籠太子點心專門店

營業中

休息中

一進店一舉頭就看到一個個雀籠, 完全反映店鋪取名原因 - “籠太子”。整間店鋪都是水綠色的, 裝修很有文青風, 感覺很舒適。(雖然裝修不俗, 但雀籠都鋪滿塵, 該清洗一下 😅)我們總共點了十一碟點心, 我並不會將所有點心點評, 重點是介紹比較特別的或出色的。鮮蝦腐皮卷 - 一吃是腐皮的味道, 但卻是蔬菜的質感, 非常特別, 另外我完全吃不到鮮蝦, 或許已經被一堆菜掩蓋了。不是炸兩 - 腸粉包著的不是油炸鬼, 所以才稱為不是炸兩, 吃不到𥚃面的是什麼, 但都是炸得脆脆的。鵪鶉蛋燒賣 - 這個最驚喜的是腐皮, 它有非常濃厚的鮮豆味, 相當清新!香蒜春卷 - 外暖內熱, 第一口咬下去想像不到𥚃面會這麼熱, 食物熱騰騰已經加分, 餡料蝦肉也是非常新鮮再加分👍🏻香芒沙律盞 - 這個有點失色, 看圖片以為很特別, 卻是普通的沙律, 加上香芒汁及沙律醬, 底部承托的只是一塊薄薄的脆片。鮮芒果布甸 - 意外叫錯了這個布甸, 比上面原來要叫的好得多, 除了布甸太細之外, 味道本身很甜, 在上面鋪上芒果蓉後就更甜!整體上吃得出點心都是即叫即做, 大部份都好吃的, 而且也坐得很舒服, 難怪當晚是坐無虛席。

這是第3次來光顧籠太子點心專門店，除了因為我很喜歡吃點心的原故，因為籠太子的點心實在太美味了這次點了煎薄撐($20)、原隻鮮蝦腸($23)、上湯鮮竹卷($17)和香芒沙律盞($19)。煎薄撐的質感帶點煙韌，煎至金黃色，有點像薄版蘿蔔糕，味道ok。上湯鮮竹卷應該是燉還是蒸的？鮮竹卷很入味，不過還是有點油。每次吃點心也必吃腸粉✌🏻每節切開的腸粉也最少包著一粒蝦仁，腸粉的皮薄薄的，每層腸粉也不會黏著一起，咬下去層次分明，很有口感。芒果沙律盞用上沙律醬混合芒果醬，吃著十分清新，很開胃。

今天收工去太子找好野食，好耐未試過晚市吃點心食肆，今次就來到柏樹街的籠太子點心，叫得上專門店應該質數中上吧，見入面差唔多滿座，就入去睇睇先....入面的裝修好企理，D燈好有心思，用了新派Fusion菜用的鳥籬燈飾，老闆看來都花過唔少心機吧。呢到好多唔同國藉既客仔，坐我旁邊的是大陸口音的，後面既就有兩位黑皮膚客仔，看來都應該有遊客慕名而來吧!一坐下就問我地飲什麼茶，及來個水兜有少少茶樓Feel!呢到一張落單紙就齊晒，我在門口已被佢既老火例湯吸引，唔飲對唔住自己，先Tick左兩個老火湯，再試下一些未聽過既菜式.....呢到有個叫反斗糕、不是炸兩，唔知道"不是炸兩"那究竟會是什麼呢....哈哈! 還有千絲卷同沙律盞，個名都幾吸引!!先上檯的是那兩碗老火湯.......哈! 原來好大碗架，我地兩個人其實叫一碗都已OK...haha!! 好足料，粉葛林得好緊要，你一定要試!! 好多赤小豆，幾老火喉，飲了不口乾，看來是真。老火湯!! 再來這四個點心，老實真的不知是什麼，問了才知是我叫的反斗糕....好好味，是少型馬拉糕來的，甜度剛剛好，感覺好衛生，幾鬆軟，份量唔錯，外型都幾反斗!!煎蝦膠釀茄子，底

