正宗水上人氣鍋專門店 (已結業)

現在的海鮮蒸氣石鍋開到成行成市，連普通茶餐廳都有得食！不過最元祖的非九重鮮莫屬吧，再來就是一連開了很多間分店，近來轉埋做半任點任食的潮福！小妹只有食過潮福，再來就係今次這間水試人了。睇報導話係無線電視一位藝人開設的，旺角分店外，近來在尖沙咀也開了分店。旺角店的位置頗方便的，雅蘭中心出口後，步行約兩分鐘就到達。.店內因都座滿人就不多影了，不過也影這放活海鮮的位置。.餐廳佔地兩層，更有升降機載客；上到去環境頗舒服的，又不會太吵，有卡位座也有大圓檯。.茶芥醬油每位$28，花生一圍一碟收$10，另加一服務費，另外揀了一個霸王西施粥（小）做粥底。如果店內有供應埋蔗汁和酸梅湯等就好了，因為今次去只有茶、酒和汽水選擇。.醬料區，選擇比一般火鍋店來得多！.加拿大象拔蚌 $388食蒸海鮮前，友人提議先叫一份象拔蚌過過口癮。象拔蚌切得厚度適中，每片食落仍帶有爽脆彈牙的口感。.波士頓龍蝦 $228/隻波士頓龍蝦叫一隻每人一半就夠晒滿足喇，用叉子挖出大舊龍蝦肉，光是簡單清蒸已食到龍蝦肉的爽彈和鮮甜，滿足！剩下鉗的位置，餐廳也細人的有提供用具讓客人使用啊。.紐西蘭鑽石蜆 $68/份要說到這裡最鍾意的海鮮，非鑽石

事隔數月, 再一嚐蒸氣鍋既鮮味今次黎到呢間氣鍋專門店, 入內座位坐得舒服, 而且樓上仲有一層, 完全唔會覺得迫!Menu有3個set可以揀, 適合唔想諗野既人! 比較完之後都係決定散嗌, 可以試多幾款野食!叫完野食就可以出去自選醬汁配料, 仲有XO醬揀!*一拎起餐牌, 女侍應即刻提醒like, share & check in 佢地個FB PAGE就有其中一款野食送!我地揀左黃金汁聖子皇, 新鮮爽口, 加上自制醬汁, 正!!!個人比較鍾意貝類海鮮, 所以嗌左花甲同鑽石蜆, 同樣鮮甜多汁!主角波士頓龍蝦, 勁多膏, 而且肉質蒸到岩岩好, 非常爽口! *必食推介*雪花和牛粒, 份量都唔少, 而且好有牛味, 蒸完唔會過韌，值得一試!半份蟲草花蒸鮮雞, 份量都夠4個人食, 鮮雞配上蟲草花, 非常惹味, 肉質亦好嫩滑!淨係食海鮮唔夠飽?臘香鮑魚糯米飯絕對係飽肚之選!鮑魚粒配上膶腸同臘腸, 再加上自調既XO醬豉油,糯米飯入味又惹味!少見既冰菜本身比較爽口, 再配上欖菜肉崧, 確實生色不少!黎食蒸氣鍋例牌必嗌既粥, 吸收晒海鮮既精華, 充滿鮮味!埋單後, 服侍周到既女侍應再捧上一碟西瓜作結。

Hit左咁耐既蒸氣鍋終於知點解咁多人都鐘意食從menu揀左幾款大家都想食既野食Menu上面有寫埋蒸幾多分鐘就熟加拿大象拔蚌刺身，好強勁既海鮮腥味刺身又爽口，點d wasabi真係爽丫後面個個就係蒸氣鍋喇翡翠汁南非五頭鮑魚，青青香草味道。蒸既時間十分準確，一d都唔韌。餐廳仲好好係蒸前清哂d內臟更加方便食蒜溶蒸南非龍蝦，時間岩岩好蒸到熟而且肉質嫩，好新鮮。好容易從外殼吉起龍蝦肉食龍蝦個頭位又多膏係蒸海鮮既途中，叫左個粥係鍋底到煲霸王西施粥姐係雞粥。隻雞冇乜雞皮，全碗粥都唔會好多雞油，當煲好之後店員會攞碗炸米同粥撈埋一齊，好特別。食落口，米粥好綿，卻因為炸米既原因又增加左粥既口感卜卜脆

