三分俗氣 (已結業)

是晚係新戲院睇完戲，就同好鐘意食上海野既寶黎到呢間上海餐廳食野。一睇門口就知係啲懷舊正野啦！最鐘意係佢個名，有三分俗氣先唔會離地架嘛，希望佢有七分上海韻味啦餐牌選擇非常多，一坐低就想叫佢地個片皮鴨三寶餐！可惜原來要下午3:30前預訂，我地無預定到樣樣都想試，唔通樣樣都試到咩！最後我地就決定左叫呢幾味先黎一碗擔擔刀削麵！呀寶以為我食唔到辣所以叫左佢唔使加辣不過成碗野又幾正，花生麻醬味十足，麵質好有咬口，一人一半唔會漲住個胃，好得成都酸菜魚又係一傑作，魚塊非常滑一條骨都冇，隱若有少少麻辣味，酸味都夠，唔會太重口味，i like it!食上海野又點少得小籠包？！最近去完上海食佳家湯包再返黎食呢個又真係有得揮！大大隻，皮夠薄，裝住勁多有海鮮味既蟹皇湯汁係裡面，感覺非常正宗！銀絲卷新鮮出爐熱辣辣無得輸！原來一條條既銀絲加埋煉奶食落比饅頭更有層次！好有咬口雪菜毛豆百頁係上海菜裡面算係比較清淡既菜式，但清淡得黎又好有層次，百頁索哂雪菜既湯汁再加埋毛豆既爽脆，令人忍唔住越黎越多上左癮唔好問我點解要走糖，擺明呢個就係啲減緊肥既人既主意但係原來咁食高力豆沙又有另一種風味喎，起碼減左一半罪惡感先啦熱脆無砂糖

老友在新蒲崗工作，今晚佢就介紹了間菜館在佢公司附近，話一定冇介紹錯。提早離開公司，搭上過海巴士，一路上原來發覺新蒲崗已改變不少，沿途老店參半，有了不少新式食店，走上了時代的步伐餐廳店名三分俗氣帶有詩意，六點半店内還沒熱鬧，而朋友已早我一步到達了。有二人套餐，就先挑選套餐内的選擇酸辣湯十分足料，木耳，筍，豬紅等等，而且酸辣程度剛好，不會一味只有辣味花雕醉雞來到的分量比我預計的大，夾起看得見皮肉之間有層啫喱已覺驚喜，外間已較少機會遇得到，入口皮滑肉嫩，而酒味也很夠，相信也花了不少制作時間韮黃炒鱔糊我倆也一至想吃這道菜，十分合拍呢。鱔糊份量也多多，配韮黃味道十分好下飯上海粗炒味道不過鹹，二人份量剛好高力豆沙很鬆化而且一點也不過甜，十分喜愛朋友跟我對這餐也十分滿意，相信很快會再到來。

店鋪外觀一般，以為麻麻地，原來幾好味！今次叫左2人餐$238，都幾抵食，一定食飽你！🔸湯有酸辣湯&粟米魚肚羹選擇～粟米魚肚羹係兩人嘅份量，不過冇魚肚都幾咸🔸涼菜我揀左川味口水雞，外觀好睇但一啲都唔辣！🔸小菜我揀左水煮牛肉，少少辣都幾好味尤其是入邊啲薯粉好煙靭🔸麵、飯、年糕我揀左回鍋肉粗炒，好味！🔸甜品仲有個高力豆沙，味都ok既，但皮有點兒硬.🔹蟹粉小籠包$60（4隻）皮薄多汁，不過蟹粉味唔夠🔹擂沙芝麻湯圓$32，太普通啦，飽就唔洗叫啦.🔸有鹹檸七飲$20杯，好好味，佢個鹹檸唔係成粒，係精華、果肉，但都好有味道！🔸自製豆漿$12杯，都很不錯！.另外會有片皮鴨，不過要預早預訂！

身為上海人，對上海菜情有獨鍾，以前成日都會周圍去搵上海嘢食，但係近來食多咗其他國家嘅菜之後就少食咗啦。最鍾意就係擔擔麵，因為太鍾意花生醬同埋辣，佢啱啱好結合左兩樣我最鍾意食嘅嘢，加上呢間餐廳用嘅係好煙靭人嘅幼麵，就成為左我最鍾意嘅組合，好濃好好味！年糕都因為係好煙靭嘅食物所以我都好鍾意食，特別係將炒嘅口味，肉汁會浸入去濃味嘅醬汁入面，包住年糕，perfect!!小息就最鍾意雞絲粉皮嘅麻醬，你間餐廳完全唔會吝嗇芝麻醬，俾咗好多而且粉皮好幼滑，食得好滿足！仲有我最愛嘅小籠包啊！見到牆上面張poster已經feel到佢個小籠包嘅湯汁會爆出黎，果然皮薄多汁，而且湯唔會太油膩好鮮甜，肉嘅份量都剛剛好，真係一個人食兩籠都得呀！由細到大都好鍾意食銀絲卷，加煉奶真係好好食好好食最後嚟到上海菜館點嘅甜品高力豆沙，圓波波型見到已經覺得好治癒，不過略嫌佢有啲太粉而且豆沙唔夠多，不過呢個甜品真係好難整所以完全體諒嘅。

