十大碗粥麵專家

營業中

休息中

基本上每個月都會食一次，無論係收工時間定係星期六日中午都會有人排隊，但每次大約等15分鐘就可以入店😀必食推介狀元及第粥🥰，40幾蚊有足料嘅豬雜，豬心、豬肝、豬肚、豬粉腸、豬肉片。🐷豬什是前應該少量調味，所以食起嚟個粥係好夠味，而且豬肝生熟程度啱啱好，起身唔粉少少爽口，而且豬肉片大大塊，食起嚟過足口引😋腸粉亦都係推薦，每次嚟到都一定會叫叉燒腸同蝦腸，腸粉皮夠油夠薄，配上豉油一絕🥇而且雲吞麵都係必叫，大地魚湯配上蝦子，幼面夠爽冇鹼水味，唯獨是份量少，正常一個男仔三四啖就食完一碗。總結而言，10大碗嘅粥同腸粉都係有保證，性價比高👍🏻兩個人總共叫咗五樣嘢，埋單190幾蚊，可以接受。

突然想吃兒時雲吞面味道，見這裡評分高，決定一試。賣相👍🏻，雲吞系鮮蝦，4粒雲吞大部份系爽蝦，有大地魚香，湯無味精，面爽。呀妹初開時原來已帶我試過，即有記憶，比第一次來減分，但仍然算好味，值得一嘗，價錢平，下午茶抵! 但奶茶麻麻🥹酸蘿蔔加分❤️

廣東人當然鐘意食雲吞麵同粥。但今次食十大宛真係有啲不以為然...之前嚟食係正嘅但今次真係唔係咁掂.…好澧味但好重味精~食完好口亁要飲好多水去唔去食自己決定,但味道上差咗係個人不爭嘅感覺!只能講有啲失望……Anyway, let me share some food fotos.

同朋友太子行街，下午茶時間經過見到十大碗食雲吞麵就入去試下我地兩個都叫左雲吞麵因為下午茶包飲品或者一碟輕油菜，我地都簡左配飲品，凍檸茶同凍奶茶。另外叫多碟蔥花蝦米炸兩-雲吞麵好有驚喜🤩，食落完全無鹼水味麵質好爽口，呢個雲吞麵算我食過之中最好食，雲吞蝦中size,但蝦好大隻同爽口無雪味，肉都有調味唔算太重口味，適中剛剛中-蔥花蝦米炸兩，都好好食。腸粉皮好薄炸兩脆口，但略嫌蝦米同少左啲，但整體都好食。如果想食雲吞麵呢間一定係必食之選

呢間粥麵店近年係旺角、太子一帶堀起，之前有一次誤打誤撞入到黎食豬手麵，覺得質素唔錯，今次黎到再試佢嘅雲吞麵，依然保持到水準！對比要係麥字頭，食一碗雲吞麵店要成$50幾蚊，真心十大碗一碗雲吞麵只需要$35，而且有免費醃蘿蔔提供，真係超值！首先講咗主角——雲吞，皮薄餡當然靚，大大角海蝦用料唔馬虎，咬落去夠晒爽口；店內用上大地魚湯底，令到個湯好鮮甜，唔會太喊。略嫌個麵身太硬，有啲乾身，唔夠淰滑，要浸一陣湯食先易入口。而個麵上鋪滿蝦籽都有驚喜。雲吞麵黎講都合格有餘嘅！

見之前電視講到呢間舖既雲吞麵咁好食，咁我當然要嚟試下啦, 雖然有少少遠，但都行左一陣就到.. 果然...過左兩點既食晏時間，仍然成村人排緊隊，可能受到之前電視既影響，好..就試下你到底係咪咁堅!1)叫左一碗雲吞麵，等左一陣就到，聞到係好香既蝦籽味，雲吞藏係麵底，而麵上面有好多蝦籽，完全係視覺享受。先飲一啖湯, 夠熱，再食一口雲吞，入面有滿滿既蝦肉、豬肉，雲吞size 同出面既係一樣。可能係自己期望太高/ 受電視吹得佢太勁，係好食..但未到驚為天人既個個level...最多都係７.5分（以１０分滿分為準)2) 此店強調有自家醃製白蘿白，可惜叫左好幾次。。都係冇攞比我，至少叫到第３、４次佢先攞嚟，服務有待改善; 個人覺得咁樣唔太衛生，就咁用筷子自己攞。。。呢個位真係要改善一下。

下午茶時段行過太子搵間茶記食個TEA，開個OPENRICE 睇下，睇最多好評既係間雲吞麵舖就入去試睇到餐牌雲吞麵加凍O茶 43蚊都算可以見個雲吞面幾多人好評雲吞有4粒，蝦同豬肉新鮮彈牙，皮薄滑麵爽口湯底好味清甜比一般雲吞麵舖好食好多囉好平好抵

