妹記大排檔

營業中

休息中

。大排檔。日常。多謝谷友請食飯，仲要去到一直都想去一路都無去到嘅妹記大排檔！以前成日聽到話佢要Booking，成日都去唔到，估唔到今次竟然有位喎！話就話大排檔，但其實佢係室內，仲要樓上，仲要有冷氣嘅🤭一行四人，叫唔到咁多，盡叫啦！我哋先叫咗馳名妹記炸豬手 - 外皮脆卜卜！ 個味道啱啱好！鬼馬油炸鬼- 配埋酸汁，酸酸甜甜啱啱好！我哋仲叫咗黑椒薯仔牛柳粒- 以為佢其他嘢可以啦，呢一個真係有啲失望…咸咗啲….牛還牛薯仔滑薯仔咁….豉椒炒蜆 - 個汁太杰…蝦醬炒通菜 - 正正常常..有鑊氣嘅最後我哋仲飲咗佢地嘅特飲荔枝烏龍茶，都係普通🤨唔知係咪期望太高呢..定係名過其實🤨🫣不過全場有好多年輕人喺度幫襯，試吓無妨🤔

大排檔聖誕聚餐！我哋一早打定電話book枱，唔使排隊等位！環境比較嘈吵，枱與枱之間相隔唔遠，雖然切合大排檔主題，但唔太習慣要大嗌講嘢。椒鹽八爪魚嘴$85- 同我想像中嘅椒鹽有啲出入，我以為係炸粉上面黐左好多炸蒜、淮鹽，結果原來係似酥炸八爪魚嘴上面灑左炸蒜加公仔麵味精粉末。八爪魚嘴唔韌，食落口感仲軟淋淋。黑椒薯仔牛柳粒$158- 坦白講我覺得呢度嘅黑椒薯仔牛柳粒一般般，冇鑊氣，薯仔粒冇味道，黑椒味唔香，有其他大排檔煮得好味過佢。豆豉鯪魚炒唐生菜$78- 推介！菜嘅分量幾多，豆豉鯪魚好入味，因為味道偏鹹所以送飯食一流。蠔仔煎餅$72- 蠔餅酥炸得太硬，略嫌油膩同太熱氣，蠔仔尚算新鮮飽滿。生炒骨$75- 生炒骨一般水平，分量唔係好多。鬼馬油炸鬼$88- 好耐冇食油炸鬼，蝦膠幾彈牙，比起蠔餅好食啲，點埋甜酸醬就更加惹味，推介！金銀蒜粉絲蒸勝瓜$72- 上菜嘅時候熱辣辣，有大量蒜頭，蒜頭粉絲送飯食絕配！大推！白飯$11

之前係尖沙咀的總店食過2次，都幾好食，今次就試一試旺角分店， 睇下水準拍唔拍得住總店。7點半已經有好多人等位了，好彩我們有預先book定位，所以唔洗等。 我第一行8人比咗一張大圓枱我地，位置闊落， 坐得舒服，但環境非常之嘈吵， 好難傾計。蒜泥拍青瓜 $48 完全沒有蒜，對唔住呢個名。 妹記小炒王 $78 魚乾蝦乾好硬， 完全咬唔開， 而且冇鮮甜味，又唔夠鑊氣，不推介。 鬼馬油炸鬼 $78 炸得剛剛好，加埋甜酸食好開胃。 妹記炸豬手 $68 豬手算嫩滑，配南乳醬味道ok，可惜太多炸粉了，而且冇乜肉，不推介。 黃金魷魚 $78 炸過的魷魚加上鹹蛋黃醬，十分邪惡，鹹蛋黃香濃，魷魚爽嫩，全餐最好食的一道菜。 黑椒薯仔牛柳粒 $128 薯仔淋身煮得入味， 牛柳粒有部分好韌，食不下，一道妹仔大過主人的菜式。 欖菜肉鬆四季豆 $65 四季豆爽甜，而且有鑊氣，好味。 海鮮雜菜煲 $68 味道清淡，正常的。椒鹽豆腐 $58 表皮脆，豆腐嫩滑，好味。 金銀蛋浸白菜仔 $68 菜的份量很多， 加上鹹蛋皮蛋調味，好味。整體來說，對比尖沙咀總店的食物水準，還有一大段距離。

