雞駅花膠雞米線專門店

營業中

休息中

觀塘工廈裏面有好多好嘢食，仲有好多特色小店，所以間中都會去尋寶，今日去了駱駝漆1樓，這裡有一家長期大排長龍的「雞駅花膠雞米線專門店」，試了招牌花膠雞米線，湯底好濃 味道幾正。到達時已經兩點，餐廳坐滿了人，門外人龍仍然未散，真係太誇張吧！我點了招牌花膠雞米線$68，雞件肉質滑溜，湯底味道濃郁，而且色澤好靚，飲品配凍柚子蜜+$12，清香又解渴。朋友點了胡椒豬肚雞米線$78+凍檸檬茶，相同的米線和雞，唯一的分別是多了一些胡椒豬肚，凍檸檬茶味道正常，跟餐沒有加費。如果想加點小食，金磚豆腐$42是不錯的選擇，外皮又薄又脆，裏面又滑又香。

由佢啱啱開業史努比已經bookmark咗結果拖拖下 拖到而家先去🤣🤣因為佢長期排長龍呢間嘢真心勁誇張 無論系中午定夜晚都排長龍排到癲唔早啲去就有排等架啦🫣好彩史努比醒目 5點幾未到6點就即刻去坐低咗冇耐 一搭正6點佢就開始排隊啦😂嚟到梗系要試下佢哋嘅signature花膠雞米~👍🏿招牌花膠雞米線 $68湯底呈奶白色 不過望落都好清 睇表面冇乜油👍🏿飲落清甜 有淡淡嘅雞味而唔油膩😚米線軟硬度適中 開頭食帶少少煙韌即使浸耐咗都冇話變到淋晒~不過唔知系咪史努比唔好彩 呢碗嘅雞件佢比親都系雞胸/雞翼雖然冇加錢轉髀但都唔使全胸掛🫣份量就好足嘅 計埋翼都有6件雞左右不過雞胸唔系好夠滑(史努比食開雞胸 知點先叫滑🤭👌🏿)部分偏鞋口 某部分就滑啲但都未稱得上系好嫩嘅雞胸🤔另外有唔少花膠 木耳同蟲草花木耳好爽脆 索咗啲雞湯幾好食!花膠就略嫌偏硬身 同埋口感唔似花膠 不過唔肯定佢系咪鱈魚膠所以唔敢亂講🙌🏿淨系知如果炆淋啲再軟滑啲會更加好但呢個價錢有花膠都唔會expect太多~因為雞件所以令到佢低分咗 但亦都因為湯同米線令佢tone返高啲🤣味道: 8/10性價比: 8/10👍🏿藥膳黃酒花膠雞米線 $68呢碗

🙋🏻‍♂️餓底探員今晚去咗觀塘調查呢間雞湯米線專門店，佢嘅招牌雞米線有多款口味，仲有水煮牛肉，酸菜魚，濃雞湯米線，甚至擔擔麵，飯類都有，款式選擇多，小食都好吸引🥰🍗招牌花膠雞米線 $68 （轉雞髀+$10）🙋🏻‍♂️表示碗米線配上乳白色雞湯，湯頭味道濃郁鮮甜，花膠大隻，口感軟腍，雞髀肉質嫩滑，果然係招牌米線👍🏻🥥椰子雞湯飯 $60 （轉雞髀+$10）🙋🏻‍♂️表示雞湯除咗配米線，仲可以選配飯，米粉或者上海麵，呢個椰子雞湯㨂咗配飯，湯頭同樣濃厚仲多咗份椰香，將飯倒入湯裡面做成湯飯，飯粒吸收咗湯汁，食落更加入味🧱金磚豆腐 $42🙋🏻‍♂️表示個豆腐細細粒炸到金黃色，食落外脆內軟，口感嫩滑，非常香口🌽椒鹽粟米 $38🙋🏻‍♂️表示個粟米上面鋪面炸蒜粒，食落炸蒜嘅香口加上粟米嘅鮮甜，口感特別📈吃貨指數😋好味度 8/10🔙返啅度 8/10

