錦麗 (世貿中心) (已結業)

週五晚請長輩們去銅鑼灣睇好戲，佢地個個都可享長者優惠真係抵玩！因早前聽過表哥形容世貿間「錦麗」嘅越南河為全港最美味，姨媽們就決定於戲前一試，由姨丈請客。店子門外有個標明自己為「胡志明市最好吃的牛肉粉品牌」嘅廣告牌，大家睇到後都十分期待。餐店六點鐘左右其實都冇乜客，不過點都要有一半人以上到齊先可入座。中央打長有一排半梳化合拼式散座；藍色同黃色嘅櫈子梅花間竹咁擺，襯上鐵枱，個人覺得有少少閃得滯。七口子原本被安排入座一張六人圓枱，幸好契妹轉數夠快，眼見餐室未有耐滿座，就向姐姐仔提出可以暫時分開兩張六人枱坐住先，到多客嘅時候就俾返張枱佢地，姐姐仔向經理請示過後亦答允要求。餐桌上擺有自助餐具及調味料。另貼有食pho之正宗越南風味食法。熱水全為自助式，不過啲紙杯仔就似乎太細隻啦，而且仲好唔環保添。四周嘅架上都見到一杯杯生菜，原來係落單後每人都有一杯。彩圖餐牌底面兩頁，精選項目都係越南粉、小食及飲品，簡單易明。凍越南滴漏咖啡（$30）：越南咖啡當真喺顧客面前慢慢滴漏，証明真材實料。分開坐嘅姨媽同XO仔都異口同聲話杯凍啡太甜，咖啡味唔夠香濃。長輩個個都揀食有齊生牛肉、熟牛肉及牛丸嘅錦麗綜合粉（$66）

清甜既牛肉湯湯底，少少既胡椒味，再加埋洋蔥，絕呀！👍🏻洋蔥令到成碗湯加左好多分，帶出浸浸鮮甜味。坐低果陣發現大多數既人都會點綜合粉，雖然我都點左綜合粉，不過我走左生牛肉。原因好簡單，冰鮮既生牛肉，雪味走唔甩之餘，始終都係欠缺左牛肉既一份鮮甜味，所以小妹最後就由綜合粉演變左一碗熟牛肉牛丸粉。熟牛肉用左牛坑腩，牛味道濃，口感正。牛丸牛肉味香，肉汁豐富，有咬口，彈牙！ 😋😋😋 河粉幼身嫩滑，超掛湯。整體感覺唔錯。讚👍🏻

一個人出開銅鑼灣，就去左世貿間「錦麗」食越南粉，因為有單人枱位置，可以慢慢食唔使有壓力。餐廳最入有多人餐枱，還可看到海景，幾正。牛丸是必食的，但心大心細想食埋生熟牛肉，唔使諗，直接點個錦麗綜合粉，有齊三款牛，滿足哂爲食嘅我。錦麗綜合粉 $66，有齊生牛肉、熟牛肉、牛丸。先飲啖湯，牛味濃郁，清而不膩。生牛肉薄薄地，浸兩浸入口嫩滑無渣，半熟的質感係特點之一。熟牛肉較厚身，牛味更重更能食到肉類纖維，有嚼感。到主角牛丸，唔知係咪自家製，牛丸好爽口彈牙，而且有埋牛筋，質感有別於一般牛丸，特別好咬。仲會分開上調味配料，青檸、辣椒、芽菜、香葉，自己想點加都得，我就喜歡全部都加，增添香味同口感，仲有靈魂之一的青檸提味。

當日下午要過銅鑼灣開會，之前都成日聽朋友講呢間啲越南河好好食，今次終於有機會試下🤪我自己一個人去食所以排咗3分鐘就有位，不過下午來講都算好多人🤭我前面都有六個人排緊隊👫👭👬由於我第一次食都唔知揀乜好，所以就叫咗個綜合湯河🤪乜都有唔洗煩😂餐廳好貼心😍枱頭會有個示範教你點樣食，首先飲咗啖湯，然後再加唔同嘅配料，我自己就加咗芽菜、香葉同埋辣椒🌶️牛丸好好食超級彈牙！🤩生牛肉都好好食唔會太un，熟牛肉就個人麻麻哋可能一碗麵太多牛肉即刻比下去😂不過都淋嘅唔會係老柴。整體黎講係好食既，不過我下次應該會食牛丸河或者生牛肉河😜如果多啲朋友一齊jap都想試埋佢啲小食。

