舍 (已結業)

呢間餐廳點心十分精美，味道都頗出色，加上有海景睇，侍應服務態度非常友善，絕對推介😁推介點心:1. 胡麻豬肉沙律(9.5/10)神級推薦!豬肉雙彈有油香，胡麻汁加入了花椒粉，帶給味蕾新鮮的體驗2. 蘋果流沙包(8.5/10)流沙包又係我既飲茶必點，呢間又係好合格，雖然蘋果味不濃，但都好好食3. 香檳金蝦餃(8/10)味道正正常常，但淨係粉紅+金色呢個顏色配搭，就令人身心舒暢，igable，打卡必點4. 花之戀(9/10)又係igable，入面係炸蝦膠，夠香口，個人覺得好味過蝦餃5. 魚子醬蝦多士(9/10)鹹鹹香香，好食其餘兩款甜點，話梅小番茄幾特別，酸酸甜甜，桂花糕就普普通通，但好靚由於我係第五波疫情剛過既平日下晝去飲茶，當時人流好少，室外對住海景真係好chill。呢個地段，有海景睇，人均400，可以打卡，味道不俗，絕對值得回頭。始終我覺得出去食野，唔單止野食要好食，靚景靚天氣可以幫餐廳加五少分ps. 呢間下午茶set人均300，更平pps.繁忙時段有90分鐘限時食物:9/10性價比:8/10環境:9.5/10服務:9.5/10

週六約咗前輩飲茶，是日天氣好好，原來放假對住維港咁靚嘅天同景食野，真係會有幸福嘅感覺餐廳是日望出去嘅景色，好天又靚餐廳內部裝修以木，香檳金，粉紫為主調！好啦來到正題野食，先來花之戀，即春卷，不過整到到成朵花咁，上面再撒上蟹籽，好見功夫同心思，味道蘇脆好味香檳金蝦餃，粉紫色粉皮上有金萡，賣相幾好，內餡蝦肉都好食，不過可能為做效果，皮個人覺得有小小厚。蟹籽黑豚肉燒賣，用左黑豚肉代替普通豬肉，黑豚肉嘅甘香，食材上已經冇得輸香煎黑豚肉小籠包，又係用黑豚肉代替普通豬肉，不過用煎嘅方式呈現，底層有脆片防煎穿又可以製造多一重口感，包內肉汁多到可以用吸嘅，系口感層次同味道上都系唔錯嘅呈現蘇皮菠蘿叉燒包，以一口式菠蘿包，皮做到好蘇脆，內餡叉燒多汁又唔太甜，唔錯古法金錢肚，原本見用哩個容器以為餐廳會加上蠟燭之類保溫，點知系冇嘅😅，所以系易凍，要快啲食，不過金錢肚都腍，唔難嚼埋單每人$263。假期有時間來哩間飲下早茶睇下維港景的確好令人心曠神怡,不過記得佢11點先營業，但都唔好晏去，因為人一多個感覺會冇咁正喔

這間位於國金IFC連卡佛裡面的中菜館#舍，碟碟點心賣相精緻#igable ，絕對又靚又好味😋。上湯金魚餃$68 😋😋😋😋😋/5金魚造型超可愛，餃皮夠薄，表面塗上金色，十足金魚在水池上游，金魚餃裡面蝦肉夠爽，讚👍🏻香檳金蝦餃$68 😋😋😋😋/5粉紅色的蝦餃皮上再掃上一層金色，華麗精緻，粉紅控必點。花之戀(蟹子春卷)$62 😋😋😋😋/5花朶🌹造型的蝦春卷，香脆又不油膩，靚到唔捨得食。太極馬拉糕$62 😋😋😋😋/5第一次食芝麻味的馬拉糕，味道不錯，有著淡淡的芝麻味，質地鬆軟。太極的賣相令平凡中帶點不平凡🤩。流心紫蕃薯$68 😋😋😋/5外皮有點脆，口感柔軟，內餡流心不會太甜，略嫌紫薯味唔突出。

