鮨心 (已搬遷) 新店位置

今次黎到呢一間旺角日本料理餐廳，呢間餐廳分上下兩層，上層做廚師發辦Omakase　下層做一般日式料理～身為精明既消費者，當然試下一般日式料理先，如果味道不錯再試價錢較高既Omakase。呢間餐廳比較值得推介係天婦羅、柚香玉子燒同燒物。天婦羅香脆而且少油，見到上枱到食完成份天婦羅，紙上既油都唔算多，合格～而玉子燒有淡淡既柚子蜜香味，都幾清新～仲有冇影到相既燒鯖魚外皮燒得香脆，都值得一試！不過壽司就相對失色，鰻魚卷鰻魚只係常溫，飯亦都有少少凍冰冰！仲有三文魚＋吞拿魚壽司，刺身及飯都係較一般壽司店冰凍～雖然刺身壽司都係生冷野，但飯既溫度真係好似岩岩由雪櫃拎出黎既雪條咁凍。個人唔係咁接受到．．．

第二次來到鮨心，這次是與家人慶祝生日，坦白說有點失望。味道尚算中上，不過沒有特別驚喜。漬物盛，不錯的佐酒小吃，份量略少。雞泡魚干，軟硬適中，有口感之餘，水份沒有流失，推介。燒玉子，一入口有柚子香，比想像中好食。新鮮甘甜，不過紫菜少左啲。個汁甜甜地幾好味，牛肉嫩滑。一般，紫菜唔脆。一般。十分足料，魚生多過飯！沙津汁好特別，酸酸甜甜，他他處理得都好好，美中不足係太遲先上枱。必食，成餐最回味就係呢個燒牛舌，煮得岩岩好。之後仲叫左兩份小卷，不過個紫菜都係好一般，打消左我黎試Omakase既念頭。總括而言，非壽司既料理水準唔錯，反而卷物壽司就唔算太出色。

有一段時間沒食日本菜了，今次就同朋友搵到呢間係旺角的鮨心，可以靜靜地享受和風美食了！餐廳以木、麻為主，設計簡約好和式，而且空間感十足，坐位舒適，令人心情變得輕鬆，食起野上黎特別開心。大家都係放工過來，都感到肚餓了，所以好快決定到食啲咩。首先有厚燒玉子，食落好香蛋味，而且帶有少少柚子味，感覺清新。果然係厚燒，咬落好有口感，而且都幾滑！呢個係吞拿魚他他，曬上黑芝麻的吞拿魚肉，食落鮮味之餘仲帶有少少芝麻香，而且肉質好滑。中間放滿淋上酸酸醬汁的新鮮沙律菜同青瓜絲，開胃得黎感覺好Fresh。啖啖肉鮮甜牡丹蝦刺身，連殼都幫你剝埋，真係細心。香口好食的雜錦天婦羅，有兩條又大條又多肉的蝦，味道鮮味，另外仲有其他常見的蔬菜，好新鮮，味道清甜，即叫即炸熱辣辣，食落juices唔會炸到乾晒，點少少加左白蘿蔔蓉的天婦羅汁，真係好食。燒得好香的鹽燒牛舌，非常厚身，咬落多汁！吱少少檸檬汁食，更能突出牛舌濃厚的牛味。另外還叫了三款手卷分叫係香辣金槍魚手卷、香蔥碎金槍魚腩手卷及軟殼蟹手卷。米飯好食，口感軟身，粒粒分明。紫菜脆而不韌，而且手卷還加了新鮮的菜同青瓜絲，食落沒咁單調。香蔥碎金槍魚腩，口感好滑，食落帶有香蔥味

在旺角常常不知有什麼好吃和好環境的地方。今天和老細在旺角辨完公事，也快到晚餐時間，大家一齊吃了晚飯才回家，想了很久才想起此間鮨心，因為不久之前看過雜誌介紹，在旺角區開高級日本料理おまかせ，所以有点印象。餐廳裝修清雅，不想吃おまかせ攺散點，散點也有很多選擇。厚燒玉子，沒有日本的那麼甜，是我喜歡的口味，但我老細是日本人嫌不夠正中。柚子味還可以濃。😋什錦天扶羅，炸漿夠薄及脆。酒煮大蛤， 酒味濃郁， 蛤煮得非常嫩，不會過火，為蛤的鮮味不足。汁煮魚鲛，魚去腥的功夫還有待進步， 蘿蔔非常入味，醬汁還可以濃稠些。香蔥碎金倉魚腩卷，剁碎吞拿魚腩幼細香滑，軟綿綿的口感加上脂香，在蔥的微辛中引發出美妙的化學作用👍。在旺角有此水準也實屬難得，烹調還有很多空間可提升。

旺角年青人天堂，食肆多走年青人路缐，價錢亦比較大眾化，竟然被我發現了一間走高級路線的日式料理店。裝潢曰式風格，坐位寛敞，舒服的感覺。雖然第一印象好高級感覺，但翻看餐牌價錢又不是想像中太貴，不知食物水準又如何呢？厚焼玉子傳來陣陣清新柚子香，疍味香濃，質感軟熟。來一客6件壽司拚盤，算不上高貴食材，但時令和夠新鮮度。雜錦天婦羅我比較欣賞，炸浆薄夠鬆脆，熱烘烘，即叫即做，相當美味。另一道煮物的牛肉豆腐，大量的蔥花增添了香氣和層次感。可惜牛肉煮得過老有點韌。飄來酒香的酒煮大蜆，大大隻肉質飽滿有口感，但欠缺鲜甜度。最後的香蔥碎金槍腩卷，肥美的魚腩有油份確滋味。整體水準中等，期待下次再光顧時做得更好！