金鶴拉麵 (九龍城道) (已結業)

Lunch黎到呢間拉麵店，入面座位好多，不過午飯時間店內已經坐滿晒人，雖要要排隊等位～🍜雞白湯拉麵套餐（$128）今次試咗雞白湯拉麵🍜，套餐$128包埋小食🥟同罐裝汽水🥤，小食係4隻餃子🥟，都幾抵食呢～😋 拉麵上面擺咗一大片炸到脆脆嘅牛蒡條😍，脆卜卜幾好食👍🏻！雞白湯湯底好濃郁，雞味香濃但唔會太咸，食到雞湯嘅鮮味～🐣 配上兩大片嘅慢煮雞肉同叉燒，食完好滿足、好飽呀！🐷🐷雞白湯拉麵

同事請食晏，去 openrice 買咗 coupon 就去開餐。每款麵都有 2 片雞肉同一片义燒加半隻糖心蛋，麵嘅份量唔會太大，但唔知點解食完又好飽肚 🤣🤣🤣黑蒜油拉麵清清地，辛味拉麵同事話夠辣 😅同事仲驚唔夠飽，叫咗份唐揚炸雞 😋😋原來餐廳而家有唔同嘅 lunch set 叫，除咗麵之外仲有飯，下次有機會可以試吓喎

終於食到期待咗好耐嘅金鶴拉麵佢地都有幾多食物款式選擇首先要大讚佢地嘅服務態度真係好好店員介紹得好仔細 仲會細心派發圍裙同紮頭髮嘅橡筋我今次只係叫咗普通版嘅雞白湯拉麵見到白雪雪嘅湯底 其實我覺得已經夠曬濃厚好Creamy 我真係飲曬成個湯😂如果真係鐘意更加濃稠嘅口感仲有極濃版本上面嘅炸牛蒡絲好脆好香口拉麵裡面有慢煮雞胸同叉燒 都好淋好嫩滑🤤超級推介！而朋友叫嘅係辛味拉麵 佢就話覺得辣味好香濃 唐揚炸雞小食就炸得非常香脆 但稍微覺得乾咗少少 整體都算好食

香港既拉麵店開到成行成市 但真正高質素既冇乜邊幾間 而且一般既拉麵主要以豬骨或者味噌湯底為主 真係食到好鬼悶 所以一向出名奄尖既朋友J上次同我介紹金鶴拉麵係主打日式白雞湯湯底 而且仲要係超級好味 我就日提夜提叫佢帶我去試喇 今晚佢終於都得閒帶我去喇❤️採用日式裝修 去到門口已經覺得眼前一亮 店內環境舒適 燈光暗暗地好有情調 適合傾計去到時間尚早 未正式到晚飯時間 人唔算多 不過食食下d人就開始黎喇我地分別點左呢度最出名既雞白湯拉麵同埋期間限定既北海道極濃蟹湯拉麵 另外再叫左一個餃子share黎食兩個拉麵既湯底都好creamy 我地兩個都差唔多飲晒個湯兩個湯底雖然隻色望落好似 但飲落就會知道個分別 雞白肉湯底拉麵：香濃既雞白湯湯底 配上慢煮雞肉同埋日式叉燒 溏心蛋 木耳同埋牛蒡 味道好 賣相亦好吸引 值得一提既係炸牛蒡好脆好甜 慢煮赤雞肉質好滑好腍 讚！北海道極濃蟹湯拉麵：湯底同蟹肉都蟹有蟹味 香濃蟹湯加上淡淡蟹味既蟹肉 好適合一眾蟹迷！拉麵既軟硬度恰到好處 掛湯能力亦高而餃子就不錯不失啦美味既一餐以甜品抹茶軟凍作結❤️覺得自己好幸福呀朋友J果然冇介紹錯 已經好想再去食第二次喇❤️🍜另外不得不