今天天氣晴朗😁， 相約朋友到中環港景街1號國際金融中心商場3樓的舍吃下午茶。 餐廳 裝修時尚高貴💕， 有室內和室外的空間， 更可以望住美麗的維港景色用餐， 感覺特別舒適和輕鬆。 先點了一個超吸引的Rose Wonderland Tea Set $368， 然後再加兩款點心～蟹籽黑豚肉燒賣$62 ＆酥皮菠蘿叉燒包$62。Rose Wonderland Tea Set💕～包括有點心～玫瑰水金魚餃、香檳金蝦餃、花之戀、粉紅田園雜菜粿。甜點～大馬士革玫瑰馬豆糕、甜蜜玫瑰饅頭、粉紅芒芒、大馬士革玫瑰燕窩蛋撻、流心紫蕃薯，還有飲品兩杯。玫瑰水金魚餃～粉紅色的玫瑰水金魚餃，外層有淡淡的玫瑰香，餃內有很多蝦肉，很吸引。香檳金蝦餃～ 晶瑩通透的外層， 點綴高貴的金粉， 蝦餃肉質爽口， 內外兼備。花之戀～ 香口不膩， 脆卜卜的口感。粉紅田園雜菜粿～ 賣相吸引又好味， 雜菜的餡料， 食落比較清新。大馬士革玫瑰馬豆糕～ 食到清香的玫瑰味， 囗感軟腍。甜蜜玫瑰饅頭～ 軟綿綿的玫瑰饅頭， 靚到唔捨得食。粉紅芒芒～ 配上芒果餡料， 味道香甜。大馬士革玫瑰燕窩蛋撻～ 燕窩蛋撻適合女士們養顏又美味。流心紫蕃薯～ 一啖咬

行過IFC 連卡佛，會發現女士護膚品區內有一間叫「舍」的摩登中餐，「舍」的陽台位置坐擁180度維港景，餐廳室內則以大自然為主題，其設計風格富時尚感又不失輕鬆的氛圍，菜式和飲品亦融入了摩登的中國特色和健康元素。這天與姐妹們來吃lunch 試試餐廳的中式點心及招牌菜式，當然也少不了多款經典的亞洲風味雞尾酒。推介點心有香檳金蝦餃，呈粉紅色帶金粉的蝦餃皮好靚，裡面蝦肉大大粒。小食如椒鹽豆腐亦皮香內滑，作為下酒菜也不錯！特別小菜有竹秘製辣椒炒蝦球配炸饅頭，吃完彈牙蝦球，再將炸饅頭沾辣椒醬汁吃，很好的配搭。蜜汁日本黑豚肉叉燒以熱住上，再以片皮鴨的食法用片包著叉燒來吃，又一新潮食法。最正係招牌花膠滋補養生鍋，每人一大塊花膠，每口都是漿口的骨膠源，飲埋個上湯真爽！招牌炒飯炒得粒粒分明，好有蛋味，𥚃面有蛋、叉燒、蝦仁、菜粒等用料十足。最後還有豐富的甜品拼盤，有主角楊枝甘露、燕窩蛋撻仔及桂花榚，甜度適中，肯定被我吃光光了。雞尾酒方面，Night Jasmine 是以Carlo Alberto White Vermouth 配茉莉花糖漿及柚子汁，入口清新。Geisha Punch 則以Hendrick’s

🍴ᴍᴀɪɴ·香檳金蝦餃 $62﹟好eye-catching既蝦餃, 桃紅色皮上再加d金色作點綴, 完美地升級左🤩個皮都算薄身, 個餡都好足料, 每粒都有原隻蝦, 口感不錯, 滑滑der, 不過食落比較偏油😯🍴ᴍᴀɪɴ·國寶芝麻包 $48﹟個包既樣夠哂cute, 可惜佢唔係流沙包類, 個包皮比較偏硬同埋乾, 個芝麻餡偏少但聞落有d酒味, 食就唔係好食到🤔唯一欣賞既地方, 係個包唔會太甜😂唔需要encore...🍴ᴍᴀɪɴ·瑤柱菜苗餃 $58﹟唔講都唔知食左瑤柱落肚, 個餃皮厚薄適中, 裏面既餡料爽脆有口感, 而且無肉, 感覺比較健康😎🥤ᴅʀɪɴᴋ·人蔘烏龍茶 $118﹟呢個茶都係重點之一!!!第一泡茶比較淡, 淨係出左烏龍茶既味道, 但去到第二泡茶, 佢發揮到人蔘烏龍既味道喇😍先係烏龍茶, 然後再有人蔘既甘甜🤤愈飲愈上癮🥰🥰