蒸氣鍋既熱潮持續到依家，今日終於去嘗試下。7點鐘去到已經有好多人食緊，我都急不及待睇menu點菜由於星期日父親節，普通2人起套餐暫時停左，所以就要散嗌。聽身邊d朋友講食蒸鍋一定要整個粥底鍋，上面蒸緊海鮮時下面鍋就煲粥霸王西施粥，其實就係雞粥。加哂材料再落水慢慢滾，值到你蒸哂你點既食物。過左9個字後，雞粥都煲成了店員最後會灑上d炸米，搞兩搞就可以食喇D粥好棉同時有炸米令到成個感覺好特別。有d脆脆係一啖又棉又滑既粥到D雞滾左9個字都仲好嫩滑因為2個女仔食得唔多只係叫多份花蛤蒸來食。隻隻都浸得夠耐好乾淨，點解咁講？因為每一隻除左食到陣鮮甜帶點兒海水味既花蛤，一粒沙都食無咬到可以好放心食。粒粒肉都大粒又厚下次要約多d人來食

近年大行其道嘅蒸氣鍋，小弟唔算食得多，皆因食蒸氣鍋以品嚐食物嘅鮮味為主，所以，一間店食材嘅優劣就成為成敗關鍵。早前同食友飯聚，就聽佢猛讚依一間「水上人」，仲標以正宗，今晚就嚟到一探究竟喺咪好似食友所講咁正 。門口仲架起名廚「周中推介」，不過，好搞笑，佢推介唔喺有咩正嘢食，而喺唔同嘅優惠時段，果然鬼馬！踏進餐廳，一室裝修以竹作為主題，雅致不庸俗，加上樓底高，枱櫈安排唔太逼，所以，感覺闊落舒服。尤其4人卡位，絕對無逼逼夾夾嘅感覺，枱嘅長闊都比一般大 。正如上文所講，食材嘅質素好重要，當睇到偌大嘅魚缸，放滿唔同種類、生生猛猛嘅海鮮，會唔會令你信心大增呢？此外，魚缸旁掛上兩塊大黑板，正正就喺是日時令揀手海鮮，明碼實價，童叟無欺。食海鮮，比起散點，叫套餐就易圍數。嚟之前都睇過人家嘅食評做參考，所以，心裡有數。餐牌一面喺散點食材，另一面就喺唔同級別嘅套餐（全部兩位起），我哋就揀個中價位（$398 / 位）嘅B餐 。影埋個酒水牌，俾大家有個參考。不過，一如好多中菜館，既收花生（每碟$10），又收茶介醬油（每位$28），仲有加一服務費依等傳統巧取嘅收費。老實講，花生都算喇，但茶介醬油就自覺有啲多

食海鮮本來不是甚麼新鮮事，但搭上近年流行的蒸氣鍋，便有一些新意思，一切又還原基本步，無須加工，大家只吃原味。隨著熱潮，氣鍋店開了一家又一家，新意又被打了折扣，不加工的原則上起了少許變化，依然不炒不煎不炸，但松露、特色醬汁、怎至是花花草草又被加了上去，這晚夜，我們來到這家名叫＂正宗水上人氣鍋專門店＂的店子，吃了一頓＂蒸＂品海鮮，嚐了一些新口味。位於旺角地舖，位置絕對不難找，＂水上人＂的標誌設計波浪型，配合形象，店子共有三層，貴賓房在樓上。門外貼上以周中為食照作背景的海報，吸引路人留意優惠，原來不同時段入座有七及八折優惠，就是繁忙時段亦會送龍蝦刺身；優惠不止，只要在面書說讚，即送象拔蚌刺身。甫進店，裝潢現代，天花牆上的竹及木，配襯著每枱桌上的草帽，設計協調。海鮮魚缸內品種衆多，自稱為水上人，據說店主在沿海長大，靠海食海，選材必有一手。價錢明碼實價，預算容易，大家可以吃得安心。有卡位及雲石圓桌選擇。附設多款特色調味料；就是湖南辣醬丶泰式雞醬及蝦醬亦提供，各式各樣，務求迎合不同客人要求。我們坐在一樓，牆壁上寫上有趣語句，涮蒸燜煮，無油煙丶最健康丶更純正，增強食客大吃大喝亦無礙之信心，真想得到。