同屋企人出觀塘食dinner，第一時間就諗到一定要食呢間，之前上網見好多人推薦，我都決定黎朝聖一下。我地2個人7點左右到，好彩唔算太多人排隊，咁岩前面2張4人枱未齊人所以俾我地2個入先 (*留意要齊人先入得*) 店舖入面唔算大，又係手機落單，入面上網有d差係收唔到自己data嘅，睇返落單QR code下面有鋪頭WI-FI password，用佢地wifi落單就搞掂。 一人一碗招牌花膠雞湯米線，加多個豆腐。上菜速度算幾快，全部野食都係熱辣辣，招牌花膠雞湯米線雞肉肉質鮮嫩夠滑，好細心仲提供骨礫俾食客放骨。有d  surprise每碗都有兩大嚿花膠，睇到已經感覺好滋潤，湯底奶白色開頭以為會好淡，入口又好濃味喎，唔係味精湯，食哂成碗麵可以飲埋個湯，食完唔口喝。食到一半就上埋岩岩出爐嘅金磚豆腐，細佬忍唔住即時一啖食落口，熱到即刻吐返出黎。炸到金黃色細細粒真係一啖入口岩岩好(切記咪心急，放涼一陣) 外脆內軟，份量的確比想像中多，真係好好食。真心推薦同埋下次一定會再黎!

觀塘多好嘢食就係人都知啦，每當lunch time或者夜晚食飯時間觀塘就會好多人，尤其是喺駱駝漆大廈，今日就嚟到駱駝漆大廈好出名嘅雞米，雞駅度試一試，駱駝漆大廈嘅一樓都算大，但係指示都尚算清晰，出咗lift之後轉左一路直行到尾就到啦大概夜晚7:30嘅時候嚟到，就已經見到好多人排隊，間舖位置唔算多，但係流動都算快，等咗大概30分鐘左右就入到去啦佢有唔同嘅雞嘅米線，你仲可以揀米線揀飯揀米粉，亦都可以加$5轉上海麵，或者加$10轉脾位，亦都有酸菜魚，咁嚟到雞米就梗係食雞啦，佢仲有個期間限定嘅花膠雞煲翅飯，但今日有啲想食啲補啲嘅嘢，所以就嗌咗一個藥膳黃酒花膠雞米線同胡椒豬肚雞米線，仲嗌咗兩個小食，麻藥蛋金磚豆腐藥膳黃酒花膠雞米線手機落單大概5分鐘就有嘢食，黃酒味好香，飲落去淡淡酒味，唔會濃到苦亦唔會淡而無味，加埋啲藥材味，令人係咁飲個湯，感覺好補有2嚿都幾大嘅花膠，仲有6大嚿雞，每嚿雞都好嫩滑，可能臨近閂門時間都偏向係脾位，唔會話好鞋，好似食緊海南雞咁，米線就係偏硬，但係啲湯係冇味精嘅，我飲晒都唔會頸渴，鍾意藥膳黃酒嘅一定要嚟試吓胡椒豬肚雞好驚艷到我，雞都係同樣嘅嫩滑，豬肚有好多舊，大嚿得來唔

窩夫之前去「駱駝漆」已經留意到「雞駅」，找機會跟蝦子餅一起去試試。店外的牆上除了「雞駅」的招牌，還貼了不少食物的相片。黑板上寫上期間限定的出品。蝦子餅點了胡椒豬肚雞米線($60)，豬肚和雞件的份量都不少，豬肚處理得很好，一點也不韌，胡椒味香濃但不會太霸道。窩夫點了椰子雞米線($60)，椰子雞湯味道非常好，喝完不會覺得口渴，雞肉嫩滑，雞味不及窩夫早前光顧過的「痴膠雞」。金磚豆腐($42)新鮮熱辣，薄薄的一層香脆外皮包著極嫩滑的豆腐，誠意推介！

觀塘駱駝漆大廈又搵到一間抵食靚嘢主打花膠雞米線我哋叫咗2個主打+1個小食🤤花膠雞煲翅配白飯：🤩上枱就俾大舊翅吸引住🤤旁邊仲有幾塊大花膠，又厚又滑，而且仲吸晒D雞湯。仲有翅，好大塊，唔會散晒👍🏻雞肉又嫩滑，用個湯配白飯，真係食2碗飯都得😂好好味椰子雞米線：好香甜椰子味，個湯底係乳白色，味道甘香甜滑🤣未開始食米線，已經俾我飲左半碗湯。一匙羹湯加埋米線咁食，簡直滑上加滑👍🏻仲有金磚豆腐：外脆內滑👍🏻一樣都咁出色價錢亦唔算貴，呢個價可以飲到靚湯，食到嫩雞👍🏻🤩超值