同朋友在太子旺角一帶行街,不知不覺走到太子對太子一帶不太熟識,離遠見這間店鋪很多人在等位相信有番咁上下質素,於是一試先黎一啲傳統啲 多汁小籠包真係好多汁,一夾起,入面啲汁就傾瀉而出肉質鮮嫩,但略嫌皮有少少厚籠太子蝦餃皇蝦幾爽口,彈牙,不過皮都係厚左少少鮮蝦燒賣皇燒賣幾大粒,蝦都幾爽口流沙奶黃包真係好流沙,一咬開流哂出黎糯米雞size好大隻,2個人其實食唔哂,入面仲有鵪鶉蛋這個比較少見煎蝦膠釀茄子茄子皮整到脆脆地,而上面蝦膠都幾爽口,唔錯香芒沙律盞沙律內全是生果,蘋果的數量很多順帶一提,其中有位服務員的態度不太友善,會串客人還會對客人說不滿意的說話但其他服務員的態度很親切

家中小寶貝 Moon (玩具貴婦狗)病了，黎緊的日子需要與牠一起長期作戰，但居住的地區附近，獸醫診所的口碑不太好，而且價值昂貴，幸好朋友介紹了一間位於太子的非牟利獸醫診所。前排，帶了小寶貝去看醫生，由於需要把小狗留下觀察幾小時觀察，於是，便在附近流連。由於要等上好幾小時，於是便在附近揾野食，順便打發時間，就在街道的轉角處，看見一間食點心的專門店叫「籠太子」，心想，中式店子，可以坐上好一段時間，於是便走進店內。店子內內外外，都以綠色為主調，餐廳的天花，還掛了一個個白色的大鳥籠，非常有趣又時尚。甫坐下來，店員即揣上水杯、碗筷及洗碗的小盤子，感覺很有傳統中式酒樓的風味。細看餐牌及相關介紹，發現這裡既有不少懷舊點心，同時也添加了創新的特色點心，三心兩意了好一會，決定傳統創新都選幾款來品嘗一下。BeautySearch 是無飯家庭，在外進餐，有機會一定會點老火湯，而『籠太子』的是日精選的老火湯，是粉葛鯪魚赤小豆，大大碗，足夠二人分量，而且用料足，不含味精，湯底清甜帶着濃郁的粉葛味，可清熱下火、祛濕潤燥，非常健康。「不是炸兩」，其實外表真的同炸兩沒有分別。其實是透薄的腸粉皮包裹著香滑鮮味的蝦膠，還

還記得以前日本朋友來香港，夜晚問佢地想食咩，十個有八個話想食點心。那些年.........香港還沒有「點心專門店」，只能不好意思的說:「點心啊..香港人都是早上、中午才吃，夜晚酒樓都無得食架.........」土生土長少接觸外國人的香港人也許不知，香港「點心」的知名度大概同李小龍「有得fight」。也不知道是誰那麼厲害，真的打造了「點心專門店」，然後很多人紛紛仿傚，現在點心店越開越多，百花齊放，做福食客們。而最厲害的，不是他們把點心文化帶到晚飯/宵夜時段，而係佢地除了傳統點心，還不斷創出許多fusion新穎的新派點心，將點心文化不斷發揚光大。今次去的籠太子點心專門店，雖然在旺區，但地點有點偏僻，有點像一間隱世小店。店內燈光與晚上比較漆黑的柏樹街成了一大對比。天花的鳥籠裝飾，讓人想起老一輩總喜歡帶埋自己愛雀到酒樓飲早茶吹水。不過白色綠色的內裝又顯出新一代的時尚氣息。廢話少說，還是試試點心的味道先實際。精選老火湯 $15一湯碗的份量、有湯有料、沒味精，$15今時今日算好抵!! (出面有D一細盅咁上，大概$3X~$4x)不是炸兩 $22炸兩是腸粉皮包油炸鬼，這個不是炸兩包的除了有響鈴，還加

