影片
更多
2021-07-16
7760 瀏覽
早有聽聞呢間燒肉店平、靚、正，今次終於嚟到佔地4000呎嘅燒肉店。燒肉店環境都算寛敞，張枱幾大放到幾多野，唔會太噪傾唔到計，亦唔會好勁油煙味。餐廳選擇唔少，有齊牛、雞、豬、海鮮，仲有啲特色串物。▪️九宮格燒牛盛合 $288有齊厚切牛舌腩、A4和牛上蓋、A4和牛腩、Prime牛小排、M9內裙肉、安格斯霜降牛、生薑燒牛小扒、壺漬牛肋肉、汁燒護心肉 9款牛肉。和牛真係無得輸，紋理好靚，入口滿口油脂，口感滑嫩，肉汁滿溢。生薑燒牛小扒醃得好入味，肉質軟腍富肉汁，入口帶淡淡薑嘅香氣。▪️特大薄切牛舌 $68其實本身我本身係想嗌厚切牛舌，點知唔小心叫左薄切。牛舌細細塊，但份量十足！燒左好耐都仲有超多片，真係燒到嬲左，勁有衝動一次過倒晒落去炒。牛舌爽口，牛味比想像中濃，略嫌牛舌size偏細，食得唔太爽，亦要花好多時間燒。▪️柚子漬雞肉山 $38痴咗線！38蚊竟然有咁大座嘅雞肉山！仲要質素都幾高！雞肉嫩滑，醃得入味，入口淡淡柚子酸甜清香。兩個人食呢座山都飽左一半，真心超抵嗌！▪️紫菜月見飯 $28飯 x 生蛋 x 飯素 x 燒汁 x 紫菜，基本上係不敗組合，同牛角嘅温泉玉子飯不相伯仲。月見飯甜甜地，就咁食都唔會
▪️九宮格燒牛盛合 $288
有齊厚切牛舌腩、A4和牛上蓋、A4和牛腩、Prime牛小排、M9內裙肉、安格斯霜降牛、生薑燒牛小扒、壺漬牛肋肉、汁燒護心肉 9款牛肉。
和牛真係無得輸，紋理好靚，入口滿口油脂，口感滑嫩，肉汁滿溢。生薑燒牛小扒醃得好入味，肉質軟腍富肉汁，入口帶淡淡薑嘅香氣。
▪️特大薄切牛舌 $68
其實本身我本身係想嗌厚切牛舌，點知唔小心叫左薄切。牛舌細細塊，但份量十足！
燒左好耐都仲有超多片，真係燒到嬲左，勁有衝動一次過倒晒落去炒。牛舌爽口，牛味比想像中濃，略嫌牛舌size偏細，食得唔太爽，亦要花好多時間燒。
▪️柚子漬雞肉山 $38
痴咗線！38蚊竟然有咁大座嘅雞肉山！仲要質素都幾高！雞肉嫩滑，醃得入味，入口淡淡柚子酸甜清香。兩個人食呢座山都飽左一半，真心超抵嗌！
▪️紫菜月見飯 $28
飯 x 生蛋 x 飯素 x 燒汁 x 紫菜，基本上係不敗組合，同牛角嘅温泉玉子飯不相伯仲。月見飯甜甜地，就咁食都唔會好齋。
▪️芝士年糕 $28
芝士年糕可以一早放係爐嘅邊邊位慢慢燒，不過唔知點解 外層燒極都唔太脆。年糕軟綿，咬開就會見到流心嘅芝士，就係平時食開個隻味，而唔係鹹香個種。
▪️青檸菠蘿梳打 $28
梳打加左好多菠蘿粒，篤埋粒青檸 酸酸甜甜幾清新，可以一消油膩感。整體嚟講，CP值都幾高，尤其係個柚子漬雞肉山！每人二百幾蚊已經食到飽一飽。如果心癮起 一個人嚟燒又想平啲，就咁嗌個雞肉山+月見飯 都已經夠晒飽。而且環境都算寬敞，地理位置方便，質素雖然唔及貴價燒肉店，但呢個價錢嚟講已經好高質，屬可以再戰嘅燒肉店！
張貼
