Cuisine Culture

營業中

休息中

琴晚朋友帶左我去試依間小店～龍蝦湯超濃郁，鮮味十足！多士好香脆～啱晒配湯一齊食焗咸巴約納火腿牛骨髓配法包第一次食牛骨髓，勁邪惡～好有牛脂香味😯加埋咸香既火腿配香脆法包👍🏻香草燒黑毛豬鞍架配焗薯黑毛豬鞍架勁厚切～燒得勁靚👍🏻切開見到係淡粉紅色😯外脆內軟，好正🤤伴菜嘅薯仔都好好食香蒜牛肝菌意粉牛肝菌味勁香濃，意粉彈牙👍🏻牛肝菌比較軟身～酥皮蘋果批配雪糕勁鍾意食呢個蘋果批🍎佢個酥皮勁輕盈👍🏻好薄好香脆～有陣時好怕太重牛油味🧈食多兩啖都會滯😂個雪糕仲有啲nuts❤️加埋好好食🤤

餐廳：Cuisine Culture地點：中環德己立街蘭桂芳附近菜式：法國菜餐牌：有多款前菜，兩款湯，幾款沙律，多道主菜，幾道意粉，甜品同飲品選擇。紅白酒啤酒汽水買一送一。價錢中環黎講唔貴。焦糖鴨肝醬配法包 $178法包入口size一客9片擺得好美觀，成朵花咁，伴有焦糖鴨肝醬同橙味果醬，加車厘茄配羽衣甘藍解膩。脆口法包配滑溜香濃鴨肝醬同甜甜地既橙味果醬，口感又脆又滑，味覺複雜。龍蝦湯 $92龍蝦湯用左隻大兜裝住，熱辣辣上枱。湯份量好多，味道好唔錯，帶濃濃嘅龍蝦味，上面灑上香草同少量橄欖油。仲伴有每人一塊香脆蒜蓉麵包，送湯正。香草燒黑毛豬鞍架配焗薯 $268香草燒黑毛豬鞍架配焗薯擺盤好靚。連骨黑毛豬鞍架燒得好淋，豬味濃，配燒汁味道好好。伴有七大舊薯仔，整得燶面少脆皮而內淋，加埋燒汁更好味。仲伴有蔬菜，包括椰菜花，羽衣甘藍，波菜苗同車厘茄，色彩配搭有心思。黑松露醬野菌意粉 $158意粉係幼身spaghetti，質感al dente而且好滑溜。野菌份量唔少，質素唔錯。最後灑上香草同放上黑松露醬，仲有少少蒜片。黑松露味道好香，成碟意粉都夠味。是日甜品 $88是日甜品係麵包布丁配雪糕，平時好少食

喺中環嚟講要食一間法國菜冇千幾蚊埋單都唔使諗 。呢間舖頭喺正中環最旺嘅區度，喺樓上鋪 。上到去一轉右手邊就係呢間舖頭，一入到去佈置嘅時候就好有小店嘅感覺，好warm。店員超體貼，會介紹食物俾你聽，而且喺食嘅過程亦都有機會會教你點樣去食，或者問埋你食物嘅意見，好有高級餐廳嘅感覺 。另外首先要講嘅就係店員推薦左洋蔥湯，一開始都諗緊會唔會試龍蝦湯不過最後就膽粗粗試咗洋蔥湯，呢個湯真係有驚喜，首先呢個湯裏面係以往試到嘅洋蔥湯有唔同嘅，淡淡食落去都有芝士超級正，仲要係拉絲 。聽講呢個湯嘅做法就係法式做法，麵包喺裏面浸住濕濕地，但係麵包亦都有好多芝士，唔會話因為個麵包濕晒就覺得好核突咁。配搭都唔錯 。至於法式焗蝸牛，個人就比較重口味嘅，覺得呢一個嘅醬汁配搭都非常之出色 。另外10分推薦嘅就係佢嘅豬安啦！佢嘅豬烤得好好食配搭醬汁一流另外就係佢嘅薯蓉仲要係脆卜卜好正 。整體成個菜單嚟講，呢個價錢仲要做到咁嘅質素完全冇嘢可以挑剔 。仲要每件菜式都整到好靚好似藝術品咁，特別係個甜品仲要整埋個裝飾好靚 。令人賞心悅目。

焗法式地道古也芝士洋蔥湯$88這道湯有濃厚拉絲的芝士和香甜的洋蔥的完美結合，十分開胃法式焗蝸牛$108必試，個人第一次吃蝸牛，有被驚豔到，蝸牛經過焗製過程，保持了肉質的嫩滑和鮮甜的口感，搭配著濃郁的醬汁，整道菜散發出迷人的香氣，令人愛不釋手香草燒黑毛豬鞍架配焗薯$268黑毛豬鞍架的肉質鮮嫩，豬肉經過香草燒烤後，依然保持肉汁，味道上還可以，搭配著焗薯和沙拉菜吃感覺更fresh黑松露野菌意粉$138黑松露香濃，這個沒有下忌廉的版本蠻新鮮，但個人還是喜歡有加忌廉的黑松露意粉朱古力心太軟配雪糕$88朱古力心太軟的外層脆脆的，內部則是濃郁的朱古力流心，每一口都讓人感受到甜蜜的滋味，搭配上香滑的雪糕，可以平衡甜度

餐廳：Cuisine Culture地點：中環德己立街，近港鐵出口菜式：法國菜餐牌：餐牌有更新，分別有多款前菜，兩款湯，幾款沙律，多道主菜，幾道意粉，甜品同飲品選擇。中環黎講價錢好經濟。紅白酒啤酒汽水買一送一。法式焗蝸牛 $108法式焗蝸牛一客六件，連殼用薯蓉固定係隻長碟度，面頭加上橄欖油，特別配有食蝸牛餐具之一個夾加一隻叉。蝸牛隻殼入面放滿青醬同橄欖油，夠味之餘又唔會過濃。蝸牛質感就好淋，易入口。焗法式地道古也芝士洋蔥湯 $88洋蔥湯上枱嘅時候，服務員特別溫馨提示個湯碗好熱。湯水呈啡色，洋蔥條㷛到腍哂，甜味出嗮黎。唔少芝士係湯入面，鹹香芝士配甜甜哋嘅洋蔥湯好夾。湯面頭有一大塊麵包，麵包伴有唔少芝士，上面灑上香草，塊包吸左d湯好淋身。冬天飲呢個湯正。香草燒黑毛豬鞍架配焗薯 $268香草燒黑毛豬鞍架配焗薯擺盤好靚。連骨黑毛豬鞍架燒得好淋，豬味濃，配燒汁味道好好。伴有八大舊薯仔，整得燶面而內淋，唔洗點汁都夠好味。仲伴有蔬菜，包括椰菜花，羽衣甘藍，波菜苗，洋蔥片同車厘茄，好健康。海鮮墨魚意粉 $208海鮮墨魚意粉好大碟，黑色幼身spaghetti夠al dente又滑溜，撈有菠菜苗，車厘茄，