時新漢堡飽 (已結業)

時新簡直係我兒時既回憶，雖然依家搬左新地址，但都係在紅磡區，咁就腳可以繼續幫襯。雙層漢堡芝士蛋包($35)，揀左牛肉漢堡配時新醬，漢堡重牛味，而且鎖到肉汁在裏面，醬汁甜甜地，好夾。吉列牛扒包($28)，外層吉列粉漿好鬆脆，外脆內軟腍。炸薯條($22)，夠熱辣辣，而且仲係兒時回憶既波浪紋薯條。黑椒雞脾($27)，先將雞脾炸過，另外配上黑椒汁，黑椒味濃郁，雞脾好香脆，而且唔乾身，仲有都幾大隻。菠蘿冰($23)，首先夠晒冰涼，而且仲有大大粒菠蘿肉。凍檸檬利賓納($23)，味道唔會太甜，同樣冰冰涼涼咁，好爽。

以前返理工都會去時新食個包做午餐，但自從搬咗舖後都好耐無食過。既然今日去黃埔睇戲就去嘆個港式漢堡包。新舖比以前闊落及更多座位。兩點嚟到唔洗等位仲有下午茶餐。下午茶選擇多有包、有麵、有小食。足料雙層漢堡係自家製新鮮牛肉扒，肉質厚實無肥膏及肉筋，肉汁鮮味，仲有少許洋蔥味。蛋煎至全熟有少許香口燶邊，值得一提係個時新醬，酸酸甜甜加上少少洋蔥粒，好醒胃。炸魚香脆熱辣辣，魚肉嫩滑有汁，炸魚扒加上酸甜時新醬好夾。波浪粗薯條炸得香脆唔油膩，粗薯條外脆内軟，口感不錯。兩杯凍飲都大大杯。

時新重開後第一次再來，改名為，新店環境比舊舖的大，光鮮及乾淨，但就好像少了舊有的懷舊感覺。餐牌比舊舖的選擇為多，當然主打漢堡選擇依然齊存，價錢亦比舊舖只是貴少少。選好食物，只要櫃枱下單，再等叫號。漢堡一樣有單層或雙層，有豬肉或牛肉可選，還有芝士/蛋/火腰選擇。包身一樣用嘉頓出品的芝麻包，口味平實軟熟，兩塊豬肉漢堡扒一樣是人手打成，鬆軟而又juicy，亦煎得外層焦脆，裡面多汁牛油香的漢堡，還有燶邊煎蛋，加上酸酸甜甜的沙律醬，口味依舊豐富。下午茶時間，漢堡包餐可配薯條或脆雞粒，我們選了脆雞粒配黑椒汁，新鮮炸起特別好食。另外再叫了炸雞翼拼腸仔配公仔麵，腸仔同公仔麵就比較普通，生炸雞全翼就唔乾身而又香脆多汁。

一家人係黃埔行街，好眼訓想嘆番柸奶茶，所以入左時新幫襯下，都幾港式風味既快餐店。叫左一個下午茶餐炸雞脾併炸薯條$39估唔到仲食到扭紋薯條啵，熱辣辣，外脆內軟，諗起以前唱k必叫之小食。而個炸雞脾都炸得幾靚仔既，算厚身，唔乾身，有肉汁算唔錯。港式奶茶完全冇問題啦。另外再單叫雙層漢堡芝士蛋包，唔算好巨型，但一啖食唔哂既，個漢堡扒係人手打，所以都好juice，唔係薄薄一片，但再大塊d就更好，雖然睇個樣麻麻地，但個沙律醬又幾好味啵。