我哋兩個會定期去食下拉麵，喜歡拉麵嘅質感同埋湯底嘅配合。今次我哋嚟到土瓜灣呢邊，食咗一個蟹湯拉麵（餐牌相片太吸引），同埋一個雞湯拉麵。今次我哋坐吧枱位置，可以望住廚師煮拉麵，非常期待！白湯拉麵：湯味濃郁，整個賣相都好吸引。望見白雪雪嘅湯感覺幼滑，雞嘅鮮味出晒嚟半熟蛋非常吸引！帶有醬汁嘅香味，加埋湯一齊入口好夾。炸牛蒡好香口，卜卜脆，有少少似炸新鮮薄片薯片。雖然係炸，但係呢個食材令我感覺健康。日式叉燒好林，味濃雞肉片都好好味拉麵都非常有水準，配合埋木耳絲食口感更豐富。蟹湯拉麵嘅配料都同白湯拉麵嘅相似，兩種湯底各有吸引之處。蟹湯濃郁，如果係鍾意重口味嘅一定要試吓。相信真係足料落去煲！最後我哋食埋綠茶軟餅作為甜品，完成我哋今晚豐富嘅晚餐。

金鶴拉麵分店愈開愈多，之前已到過佐敦分店，而今次這間土瓜灣分店地點位於舊區當中，比較偏僻，周圍都是舊樓，但泊車方便，裝修跟其他分店一樣很有日本風，門面很華麗高貴，有開放式廚房，有一排的吧枱可以欣賞師傅煮麵，但坐吧枱會比較熱，所以最後我沒有選擇。金鶴拉麵除了主打雞白湯拉麵，仲有黑蒜油，辛味，醬油及鹽味拉麵，另有期間限定的北海道極濃蝦湯拉麵。而餐廳的活燒蒲燒鰻魚飯都好出名的。而我就點了主打的雞白湯拉麵，賣相吸引有霸氣，放著一團炸得香脆的炸牛蒡，兩片慢煮日本赤雞肉，很嫩滑軟淋，一片肥瘦適中的叉燒及溏心蛋。湯底用赤雞熬製六小時而成，濃而不膩，飲落順滑。麵質比較幼身，有咬口。另外的黑蒜油拉麵，配料跟雞白湯拉麵一樣，只是湯底用上自家製黑蒜醬油，有很強的蒜香味，味道濃郁。小食點了兩串燒黑豚肉，明顯見到一層肉一層脂肪，肉質軟淋，燒得香口。現在食客可以裝上餐廳app，立即送100分可以即時換上汽水一支或溏心蛋一隻。另外儲分可以換小食。師傅話中環分店餐牌會有更多不同選擇，下次要去試下。

咁啱有嘢做要去土瓜灣，行過聯業大廈見到間裝修幾別緻又有特色嘅日本餐廳，仲有我最鍾意食嘅鰻魚飯🤤就直接行咗入去。行入去就覺得個環境好有情調，睇得出老闆用心嘅裝修🥰咁嘅環境下食嘅嘢都覺得特別好食😍必叫活鰻蒲燒飯，另一個就叫咗雞白湯拉麵🍜個拉麵上得比較快，個鰻魚就要等耐少少燒🤤個拉麵用咗炸牛蒡裝飾，求其影都好好睇，而且又食得😍個雞湯真係好濃味，食得出用心熬製而成，但又唔會覺得好油膩，真係可以飲曬啲湯，唔好曬😆而且個日本叉燒好腍又唔‘鞋’口，好入味，肥瘦適中👍🏻😉重頭戲鰻魚飯一定要試，因為真係好好味，條鰻魚好肥美，燒得啱啱好，無骨，配埋個醬汁一流，用個醬汁餸飯都好好食🤤另外配嘅湯用魚骨熬製，見到有魚骨可以食下骨上嘅魚肉😆飲埋個湯就飽到要捧住個肚走😂😂呢個係值得推薦用心製做嘅日本餐廳💕

唔知幾耐之前已經聽過金鶴拉麵嘅大名，而最早就係土瓜灣分店，所以都決定幾遠都要來朝聖一下。依家地鐵開通何文田站，其實餐廳一d都唔遠，仲幾方便添！門口有活燒鰻魚飯嘅招牌，原來係網評票選第一，真係失覺曬！既然黎到，梗係要食！食之前先睇下日本風嘅環境先個靚靚洗手間，又大又靚，好乾淨！先介紹招牌白湯拉麵🍜連湯都飲埋的美好！湯汁濃郁稠密，全因是用六小時的心機，用赤雞熬製而成，味道甘甜。拉麵粗幼適中，可以讓適量的湯汁掛在麵上。慢煮雞更係好滑好柔軟！厚厚的鰻魚，肥美致極！新鮮即燒，油脂更香，每一口都實實在在的，加上粒粒糯糯的飯，更是滿足。兩人分享可一次滿足兩個願望！值得一提，牙籤係呢種，有埋牙線嘅，真係對客人好用心！