平時一早返工放工就返屋企，有時要約下人出街食飯(朋友係要見架)。平時大家出去食韓燒西餐多，今次傳統D去食一盅兩件 食下點心。天花掛左好多鳥籠燈飾，可以比人回味以前茶樓滿檯鳥籠既畫面。香滑反斗糕 ($15) : 等於一個個獨立馬拉糕，唔算太甜一口一個。多汁小籠包 ($18) : 外皮十分薄四個人得我一個冇夾穿 ，包如其名好多湯汁 黑椒金錢肚 ($22) : 依家金錢肚都少左酒樓會賣(可能難整掛)。金錢肚好爽口吸曬黑椒汁好食。不是炸兩 ($22) : 外型好似反轉左既八爪魚，有朋友傻左加醋食 。海皇芝士千絲卷 ($20) :用鮮蝦、冬菇、芝士一齊炸成，好脆身咬落"索索"聲，不過冇咩芝士味。原隻鮑魚燒賣 ($26) : 鮑魚細細隻好彈牙，我第一次見精籠係橢圓形。香芒沙律盞 ($18) : 扇貝形沙律盞放滿好多沙律同芒果，不過有D甜過頭。同朋友食完咸食，係時候轉戰去食甜品

之前有朋友試過話幾得，所以今次又帶嫲嫲出城搵食喇！而家新派點心餐廳既興起，中意幾時飲茶就幾時⋯好方便我地呢啲後生仔女啊！首先入到去，成間餐廳既格局係好cafe feel，很年輕，所以都吸引左唔少區內既年輕「茶膽」係度打躉  今次我地叫左呢啲，排名不分先後：鮮蝦燒賣皇(2粒)-> 紅棗糕-> 不是炸兩-> 香芒沙律盞-> 鮮竹牛肉球-> 原隻鮑魚燒賣(2粒)-> 海皇千絲芝士卷海皇千絲芝士卷：我諗可能係一般春卷既進化版⋯因為佢有一般春卷會用既餡，但外層就用一絲絲既麵條包住，有心思之作，入口唔會好似春卷咁油淋淋、好快飽，食多舊都得 鮑魚燒賣都不過不失，但有點失望⋯因為佢只係係普通燒賣上面加隻鮑魚，個餡冇咩驚喜(・ω・)ノ鮮竹牛肉球：搵返細個同屋企人係鄉村茶樓食過既味道⋯裡面有：馬蹄粒、芫荽碎；其實牛肉球要整得好食都有難度，如果處理得唔好會好腥、餿水味⋯不是炸兩：有驚喜～裡面原來唔係用油炸鬼整而係一啲類似春卷皮既野整出黎，食第一舊已經有想encore，但不幸地我食中一舊有好多中芹 ，整體黎講係幾好味既^^因為我好中意食燒賣既關係，我就叫左兩隻唔

點心我還是比較喜歡吃懷舊的，每次吃都好像回到小時間的家人帶到我茶樓飲茶的感覺。不過現今慢慢興起像餐廳的點心專門店，為想飲個靚茶既朋友造就方便。更加慢慢變成正餐，早、午、晚也能隨心而吃～這裡裝修雖用上鮮色的綠色，加上天花吊著多個鳥籠燈飾，相當有特色。點心妁紙雖沒有圖片選擇，但卻細心地分開了件數（某些款式），客人可以多吃一點其他喜歡的款式。香滑反斗糕其實就是馬拉糕的味道，改變舊式的外觀，但味道丫是原始的，呵呵～視覺上還算新奇～流心奶皇包可算是一流之作，包不會糊口，皮薄餡多，一撕開便湧出滿滿的奶黃流沙，香滑濃郁，必吃之選～！鮮蝦燒賣皇是飲茶的例牌小菜，以豬肉碎制成，有原粒大鮮蝦，味道鮮美，肉質嫩口～雪山叉燒包其實就是西餐包藏著叉燒，加上菠蘿包脆皮，一次滿足晒３個願望，非常豐富～但缺點是油份偏多～海皇芝士千絲卷以幼麵炸至金黃色，香脆感覺要用上鬆化來形容，裡頭包著一顆大大的原粒鮮蝦，不需要任何調味都極為好吃！香芒沙律盞原本以為是很清新的一味菜，但吃下去丫是口味較重的沙津，酸酸甜甜的女生特別喜歡～加上香芒醬可當作甜品吃～一個甜品又點夠？我還點了椰汁桂花糕，非常欣賞這種一層一屠的藝術品，上層透明是桂