今次見到價錢唔貴既港式漢堡包，入去叫咗餐牌推介嘅港式漢堡包，入面採用牛肉漢堡，仲配左芝士同煎蛋同埋時薪醬，食落去味道又幾夾，牛肉漢堡食落有好香牛肉味，肉質滑嫩，食落有口感，但就唔似出邊嗰啲西式漢堡有時食落好散，佢哋個牛肉漢堡食落去唔會有碎粒掉落嚟，呢一點我好欣賞，仲要係雙層厚漢堡。我哋仲叫咗個鹹牛肉炒蛋配香腸飯，本身以為只係好普通一碟飯，佢嘅炒蛋配鹹牛肉炒得好有鑊氣，蛋唔係全熟，食落去仲有蛋汁漏出嚟，配飯好香，而且新鮮炒起，食落有懷舊港式感覺。由於個飯係配左嘢飲，仲配左湯，湯係羅宋湯，個湯都好濃，嘢飲我揀咗熱檸水，唔苦，應該有清洗過。同行朋友仲叫左個雜果冰，有懷舊感覺，好耐冇飲過了。另外我哋仲嗌左一個熱狗，同埋一碟炸魚扒，熱狗入面有香腸同埋時新醬，而碟炸魚扒新鮮炸起，咬落去有汁漏出嚟，而且好香脆。價錢親民，嘢食質素都唔差🤤👍

自從港鐵開通黃埔站之後，耐不久都會去黃埔新天地吃吃逛逛，就上一次去到發現【時新】竟然重開，想起紅磡【時新漢堡飽】在17年結業，街坊食客都大感不捨。現在不斷浮現的回憶叫使我不得不再一次回味那一份情懷。.重開既【時新漢堡飽】係二哥鍾奇濤主理的係黃埔天地家居庭地下舖，係商場既外圍，鄰近巴士站。地方就唔太大，就2多張兩人座位吧，一入門口就係大大幅既餐牌，十分簡單易明，除左漢堡，仲有意粉以及林林總總既小食，害得我都心大心細，難以選擇。入到去隨便選坐個二人座位，【時新】一如既往，點餐自取，之後就等我黎一一介紹我既豐盛快餐。呢間既似乎味道方面都有一定保證，因為聘請了舊店師父在新店幫手，味道相信有保留到吧！雙層漢堡芝士蛋包 $33黎得【時新】，一定要食返個漢堡先叫得上食過，漢堡主要由漢堡扒、芝士、蛋、火腿呢四樣配料組合，基本上係交叉搭配形成唔同組合漢堡，反正要食就要食到最盡，我就揀左雙層漢堡芝士蛋包，最豐富吧。厚身既豬肉漢堡扒足足係m記既2倍厚，漢堡扒十分鬆軟，兩塊煎得外層焦脆，裡面多汁，即叫即製！包身用嘉頓出品，口味平實軟熟，所有配料都熱烘烘的，燶邊煎蛋好香口，，加埋秘製沙律醬酸酸甜甜整個漢堡可以講

每個人都有童年不能忘記既小食快餐店，係我記憶入面絕𣎴能忘記既一定係紅磡既時新漢堡包。再次重開既時新漢堡包就開係紅磡既黃埔天地家居庭地下，黃埔站c岀口，行大概5分鐘左右，再次黎到充滿回憶既時新當然要叫佢既招牌漢堡包啦。雙層漢堡芝士蛋包 $33經典既雙層漢堡芝士蛋包配上祕製沙律醬，完美既組合就係咁樣誕生左，無食咁多年，味依然有水準，較綿既面包配合味道香濃既芝士漢堡扒，真心無得輸。雙層漢堡芝士蛋包炸魚扒 $25另外再叫一份炸魚扒，薄而脆既炸皮入要係juicy既魚柳，香口而又不覺得油膩，沾上一點沙律醬，口味就更有層次。保留原有水準，而且價廉物美，一再推介既經典口感。