一般的拉麵店的座位都很擠迫，每次去都很想吃完即走。但土瓜灣的金鶴拉麵，座位則難得一見的非常寬敞舒適。店面以黑色為主打，感覺很有日本武士風。沒想到拉麵店的服務都能如此周到，餐前店員會送上優質厚實的日本濕紙巾抹手，洗手間更有牙具提供。一般吃拉麵，我都比較鐘情豬骨湯，濃郁的味道令我忍不住一口又一口往咀裡送。金鶴拉麵以雞白湯為主打，湯頭以六小時熬製，熬成牛奶般的奶白色。試過雞白湯後，它成為了我心中比豬骨湯有過之而無不及的拉麵湯底。雞白湯拉麵雞白湯味道香濃得來，比豬骨湯少了一份油膩感，而且質感很幼滑。拉麵完份吸收了濃郁的雞白湯，味道好就肯定的了。雞肉嫩滑得出奇，原來是用慢煮的方式烹調，難怪又嫩又juicy。叉燒同樣肉嫩，脂肪位的肉味特別香。炸牛蒡不要浸進湯中，要趁脆快吃才好。活燒蒲燒鰻魚飯店家採用新鮮的鰻魚，即場在廚房生燒。即燒鰻魚的肉質保留著豐富的彈牙感，焦香的魚肉厚實啖啖肉。一客鰻魚飯，熱騰騰剛燒好的鰻魚蓋滿在飯上，份量絕對充足。跟鰻魚飯有漬物前菜和湯。八爪魚漬物味道不錯，湯品中加入了三文魚骨，令湯味道更鮮甜。如果獨自一人來店，在雞白湯拉麵和鰻魚飯之間選其一，實在是兩難！

雞白湯拉麵的熱潮，早兩個月突然席捲全城。習慣觀察一段時間，才去品嚐人人熱捧的食物。在香港，主打雞白湯拉麵的餐廳還不多，金鶴拉麵是其中一家。常見這家位於佐敦的分店大排長龍，為避開人潮，特意選一個平日午後到土瓜灣店嘗嘗。甫坐下，店員特別提醒，由於蒲燒鰻魚飯($198)是現燒，需時二十分鐘，於是我們先下了單。餐點選擇比想像多，有不同口味拉麵，小食也有好幾款。來到當然要點招牌菜 - 雞白湯拉麵($98)。這裡的雞白湯拉麵，濃郁美味，清雞湯的味道和喝忌廉湯的口感。炸牛蒡的賣相美麗，還附有兩片叉燒和兩片雞胸肉，配菜亦豐富。這個價錢，如此食物質素，非常划算。慢慢分享完雞白湯拉麵，熱騰騰又大盒的鰻魚飯便剛好上桌。每件鰻魚亦份量十足，肉厚肥美，難怪是另一樣大家盛讚的菜式。唯獨是蒲燒汁有點過多，鰻魚外皮也稍欠脆嫩。不然此等美食，大概會令我每天也來吃。

突然間想食下拉麵🍜，就走去搵下openrice 最多推薦，其中就見到呢間，其實係佐敦果間，😅見土瓜灣近近地就Book 左下午去試下食下😬雞白湯拉麵🍜一來睇樣好豐富，足料，湯底👌🏼喎～但係呢雞肉唔知點形容....唔太似一般雞肉咬口黑蒜油味拉麵🍜少少咸，同樣有半隻溫泉蛋、雞肉、叉燒.....午市以$28加點小食煎餃子🥟⋯⋯普通，底無脆脆，水餃咁🤔唐揚炸雞🍗食埋就飽晒😂普普通通啦餐廳環境唔錯，黑色主題，服務也不錯👍🏼