食雲吞麵唔只要求粒雲吞嘅餡料同大細，碗麵嘅湯底都好重要。喜歡吃這裡的雲吞麵，雲吞餡料正、足料，肉同蝦嘅比例剛剛好；大細適中，剛好一口吃得下；麵夠爽口，軟硬適中，最重要係無鹼水味。重要嘅係個大地魚湯底，有淡淡嘅鮮魚味，配上韮王，簡直係提升左成碗麵嘅味道。呢度仲有無限量供應嘅免費酸蘿蔔，甜酸味搭配得宜，開胃菜之首選。

我細細個已經喜歡跟父親去大排檔吃魚蛋雲吞麵，但印象中很多時對雲吞麵感覺不良！細時不懂得不喜歡什麼，大了才知道是因為很多粉麵店烹煮麵時處理得不好，令濃烈的鹼水味遺留在麵上！而且這缺陷亦不是偶有發生，很多雲吞麵店也犯下這大忌，連一些出名的也有發生！最近在各媒介看到介紹十大碗的雲呑麵很出色，愛吃的我一放工就直奔太子一嘗經典，看看能否改變我對雲吞麵的印象！店舖位於太子，不是很大，但枱與枱及椅子的空間安排是適當，也沒有太迫窄的感覺。由於之後還要回家吃飯，所以一坐下直接了當叫了一碗雲吞麵來試，雖然看到別人桌上大大粒的炸鯪魚球十分生鮮，鋪上滿滿蔥花和蝦米的炸両，令我口水直流，但也要忍忍口！落了單後大約五分鐘多少少雲吞麵便送到！價值三十三元的雲呑麵不是很大碗，四粒雲吞浸在麵與湯底之下，好明顯這碗多人讚賞的麵食一定不是以量取勝！先喝一口湯，令我兩眼發光！有喜出望外之感！一口湯便能喝出鮮甜的大地魚的鮮味，最重要是沒有確喉，連半點鹼水味也沒有，喝了一口自然想再喝。雲吞麵只有一個，麵質極爽脆彈牙，也沒有半分鹼水味！只是湯和麵已經令我對從少以來對雲呑麵印象的改觀！也可說是我吃過最好的一碗雲吞麵！最後吃主角雲呑，

☕️ 食物：👍🏻👍🏻👍🏻👍🏻 /5💰 價錢：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻 /5近期大熱嘅傳統中式粉麵店，由爺爺一代祖傳配方流傳到現時第三代，主打雲吞麵，湯底用大量大地魚乾、蝦乾等長時間熬製而成，另有粥品、炸両、酥炸鯪魚球、酥炸雲吞等同樣被客人激讚。我因時間關係暫時只係試咗雲吞麵，酥炸鯪魚球、豬膶粥就外賣～ 🍜P.S. 平日去會相對比較少人，記得開門問姨姨攞飛排隊至係醒！☝🏻💋 雲吞麵 ($33)又係慣例細細碗嘅雲吞麵，鹼水麵加4粒雲吞🍜。我喜歡先飲啖湯 🍵，唔... 無味精，飲得出係自家精心泡製嘅香甜湯底，再嚟係粒皮薄雲吞，裡面蝦、肉嘅比例大概係8:2左右，原隻蝦好彈牙，大滿足！😋 至於個鹼水麵都要一讚，係非常之爽口但只有輕微鹼水味，唔需要好似其他麵店咁加好多醋去中和鹼水味 👍🏻 整體進食嘅時候更加令客人可以品嚐到湯底嘅精髓💋 酥炸鯪魚球 ($54)魚肉好新鮮，外層嘅炸米粉脆卜卜，沾上惹味蜆芥汁，真係好好味喎！💋 豬膶粥 ($36)淨係食個粥底已經覺得好鮮甜，豬膶好滑，好厚身，好爽口，大啖咬落去真係大滿足呀！😋

店名：十大碗粥麵專家Ten Noodle Shop地點：太子汝州街45號樂勝大廈地下G/F, RoxanMansion, 45 Yu Chau Street, Prince Edward，電話: 23865025(1)     雲吞麵兩碗；(2) 狀元及第粥；(3)鮮炸鯪魚球；共二人享用本餐，合共壹佰四十二元正。食物的色香味如何：E 雲吞麵兩碗：蝦仁夠大，肉質新鮮，用大地魚湯為湯底，放上韭黃，所以烹調十分地道；麵食彈牙爽口。然而，唯一可挑剔之處是韭黃數量較少，不夠香味。E 狀元及第粥：粥底綿滑，而且及第大件，豬肝軟、大塊且爽口；粉腸和豬肚夠爽滑。E 蜆蚧鯪魚球(炸)：惹味。炸得很香魚味，外面酥脆而內軟，比一般炸魚片、炸魚蛋更彈牙，加上鹹味十足，很適合我的口味。賣相得體。環境：地方較淺窄，但清潔整齊。服 務：良好。衛生：良好。抵食：價錢合理。