本身起apm食過一次就已經念念不忘，即使銅鑼灣咁多選擇，我都忍唔住要去錦麗食碗越南牛肉粉。嚟到餐廳大約起十二點左右，唔洗等位。餐廳環境唔錯，有部份座位可以睇到海景添。你未坐好，佢第一件事就會放低一杯用嚟配牛肉粉嘅配菜。菜單十分精簡，因為無套餐，所以小食同飲品需要分開點，無得平。落單後五分鐘碗河粉就送到喇。越南牛肉粉嘅牛湯十分濃郁，偏鹹，建議大家叫一杯嘢飲或者問佢攞水，無叫飮品嘅可能會後悔。我比較重口味，所以個湯我飲哂咁滯。一份河粉嘅份量其實已經好足夠，因為口痕所以叫左一份炸手作蝦餅，佢嘅蝦餅切一半，落鑊再炸，每一粒四面都炸得好香，入口幾彈牙，唯一問題係貴咗啲。

近期聽到蔡瀾的名字，就會想起兩間PHO店－錦麗和蔡瀾越南粉。能得到蔡瀾先生的讚賞，自然會引來大眾的注視。蔡瀾越南粉只有中環一家，而錦麗港九新界也有分店，要一嚐錦麗實在相當容易。銅鑼灣錦麗開在世貿中心，地理位置、餐廳環境絕佳，加上座位多翻桌快，對銅鑼灣上班族來說是個好地方。快餐店的格局尚算整潔，桌上置放了調料辣醬之外，每客均奉上香料杯，當中有芽菜、九層塔、辣椒和青檸，用來伴吃PHO的。第一次來錦麗，大都會點錦麗綜合粉($62)，一碗有齊牛丸、牛坑腩、生牛肉，比友人的錦麗熟牛肉粉($58)貴一點點而已，份量又多定能吃飽。先嚐一口湯底，清徹的湯身十分濃甜，香料、牛骨香外味精感也重，湯底好喝但未算全天然，但見價錢不過分，也不指望是百分百天然。這家的湯底夠熱，喝一口湯底後，快快把捏碎的九層塔連着芽菜、青檸汁、辣椒放進去，向來就是愛吃重口味的，這些配料能令湯底提鮮，而那肥短芽菜亦卜脆清甜，又是錦麗的特色。河粉稍稍偏稔，但滑溜程度合格有餘。三款河粉配料當中，以牛丸表現最佳。以牛冁打成的牛丸彈牙不羶，滿滿的牛香又有肉汁，牛輾丸的筋位又帶嚼勁，本地少有的上好貨色。熟牛肉也有驚喜，用的是牛坑腩，雖然是冰鮮

先前次次經過APM同德福個間都見到大排長龍...成日都心諗..喂.有冇咁正呀?!要排到咁咩?!終於今日有機會黎呢度試喇.終左FD 黎CWB LUNCH, 早到左. 所以係呢度未起長龍前就黎到.等左一陣就入得~第一次黎. 羅起MENU 睇先知原來冇SET 既~選擇唔多..KO左我個選擇困難症呀！　ＸＤＤ原來只有牛~ 粉就得5款 $58-62. .都係來來去去牛同牛既配搭~咁就好易揀啦, 揀MIX既招牌錦麗綜合粉就ＯＫ了～唔食牛既就試唔到LU~飲品另叫, 而且冇得話加少少變餐...原本我都想叫飲品, 不過諗諗下呢度係CWB, 不如食完出去買台飲好過.YEAH!我地就唔揀飲品, 追加個小食.點完餐店員見我地冇叫飲品, 就同我地講出面有水可以自己斟~ 又幾好~台面有個貼紙教你點食~ 咁就跟下先.法式牛油雞翼4件 $34, 雞翼上先.聞落好香, 食落都好香脆, 牛油味好出~ 可以ENCORE!錦麗綜合粉 $62 (生牛肉, 熟牛肉, 牛丸)都好快有野食. 就咁睇個湯頭顏色幾靚, 應該係濃味既~不過呢, 話明有生熟牛肉嘛, 我就唔係好見到有生牛肉喇.. 上到黎已熟哂~至於味道呢, 湯頭飲落又真係幾

本來今晚諗住去世貿中心食牛刷鍋的～一收工飛快地去世貿中心，諗住落雨應該少啲人啦..點知門口勁多人排隊，同男友又好餓唔想再無了期咁等，然後望一望隔離店，係新開嘅錦麗喎！之前賣廣告賣得好行話係全個越南最好食嘅牛肉粉..成日都見好多人去排隊...今日又比較離奇，得幾個人等，咁我哋不如就試下新嘢啦反正未食過～等咗大概十五分鐘就有位，menu都係好傳統果啲越南粉有嘅嘢,梗係叫個錦麗綜合粉試一試佢啲牛肉啦～ 每張枱都會有隻杯，裡面放咗啲九層塔，青檸，辣椒同埋芽菜～可以無限添加的～而且檯面都有教導我哋點先至係正宗越南食法～我記得最好食嘅牛肉粉係溫哥華食過，佢哋仲有地道雞肉丸～不過暫時係錦麗menu我都未見到呢樣野哈哈最後我叫咗一個錦麗綜合粉（走蔥版～）材料有生牛肉，熟牛肉同埋牛丸～試一下個湯頭，都幾濃牛味，最緊要係無味精嘅感覺...生牛肉因為仲未熟晒，所以都幾淋，熟牛肉方面我覺得比較un唔想太吸引...河粉無咩特別，不過都有點掛湯力...同埋un度啱啱好，唔會太硬又唔會太淋但係以$62來說唔算特別夠份量，以佢號稱最好食牛肉粉..真係有點兒失望..男友都係點咗同一個牛肉粉（有蔥版～）佢食完都覺得唔算太