其實幾年前已經諗住試下佢有幾好食, 點知當時仲未搬既時新排哂長龍, 時間關係無緣食到。 跟住一路都有留意到時新重開既消息, 一重開又係勁多人排隊, 終於今日食到你喇😋餐廳係快餐店自助形式, 近門口位有大餐牌, 隔離收銀處俾錢, 攞住飛仔坐定定等叫號碼就ok, 地方唔算好大但都會有電子號碼顯示。今次係衝住雙層漢堡芝士蛋包而黎, 仲有波浪薯條都係我至愛💕 另外男人就想試下炸雞肶, 生果沙律同菠蘿冰。🔸雙層漢堡芝士蛋包🔸首先麵包係烤過外脆內軟, 係傳統港式既漢堡麵包, 入面兩層漢堡扒係手打牛肉, 一咬落去肉汁好juicy, 仲有洋蔥味好好味, 男人話有"家"既感覺😂 平時唔係好食沙律醬既我, 出奇地覺得個醬好好味好夾, 不過食既時候就要小心容易滴到喺自己衫度啦～唔怪得咁多人鍾意食時新漢堡, 係好食既👍🔸炸薯條🔸波浪薯條唔係好多茶餐廳有得食, 多數得返少數舊式茶餐廳先會搵到, 薯條係跟下午茶炸雞肶餐, 份量唔算好多, 都炸得幾脆(我鍾意食脆脆的)。🔸生果沙律🔸番茄同生果都新鮮👍🔸炸雞肶🔸男人一食就話應該係生炸雞肶, 雞肉仲好嫩滑唔乾身, 雞皮仲好脆添👍🔸凍檸茶🔸難得有4塊檸檬😂🔸菠蘿冰🔸唔係罐

去時新食漢堡包是一種兒時回憶的味道，那個年代的漢堡包大概都是這樣的味道，若果要將他和現在的精品漢堡包店去比較是沒有意義的。今次叫了雙層芝士蛋堡，薯條和雞髀。最令我感到意外的是漢堡肉的味道比之前更好味了，它的味道有點像山竹牛肉，但係沒有加入梳打粉的口感，仍然是有漢堡肉的質感。配上蛋，芝士和沙律醬，$33這個價錢是非常值得。起碼他是熱騰騰放在你面前的。這次的薯條就炸得不夠脆了，希望下次來的時候有所改善喇。鹵水雞脾用的鹵水汁要給個讚，可媲美坊間一些名店。這鹵水汁令平凡的雞髀加了不少分數。其實這裏最吸引我的反而是他供應的飲品，因為好少有純漢堡包店會提供茶餐廳飲品例如阿華田。現在的漢堡包店都追求時尚新潮，除了汽水，大都會供應果汁或外國特別入口新頴飲品。一啖漢堡包和一啖凍華田是真正來這裡的原因。

放工必經紅磡站嘅我，前幾日心血來潮，忍唔住闖入黃埔，為咗食相隔多年無食嘅時新漢堡，此舉真係可以話係一時衝動，但事後自認非常值得。自畢業之後，到紅磡機會少之又少，直至紅磡鋪結業都無再食過。新鋪位於黃埔花園比較入嘅位置，所以都需要走一段時間先到達新鋪。由於走咗好一段路，到達時已經飢腸轆轆，所以都無考慮太多直接睇餐單柯打野食。可以見到今日餐單距離剛開張已經變咗好多，我都不假思索地柯打「照舊」，一個雙層漢堡芝士包加炸薯條，另外小試一下佢嘅羅宋湯。閒日夜晚鋪內唔算太多人，唔知係咪因為咁，所以出品感覺特別有心，明顯即叫即整。就評評漢堡包，包身有輕輕燙熱，所以入口除咗帶微熱之餘，口感外脆內鬆化；而漢堡則用新鮮牛肉手打而成，食得出內裡有洋蔥粒、胡椒等提味同增加口感，味道掌握得岩岩好，充滿牛肉味且肉汁豐富，漢堡真係相當出色。再配合埋店裡特製嘅神秘白汁，甜甜地帶水果沙律醬感覺，非常清新食得多都唔覺漏，同漢堡包真係超級搭配。而薯條雖然唔係啲乜野自家製品牌，但質素都非常不錯，因為夠哂熱辣辣，即叫即炸其實真係唔差得去邊，唯獨可能係價錢方面就比較貴少少。至於羅宋湯，個人覺得調味夠，湯唔會太稀，所以整體不過不失，試