值得推介既食店有驚喜既雲吞麵， 蝦味濃， 爽口彈牙！炸両皮薄餡脆，配豉油甜醬一流！炸鯪魚球無意過咁大粒， 好正， 外脆內鮮！枱頭既酸蘿蔔， 真係令人食唔停口！必定會再幫襯！想講一講， 店員親切又有禮貌， 食得好開心🥰

Hey～又係我呀！最近見朋友係社交平台寫十大碗嘅食評！緊係要湊下熱鬧啦！我都係熟客仔黎㗎！由佢開張食到依家！佢大部份撚手野我都食過！白灼豬腰潤啦！火鴨絲豬潤腸，炸兩，水餃，雲吞麵咩都食哂啦～不過我覺得做食市真心難！我自己就超級欣賞佢嘅腸粉皮超薄超滑，但我見有人就話佢太薄冇質感，但唔好話人，炸兩入面嘅油炸鬼，佢炸到脆岳岳，我又覺得，太脆太硬，我鍾意軟身一嘀！所以一百個人有一百隻哈武太郎！係冇準則㗎！明明皮薄涵靚！嘀油仔重講三講四！我幫你呀下呢個係我必叫雲吞麵，麵身彈牙，湯底鮮甜，炒香蝦殼再加大地魚煮嘅湯底好正呀！我係會飲埋個湯果嘀人！就算撈麵俾果碗，三乾一濕，我都唔捨得噴落店小二度𢱑7折，我實飲哂重有佢嘀雲吞雖然細細粒，但皮薄蝦肉新鮮又彈牙，係一碗出色嘅細蓉！佢門口真係擺哂嘀，蝦乾，大大條大地魚乾！真材實料，不過佢家下越來越紅，好多YouTuber 黎介紹佢，上次都見到西吱美食家拍片！好丫！可能之後食佢會好多人，但做得有心機又好食！我都想佢爆紅呀！其實佢價錢又實惠！地方又乾淨，因為有好多有醃蘿蔔食嘅舖頭，一入舖頭就好大浸白醋味，但佢完全冇，證明佢係好清潔好乾淨！不過，如果你叫油菜，可以出

最近去了兩次太子這間「十大碗粥麵專家」，吃過雲吞麵、炸醬撈麵同炸兩等物，真係覺得挺有水準，味道也比較傳統。粥麵店來說此店都算光猛，雖然裝修同一般茶記大同小異，但感覺也頗乾淨企理。首次下午茶時段幫襯已眼前一亮，因為看到枱上有免費任取的醃製酸蘿蔔，這是舊派麵店才有的東西，至今已買少見少。酸蘿蔔醃得酸度剛好，夠清爽白淨，愈吃愈停不了口，讚！要了一碗雲吞麵。大小配得上細蓉的名字，細細碗當下午茶小吃剛好。麵條蓋在雲吞上面，基本外觀上只看到麵，這是數十年前的老做法，再時城中大概只有「麥字派」的老牌麵店才會這樣做吧。湯頭大地魚味足，但卻不「確喉」，喝起來挺舒服。銀絲細麵雖未及「劉森記」的彈牙，但靭度也相當好，與大部份麵店相比已屬前列水平了。麵底的雲吞不太大，但蝦肉彈牙，內餡也不會只有蝦，豬肉的比例屬我喜歡的範圍，雲吞的金魚尾也做得不俗，整體來說碗細蓉挺合我心意。看鄰桌的炸鯪魚球好吸引，也叫了一客細份（有四粒）的嘗嘗。鯪魚球做得好飽滿，咬起來好實在，不會是空氣感的，魚肉鮮香，加入的米粉碎也提升了口感，而伴隨的蜆芥醬也不是死鹹，唔錯。第二次也是差不多時段去到。叫了一個炸醬撈麵。屬傳統廣東麵店的那種帶甜有

早前在網上看過十大碗粥麵專家的介紹，窩夫與蝦子餅決定擇日一試。窩夫很喜歡牆上的畫。湯麵、撈麵、生滾粥和即拉腸粉都是港人愛吃的。雲吞麵($30)用的是全鴨蛋麵，爽口彈牙，很有水準。雲吞本來是放在湯底裡的，稍嫌不夠散尾。湯底用上大地魚、蝦籽和豬骨等熬足五小時，味道鮮甜，對雲吞麵一向有要求的蝦子餅表示滿意。試完湯麵，再試撈麵，南乳豬手撈麵($38)不怕麵浸湯久了而影響口感，豬手炆得夠腍，而且南乳味非常香濃。店員落錯單，豬膶粥變了豬膶腸粉($25)，腸粉包著的豬膶超厚身，應該是窩夫與蝦子餅吃過最足料的豬膶腸。招牌火鴨絲豬腸粉($27)同樣足料，多了火鴨絲的香味，味道更加豐富。窩夫與蝦子餅一定會再光顧的，下次要試粥和炸兩，要記得不要星期日摸門釘呢。