豚燻 (已結業)

今次真係食豪啲~ 朋友推介一定要黎呢度試下，價錢就真係睇你從咩角度睇，我就覺得係超值~餐廳位置唔多，但係好有日本feel，睇住師父用心製作食品，食得安心。叫咗個芝麻菠菜，芝麻醬超多，菠菜好甜，好好食，28蚊真係好抵。再黎蒜香牛舌（68蚊）~ 牛舌超厚，蒜片都好足，我見師父仲加咗啲黑椒落去，仲更加香口。第一主角出場！松葉蟹拉麵，真係估唔到隻蟹咁大隻，師父仲要係開晒所有殼，方便我地慢慢挑出黎食，就連個三角較位都開埋，超細心，女士食都唔怕難攪，仲有佢跟一大堆蟹膏，加咗落啲湯度真係好香好濃，一邊食一邊都有蟹味，我覺得係食緊蟹多過似食拉麵，蟹肉一絲絲咁食好甜好新鮮，又可以挑晒出黎加入麵入面食，真係好滿足。第二主角~ 一板海膽拉麵，真係成板海膽，又係超甜超新鮮，拉麵入面仲有好多蜆肉，個湯底超清甜，成碗都係海鮮味。大大大滿足呀！總結：有朋友覺得好貴，但我覺得298蚊食原隻松葉蟹真係好抵，另外198食一板超甜海膽，都係超值，而且拉麵都係爽口彈牙，真心推介~

餐牌有點似曾相識，跟隔離的豊勝手丼是同一個設計。和一般的拉麵店一樣，有一張拉麵紙可以選擇麵條的粗幼及硬度，要不要走蔥等等。豚燻與其他拉麵店不同的是，有其他比較霸氣一點的選擇。平常吃拉麵都是叉燒作配料，豚燻有蟹腳又有海膽，比較創新一點。*松葉蟹腳拉麵($178)拉麵的配料就是四條已經半開殼的蟹腳；蟹腳新鮮有蟹味。兩個麵都是選了幼的硬質麵底；麵是扁身的，雖然選了硬身，但個人覺得不太夠硬，煮得軟了一點。*雲丹拉麵($198)「雲丹拉麵」一個很有意景的名字，其實是海膽拉麵。一片一片的海膽，又頗似一片一片的雲朵。不過個人不太愛海膽沽到湯汁，如果可以隔一隔會更理想。海膽一片片完整的，可見尚算新鮮；但是沾了湯汁後，不太吃到海膽的原味。兩碗的湯底和外面的很不同，用上了海鮮湯底，加入了很多隻蜆；每一粒都很有肉，沒有沙。*燒餃子($38)一客四隻的燒餃子，肥肥滿滿的。餃子皮薄，外皮煎得金黃不焦，外脆內軟；中間的豬肉餡很多肉汁，不會乾。*蒜片牛舌($68)炸過的蒜片，配上一舊舊煎過的牛舌。牛舌約煮得八成熟，爽口不UN；厚切令其更有口感。

去Sogo 血併前, 想去食碗拉麵先補充下體力先, 呢間拉麵店同其他拉麵店格局都差不多, 太約可容納12位客人, 由於係非繁忙時間黎食, 仲要係落雨天, 見不用等位, 我就決定揀呢間啦~~每間拉麵店同樣只有幾款拉麵同小食選擇, 對有選擇困難症既我未嘗不是一件好事黎既, 哈哈~~雲丹拉麵    HK$198坊間唔係好多拉麵店有海膽拉麵食, 甘肥美既海膽睇見到流晒口水呀, 份量都唔少, 都有成大半板吧!! 食落甘香軟滑, 而麵我選擇左幼麵, 因為之前無乜試過, 但試過後, 下次還是選擇返粗既拉麵, 因為幼身拉麵無粗拉麵甘彈牙, 有點似天使麵多D!! 而湯底方面, 由於呢間小店係走橫浜區路線, 所以豬骨湯底比較清淡, 食完都無勁口渴既感覺! 驚喜原來係最後, 大發現就係有大量既蜆係底部, 難怪湯底除豬骨味, 還帶鮮甜味, 正呀~~豚骨湯麵    HK$98其實我跟朋友交換了對方既餸, 所以我都可以試到佢個碗既日本义燒, 都算幾鬆化, 我就是話喜歡佢個碗既麵質啦, 非常非常之彈牙~~             兩碗配料同樣都有紫菜, 木耳同菠菜, 若然可以多配半隻溏心蛋就更好了~~炸雞 (Was

