拍拖紀念的我們, 很有詩意! 栗子蓉包著抹茶白蛋糕,食落香濃軟滑, 抹茶白蛋糕食落茶味

京林屋太古分店已經開左一段時間, 不過我地Lunch繁忙時間經過好幾次都因為太多人所以一直都未有機會食到。今日我同同事兩個趁朝早去鰂魚涌開完會未到12點早d過黎, 果然人仲未多, 只等左5分鐘就有位, 不過我地入座之後就可以見到人龍。🙈京林屋太古呢間分店面積唔大, 但都有劃和式座位, 我地兩個人當然坐唔到, 不過座位都寬敞舒適。餐廳裝修以木色白色為主, 非常有日式風格。🇯🇵京林屋主食選擇唔算多, 反而甜品同茶嘅款式非常多, 我地每人點左一個飯, 配左一款自選茶, 另外當然一人再點左一份抹茶甜品啦。😙京式鰻魚飯($98)熟嘅魚我只喜歡食幾款, 鰻魚係我愛食嘅其中一款, 呢度京式鰻魚飯嘅鰻魚係原條上, 肉質好肥美, 再加上調左味嘅飯配惹味嘅鰻魚汁, yummy😋金目鯛定食($88)同事點嘅金目鯛定食份量都唔少, 佢都讚金目鯛厚身又鮮甜, 下次我都要點黎試下。😁焙茶朝薰($20)主食加$20可自選一款茶, 我點左呢款茶味濃郁嘅焙茶, 食完飯後飲返杯再嘆甜品。👍特製林屋抹茶餡蜜($98)呢款甜品份量比預期大份好多, 抹茶雪糕唔會太甜, 茶味甘香, 抹茶味蕨餅配以混入紅豆蓉同黑糖漿嘅寒天同丸子,

眼見信用卡啲積分就快過期就拿拿臨換左兩張戲飛，捉埋朋友一齊睇正義聯盟。係開場前見仲有少少時間就係附近嘅京林屋醫左肚先，一來食完唔會太滯二來行返過去戲院都比較方便。為免睇睇下肚餓，大家都係決定食飽啲點左兩個飯開餐。價錢都幾抵單點定食都配上漬蘿蔔同麵豉湯。呢度嘅米飯因為係用左焙茶取代水黎煮，所以顏色偏茶褐色。入口味道清澈並散發淡淡茶香。金目鯛用西京燒方式先煎封再經過汁煮，入口非常腍滑。食落除左有焦香味道之餘因為魚肉油脂豐富，甜甜咸咸嘅味道配上茶飯，滋味十足。鰻魚飯同樣以茶飯做底，配上蒲燒鰻魚及大量蛋絲，份量十足。鰻魚亦煮得入味同軟棉棉，食時拌入醬汁，芥末再醬全部元素混合，味道濃郁之餘亦醒胃。因為芥末減低了鰻魚部分嘅油膩感，令到食時味道變得清爽啲突出鰻魚嘅脂香。宇治茶冰足足有成個手球咁大，滿滿嘅挫冰上面有一球綠茶雪糕，底下又有糯丸子。加上挫冰刨得很細碎每個角落都淋上抺茶醬，入口啖啖冰涼亦有抺茶嘅清香。邊個話天氣凍唔可以食冰？呢個真係冰得過癮同好食。但最滋味都係淋上額外嘅抺茶醬，半溶化嘅雪糕及濃香抺茶令本身平平無奇又清淡嘅挫冰搖身一變為滋味甜品。抺茶餡蜜同樣令人回味非常，材料豐富有綠茶雪糕，蕨

