Le Viet

營業中

休息中

呢間係長期都見到大排長龍嘅越式餐廳，裝修係半開放式設計，而且都用咗唔同嘅顏色🔵做強烈嘅對比，豬頸肉好爽口而且油脂分佈得啱啱好，就算一個人食晒全部都唔會覺得有油膩感，亦唔會好乾，而且有淡淡嘅香茅味。串燒亦都燒得啱啱好，咬落去仲會有肉汁，醬汁都係小編鍾意嘅味道嚟嘅。三文魚卷都係食越南嘢必點，外皮煙煙靭靭而且好薄，而且裏面嘅三文魚雖然係燒過但係味道依然好清新好fresh🤩。最尾叫咗個甜品收尾，通常平時食開嘅燉蛋都係熱食或者暖食，但係竟然係凍食，以為會麻麻哋，點知都出乎意料好食嘅，而且面頭有燒過既焦糖，脆脆地

好耐好耐冇食過越南粉又好掛住滴滴咖啡，行過 the one搵到間價錢一d都唔貴就去食個 lunch。越式生牛肉粉就必叫的，湯底好濃牛肉好嫩好滑冇得輸👍🏻👍🏻👍🏻大蝦菠蘿焗飯大大隻大蝦有成三大隻，仲有新鮮菠蘿加埋一齊炒味道好好。青木瓜大蝦🍤雞絲沙律，木瓜絲好爽口，雞絲一d都唔鞋口加埋個汁好開胃好好味，我個人覺得必試。香芒糯米飯，芒果🥭好甜，糯米飯上枱仲係熱辣辣加椰汁🥥正正正。越南滴滴咖啡☕️賣相已經好特別，有濃濃咖啡香，杯咖啡真心唔錯。

喺尖沙咀想搵啲東南亞嘢食。見到呢間門口好colorful。Menu有好多泰式同越式嘅嘢食揀。所以就決定揀佢。青檸梳打。用泰國大象梳打水。啲青檸好refreshing。食濃味野最佳配搭。可以清一清個口。柚子海鮮沙律。除咗柚子仲有好多青木瓜絲。海鮮有墨魚仔蝦同蜆肉。味道輕酸微甜好開胃。腰果十分香口。香茅燒木棉魚。叫左喺出面平時比較少有嘅木棉魚。上枱時見到原條鹽燒好靚仔。魚面嘅鹽又唔係一般食鹽。絕對唔會一股死鹹味。雖然鮮味唔係特別突出。不過有好香香茅味。魚面嘅鹽亦幫忙帶出左唔少鮮味。百幾蚊食到原條靚仔鹽燒魚。性價比十分高。咖喱炒大蜆。係泰式炒咖喱。有好多雞蛋喺入面特別香。啲蜆好大隻。數量都好多。配料充足。味道偏甜好少辣。岩哂啲驚辣又想食咖哩香嘅人。另外仲叫咗個印式薄餅點咖喱。餐廳選擇多。價錢又相當實惠。點菜過程中。侍應十分友善解答問題。相當適合同朋友黎輕鬆食過飯。

同朋友嚟尖沙咀行街，驚夜晚冇位預先喺OpenRice book定呢一間喺The One嘅Le Viet，食嗰越南菜dinner。我哋兩個人先叫咗個鮮蝦米紙卷填下肚，味道同我之前喺越南食嘅差唔多，唔錯！主菜方面，我哋叫咗手撕雞扎肉湯粉同海鮮炒檬粉。手撕雞扎肉湯粉既味道不過不失，同平時既差唔多，餐廳亦都好貼心咁附上青檸同辣椒粒。海鮮炒檬粉面質乾身，唔會一pat pat，帶有少少辣味，不過整體上味道頗淡，同價錢相比唔算多海鮮。另外叫咗青檸梳打，附有來自泰國嘅梳打水，加埋青檸感覺好清新，朋友幾鍾意飲，可惜唔係我鍾意嘅味道。

1) 越式咖哩牛腩🥘配印式薄餅 ℍ𝕂$ 𝟙𝟘𝟝咖哩很稀，沒有什麼咖哩味牛腩頗多，很淋，薯仔🥔很大塊，切小一點會比較好.配上的薄餅，扁塌塌的，一點也不鬆脆小pop一直都覺得薄餅應該很難會煮得難吃的，所以這個真的很失望呢😶.2) 精選拼盤 ℍ𝕂$ 𝟡𝟞拼盤有春卷、豬頸肉、蝦餅🍤、扎肉蒸粉包春卷不脆，已經淋了豬頸肉不過不失蝦餅🍤不彈牙，很硬的扎肉蒸粉包皮不太厚，對比下算是不錯了.3) 蒜蓉炒椰菜苖🥬 ℍ𝕂$ 𝟞𝟞份量很少，椰菜苖很硬，硬得好像還未炒熟一樣蒜頭是原粒放上去炒的，所以也不是蒜蓉，而是蒜粒😓.小pop每次經過都看到有很多人排隊，所以小pop一直都覺得這間餐廳應該很好吃的所以真的令小pop很失望呢.....😶.不過可以稱讚的是，服務員的服務態度很好，很細心👍🏻不過小pop應該不會再去了, 因為性價比真的太低了....