係尖沙咀嘅總店食過幾次，頗有好感，但經常要長時間等位😅今日正好係旺角，當然要去探吓分店啦😉原來位於旺角的分店唔係地舗，係樓上舖、在通菜街一憧商業大廈裏面，全部都係食店😃要排隊等電梯啊😛電梯門一打開就見到全部都係等位嘅人👨‍👨‍👧‍👦👩‍👩‍👦‍👦，再向內行入去先見到攞位櫃枱。搭枱即刻有位👌🏻同另外兩位人客共用一張六人長枱，都坐得寬敞👌🏻🔸鬼馬油炸鬼 $78特色菜，油炸鬼中釀入墨魚滑，外香脆、內彈牙，配酒一流🍻，推薦👍🏻😋🔸豉油皇銀芽炒麵 $78麵偏濕唔夠乾身,麵條較碎唔得一條條，味道就👌🏻🔸椒鹽豆腐 $58豆腐面上鋪滿炸到全黄嘅金蒜，外皮粉漿薄，一口size，一啖一粒😊唯椒鹽味唔夠😅分店比正店大，光猛，整體👌🏻

跟朋友慶祝生日，決定來這兒一起嚐一嚐。從尖沙咀來到旺角，從街邊鋪來到樓上鋪，風味依舊，味道更好。餐廳內外文青的裝飾吸引了不少人流，店家也很貼心，在門外放滿了不少櫈仔，加了不少分數。餐牌方面有中有英，圖文並茂，值得一讚，彩色印刷，更顯吸引。食物方面點了1）鬼馬油炸鬼；2）肉絲炒面；3）西蘭花炒鮮魷。鬼馬油炸鬼，挺特別，油炸鬼的外衣，配以魚肉，很是特別，絕對要再叫一客。西蘭花炒鮮魷，勝在大大碟，回本有突。肉絲炒面，很大碟，又有「漢」邊，沒有不吃的理由。感覺上搬了樓上鋪，份量多了，好吃得多，下次一定要再來！

今日在九龍來來回回，食足一整天，最尾站在旺角，因為今晚同學仔生日，選擇了大排檔風味，室內裝修簡簡單單，頗多圓檯，可見到食物圖片及大字報📝 圖謀並茂 🥦我地一行有8人，叫佐12道餸菜，兩枝哈爾濱啤酒🍺第一次聽哈爾濱啤酒🤣真係見識少🙏Ordered (1)燉湯＝川貝雪梨，落單約五分鐘後放上檯，真的是否燉湯？湯夠熱，但係感覺唔太多湯料精華🤔（3）南乳粗齋煲，見到面頭個一 Pad 芡汁，我就無胃口🤐仲有一道餸菜無Post 相，唐生菜（鮑汁百靈茹扒），因為同上一樣，見到芡汁，好似飲緊生粉開水一樣，廚房裏面好趕時間，餸菜需要有鑊氣，但係全無🤷‍♀️一分錢一分貨，唔可以太有要求🙏🙏

滿心歡喜食大排檔，但妹記已經唔再係一般大排擋，似係普通連鎖茶餐廳咁。炸豬手 |豬手係好食嘅，個豬皮非常脆，咬口聲音清脆響亮！但都係偏鹹（豬手唔鹹就唔係豬手）所以叫咗啤酒送，就啱啱好。口水雞 |個醬比一般食嘅口水雞味道較淡，似係就咁用豆瓣醬淋上去。而且雞肉唔係原隻雞件，而係用雞扒，所以比較鞋身。鬼馬油炸鬼 |繼炸豬手之後好食嘅炸墨魚餅，非常香脆，炸皮唔厚，墨魚肉都好彈牙，好味～啤酒 X 戰鬥碗 |黎到妹記點可以唔飲啤酒，仍然好喜歡用戰鬥碗，好有風味～總括黎講，妹記野食不是完全差，但價錢偏貴，而且氣氛都無真嘅大排檔咁Chill～所以唔太抵食

女漢子的聚會，想喝啤酒便選擇到大牌檔，但最「就腳」的大牌檔是這家妹記大牌檔，名字雖叫大牌檔，但不用蹲街邊，是上樓的室內企理小菜館，卻有大排檔的小炒和啤酒，非常適合我們呢。謹記要訂座，不然平日晚上也有很多人排隊等候呢。餐廳裝潢加入不少大牌檔的元素和壁畫，但不用坐無椅背的膠椅，桌與桌之間也有空間，桌面也沒有飄逸的膠枱布，非常乾淨舒適。一坐下已有「啤酒妹」招呼我們，我們在介紹下點了哈爾濱啤酒，較為淡口，帶點酸味，勝在夠凍夠汽，再配以「戰鬥碗」飲酒，風味搭夠。椒鹽八爪魚咀十分香口，炸得酥脆，炸粉夠薄，加上八爪魚咀比一般的墨魚咀更有咬口，椒鹽味道蘸上喼汁令人吃個不停，下酒一流。鬼馬油炸鬼的油條外皮炸得更鬆化，內裡釀滿了彈牙鮮味的墨魚滑，還夾雜著粒粒爽口墨魚，真材實料。配以錦滷的酸甜汁，真的十分好吃。薯仔牛柳粒也是友人一直嚷著要吃的大牌檔小炒，薯仔粒輕輕炸過後才加入牛柳粒一起炒，外皮香脆不易散開，帶點甘甜；牛柳粒雖然不見多脂肪，但一點也不嚡口韌口，肉嫩多汁。咸魚茸飛天通菜煲的鹹魚味道香濃惹味，通菜爽脆新鮮，本來想要這個菜作中和之用，但反而這是是晚四個菜裡最濃味的一個。店員雖然忙碌，但服務也很好，對