同同事去開銅鑼灣做野，外出工作自然想食一個豐富的午餐。行行下，見到一間隱蔽既小店，主打橫浜系拉面，仲係試業中。拉開門廉一睇，裡面格局十足傳統日本拉麵店，係你喇！店內座位唔多，只有幾個，坐0係枱前可以睇到師傅表演制作拉面，賞心悅目。拉麵紙簡單，選項唔多，但正宗既日式拉麵就應該係甘。我地先選左一碗豚骨拉麵，再選左一份冷菠菜，當然另加糖心蛋。正在選第二碗之際，店主埋黎介紹限定推介：海膽拉麵同牛小排。聽個名甘吸引，當時要一試啦。《芝麻冷菠菜》胡麻醬有點點似平時食開既凍豆腐，但配上菠菜更新鮮。菠菜好嫩滑，切開細細般，充分吸收哂芝麻醬，少少甜多多趣。《蒜片牛小排》呢個係師傅推介既限定小食，牛小排份量唔多但質素高。等待途中見到師傅好用心甘燒每一塊，上碟時有蒜片鋪上，令其更加惹味。入口有口感，生熟程度適中，好juicy，牛味十足，好似食緊高級燒肉甘。《豚骨拉麵》先飲一啖湯，豚骨味道好濃郁，豬骨味非常重但湯底唔太咸。叉燒大大塊有三塊，肥瘦均勻，而其他配料亦十足。拉麵有咬口同彈牙。《雲丹拉麵》呢個精彩喇，雲丹拉麵原來係海膽拉麵。海膽拉麵唔係象徵式加三兩粒，而係一整板海膽，滿滿甘鋪滿麵面。麵底同豚骨麵差唔多

知道左呢度既雲丹拉麵好一陣子，今天終於有時間來銅鑼灣食拉麵收工後9秒9就來銅鑼灣食好野--豚臐拉麵豚臐位於一蘭拉麵旁邊，很容易找到！店面沒有很大，像日本那些小店！坐位也不算多，只有大約十個位置，但師傅卻有4個確保有好既招呼我地到既時候大概6點半，時間尚早！唔想同人爭位食食下就開始有客人！餐牌好簡單！ 連小食也只有幾款選擇！名符其實：貴精不貴多於是，我地叫左好出名既雲丹拉麵同埋招牌豚臐拉麵，口痕既我地當然追加兩個小食首先係雲丹拉麵！ 淨係張相已經可以呃好多Like一個字：料很足既拉麵淨係紫菜有6塊、海膽份量十足！值得一提既係食食下，會好有驚喜食食下，發現有十多隻蜆真意想不到！所以個湯好甜，蜆既精華都在湯底內海膽好鮮甜，完全沒有那陣味道再一次食到新鮮海膽麵既質地偏幼，彈牙非常整個麵既感覺係驚喜！雖然價錢偏貴，但個人認為值得一試豚臐拉麵！店既招牌麵！是橫濱派既拉麵！湯底都係醬油去烹調，但比起平常的淡一點岩哂我！ 麵質比雲丹的粗！個人比較欣賞這一個麵的質地兩塊厚切既叉燒味道也很足小食方面，我地選擇了一個燒餃子和一個蒜香和牛煎餃子比起平時吃口感有少許分別，就係呢個食落係比較淋身的，似乎係無咁熱氣

途經大型出名拉麵店既時候，見呢間拉麵小店排曬隊，好受歡迎咁喎，即轉軚一試究竟店內牆上仲有日文menu，裝潢充滿日系風格，全店滿座，等左10分鐘左右就入得，上餐速度都算幾快！蒜片牛小排香味十足肉質細嫩，醃得夠入味，薄薄一片夾雜經爆香既蒜片及蔥粒夠可口燒餃子以豬肉同白菜做餡，皮夠薄燒得岩岩好唔會過燶，算抵食！朋友order左豬骨湯拉麵，薄切叉燒片較瘦且不肥膩，湯底較淺色，咸度適中，岩曬食得清淡既朋友。由於唔似平時食開重口味湯底既咁油及濃郁，所以唔太岩我口味，後來才知原來係橫濱派系拉麵既特色新品雲丹拉麵上場，嘩！未免太浮誇啦吧勁多海膽鋪面，入口即溶帶點甘，食食下先發現有好多白沙蜆墊底，雖然湯底比豬骨湯更淡，但就嚐到淡淡鮮味勝在夠足料