完成工作後已經八點多，很想吃一踠麵，partner 説他一定要去吃這間，就隨他去了。去到要在店外排隊等候，沒有預約，沒有號碼，就是乖乖地排了20分鐘。他提議我試錦麗綜粉（內有生牛肉、熟牛肉、牛丸）所以就點了。一上枱，我就跟枱上的指示，先試一口湯，嗶，清甜😋😋😋之後再加上配料後再試，一樣好味。食完牛丸，太彈牙、太 juicy, 問店員可否order 一碗浄牛丸，是 沒 有😓😓燒雞肉米子卷也不錯，內有青菜，很有咬感👍🏻👍🏻

窩夫與蝦子餅光顧過觀塘的錦麗一次，印象不錯，難怪分店愈開愈多，最近登陸了銅鑼灣世貿中心。某星期五下午6時半左右到達，店內剛好坐滿了，要取票等位，不想搭枱所以等位時間比較長。早前蝦子餅參加了am730的抽獎活動，幸運地被抽中了，可於銅鑼灣新開的錦麗免費享用兩碗錦麗綜合粉。主角錦麗綜合粉來了，湯底依舊香甜，配料生牛肉、熟牛肉和牛丸皆保持水準，值得一試。加了一客大蝦扎肉米紙卷($28)，賣相不錯，米紙煙煙韌韌，裡面卷著大蝦、扎肉、青瓜和甘筍等餡料，咬下去很爽脆，整體口感很豐富，千萬別忘了蘸上醬汁呢。飲品方面，點了一杯熱薏米水($18)，味道不錯。

今日午餐去左世貿中心新開張既錦麗, 12點半到達時已經有很多人排隊,好野當然多人排啦, 等了25分鍾終於有位了。我叫左1碗錦麗綜合粉-生牛肉, 熟牛肉, 牛丸 ($62) 加一客4隻蒜蓉牛油雞翼 ($34), 食之前記得留意枱面貼左既食法介紹!! 先趁熱呷一口湯牛骨湯十分濃郁鮮甜, 內里配料很多, 唔食蔥既記得走蔥, 每款牛肉都有3件, 肉既份量對得住個價錢! 一般女仔食完一定夠飽。其中我最欣賞牛河內既牛丸, 口感彈牙多汁, 牛味出眾。但生牛肉我覺得比較"鞋"口同偏瘦, 下次我會叫牛丸河!!蒜蓉牛油雞翼好香口, 皮脆多汁, 好香牛油味,  內里既肉質仍然保持鮮嫩, 值得一試!! 但要減肥既朋友就要忍下口喇, 真係好重牛油

男友和我一直是越南菜的忠實粉絲，錦麗也一直在我們的收藏餐單中。上週六下午意外在網上看到，銅鑼灣世貿中心新開了家錦麗，就迫不及待趕來試試。用餐時段大約是晚上7點多，可能世貿中心人流並不是非常密集的緣故，不需要等位，我們直接入座圓檯（稍後需要搭檯，但座位寬敞，絲毫不影響用餐體驗）。錦麗的餐牌很小，這應該就是“專注只做一種味道”的感覺吧。男友點了綜合粉，我因為對牛丸沒有非常強烈的興趣所以點了生熟牛肉粉。小食方面，我們叫了法式牛油雞翼和大蝦炸肉米紙卷。最後加了杯飲品：椰青崩大碗。由於落單是顧客直接在餐牌單張上勾畫，所以過程很有效率，落完單就開始了對這碗粉的期待。等待的同時，我們還發現桌上這張貼心的小紙，教顧客怎樣“精準”地吃粉，也算是很走心了。沒等兩分鐘，米紙卷就最先登場。餐牌上寫了2件，應該是2整條的意思吧，所以切開之後其實是有4件的。蝦肉緊實、蔬菜鮮脆，粉絲沒有碎的  感覺，扎肉也是香香的，再蘸上醬料，吃起來酸酸甜甜，非常爽口。接下來主角到啦~~~ 兩碗牛肉粉，首先從賣相上看，已經令人很有食慾。按照桌上紙條的指示，先趁熱喝一口湯。男友覺得湯有點點油，但我覺得正好，牛肉味很足，鹹淡適宜。接著