聽左妹記呢間野好耐，不過一直未有黎試，旺角呢一間分店仲裝修得好靚，完全唔似大排檔，唔講以為係西餐廳。餐廳內外是日晚好多人，等左25分鐘左右先有位。食物選擇好多推介菜式，都係大排檔價錢，依家食大排檔其實都唔平，再加上佢舖租同埋名氣，都理解點解定呢啲價位。鋼鍋雞　$108有啲似啫啫雞煲，係招牌之一，用左一啲泰式香料炆焗，但食落冇乜味，醃得唔夠時間，似普通豉油雞。妹記炸豬手 $68必點！因為真係好抵食，同埋都係招牌，份量唔算少，以$68黎講真係好抵，咁大份，出面食個豬手閒閒地都$200，估唔到妹記做咁平既價錢，而味道都OK ，皮夠脆，肉質粉嫰，唔油溢，真心推薦。鬼馬油炸鬼 $78又係另一公認招牌菜，本身唔知係咩黎，原來係將油炸鬼掏空心，之後釀啲魚肉漿、墨魚漿入去炮整成。油炸鬼唔算好香脆，魚肉幾有彈性同咬口，配上酸甜汁，幾夾，不過如果油炸鬼可以整到好脆就更好。椒鹽八爪魚咀 $78全部點哂招牌，呢個都係，但就真係可以唔洗叫，如果炸豬手仲平過呢碟八爪魚咀，呢碟真係好唔抵食，炸粉好厚，八爪魚咀冇乜特別，椒鹽唔夠香口，不值一試。我地一行7個人，當然唔止叫呢啲野食，仲叫左菜，但主要呢4款都係招牌菜式，我

香港飲食最具特色一定係大排檔，可以不顧儀態粗聲粗氣大吃大喝，份量大而價錢平。但隨著時代變遷大排檔已經愈來愈少，幸好我們還有妹記，將大排檔式食肆搬上樓，延續地道風味🇭🇰今晚一班酒鬼朋友聚會，雖然啤酒與戰鬥碗才是重點，但不竟是一餐晚飯，所以都必須嗌些香口佐酒小吃。每人一款，結果好驚訝！一枱都是炸野，炸野同埋炸野。咁多炸野真係間唔中一次半次就好，求開心ja實在太高興，只記得大青島$24/枝，我地起碼飲20枝，好抵飲

一直都聽過妹記大排檔, 但都無機會試, 今次難得朋友想食小炒, 兩個人都照試一試!7點去到都已經好多人食緊, 本身仲驚2個人唔知叫幾多個餸, 但係其實d價錢都好相宜, 所以當日就叫左3個餸一場黎到點都要試下佢個招牌菜, 鬼馬油炸鬼:其實就係油炸鬼入面包住d唔知蝦滑定墨魚滑既野, 配埋個甜酸汁, 食落好似酒樓果d炸雲吞咁, 所以唔會唔好食, 只係覺得個外皮炸得有d硬, 2個人食1份就好熱氣!蕃茄金銀蛋浸白菜仔:蕃茄湯好甜, 用黎浸果個油炸鬼都幾好食, 份量都幾大碟沙拉骨:1份都有8-9件, 個沙律醬唔同平時白色果隻, 但食落係一樣, 好開胃好好送飯!總括黎講, 唔知係咪冷氣太勁, d餸黎到都唔係好熱, 但係味道比我想像中好, 只係環境比較嘈, 2個人飲埋野埋單都係$234, 所以都ok! 下次可以試埋其他招牌菜!