中午放飯，跟同事二人去了太古城的京林屋。一入去就見到甜品櫃，非常吸引，還有外賣雪糕。主菜只有十款，三款飯加幾款麵食。甜品就琳瑯滿目，望到眼花瞭亂。另外還有飲品，主要是茶類為主。跟餐的焙茶朝薰，上來之後店員會放一張卡紙，簡單介紹用茶的方法。茶壺旁邊是漏斗，倒入熱水後焗約30秒，以漏斗計時，之後就可以飲用，最多三次。焙茶味道比較清淡，有淡淡的茶香。金目鯛定食金目鯛份量都頗多，有三件，以竹葉墊底，放上金目鯛，表面的醃過的葱，味道似酸薑味。飯帶點茶香，應該是用茶來煮過，味道清新，表面灑上些紫菜碎。醃酸蘿蔔酸甜開胃爽脆。麵鼓湯不過太咸。金目鯛完全無骨，充滿魚油，有油份甘香，魚肉嫩滑而且完全唔腥，送飯一流。焙茶卷蛋果然甜品才是主菜，份量十足，卷蛋有淡淡的茶香，中間的是茶味忌廉，甜度較低，適合我這些不喜太甜的人，卷蛋鬆軟，但幾飽滯。焙茶雪糕配紅豆及小丸子，雪糕有淡淡的茶香及奶香，小丸子煙韌有咬口，紅豆煲得軟腍，而且不會太甜。同事吃的香港限定芭菲，雪糕份量十足，幾乎有二至三杯外面的份量，還有些小丸子、布丁及紅豆，足夠二人份量，綠茶雪糕有濃郁的茶香，而且不會太甜，味道討好。餐廳主要都是賣茶類甜品，價錢比

忙起上嚟，一餐full lunch都係奢侈。一班女仔同行嘅好處就係甜品當正餐都冇人會異議。金目鯛定食京林屋甜品以抹茶及焙茶為主打，麵類亦有抹茶蕎麥麵這種特色美饌，本以為飯類定食重點只在肉類嘅烹調，估唔到即使係飯類定良都能以茶入饌。Menu並無花一筆一墨介紹。上菜先發現呢碗飯係茶色嘅，而且並唔係得飯粒表面澆上焙茶，而係連茶一齊煮，即使咬開飯粒依然係茶色。賞茶從來都係先睇色澤，再聞茶香，最後細嚼。估唔到呢碗飯都散發住淡淡茶香，以茶煮成嘅飯失去甜味，亦冇平時嘅日本珍珠米咁黏，取而代之嘅係甘苦味。可能設計菜式嘅人都考慮到呢點，MENU上所有配飯嘅主食都係以帶甜、味濃嘅醬汁調味，配合焙茶飯能夠各取所長。金目鯛油脂半溶，以燒嘅方法烹調最適合不過。焙茶．朝薰品茶，而非喝茶。所以茶溫、沖泡時間都好講究。溫水以保溫壼盛住，茶葉可以沖三泡。因為全餐都以茶為主題，所以揀咗兒茶素較少嘅焙茶。微甘，好易入口。甘栗抹茶紅豆白玉甜湯容器恰似聖誔裝飾。少有地揀咗熱嘅甜品。結果冇令我哋失望，熱甜湯更能散發出茶香，偏好茶嘅甘苦味嘅人相信會好鍾意呢個甜品。紅豆蓉份量十足，拌勻後抹茶苦澀味同紅豆甜味就平衡得宜。表層泡沫底下嘅

知道有差不多200年歷史的抹茶店在香港開分店，便和女兒去試試。這間分店裝潢清雅很有日本feel，幸好我們早點來，不一會已經全場滿座還要等位，雖然侍應很忙，但他們的招待也很好。京式鰻魚飯 鰻魚飯很大碗，鰻魚也很肥美，還配有麵豉湯和爽脆酸甜的白蘿蔔，是一個不錯的選擇。金目鯛定食 金目鯛份量雖然比較少，但肉質很嫩滑，而且醬汁帶少少甜，很美味。玫瑰蘋果煎茶金目鯛定食加$20可選一式煎茶，店員附上一個小漏斗，還教客人怎樣利用小漏斗去計算泡茶的時間。煎茶有淡淡的蘋果和玫瑰味，喝起來和甜品很配合。特製林屋抹茶餡蜜 有寒天、白玉、抺茶啫喱、抹茶蕨餅、抺茶雪糕和黑糖漿。抹茶雪糕很滑很甘味，抹茶蕨餅很煙韌，而且份量不少，吃得很滿足。抹茶芝士蛋糕 抹茶芝士蛋糕很軟滑，加上抹茶雪糕和紅豆蓉，口感很豐富。抺茶牛奶忌廉因為我比較喜歡濃濃的抹茶，所以這一杯奶味很重的抺茶不是我喜歡的那一款。