這家上海餐廳外觀比較低調晚上六時半入內晚膳已經坐滿九成選擇了二三八元的二人套餐頭盤涼菜的京式素鴨是水準之上腐皮很脆夾有甘荀等素菜於內湯選了酸辣湯分量有約三小碗湯夠熱料也足味道亦恰到好處小菜選了鹵蛋紅燒肉份量很多鹵肉味道像東坡肉肉質軟腍鬆化伴有的小棠菜能中和肉的肥膩感甜點是高力豆沙其質感偏硬稍是失分之作但味道仍是不錯的眼見餐牌上有蟹粉菜式有點心動隨意選了一客蟹粉小籠包試試看一籠四件皮造得很薄肉汁非常鮮甜絕對可以跟坊間有名的食肆一較高下

餐廳主打上海菜，有小菜/炒粉飯/冷盤小食 任均選擇。 今次叫左個 二人套餐($238)：酸辣湯自選涼菜A - 京式素鴨自選小菜A - 韮黃炒鱔糊自選炒炒年糕/粉/飯-上海粗炒呢碗酸辣湯特別足料，有木耳、筍、豬紅等材料，酸辣味比市面淡味，但個人幾喜歡呢個口味，平時酸辣湯味道太重，都食唔哂，淡味反而令人更識欣賞其中真味。京式素鴨有點似腐皮卷，餡料主要係金菇，加上豉料，味道都有7分真。韮黃炒鱔糊，個人特別喜歡，鱔口感少粉脆，韮黃又炒到香口。粗炒睇落去以為好鹹，但食落味道唔太濃，分量恰到好處。另外叫左籠小籠包，味道新鮮，皮簿又好味。套餐仲有高力豆沙，包面炒一炒，不留油漬。豆沙餡唔太甜，好味道！

我個人幾喜歡食上海嘢，尤其是係上海小籠包，我最鍾意皮薄多汁的小籠包就最正，於是晚上約了同事到新蒲崗食上海菜。我哋見到有二人餐$238就可以有涼菜，小菜，炒粉同埋湯羹各一款，仲有我最愛嘅高力豆沙兩件！好似幾抵食唔洗煩，就即刻order左！再叫多籠蟹粉小籠包($60)咁就啱啱好！！涼菜我哋揀咗上海熏魚，佢係用鯇魚腩醃製左再煙燻，即將甜甜地幾好味，味道有啲似豆豉鯪魚，最緊要腩位冇乜骨！係呀我哋揀咗芙蓉賽螃蟹，賽螃蟹雖然只係用蛋白去炒，不過要炒得好似蟹肉就要一啲功夫，我自己就最鍾意用醋去點，會令佢食落感覺更加似蟹肉！加上佢有隻生雞蛋食落去口感好滑👍闊佬炒飯其實就係瑤柱蛋白炒飯，瑤柱嘅份量都唔少，可以真係闊佬呀下😂終於食到我最想食嘅蟹粉小籠包！見到佢有周刊報道八間街坊最想食嘅小籠包第一位，真係幾期待！見到佢四粒大大嘅小籠包，皮都算幾薄，夾起生怕會整爛，急不及待先咬個小洞，吸吸入面嘅湯，勁多汁爆岀來！幾清甜！入面嘅餡都唔錯啊，蟹粉味濃👍我會加少少醋再食另一粒，加埋醋食另有一翻風味😛最後食埋我最愛的高力豆沙，佢呢度嘅高力豆沙做得唔錯，唔算好甜喔！————————————————店名:三分俗氣環境🏝：

行到邊食到邊～新蒲崗-新蒲崗隱世的上海菜，餐廳名稱比較特別叫三分俗氣。我猜意思是運用傳統烹調技巧，充分表現出上海菜的刁鑽。-HK$25/2隻燻蛋燻蛋的煙燻味略嫌淡，🥚上面的椒鹽不夠多，帶不起惹味效果。但是蛋黃夠軟滑。-HK$36/4粒招牌鮮肉小籠包皮也算薄摺數多，熱辣辣。小心爆汁😋HK$238二人套餐湯～酸辣湯茨夠薄、料夠多、味道剛剛好、可以分到四碗；涼菜～川辣口水🐔蒜多、🌶️夠、雞胸位也夠嫰滑又入味；主菜：紅燒獅子頭獅子頭好大個，肥膏同肉的比例是恰到好處，令到肉質超鬆化及入味。粉、麵～上海粗炒麵腍而不爛，且帶少許嚼勁。味道與其他店相比比較淡；甜品～高力豆沙即叫即炸、紅荳蓉味道不算太甜，食完少D罪惡感；-侍應服務唔錯，見我地冇櫈擺袋便主動俾櫈我地😍。價錢不是太貴，已經吃到肚飽飽😛另外早D來食就唔駛搭檯🤪-🥢：三分俗氣📮：新浦崗衍慶街2-32號新蒲崗大廈地下10-12號

