驚安燒肉商店

營業中

休息中

早有聽聞呢間燒肉店平、靚、正，今次終於嚟到佔地4000呎嘅燒肉店。燒肉店環境都算寛敞，張枱幾大放到幾多野，唔會太噪傾唔到計，亦唔會好勁油煙味。餐廳選擇唔少，有齊牛、雞、豬、海鮮，仲有啲特色串物。▪️九宮格燒牛盛合 $288有齊厚切牛舌腩、A4和牛上蓋、A4和牛腩、Prime牛小排、M9內裙肉、安格斯霜降牛、生薑燒牛小扒、壺漬牛肋肉、汁燒護心肉 9款牛肉。和牛真係無得輸，紋理好靚，入口滿口油脂，口感滑嫩，肉汁滿溢。生薑燒牛小扒醃得好入味，肉質軟腍富肉汁，入口帶淡淡薑嘅香氣。▪️特大薄切牛舌 $68其實本身我本身係想嗌厚切牛舌，點知唔小心叫左薄切。牛舌細細塊，但份量十足！燒左好耐都仲有超多片，真係燒到嬲左，勁有衝動一次過倒晒落去炒。牛舌爽口，牛味比想像中濃，略嫌牛舌size偏細，食得唔太爽，亦要花好多時間燒。▪️柚子漬雞肉山 $38痴咗線！38蚊竟然有咁大座嘅雞肉山！仲要質素都幾高！雞肉嫩滑，醃得入味，入口淡淡柚子酸甜清香。兩個人食呢座山都飽左一半，真心超抵嗌！▪️紫菜月見飯 $28飯 x 生蛋 x 飯素 x 燒汁 x 紫菜，基本上係不敗組合，同牛角嘅温泉玉子飯不相伯仲。月見飯甜甜地，就咁食都唔會

地點在尖沙咀金馬倫道中心地段，離港鐵尖沙咀算近，樓上店舖，環境舒適，枱與枱之間闊落，抽煙系統很好，室內不會大煙大油，我們試及柯打了 日本和牛 A4 肉眼上蓋，九宮格燒牛盛盒，紫菜月見飯，柚子漬雞肉山，芝士年糕 配煉奶（這個好好味😍），全部都唔錯，中午所有食物有七折，就抵食好多，晚上沒有折扣。。。。（所以提議大家中午先來唷😬😬😬）但落單要全部自助，使用手機掃碼，在手機自己選擇，介面算得清晰，一入單很快就上菜，雖然不是放題，係散叫，亦有限時 90分鐘，美中不足。

💛筲箕灣嘅「激安燒肉工房」相信支持開良心小店嘅朋友都唔會陌生，但係原來佢地係尖沙咀都唔同名嘅分店，今日就大家試下呢間姊妹店 -- 驚安燒肉商店 😍店內係用QR code 網上點餐，都幾方便，而且野食價錢真係幾親民又多選擇，店員服務都唔錯架，會提醒客人要先燒無腌製嘅肉唔會搶咗d味👍🏻👍🏻野食黎到➡️”柚子漬雞肉山”真係估唔到咁大份, 大大話話都有10塊以上，仲要只係$38夠哂親民😍😍味道仲非常唔錯，完全無雪味，燒落仲有淡淡柚子香，絕對值得一試😋😋➡️“厚切牛舌芯”都一d都唔馬虎，厚度岩岩好仲要係舌芯肉，燒完有咬口彈牙之餘，仲要入面非常仲腍，牛味又好出，正架🤩➡️”九宮格燒牛盛合”就真係睇得又食，擺盤靚仔可以用黎打卡之外仲要有哂唔同口味同部位嘅牛，包括：厚切牛舌腩、A4和牛、Prime牛小排、安格斯牛仔骨、內側橫肌、薄燒頂級肉眼、生薑燒小牛扒、壺漬牛肋肉、汁燒護心肉。咁多款呢個價錢，真係非常抵食！👍🏻而且肉質都非常唔錯，”A4和牛”油脂分佈好好齒頰留香“生薑燒小牛扒”好入味，”內側橫肌”較有咬口牛味好濃，”汁燒護心肉”較爽口彈牙，真係必點之選，基本每台都會叫😎😎唔好睇少佢每款得幾件，食落其實好飽

前一陣子呢間燒肉店既九宮格係網路上老是常出現，其實一早已經聽聞過係筲箕灣既總店，但係嫌遠一路未去，係尖沙咀開左分店位置方便得多😌雖則佔地大但都長期爆場，之前試過提早兩日訂檯都無位，呢次提早成個幾禮拜終於得左😀值得一讚係處理訂檯嗰位店員無論Whatsapp定係電話聯絡上都幾有禮貌🤫▪️ 九宮格燒牛盛合（7.5/10）💲288店員介紹話應該由無汁到有汁即係由淡到濃味咁食，但就無逐一介紹亦都無標籤，變相要一路食一路估🤔個🌟厚切牛舌腩厚身得黎帶有嚼勁、🌟A4和牛油脂豐盛，入口即溶，牛味香濃，下次會選擇單點呢個、🌟Prime牛小排油脂均勻，牛味都唔錯既，薄燒頂級肉眼、安格斯牛仔骨、芫茜辣漬牛梅花對芫茜控既我黎講唔突出，但係食到有點兒辣味、生薑燒小牛扒既薑味都幾重，可惜個人麻麻地薑、汁燒護心肉，一如本質會偏韌、壺漬牛肋肉😛不過呢間既幾款醃製肉醬汁都太濃味，會略嫌蓋過肉既鮮味，個人都係鍾意佢原汁原味既多啲，醃製既話去返我曾經講過既Futago會比較出色🙈▪️ 厚切牛舌芯（8/10）💲78九宮格入面得兩片唔夠喉，額外再點多一盤😎▪️ 豬頸肉（7.5/10）💲48邊位焦香入口爽脆，肉質幾有咬口，椒鹽調味又岩好

💛 驚安燒肉商店 💛.記得科勞  ٩(˃̶͈̀௰˂̶͈́)و些些！..............................終於放假啦 同南瓜食餐好嘢獎勵下自己先！呢間係激安燒肉工房嘅分店 第一次食黃店燒肉🤩而家新開張仲要有七折優惠 大家快啲去食🙌🏻不過提提大家 記得要book咗位先好去呀💛💛.🔅想知黃店原因請Dm💛..............................🍽九宮格燒牛盛合 $288（👏🏻9.5/10）.第一次嚟一定要叫呢個食 兩個人食啱啱好！❤️有厚切牛舌腩 A4和牛 Prime牛小排 安格斯牛仔骨芫茜辣漬牛小扒 薄燒頂級肉眼 生薑燒骰仔牛梅花壺漬牛肋肉 汁燒護心肉 哇好長呀打到手軟！牛舌腩 生薑燒牛梅花勁好食 痴鬼線🤩嗰啲無醃嘅牛唔識分 但全部都好重牛香好L正！.🍽厚切牛舌芯 $78（👏🏻10/10）.雖然薄切抵啲但呢個正到癲 勁爽口又夠腍燒到9成熟好收手 留翻啲粉紅色 加啲鹽💯.🍽厚燒橡果黑毛豬 $68（👏🏻8.5/10）.說好的厚 都唔係好厚😭但有三塊嘅都算係咁落啲鹽 燒完再點燒汁 好邪惡好夠油香🤣.🍹青檸菠蘿梳打、柚子梳打 $28（👏🏻9.5/10）.呢兩杯嘢都係好清爽