今日又係時候回娘家紅磡食飯，食晚飯前首先來到時新快餐店食個Tea住了紅磡廿幾年竟然未嚐試過舊鋪的時新 今次重新開業方便了我 我就立即去品嚐美食漢堡聽聞時新舊鋪的老師傅都來到黃埔時新此店，相信味道也一樣吧餐牌款式非常多，和舊店的餐牌是一樣的自助形式 門口購票後 等叫票號拎餐 收銀處的姐姐很有禮貌解釋餐牌內容 還有一個好特別的漢堡公仔在收銀處 雙層漢堡芝士蛋包 $33呢到有不同的漢堡選擇 也有單層或雙層選擇 加8蚊便可以有雙層(只是多了一塊漢堡扒)這的漢堡扒特別之處是人手打的漢堡扒，食落會有口感+非常鬆軟 肥瘦的碎肉好均勻配上沙律醬 自家製的 甜甜地滿清新的醬汁 內有蘿蔔粒和青瓜粒 所以一個女仔食雙層也不覺得漏 炸雞全翼 $23看似很油的感覺，食落不會還要肉質 Juicy黃金脆雞粒 $12汁醬：咖哩/黑椒/蕃茄汁/沙律醬我選擇了黑椒汁，比較杰身 黑椒味比較濃郁雞粒剛炸起，外脆內嫩 配搭得非常好味什果冰 $22想起兒時的味道-什果冰  一大半杯都是雜果 不太甜 容易入口很特別 快餐店有卡片之餘還是寫GM的名字味道 賣相衞生服務抵食推介

尤記得當年在巴士都見到的時新這麼多年來都只是過門而不入事過境遷舊店已在黃埔花園重開食物種類都沒有太大的變化我們每人都點了雙層漢堡芝士蛋包麵包都是那款嘉頓經典款式牛肉是店家自己混合手打而成有手工感有肉味相當美味有煎蛋有芝士層次相當豐富再加上當店自己調配的白醬充滿香港味的漢堡包就大功告成另點了炸薯條和一隻炸雞髀薯條是傳統老派的港式粗薯即叫即炸吃起來口感脆脆的雞脾生炸皮脆肉嫩多汁吃膩了美式漢堡來個港式口味也不錯

真係港式風味呀！重開後嘅味道依然如初。雙層漢堡芝士蛋包（HKD30）滿滿嘅港式沙律醬;用美極加料煎過嘅漢堡扒，係滋味同惹味嘅結合！單層漢堡包（HKD20）亦即係開舖做到依家嘅【雜港包】，係依家嘅兒童餐就係佢，當然單點都得啦。生炸炸雞髀（HKD25）都唔講得笑，皮薄肉多，外脆內嫩，仲有肉汁，唔需要再加調味都夠鹹香。豬扒飯（HKD50）有大大塊吉列豬扒，幾脆口，可以揀黑椒汁/茄汁/咖喱汁，不過呢個好似貴咗少少。美咪指數：8/10抵食指數：7.5/10

🍔雙層漢堡芝士蛋包 ($30) - 8/10每次都要叫呢個先至夠滿足😂時新終於都重開 我自己覺得食落真心同舊舖無分別 第一啖咬落去個下 一大鼓感動衝出黎：嗚～係回憶中嘅味道😭💓靈魂嘅沙律醬 真係唔會係第二度食到呢隻味漢堡好厚身好juicy嘅 不過個直徑就明顯短左😂芝士因為放上熱辣辣嘅漢堡所以變成半溶～～貴左好多 一加加左6蚊😂同舊時一樣無餐配抵唔抵食就見仁見智🤔我就會比錢食番呢個我大學回憶嘅味道嘅