年紀唔細，鍾意多咗食湯飯，尤其係滋補養顏嗰啲😌 見呢間出名花膠米線，Bookmark咗好耐，非常有興趣🤤呢間米線位於觀塘駱駝漆大廈，當日星期五去到，勁多人，入面坐滿晒，好彩我哋去到啱啱好唔駛點排🙊 點咗呢幾樣嘢食：#招牌花膠雞米線 $76奶白色嘅湯，好濃、好香，食完即刻暖粒粒❤️個雞幾滑，除咗雞翼同埋雞翼尖，啲雞無骨，啱晒我呢啲懶人😆😆😆 花膠份量都多，而且仲幾大舊，足料～#沙薑雞濃湯米線 $60沙薑雞同米線分開上，個雞好重沙薑味，呢個都好食～#麻藥蛋 $28麻油味勁香，又入味！呢個有驚喜#金磚豆腐 $42香脆可口～外脆內軟，我見好多人都叫呢個～走嘅時候門口有好多人排隊，好彩我哋去得早！去開觀塘要試試～

我同女友每逢星期六就會去駱駝漆大廈按摩，按摩之後我哋都會發掘下駱駝漆大廈嘅美食，今次試左同一樓層嘅雞駅花膠雞米線專門店。餐廳裝修無咩特別，座位唔算太多。不過食物質素最緊要，米線同小食款式都幾多。- 招牌雞米線米線唔會煮到好稔，口感有少少煙靭。湯底味道甜甜地，加咗花膠之後湯底質感變得稠身，花膠本身都幾好味。雞件真係冇得彈，全部肉質嫩滑，而且啖啖肉👍🏻- 期間限定餐廳定期會推出期間限定菜式，今次係胡麻醬雞件撈米線。雞件一樣好多件同埋肉質嫩滑，另外仲有非常性感嘅糖心蛋。每一啖麵都俾胡麻醬包住，味道非常濃郁。- 金磚豆腐豆腐外脆內嫩，每一粒都炸到金黃色而且四四方方，而且加咗芝麻令味道更香。- 椒鹽粟米粟米一分為四，上面灑上蒜粒，同甜脆既粟米味道好夾，不過略嫌味道太鹹。個人認為淨係食雞已經值回票價，其他小食都唔錯，性價比非常高，下星期按摩完再食過！

今日放工同同事去咗觀塘駱駝漆搵食，呢間雞駅花膠雞米線專門店一直都好想試，星期五晚都幾多人，大概等咗15分鐘就入得去。我哋嗌咗姬松茸竹笙花膠雞米線、椰子雞米線同金磚豆腐。花膠雞湯個湯底好濃郁，雖然難免有少少雞油，但係都冇減低我想飲埋d湯嘅慾望！姬松茸、蟲草花同竹笙吸收晒雞湯嘅精華，花膠煮到好腍好易咬，雞肉亦都十分嫩滑。另外椰子雞湯飲得出係用咗椰奶，而唔係用清甜嘅椰青或者椰皇，所以飲落去口感好順滑，同雞肉都好夾，招牌雞湯米線仲可以加$10轉雞髀。我哋嗌咗一碟金磚豆腐做小食，炸豆腐外脆內滑，外層鋪滿椒鹽粉，炸得甘香酥脆，入面嘅豆腐仲保持到好嫩滑，推介大家嚟呢度要試呢一款小食！📍觀塘開源道60號駱駝漆大廈第三座1樓I室位置就腳：🍊🍊🍊🍊 餐廳環境：🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊

餐廳主打雞米線，有多款配搭提供，仲有唔少特色小食添～▪️招牌花膠雞米線🐔🍜除咗花膠同雞，仲有雪耳、蟲草花，湯底飲落清甜。花膠煮得夠腍，好易咬開，但又唔會爛晒。雞件大大件，肉質嫩滑▪️胡椒豬肚雞米線🐷🐔🍜湯底胡椒味突出，夠晒暖胃。有唔少豬肚，食落唔韌，同埋幾入味▪️金磚豆腐即叫即炸，上枱時熱辣辣。用上嫩豆腐，而且炸皮夠薄，炸得外香脆內嫩滑▪️燒豚肉🐷配生菜🥬 (韓國辣椒醬)豚肉燒得好香口，沾啲韓國辣椒醬，再用生菜包住，幾惹味▪️凍檸檬薏米水🍋有唔少薏米，增加口感。飲落酸酸哋，幾refreshing雞駅花膠雞米線專門店📍觀塘開源道60號駱駝漆大廈第三座1樓I室