行經the one上去睇戲時, 不時會見到呢間鋪頭排晒隊咁, 今次終於搵到機會黎一試究竟. 開放式嘅design, 雖然枱多, 但唔會有焗促嘅感覺, 不過就會嘈少少, 有得有失啦.嘢食方面又真係唔錯. 青木瓜絲大蝦沙律夠足料, 大蝦好食, 青木瓜絲幾清新, 而且個量都唔少~~ 豬頸肉米紙卷亦唔錯, 但更出色嘅係燒木棉魚. 燒得好香, 配埋啲鹽好好味, 而且食落冇影出黎咁乾, 值得一試.食越南嘢, 一定要叫個粉食嘅, 咁個粉就中上啦, 如果食量唔大, 不妨留返啲位食其他嘢. 因為最精彩嘅應該係最後呢兩樣.... 一個係滿到瀉嘅椰青海鮮飯, 個椰汁嘅椰味好香, 淋喺海鮮飯上面, 成個飯說不出的好食, 鍾意椰味嘅人不容錯過. 至於海鮮酸辣鍋, 足料之餘, 個湯好正, 有海鮮味, 而且酸酸辣辣咁 (唔會太酸), 開胃到令人食指大動.overall黎講, 幾唔錯, 難怪成日都見到咁多人排隊. 如果唔想排咁耐, 好似我咁8點幾先到就得~~

Lunch time喺尖沙咀同同事食飯，想坐得舒服啲，所以去the one，最後揀咗 Le viet 食越南菜。lunch set總共有九款選擇，有齊飯、湯粉、撈檬、紅白肉。呢個係海鮮炒檬粉($68)，海鮮用料好足，唔會剪到啲魷魚細細粒，食落有口感，有啖啖海鮮嘅感覺。撈檬炒得幾香，比較乾身，調味主要係用咗黑椒同香蔥，唔會話太濃。海鮮同埋檬粉嘅比例都好好，實在唔鍾意一大碟粉然後冇餸嘅感覺，所以今次好滿意。加$8可以轉特飲，叫咗杯青檸梳打，貪佢清清哋唔甜但又有汽可以過癮。原枝泰象梳打水，信心保證。梳打水睇落唔係好大，不過都夠裝兩杯。女同事嚷著要甜品，咁就叫個精選甜品拼盤($108)share。一個dish有齊芒果糯米飯、焦糖布丁、越南綠豆拉椰糕。芒果糯米飯椰汁另上，可以個人化選擇落幾多椰汁，好細心安排。越南綠豆拉椰糕清清哋，煙煙靭靭，就咁用叉係拮唔開，要用刀切先得。Creme Brulee濃郁綿密，更加飽肚。

朋友話想試下越南菜，之前係附近食野，見到呢間Le Viet，知道係食越南菜，所以約佢係到食晚飯。要去呢到好簡單，尖沙咀港鐵站行去The One，再上電梯到4樓，就會見到Le Viet亮麗既招牌，藍色既圍檻同埋半開放式既設計，令人好舒適。朋友都啱啱到，7點既時候唔算太多人，侍應好快就帶我地埋位。餐廳入面有一D長枱高凳，可以俾一班人約埋一齊食飯。我今晚打算同朋友傾下心事，所以就去咗最入面既位置坐低。枱上面既碟係黄色同埋綠色，顏色活潑，睇黎走年輕路線啵～^^MENU封面設計簡單，但入面都有好多野食揀㗎！椰汁紅豆冰 ＄28白色既椰汁飲落散發淡淡既椰香，唔會太甜，內裡既紅豆唔硬，唔錯唔錯！青檸梳打 ＄28朋友就點咗青檸梳打，上枱一刻都幾有驚喜！梳打同埋青檸竟然係分開上。梳打水係樽裝咁上，睇得出係泰國出產既，每一樽都印有食用日期，保證適合飲用。將梳打水倒入一杯裝滿冰、上面有幾片青檸既杯入面，即可飲用。開頭仲擔心咁樣會冇咗青檸味，但係朋友飲咗一啖之後，表示有氣之餘，不失青檸味。LE VIET精選拼盆 ＄98因為睇住MENU，真係會心大心細，好想食好多野，所以就叫咗精選拼盆，貪佢有4款唔同既小食，一次

位於The One 的這間越南菜，格局很開揚，空間感強。裝潢讓人整體的感覺是色彩很豐富，由最外圍的藍色欄河，黃色綠色白色藍色的椅子，不同顏色的碟子，很有型格。以The One 的地段和租金計，食物價錢屬相宜，不用$100 都吃到。精選拼盤精選拼盤包含四款食物，包括蝦餅、燒豬頸肉、春卷或扎肉粉包。蝦餅的外層炸得香脆，內裡彈牙。燒豬頸肉的火候控制得宜，香口得來亦保留著肉汁。春卷內含冬菇絲和肉碎，炸得香口。扎肉粉包的粉皮晶盈透薄，粉包上以一片扎肉和炸蒜壓著，內裡包裹著豐富的餡料，有肉碎、冬菇和小蝦米等。鹹魚炒芥蘭芥蘭炒得爽脆，伴入鹹魚來炒味道帶點點咸香，薑絲和蒜蓉除了可有助把鹹魚可能帶來的腥氣減至最低外，又可讓整體的味道提昇。超載椰青焗飯椰青焗飯果然很超載，滿得上面的飯都快倒下。焗飯包含墨魚仔、蝦和蜆等雜錦海鮮和雜菜粒，椰醬味道很濃。味道雖然好，但卻有點甜膩，多吃會感到飽滯。青檸梳打梳打採用Chang 牌的梳打水，很具東南亞風味。梳打水本無味，青檸梳打就是有氣的檸水。如果想喝梳打汽水的，請留意一下，別點錯哦。