前陣子發現蒸氣鍋，還沒機會試到，今次幾朋友專程去試試。平時火鍋就時常聽到，食到。但蒸氣鍋是怎樣呢？未試之前我估大概是火鍋上加個蒸架來蒸食物。去到餐廳見個鍋上有個尖帽，原來蒸氣鍋的蓋。已經令我很好奇。見到旁邊有很多海鮮可以選擇，有魚缸見到海鮮好生猛，保證有新鮮海鮮啦。我們選擇了套餐，A餐每位$498，有幾款海鮮，而且有雞有菜，最後仲有雞粥，一定夠飽。周圍望望，又有發現啦。讚好［臉書］有海鮮送，餐套送黃北寄貝，散叫就送刺身類（餐牌）。開估啦。打開［草帽蓋］，原來氣鍋中間會流入水，氣鍋比一般煮食用具高溫，所以令食物快熟保留原味。店員放米粒及醃鹹雞入氣鍋，放上蒸架，就可以準備蒸海鮮。先蒸附放的黃北寄貝，超大隻好厚物，肉質軟中帶爽，蒸得剛好又多汁，蒜蓉粉絲好香好好食。南非龍蝦，大大隻好雪白，肉質結實好彈牙爽口，蒸的海鮮保持肉嫩多汁，好鮮味。花蟹，好多蟹膏好甘香，唔算好多肉，但勝在蟹肉細緻鮮味，加上蒸的時間剛好熟。鑽石蜆，份量幾多，每人有7-8隻，粒粒都脹卜卜好飽滿。每放入口都爆發鮮味。最多汁，好彈牙。黑松露大元貝，好香黑松露味，與帶子是常見的組合。大元貝的確比平時的大，裙邊好爽口，元貝又嫩又滑，

契妹要去旺角買泰國牌子o既化妝袋，honey聽到又話想跟埋去。兩大美人購物完畢就大叫肚餓，契妹仲話好想一試氣鍋 ，喺網上搜索咗一輪，最終決定幫襯連個名都正宗過人o既「正宗水上人氣鍋專門店」。幾層高o既「水上人」地下裝修得好似一個竹林咁，正門不但有流水，牆上更可見樹幹上有金銀雀鳥作裝飾 。大堂中央擺有多張大圓枱，坐滿一家大細o既客人。近牆則有一列二至四人o既卡位，連個燈罩都為竹造，越望越有特色。竹林一角放滿大大小小o既魚缸，可清澈地睇到不同種類o既海鮮喺藍綠色o既水中游黎游去，生猛又醒神 。晚上七點半鐘左右，店子已八、九成滿座，幸好一樓仲有卡位剩，我地一行四人啱啱好有得坐。食店o既理念全貼於牆上 ，食客喺等待食物蒸煮時可慢慢細閱。可能大家都深受殭屍電視劇所影響，日日睇見女主角都只會諗起「ABC餐論」，四人居然異口同聲地話要食「B餐」 。「B餐」共有八道餸，分別為波士頓龍蝦半隻、奄仔蟹半隻、象拔蚌仔一隻、白汁貴妃蚌一隻、黃金甲三隻、雪花肥牛二兩、金蒜蒸勝瓜四件及霸王西施粥 。眼見於Facebook讚好、分享及打卡有野送喎，我地就立即根據指示去做，好等落單時一次過俾埋哥哥仔睇。