喺IFC Lane Crawford 裡面嘅新式fusion 中菜廳，lunchtime 過來飲茶☕️餐廳內部裝修精緻優雅，外望九龍ICC海景，而今日天氣晴朗☀️，更覺得景致優美👍🏻我哋叫咗香檳金蝦餃（蝦肉新鮮彈牙👍🏻）、魚子醬黑豚肉燒賣（肉汁juicy👌🏻 ）、魚子醬蝦多士（香脆可口蝦肉彈牙👍🏻)、那些年腸粉（太普通，同傳統腸粉差唔多囉😅)、太極馬拉糕(雙色就係傳統馬拉糕加咗芝麻味，不過唔夠鬆軟，都係傳統嘅好味d😅)、酥皮蛋撻仔(其實就好普通，不過我鍾意食😆）、炒豆角(反而最好食）同黑豚肉叉燒煎蛋飯（黑豚肉入味軟腍👍🏻），其實同一般中菜廳點心差不多，fusion 在於整色整水，加d顔色魚子醬咁，上碟賣相靚咗😆

今日和朋友往中環IFC舍食午餐, 餐廳在連卡佛近賣化妝品的位置, 我們點了香檳金蝦餃, 椒鹽豆腐和秘製龍蝦炒面。香檳金蝦餃粉紅色的外皮, 賣相吸引,皮薄餡靚,蝦新鮮彈牙, 食落有香檳的醇香, 口感細緻；椒鹽豆腐炸得金黃, 豆腐外表香脆, 豆腐軟腍, 入口即熔,配上醬汁提昇口感, 食落惹味；最後秘製龍蝦炒面賣相吸引, 龍蝦切得細細粒, 肉質新鮮彈牙, 味道鮮甜,炒面炒得乾身醒胃, 食落爽口。餐廳座位舒適, 可看維港景色和摩天輪, 食物賣相吸引高質, 朋友相聚好地方。

上個星期有個朋友返黎揾我地, 佢去左德國幾年, 終於返黎揾返我地, 咁耐無見, 所以約左佢去一間比較高檔既中菜食飯聚下舊。間餐廳雖然係食中菜, 但係去到我地發覺店員全部都係外國人, 有啲出乎意料之外既感覺。呢間餐廳叫做「舍」, 英文就係「舍」既普通話拼音 「She」，我發覺近來中環越黎越多類似既餐廳不斷湧現。去呢間餐廳最好問下路, 因為佢位於IFC既連卡佛旁, 唔係太易揾, 但係一去到門口就覺得好high class，我地坐既位背後係一大塊玻璃窗, 從IFC望出去就係醉人的維港景緻, 好令人陶醉!!店員都非當有禮物, 男店員同我地講野既時候, 都係半鞠躬既形式, 超有禮貌! 我地點左一啲點心, 因為個朋友真係好鍾意食點心, 而響德國佢住既地方又唔係有太多正宗既點心食, 難免會有啲 “思鄕”。首先黎左個 “蜜汁黑豚肉叉燒”, 係有個小火爐熱住, 所以都keep住係暖, 雖然我地無一口氣食晒, 但到最後尾啲叉燒其實都無被煮到過熟, 可能個火都只係好細, 所以係剛剛好可以令個叉燒一直保持微熱。叉燒係半肥瘦, 肥既地方唔多, 係兩大塊肉之間有一層薄薄既脂肪, 叉燒食落係非常之tender, 肥

今晚約了舊同學到IFC相聚在云云餐廳中選了這家中菜先點了招點心香檳金蝦餃粉紅色的外皮原來以紅菜頭汁製成外形搶眼蝦肉鮮味突出流心紫蕃薯外形十分精緻外皮香脆咬一口番薯蓉流出甜而不膩作為前菜一流椒鹽豆腐外皮炸得脆脆內裡豆腐卻滑得過份點了小鍋招牌花膠滋補養生鍋材料有花膠螺頭杞子桂圓紅棗等湯頭清澈看得出是經過時間的歷練蜜汁黑豚肉叉燒是我的最愛黑毛豬肉半肥瘦入口甘香配一碗白飯一隻煎蛋幸福無比秘製龍蝦炒麵氣勢磅礡龍蝦肉鮮甜彈牙份量也不少全蛋麵有微微的XO味既香辣又惹味最後以太極馬拉糕作結馬拉糕以太極形狀造成有原味及黑芝麻味香甜可口侍者貼心有禮我們都十分享受