最近突然好想食豬手，想食佢脆脆既豬皮，豐富既骨膠原!!所以今次黎到炸豬手好出名既「妹記」!同朋友兩個人六點左右就黎到，唔駛BOOK枱可以直入建議如果七點先黎到既話，最好就先BOOK枱，因為滿座率已經有七八成!!本身想叫個炸豬手，點知職員話「六十幾蚊呢款炸豬手唔脆架，原隻果款先脆!」心裡有萬個問號，炸完既野唔脆?! 點解?但重點係兩個人點可能食得哂原隻炸豬手?!…所以放棄左兩個人叫左三個小菜，同兩個白飯 ($10)鬼馬油炸鬼 ($78)我估呢味應該係妹記第二款必點菜式呢款小菜鬼馬在於蝦滑釀左係油炸鬼入面，之後拎去炸但即使炸完，蝦滑都唔會變乾，仍然有濃濃既蝦味!! 蝦滑好有驚喜而油炸鬼炸到內外都十分乾(個人覺得硬左D)，已經食唔出係油炸鬼；但正正因為油炸鬼味淡同硬先可以特顯返蝦滑既蝦味同彈椒鹽鮮魷 ($58)魷魚分量足夠又唔厚粉，而且無炸過龍，仍然保持到外層少少脆粉漿同內裡彈牙魷魚，但略嫌魷魚味唔夠。不過，以呢個價錢食到呢個小菜已經算抵!! 出面咁上下質素都要六七十啦妹記小炒皇 ($78)呢度個小炒皇除左韭菜、蝦乾、腰果、魷魚仔、菜蒲條之外，仲多左鮮蝦仁、元貝仔同銀魚仔。材料真係勁豐富!!

同朋友一行五人黎食，唔係朋友帶路我都唔知呢橦大廈咁多好野食。有易拉架話你知佢有咩拿手小菜必食！我地黎既時間尚早，仲有位唔駛等！鬼馬油炸鬼 ： 有驚喜！原來裡面係魷魚黎架！好重魷魚味！外面脆而且裡面好有口感，不太咸。豉椒炒聖子 豉椒味濃，聖子質量一般但不過不失，份量不多，五個人都分唔到兩條。沙嗲粉絲雞球煲 賣相既顏色都幾吸引，不過沙嗲味略為淡，但雞肉就好滑。椒鹽豆腐 外脆內滑，豆腐比較一般大舊。馬拉盞通菜 微辣。牛腩煲 牛腩較韌, 但羅白林同好入味。最後呢隻戰鬥碗，你知用黎做咩啦～

是晚一行五人小聚，由於本人多年前曾嚐試過尖沙咀的妹記大排檔，故對其食物質素有信心。我們點了炸豬手、鬼馬油炸鬼、酥炸墨魚嘴、魚香茄子煲、琵琶豆腐、什菌生菜會鮑片(大約的名字)同桌友人對隔壁炸豬手虎視"擔擔" ，order時幸得侍應提醒豬手有兩款，分有肉和無肉(?!) 雖然本人不好豬手，但仍淺嘗一塊，肉有點難咬開及味道偏鹹，與吃中式燒肉相近😂 雖然皮脆，但不是我的菜。而且份量很多，吃不完！相反兩款炸物深得我心，尤其鬼馬油炸鬼，皮酥而不油膩，內裏是墨魚滑，吃完一塊又一塊都不會感覺很熱氣！酥炸墨魚嘴外型及口感像吃雞軟骨，兩款炸物配以不同醬汁，很Match！魚香茄子煲正常需要配以白飯吃！但這個味道不會很鹹，讚！唯一要彈是香味不足，沒有大排檔及酒樓做的岀色，不驚喜亦不失望。至於其餘兩個菜也是合格，但沒太大深刻印象。另外要讚的是電話訂位時表明需人齊才可入座，但老闆(?!)在我們未齊人提前讓我們先入座，而且沒有交枱時限！在今時今日尤其旺角區超級難得！而且整晚員工們服務都好好！我已納入這餐廳為我下次開飯名單中！

妹記大排檔是香港其中十間八間有名的大排檔，排名甚高。由尖沙嘴搬到旺角後，更"上樓"去了一幢專做食肆大廈繼續營業。上樓後的妹記，擺脫了嘈吵和污糟的固有大排檔印象，變成了一個裝璜得體大方，有點文青Feel又有點大排檔feel的中式餐館。香港的大排檔，通常都自己的著名菜式。比如北角東寶小館的風沙雞，沙田陳根記的一條骨，大角嘴新錦園的小炒王......妹記都有自己的出名小菜。餐牌，店內佈置色和陳列，都不失幽默感，感覺十分年青。瞓身推介的都是出名小菜，友人竟然也就提議我們不用揭餐牌了，就在這約二十來款的小菜中選一人選一款，共三款。小菜未到，酒水先上。啤酒只是最普通的青島啤。但特別的是他們與北角東寶小館一樣，都是用戰鬥碗。戰鬥碗的特色除了是用碗喝啤酒，而碗外寫有"戰鬥碗"外，碗底是有一個勝字。最最最重要的，就是戰鬥碗是雪過的。因為冰涼的碗盛載啤酒，能有效保持啤酒的清涼口感，在這個炎炎夏日就最啱了。戰鬥開始，規則簡單：先見碗底者為勝。浪子選了鬼馬油炸鬼。做法是用蝦膠釀油炸鬼後再炸。感覺不算太油，而且食法新鮮。可惜是今天的蝦膠不太彈牙，影響了少許口感。鐵鍋雞是的味道有點麻辣，雞肉入味，而且份量充足。配