在家的附近開了很多的食店，令以前比較平靜的後街也變得熱鬧起來，而今次食過的就是「籠太子點心專門店」。「籠太子點心專門店」是在柏樹街9號，在太子站沿汝洲街轉入柏樹街行一陣就可以見到，回想這店以前應該是一間幫人修理水電的小店和一間汽車維修店，近來已經轉成了這一間的點心店，而這店的附近也開了一些新的食店，在這範圍的附近形成一個小食街的風氣。店是以綠色為主，由門口以至店內的牆身都是用這一種顏色作為主色，店的天花板就掛了很多白色的籠子作為裝飾，想必是和店名有所呼應。店內的牆上也掛上了很多食物的圖晝。枱子和椅子都是用上了白色，而兩人的枱組合成一些二人至六人的位。有一邊也有一些的梳化組成的位。但空間感不足，為了要放更多的位子而令行走上和進食期間都感到一些的焗促，這些在現今的食店常見的情況，不過這些事在現今的香港已經是司空見慣。看一看點心紙都有四十多種，和一般的點心店的點心數量差不多，分類上也是分了點心類、包點類、腸粉類和蒸飯類這一些大路食品，當然最重要的是每一間點心店都有一些自己店專門或是有特式的食物，不過在點心紙上就沒有特別地說明，而且有一些食物的名字單看點心紙也不能估到是什麼食物，也要由牆上的圖

到主題公園玩樂過後時候也不早了，餓著肚子，又要為食而煩惱～不久前已吃過串燒，記得有部分點心店也是較夜才關門，在openrice發現了一間新開的新式點心店，營業時間還至凌晨兩時～正好合適～由地鐵站走過兩個街口，在黑暗的街道上看到一間色澤鮮豔，燈火通明的小店，終於到達了「籠太子點心專門店」點心店坐位頗多，以4人卡座為主，一數之下發現也能容納50多人呢～而餐廳用了鮮綠色作為為主調，由店外的門面，到店內的牆身也用上了同一色系，感覺清新，配上白色的椅桌，似是置身於西式咖啡店多於中式點心店～而天花上更掛上了多個白色的巨型雀籠，中西合壁之餘，亦帶點悠閒寫意，打破傳統中式點心店的格局，應該深愛年輕一群的喜歡呢～枱頭望上天花，多個雀籠就在頭頂上，感覺十分獨特～很喜歡這種優雅感。除了雀籠外，還有一盞帶有走馬燈風格的掛燈，透著微弱的光線，更添幾分味道點心款式及食物種類較傳統酒樓少一點，只有42款供選擇，主要分成精緻點心、特色包點、特色腸粉、原盅蒸飯、綿綿粥品、香口酥點、心甜糕點、其他飲品及湯品，8大類。而茶錢則每位需要$3。不過由於沒有正式的餐牌，餐紙上亦沒有圖文並茂，於揀選一些特色點心時就有點困難了落好單

是晚我同我男朋友入左依間點心專門店食點心未入去之前已經覺得好cafe既感覺入到去好靚,好多鳥籠既圖案,藍色既背景我同我男朋友望落去隻眼好舒服我地叫左糯米雞、鮑魚燒賣、雞扎、蝦餃、是日中湯(合掌瓜)、芒果布甸同香芒沙律盞食物方面: 糯米雞好大件,入面既餡好足料!!完全唔似出面其他點心店,有我至愛既煙鴨胸!!大件夾抵食!!值得一試 雞扎油左少少,但可以接受到 入面有雞有芋頭,芋頭唔會過硬~好味!! 蝦餃我同我男友至愛食~當我夾蝦餃既時候,蝦餃皮冇筷子!!good~而且入面有好大粒既蝦,好味道 鮑魚燒賣,上面粒鮑魚係燒賣既精華~哈哈~最重要唔會硬~老人家都食到^^而燒賣都係豬肉燒賣,我不作評論了~但味道和口感好好中湯(合掌瓜),標榜無味精!!我飲落去覺得個湯真系無味精,好清甜好好味!飲完絕對唔會覺得口渴^^食完點心之後,為食既我點少得飯後甜品呢?? 芒果布甸,擺設同裝飾都好令!!份量一般,但係味道差少少,冇咩芒果味反而有椰汁味多d!! 我覺得我自己似食緊椰汁糕多d哈哈 香芒沙律盞,外觀同芒果布甸一樣都好令 但沙律醬多左少少感覺酸左d.叫得香芒我以為有芒果係沙律入