數數手指，係IFC食野既次數確係五隻手指數得哂，價格固然係一個原因之一，但偶爾都要獎勵下自己又或者同另一半食餐好既，今次揀左呢間中菜館。環境位置比較特別，係位於一間賣名牌既店舖入面，所以一開頭都搵唔到間餐廳，一入去就有酒吧位置，餐廳格局似西餐廳，仲有户外座位對住海景，氣氛一流。餐牌選擇十分多，都有套餐可選，價格固然不便宜，但既然到訪就揀自己想食既。椒鹽豆腐 $88簡單但好考師傅功架既一道菜式，豆腐咁易爛既食材要沾上生粉去炸，油溫、時間都要控制得好好。份量適中，每粒大小均稱，外層酥脆，沾附少少既椒鹽調味岩岩好，內裡豆腐嫩滑，做頭盤小吃很不錯！招牌花膠滋補養生鍋(1-2人份) $298呢個係1-2人份，用上等花膠、蟲草花、杞子、紅棗、乾螺頭、准山、桂圓、豬骨等等多種材料用慢火熬足12小時，標明無加味精。店員會幫忙分湯，十分足料，飲落好清甜，湯頭因花膠膠質增添濃稠度，但又唔會漿口，口感舒服，花膠亦夠大塊，會吸取返湯汁，有咬口。除左1-2人份，亦有多人份$888。蜜汁黑豚肉叉燒 $198/例食fusion既中菜餐廳，食豬肉的話大多都會選用黑毛豬，呢到亦不例外，選用來自加拿大既黑毛豬，上枱仲會用

復活節最後一日假期，喺IFC睇完戲順道晚餐~ 黎到以前喺連卡佛入面既Angelina位置，試試呢間中菜《舍》。餐廳內外融入五行元素以木、金色作主調，綠色植物牆身點綴，裝潢風格高貴之餘，又不失時尚感!呢度亦有提供afternoon tea set($328 for 2) / cake set($98)，價錢貼地之餘，最正緊係個靚景啦~ 雖然係中菜，但酒吧區都整齊展示左唔同種類既酒，仲有happy hour 時段~ 甫進店至安排坐位，感覺高貴有格調，裝修型格時尚。趁6點多天色仍然光亮，未坐定已經先到outdoor area觀賞維港景色自拍一下!! 呢個環境之下點可以少了一杯cocktail 哩~ 🍹《PINK ROOM》以櫻花酒, rose wine為主調，襯托左洛神花甜中帶點酸既味道~ 🍸《NIGHT JASMINE》有茉莉花既優雅、輕柔清香，酒精感亦相對比PINK ROOM的少。《香檳金蝦餃》香檳玫瑰色既外皮，highlight了金色，令一粒平凡既蝦餃變得不平凡，作為粉紅控的我也被'她'吸引了! 同時亦不失內在美，一啖入口蝦肉爽彈鮮美!最近吃了不少紫蕃薯製品，之前2篇食評也介紹過~今次

星期日出差，蝕了一天假期（不過公司有補假）。平時會搭的士去機場，趁着今日星期天，一家三口先去中環食晏，然後才搭機場快線，所以，開餐地點就揀了機鐵香港站上蓋 ifc Mall。出差期間應該唔會食中菜，所以揀了「舍」 - 即使似乎只是摩登版中菜館。同一個地址以前是來自法國巴黎的老牌 cafe Angelina，當日進駐香港，傳媒也有廣泛報導；估不到只是四年左右，便𨦫羽而歸，撤出香港。去年由餐飲集團「Gaia Group」承租原址，但換成中菜館「舍」。「Gaia Group」以高級意大利餐廳起步，近年進軍東南亞風味餐廳市場，也加入了意式 fusion 元素；中餐館系列就以相當正宗的北方菜「王家沙」為主。繼早兩年的「Tyfun Dim Sum」的廣東點心小試牛刀後，「舍」進一步進軍中高檔廣東菜市場。始終母公司主力西方餐飲，即使旗下這兩間廣東菜館口味正宗，但室內裝潢無可避免參考西餐廳風格，感覺上較為摩登，迎合西方客人品味 ⋯⋯ 始終「舍」位於中環區其中一個最高檔次商場內。裝修靚，但實在太似歐洲大城市的小餐廳，與中餐有點格格不入，如果唔係見到放在枱面的碗筷匙羹，很難想像是一間中菜館。靠近門口的座位