最近因為「支那」一詞，弄得滿城風雨，原來由中國傳至日本的拉麵最初也叫作「支那そば」，但因為後來日本政府禁止使用「支那」一詞，才改稱作「中華そば」。本身對拉麵興趣不是太大，但由少玩到大的表弟最近榮升理髮師傅，所以婚後就特意到他工作的髮廊支持一下，剪髮後趁他未有客人就一齊食個午飯，他對拉麵情有獨鐘，提議到附近新開的拉麵店試試。＊＊＊＊＊＊＊＊＊＊＊＊＊＊＊＊＊豚燻位於謝斐道和波斯富街交界，距離港鐵站僅兩分鐘路程，門面雖然較為窄少，但因門外掛著大大個寫住店名的燈籠，所以都算方便易找。推開木門，但見店內就如一般日本拉麵店般，店面都是比較窄少，食客都被安排坐在長形的吧枱上。餐牌就貼在牆上，選擇不算多，拉麵和小食各只有兩三款選擇。點餐可以用桌上的點菜紙，上面可以選拉麵的軟硬度和配料。桌上有數瓶佐料，如炸蒜片、蒜蓉和辣芽菜，可以讓食客任意添在拉麵上。來到時適逢中午食飯時間，拉麵店幾乎滿座，廚房內雖然只有兩位師傅，不過下單後不到五分鐘，拉麵已經奉上。味噌湯麵($108)我點的是味噌湯麵，拉麵上鋪上一塊比掌心還要大一點的叉燒，旁邊還有紫菜、青蔥、木耳絲、紅椒絲和菠菜。日本拉麵分成多個派別，而豚燻以橫濱家

朋友想食拉麵, 路經豚燻時剛巧有客人出來, 望到入面間格係吧枱式, 可以坐住係度睇住師傅煮麵, 非常有日本拉麵店風格, 我同跟朋友兩人就二話不說入左去了, 哈哈! 的確, 店格局差不多全是坐吧枱, 旁邊只有一張細細圓枱仔. 坐底後, 我不斷找枱下的位置掛背囊之際, 店員溫馨提示可掛在走廊位, 咁就唔怕頂住腳或踩污糟, 讚!雲丹拉麵 $198: 雲丹即係馬糞海膽, 每日新鮮運到, 所以是限量發售, 每日只係賣十幾碗. 海膽份量好多, 估計足一大板. 選擇了幼麵, 麵質幼彈鬆軟, 一啖海膽夾著麵咁食, 海膽跟麵融合在一起, 每條麵條都沾上海膽, 啖啖都感受鮮甜甘香. 另亦有好多紫菜伴上, 可紫菜夾海膽食, 鬆口軟綿又有另一番滋味. 食到中段先發現原來好多蜆收埋係底, 估計超過十隻蜆, 仲要唔係細細粒果D, 唔怪得個湯底都咁鮮甜啦.味噌拉麵 $108: 店名叫豚燻, 果然豚肉帶有煙薰香, 豚肉乾而不鞋. 湯底濃而不油, 幼麵幼彈鬆軟燒餃子 $38: 包得飽满, 幾大隻, 皮薄有肉汁 掦梅鳥唐 $38: 即梅子醬燒炸雞件, 味道酸甜開胃又清新, 雞肉嫩滑有肉汁兩人埋單$382 (連加一), 雲

豚燻拉麵，橫濱風味，豚骨湯頭相比其他吃慣的清淡不膩，中秋節大魚大肉一番後，又想吃拉麵，正是今日心水選擇。長型店子細小，大家都是坐麵吧，面向廚師看著他們做麵。湯頭只有兩款，豚骨及味噌，我倆皆喜歡前者。配搭方面有特色，這兒的豚肉是煙燻製的，小食方面供應少有的燒牛舌，而昇級配菜竟然有雲丹，即是海膽！蒜片牛舌未想到在一家拉麵店內，燒功竟然有水準，厚切牛舌，意料之外的燒得香口，香嫩爽滑有口感，味道亦好，蒜片炸至非常脆口，蒜味不霸氣，配搭匹配。美味指數：3.5/5雲丹拉麵整板雲丹份量足，半浸在麵之面頭，但被湯灼過，蓋了甘香之味，但又真的豐富了吃拉麵的奢華感。白淨大片的豚肉確富煙燻之味，中央全瘦但肉嫩不，四周連皮有脂肪，吃的是煙燻香，口感味道不過不失。湯頭油光不多並不膩，富大量香蔥，配菜方面有黑木耳、菠菜及四大片紫菜，紫菜是香脆的。加了一支煙燻半熟玉子，流心滑溜富少許煙燻香。幼麵不俗，柔韌掛汁，口感佳。這個拉麵，有些新意，風味及配搭有所不同，整體感覺不差亦不特別好，沒有急於回味之感。美味指數：3/5燒餃子大路水準，一般拉麵的出品也許皆差不多。美味指數：2.5/5一試無妨，若然喜歡湯頭不膩的豚骨拉麵

Craved for ramen on a Saturday afternoon. Was searching on Openrice and saw this new ramen with high acclamations and decided to have a try.  For ramen, we chose 2 kinds of soup among choice of 3.Staff suggested the soup pair well with thick ramen so we took that.Ramen in Miso soup 味噌湯 $108Great that the soup was not oily, salty, or “heavy-taste” like the general ramen!!! The first few bites was totally appealing, and eventually tasted slight chilly in the soup, but should be still acceptable fo