No Money So Lonely

營業中

休息中

呢日下晝友人約咗我嚟呢間餐廳 一見到個餐廳名即刻笑咗出嚟 冇錢真係會好寂寞😂 好彩呢間餐廳唔會好貴 所以冇乜錢都嚟到見朋友食飯🥰前菜是日餐湯係甘筍忌廉湯 入面仲有甘筍幾真材實料🥕 田園沙律 有幾款蔬菜 例如紫椰菜 火箭菜 沙律菜等🥗泰式全日早餐從來未食過泰式嘅All Day Breakfast 除咗常見嘅配搭 沙律 煙三文魚同雜菌奄列之外🍳 仲有焗薯仔同天婦羅蝦 蝦肉彈牙 最有驚喜嘅係香蕉班戟😻 香蕉pancake上面仲有朱古力醬🥞 佢係香蕉蓉再配粉漿煎出嚟嘅pancake 本來已經甜甜地幾好食 再配埋香蕉嘅好朋友朱古力醬真係冇得彈啊🍌冬蔭公海鮮炒飯本身都有啲擔心個冬陰公味太出色 會好酸同好辣 但係食落又唔會出現呢個問題🤣 係一個比較大眾化都接受到嘅酸酸辣辣 入面嘅配料有魷魚 蝦仁同埋蜆肉 加埋蛋絲已經係一個令人滿足嘅午餐😌唐揚魷魚由於友人好鍾意食魷魚 所以見呢個加配價幾抵食 就嗌一份試吓啦🦑 唐揚魷魚圈有四件 魷魚彈牙有質感 配蛋黃醬 一啲都唔油膩餐飲美式咖啡 呢杯齋啡夠晒健康 又冇糖又冇奶 啱晒健康人士☕️ 青檸梳打 酸酸甜甜超級開胃🍋餐廳有好多動物嘅擺設 最矚目嘅當然係門口嘅老虎🐅

係旺角返工lunch係多選擇且競爭激烈，但今次同同事食完都要激讚下呢一間位於TOP既no money so lonely 👍🏻裝潢同菜單都好有心思，最緊要食物好食夾大份！就連裝梳打水既杯都好打卡able!泰式全日早餐 $128大大隻炸蝦🍤2舊焗薯、4塊香蕉🍌朱古力煎餅🥞，仲有煙三文魚、炒蛋同沙律🥗多到同事食唔曬焗薯😂Lunch set 餐湯同沙律🥗都高質，我揀既配餐沙律有大大粒藍莓🫐、切粒火龍果肉，好開胃。泰式燒春雞（半隻）$138配香茅油飯同秘製醬汁,最緊要係雞肉好嫩，鎖曬汁😋黎呢度絕要必食👍🏻 雖然要等20分鐘，但值得等！

今日午餐去左旺角No Money So Lonely，呢度裝修好有特式，黎影人相同食物相都好，處處打卡點。呢度做泰式fusion菜式。午市有套餐，由中午12點至下午3點供應，包田園沙律或是日餐湯，主食7選1同飲品5選1。仲可以優惠價加配小食或者甜品。如果想飲其他飲品可以原價減$20升級。田園沙律係加左少量酸酸地醬汁既新鮮沙律菜，上面加左鮮甜藍莓幾粒同車厘茄。作為一個跟餐沙律都唔錯。泰式全日早餐 $128 另加一焗薯仔，天婦羅蝦，煙三文魚，雜菌奄列，香蕉班戟一上枱見到呢份泰式全日早餐都嘩一聲，份量唔少。煙三文魚3片，捲得靚靚放中間。天婦羅蝦兩隻，炸得塊皮好脆。雜菌奄列兩片，煎得薄薄地又唔油。蛋入面有少量菇粒。連皮焗薯仔兩大個，好健康。香蕉班戟4片，外面好似少少燶，上面加左朱古力醬，食落帶淡淡香蕉味，都唔錯，口感又淋，又少甜。少有早餐有班戟食。另外仲有沙律菜。椰香咖哩雞比薩 $112 另加一黃咖哩薯蓉，雞髀肉，洋蔥，辣椒，菠菜葉，椰絲，芝士真係好鍾意No Money So Lonely既比薩，呢個椰香咖哩雞比薩未食先聞到好香咖哩味。批底係我最愛既超薄脆，食完唔會過飽。每塊批上面都有黃咖哩薯

今日午餐去左旺角No Money So Lonely食，之前黎過食晚餐，我好鍾意呢度既pizza。今日第一次黎食午餐。午市有套餐，由中午12點至下午3點供應，包田園沙律或是日餐湯，主食8選1同飲品5選1。仲可以優惠價加配小食或者甜品。如果想飲其他飲品可以原價減$20升級。田園沙律田園沙律係加左沙律醋既新鮮沙律菜，上面加左少量洋蔥絲，鮮甜藍莓3粒同車厘茄一粒。作為一個跟餐沙律都唔錯。泰式肉碎蝦蝦蝦比薩 $128 另加一我好鍾意試唔同口味既比蕯，泰式肉碎同蝦呢個combo又真係唔覺其他地方有得食。批底係我最愛既超薄脆，食完唔會過飽。每塊批上面都有一隻基本上全去殼既蝦，再加上秘製打拋豬辣肉碎，大量邪惡熱溶芝士，最後灑上少少車厘茄，洋蔥絲，同3種唔同既辣椒，食落味道酸酸甜甜又辣辣地，個汁真係好好食呀。質感仲係薄脆中帶濕潤。呢度既比薩真係永無失望。阿菇叫菇菇整個菇菇沙律比阿菇食 $98 另加一阿菇叫菇菇整個菇菇沙律比阿菇食超大兜，有新鮮沙律菜墊底，上面有泰式水果沙律，即係蘋果粒，火龍果粒同芒果粒，味道偏酸，加左少少醋。另有一隻大波特菇上面有厚厚芝士蓋，食落非常多汁。炸雞髀菇3條，絕對係外脆內多汁