其實之前都食過一次佐敦分店，真心覺得唔錯！今次去開土瓜灣做嘢，一於再食啦！六點半左右去到，暫時唔係好多客！店內真係勁有日本餐廳feel，裝修得簡潔得嚟精緻！我Order咗雞白湯拉麵🍜，呢到嘅拉麵最有特色嘅係每碗麵上面都會有d炸牛蒡，整到靚一靚，除咗最啱打卡之外，牛蒡仲係高纖，健康😍。 雞湯底香甜濃郁，配埋拉麵真係加哂分！💯拉麵旁邊仲掛住d嫩滑雞肉，一d都唔”鞋”👍🏾。而我朋友就order咗雞白湯沾麵，一上桌見個份量真係好闊綽😍😍熱湯仲可以幫手翻熱！因為食沾麵係逐次將一小撮麵沾入濃湯度食，所以食到一半可能個湯就會比啲麵整涼咗！😋今次嘅沾麵朋友揀咗半雞半叉燒！朋友都大讚啲雞真係超嫩滑！叉燒亦好入味！仲有全隻温泉蛋😚食到一半叫咗師傅幫手加熱個湯，再加咗啲清湯去飲晒個湯！呢餐晚餐真係超飽超滿足！其實啲小食都幾吸引，不過太早食飯唔太餓食唔到！下次會試下！

是日係土瓜灣睇完裝修野，想夜晚食下日本野，行下行下見到呢間拉麵店，就入去一試。一入門口就覺得店舖既裝修充滿日本風情，仲要一直播住比較舒情既日文歌，坐低就覺得好放鬆。同埋店內既空間都大，位同位之間比較寬落同舒服~餐牌~我地嗌左侍應推薦既雞白湯拉麵 ($98)同黑蒜醬油拉麵($98)，另外加左個燒雞泡魚乾($48)同唐揚炸赤雞($33)。提提大家，如果即時下載佢地個APP可以即刻用100積分黎換支裝汽水或者一隻唐心蛋，下次仲可以繼續用今次既消費積分，$1=1分。下載完用電話登記好快就搞掂~由於個麵本身有唐心蛋，於是我地換左可樂~等左無耐，主角終於黎啦~~燒雞泡魚乾($48): 燒得軟硬適中，好香蜜糖味~用黎送麵好好味雞白湯拉麵 ($98): 個麵好有藝術感~因為上面果D一條條，雖然我唔知其實係咩黎，佢係炸過好香脆既好似木魚咁既野，第一次食都幾過癮。呢個麵最正最正既就係佢個湯，乳白色既湯底，超級濃雞湯味，但絕對唔係死咸或者味精，但果種入口清淡但越飲越飲到雞濃味果種。果然係煲足6個鐘，飲得出功力十足!!好味!!不得不說，原本以為個麵得雞肉，點知仲有豚肉，份量仲要唔少，都成3大塊。個雞肉先係戲肉

偶然間發現這家新開的拉麵店，竟然開在街市的最尾，實在有夠大膽的，餐廳門面幾靚，就試一試佢。一入去見到一排吧枱，以為小店就這麼小，原來內有乾坤，上幾級樓梯仲有個頗大既空間。有別於多數的拉麵店以暖色系作裝修，呢度比燈光較暗，亦以灰黑色作主調，配上一啲銅色鏡面，感覺較型格。夜晚七點左右黎，唔算太多客，可能餐廳都係比較新，唔係太多人識。望下餐牌，有幾款唔同湯底的拉麵、沾麵，仲有鰻魚飯同幾款小食。招牌係雞白湯拉麵（$98），就試一試。以舊區黎講，呢個價錢係有啲進取。等左一陣，終於有野食喇。賣相相當精緻，麵上放左一撮炸牛蒡，店員好細心咁提供左小碗，如果想慢慢食牛蒡可以先放係小碗，以防浸係湯太耐會淋晒。除左炸牛蒡之外，仲有半隻溏心蛋，兩片叉燒，同埋一大片慢煮雞肉，配料相當豐富。奶白色的雞湯好濃郁，不會好似豬骨湯咁膩，飲落順喉。先試炸牛蒡，平時好少會食呢樣野，炸完又幾香口喎。麵條係粗麵，軟硬度煮得剛好。慢煮雞肉煮得剛剛好，唔會好乾硬，好嫩滑有彈性。反而叉燒不算太香，偏瘦一點。溏心蛋都算入味，可以再流心多啲，但都好好味。