招牌鮮肉小籠包 $36一客四件，皮薄薄的，又帶點韌性。內裡的肉和肉汁是滿滿的，食落暖笠笠又好香。夾起時技巧不好，眼看要穿，但個皮又頂到喎，勁！味道同我响上海食到的有得比。結論是，每人兩隻是不夠的，我想打十個 😆。滷水牛展伴海蜇$55是冷盤，牛展好有牛味，但略嫌乾左少少。海蜇有調味，爽口、彈牙、好食，中間仲加左蘿蔔絲，增加口感。兩者比較，我鐘意海蜇多D，朋友就大讚牛展。份量不少，呢個價錢好抵食。自家製樟茶鴨（例牌）$65鴨做得很乾身，皮是乾是脆的，鴨偏瘦，沒有多餘油脂，鴨肉很嫰很香。雖然其貌不揚，但卻十分好味道。點埋甜醬仲正，少少都夠架啦，吊下味啫。伴住隻鴨有幾個蒸包，係饅頭D friend ； 甜甜地幾鬆軟。同小籠包一樣，呢碟樟茶鴨我俾滿分，列入我回頭必點的項目之一。蟹粉賽螃蟹伊麵 $168一般食的賽螃蟹係無蟹架！都不知俾佢昆左幾多次。但呢間呢，係堅有蟹架！係濃濃的蟹粉，仲有少少蟹肉，香到隔離枱都望過嚟呀！呢碟一定要襯熱食，好滑的蛋白，加上滿滿的蟹黃舖面，底層仲有入味的伊麵，幸福感爆燈。份量好多，而且夠飽肚，兩個人其實食唔曬的，可以多幾個人 share 都得。自製鮮豆漿 $12大杯抵飲

三分俗氣個名真係堅呀! 成功增加了我一份進去的期待感! 和朋友仔食了一餐開心晚飯! 我們食得很豐富, 點了六款食物, 先有醉雞, 它酒味十足, 肉滑, 但係食得多真係會變醉雞! 然後有好味鱔糊, 份量十足, 味道不錯, 如果能減少油膩會令人食得更安心又開心! 接著是全餐最歡喜的雞煨麵, 極度推薦, 麵滑, 雞粒同菜粒比例很好, 湯濃郁, 正架! 唔少得既有小籠包? 體積比較大, 並不是人人皆可一口一個小籠包啊! 最後是兩款甜品: 先是高力豆沙, 對我們來說, 皮相對較厚, 豆沙餡如果可再多點會更好味! 豆沙窩餅十分脆，豆沙餡充足, 是不錯的選擇! 大家經開, 不妨一試!

今日同朋友食生日飯,新蒲崗多平靚正野食所以去左三分俗氣入門口店員安排左坐低就俾左茶我地幾個人就叫左個6人套餐先我地要左酸辣湯,崧鼠桂魚,上海燻魚,蒜泥白肉,四喜烤麩,韭菜炒鱔糊,芙蓉賽螃蟹,熗炒土豆絲,濶佬炒飯,回窩肉粗炒另外再加一個蟹粉小籠包,溏心燻蛋,仲有高力豆沙蟹粉小籠包--夠晒熱呀,D蟹粉都好香口溏心燻蛋--一野放晒入口慢慢流入口中,正呀上海燻魚--整得幾好食,個汁幾入味蒜泥白肉--撈下佢,連粉皮一起食酸辣湯--個味幾好,辣辣地夠晒野味四喜烤麩--個質地幾好,都夠清韭菜炒鱔糊--好香口,鱔香味,D韭菜都好香芙蓉賽螃蟹--混合埋隻蛋,蟹味唔錯咁食熗炒土豆絲--辣辣地都夠乾身幾好食濶佬炒飯--望落去唔太多料其實有方魚,食落好好味好香口回窩肉粗炒--唔會好咸夠晒味,咁炒正呀崧鼠桂魚-全晚最正一碟,真係個味正,連埋D汁酸酸地好入口,崧子都好香呀高力豆沙--入面熱辣辣既豆沙,好好味呀

本人好少去新蒲崗食野，因搭車不太方便又冇咩商場好行，朋友住果頭附近帶我去食上海菜。見到個二人餐又幾吸引，又有好多不同種類選擇。粟米魚肚羹好滑又清甜甜，湯又夠結有魚肚，粟米和蛋花。三絲粉皮有青瓜，火腿和雞肉絲下面舖滿粉皮，配上胡麻醬和芝麻粒好香口，粉皮又煙韌。水煮牛肉牛肉煮到好香又有少少辣，牛肉好嫩口，內里有勤菜和水晶粉條，粉條好煙韌又索了醬汁的味道。三鮮炒年糕有大白菜，雞肉和火腿，年糕好煙韌又有咬口，味道又適中不會太咸，高力豆沙是實心無窿，質地柔軟內里包住一小粒豆沙，又不會太甜