再訪好食雞米，除咗份量可以大份啲之外，味道湯底都出色的！・・・・・・・・・・・・・・・・・・・・🍗 沙薑雞濃湯米線 HK$52・味道：沙薑醬好濃，唔會過鹹，調味適中。以為個米線湯底好普通，點知係濃郁雞湯，好食！・口感：雞件依舊滑嫩出色，猶如妹豬嘅彈潤肌，本波好喜XD🥥 椰子雞米線 HK$60 ・味道：推介咗波妹食，波妹大喜！就係食開嘅濃郁椰子雞湯加米線！・口感：同上，懶得打，嘻 ξ( ✿＞◡❛)▫️ 金磚豆腐 HK$42・味道：普通炸皮嫩豆腐，邊間食都係咁嘅味，普通啦😂・口感：外脆內嫩desu🐤 泰泰雞翼 (甜辣) HK$42・味道：本波同波妹FF係咩泰式雞翼，點知係加甜辣醬only有點少失望。不過雞翼炸得好炸好香口～類似脆香雞翼咁嘅味。・口感：外皮超脆內裡係會滴雞汁的嫩～🍑 白桃烏龍冷泡茶 HK$18・味道：本波同波妹繼續FF too much以為HK$18加桶裝size會特別啲，點知係茶包，but味道都OK嘅，有白桃香嘅茶。・口感：順口唔澀。・・・・・・・・・・・・・・・・・・・・🤰性價比：高～🤰9衝度：9衝～🤰結論：觀塘第二雞米，第一係二撇雞XD・・・・・・・・・・・・・・・・・・

雞駅花膠雞米線專門店觀塘開源道60號駱駝漆大廈3座1樓I室Score 分鐘：A大家會唔會覺得圖片中嘅 炸豆腐 好寂寞？係！我想講，冇講錯重點，唔知點解佢離開左隻碟？可能佢發現左自己已經係桌上豆腐，任人宰割，所以才設法逃走。可惜，逃亡永遠都係要隱蔽行動，隻身出發才會成功。豆腐兄的確成功逃走了。不過，我隻小眼睛都不是蓋的，他始終難逃被抓回來。事情其實冇咁簡單（抽一口涼氣），其實佢已經成功 “逃” 到地下，但我平時最為敬重咁有勇氣嘅勇者，所以，最終我決定唔食佢，但留住（留唔佢個心都要留住佢個身）。而佢嘅同伴，唔使講啦，我係佢面前一口一個.....重點講完，講返d順便嘅食物回憶，那個那個胡椒豬肚湯底 真心，好正！好有胡椒味！而米線真係好滑。係，大家冇聽錯，米線真係好滑，又再一次證實米線真理啦～完！如果大家覺得我寫得好，就記得關注下我啦～真係完🙈

IG : Eattobefit.hk💪🏻 招牌花膠雞米線 ($68)雞湯米最重要係個湯底！而呢個濃雞湯飲落好鮮甜，好鮮味😋 亦都好濃雞味，飲完喉嚨會覺得好舒服☺️ 而且雞肉份量都好充足，雞肉肉質好嫩滑，唔老柴，雞味都好香濃！米線入邊都有3-4舊花膠，花膠幾爽口。米線係爽口嘅質地，同湯底好夾。另外仲有啲蟲草花、雲耳等等嘅配料。💪🏻 藥膳黃酒花膠雞米線 ($68)湯底嘅藥材味好濃，上枱已經聞到藥材香。湯底飲落都好香濃藥材味同黃酒香😍 同花膠雞米相比係另一種風味。 呢個米線入邊都會有花膠🤪💪🏻 金磚豆腐 ($44)用滑豆腐炸，主要用椒鹽調味。豆腐好嫩滑，亦炸得好香口，一啖一粒好方便食！味道：8/10性價比：8/10 食住瘦指數：💪🏻💪🏻💪🏻💪🏻/5

呢間花膠雞米線專門店幾有人氣，繁忙時間有時都要排隊～呢晚6點幾到達，已經入咗幾枱，門口貼滿招牌菜圖片，望落都幾吸引！🔸招牌花膠雞米線 $68份量都幾多！加咗$10轉雞髀，雞肉十分嫩滑有肉汁，又唔會好肥👍🏻 花膠唔係好細好薄嗰啲，幾軟腍有膠質！雞湯好濃味，加埋雞油同香蔥，飲落覺得有啲蔥油嘅感覺，我幾鍾意😍 米線軟硬適中，係一碗幾好味嘅米線呀！🔸胡椒豬肚雞米線 $60胡椒味都幾濃，飲落幾爽辣嘅感覺！豬肚同雞肉份量都多，豬肚好腍，我自己比較鍾意有啲咬口嘅～ 雖然唔係雞髀位，但雞肉都唔會柴，都係嫩滑～ 🔸金磚豆腐 $42必食！呢個小食好多人推薦呀！一碟份量好多，豆腐係口size方便食！炸到金黃色，外脆內滑，好好食🤤 而且調味唔會太鹹，好正！食緊途中已經有人等位，唔想等就要早啲到啦！平時三座好多人等lift，直接行樓梯上一樓會快好多～