鳥山名

營業中

休息中

去咗愉景新城睇, 睇戲之前就揀咗呢間餐廳黎食叫咗：🍲雪花牛肋條地獄火鍋 $160 - 雖然叫地獄，其實唔太辣。超大超抵食！有牛、好多菜，仲有麵墊底，一個已經好夠飽！🟡油揚腐皮(火鍋配料) $25🍱海鮮七色丼 $160 - 一次過食晒七款刺身！🦑山葵八爪魚手卷 $28🦀牛油果軟殼蟹手卷$40🐮串燒厚切牛脷心$78🦆串燒燒鵝腸$45🐡燒味醂雞泡魚乾$66🍣劍魚腩壽司$38🍹Mocktail藍精靈 $18

好耐無黎過荃灣啦 突然間想食日本野 所以試下鳥山名 呢度提供左好多選擇 有熱食、刺身、壽司、鍋物、串燒 多到都唔知點選好呀！最後點左 -海鮮七色丼一直都係丼飯支持者 又點會少左佢呢呢個丼飯好正呀～除了平時見到既三文魚同帶子竟然仲帶吞拿魚腩同海膽！！同份量都好多呀！所有食材都好鮮甜 再沾上芥辣 鮮上鮮🤭🤭另外 心郁郁想試下鍋物 一黎就點了雪花牛肋條地獄火鍋一上台 都比佢份量膽親 好大盆 多到要夾開餸先可以滾 🤣牛肋條好有肉味同好軟熟 可以入曬地獄湯底同埋好鐘意個鍋配埋好多菜同菇 可以同番肉量平衡返😆不得不提個薯粉 好鬼正 吸埋湯底 簡直無得頂！順帶一提 點了任何飯同鍋物都可以優惠價配飲品我就叫左蘋果紅茶 好香既茶味而朋友叫左薑茶 又濃既薑味 😁😁

早兩日食完日本拉麵，意猶未盡，今晚再去荃灣愉景新城嘅“鳥山名“食日本菜。我哋二人咗先叫咗個三文魚花之戀丼$95。 本人食丼其實主要係壽司醋飯多過面頭嘅料， 壽司醋飯加入日本豉油大啖大啖擺入口十分滿足 ，哈哈。呢一個性價比都足夠，一百蚊有找。如圖所示中間有好大份三文魚籽，嚟撈飯一流。 三文魚色澤都幾靚，食落口都幾新鮮。然之後叫咗個 雪花牛肋條地獄火鍋$150，大大煲之餘仲有我最鍾意食嘅韭菜，仲有大量嘅蔬菜。 最值得讚既係個湯底 ，入口辣得嚟唔會搶口， 我本身唔係太食到辣嘅都飲曬一大碗湯，牛肋條嘅牛味亦無被湯底喧賓奪主。除此之外我哋仲叫咗個煎餃子$42 ，餃子皮非常鬆脆 。兩個人一飯一鍋咁樣叫法 ，食曬就剛剛好。其實餐廳個餐牌仲有好多其他嘅食物，可惜未能盡錄，有機會再去一試究竟。

雖然成日係荃灣岀沒，但的確少行到去愉景新城嗰邊😌 今日因爲想去行街辦年貨就決定係嗰到食埋野，唔搵都唔知，原來個商場都幾多日本菜食，今晚就揀咗鳥山名🤟🏻星期五夜晚八點半左右，裡面全滿，等左大約15分鐘就有位😄！餐廳屬於屋酒屋格局，食物種類應有盡有，要落order都需要d時間🙊🙊前菜先黎一客牛油果軟殼蟹野菜沙律，軟殼蟹炸漿唔太厚，新鮮上檯寧舍好味！最最最大推嘅不得不提馬糞海膽炒飯，一黎到已經謀殺左我電話唔少memory...因為好想從多角度去捕捉海膽同三文魚籽澎湃嘅感覺😎海膽鮮味濃郁，配以充滿濃濃蛋香嘅炒飯底，食時將wasabi 同豉油連同三文魚籽、海膽、炒飯一齊撈勻😈，入口鮮甜得很！日本野又點可以唔點壽司呢？但由於呢到太多野揀，所以只係精選地嗌咗兩款黎試下。帆立貝壽司同三文魚腩壽司，兩樣都有水準🤤鍾意香口野嘅男朋友指定要食一口炸走地雞，聽過媽媽講走地雞係屬於靚嘅雞種，因為成日通山跑令隻雞嘅肌肉會實淨d。雖然炸過但雞肉依然好juicy嫩滑👍🏻主食就點咗雪花牛肋條地獄火鍋，開初第一啖都覺得有d辣，但越食越過癮！最後再試埋串燒，叫咗燒菠蘿同埋多人推介嘅薄燒牛舌串燒，非常滿足👻兩個人埋單每人都係

今晚喺荃灣行街， 行到愉景新城那邊。選了一間日本菜吃，因為已經接近九點，不需要排隊呢！門外放了幾可亂真的生蠔雖然今晚無飲酒，但drink list既cocktail價錢都吸引，下次可以一試。雪花牛脷地獄條火鍋燒牛脷串， 軟琳琳，好好味。雞軟骨，都燒得恰到好處。刺身盤每樣都有兩件， 每樣都好新鮮，最吸引是來自北海道的海膽。