竹面譜

營業中

休息中

係太子搵到呢間集合傳統粉麵店同新派元素嘅小店。餐廳不但價錢親民，性價比高，服務都好貼心， 店家好用心介紹餐廳推薦食品，聽得出好多到訪都係熟客。鮑汁冬菇花膠鍋超抵食$68一大鍋，鮑汁湯底濃香鮮甜，原鍋仲有火保持熱度，好啱冬天食！冬菇雖然薄切但好大件，花膠食極都仲有，份量超足！另外仲可以加配料，我加左雲吞。預計配關廟麵，關廟麵係台灣麵，幼身，口感有彈性，好適合配搭鮮甜嘅湯底。呢個份量性價比真係勁高！夢王和牛飯識食嘅一定知道夢王蛋係刺身級雞蛋，完全唔需要怕食生蛋，用黎拌飯一流。加入夢王蛋後嘅飯粒更滑和牛用上鹿兒島A5和牛，肉質鮮嫩呢碗和牛飯充滿本土特色，飯粒並非珍珠米，同埋醬油係煲仔飯醬油味道。加埋和牛同夢王蛋，係中日fusion 嘅和牛飯，我個人就比較鍾意日式醬油配珍珠米。小食雙拼呢到有多款小食，我地揀左脆炸鮮奶卷拼炸墨魚餅，每樣3件。非常推薦脆炸鮮奶，外層酥脆而唔油膩，內裡鮮奶好滑，點埋煉奶更有助提算甜味，就算放耐左外層都仲係好脆！食完3件都仲想再食！墨魚餅爽滑彈牙，下次可以試下店長推仲嘅鯪魚球油菜當日有4款菜，揀左通菜，夠晒幼身幼嫩。怯濕茶除左一般嘅奶茶檸茶等餐飲外，仲有自家製涼茶，有

已經為了這個冬菇花膠鍋來到這裏第三次了一吃就愛上了這個餐點健康養生又好吃而且每一次都沒有偷工減料份量十足！花菇超大片，有五至六片，炆得很腍花膠同樣大大件，有六至八件，很入味連時菜都煲得很腍，滿滿鮑汁的味道這裏有比較少見的關廟麵感覺有點像手工面，不會煮得太腍，口感好額外加了滑牛肉比很多專門吃牛肉麪的地方還更好吃名副其實的滑牛肉，完全不會韌，牛味又香熱騰騰的鍋整個過程也在加熱非常適合冬天吃！豐富又飽足！

太子荔枝角道有好多美食，朋友介紹咗我黎呢間小店，吾系一般小店咁簡單，系夢王蛋使用🥚親民價錢仲可以食到花膠！吸引吾少人前來。✿ 脆炸鮮奶卷 $28順德名菜，外層十分香脆可口，內層鮮奶甜度恰好🤍係間唔中就會想食嘅小食😋✿ 夢王和牛丼 $68$68食到和牛丼？冇打錯😆來自日本神戶兵庫縣「刺身級」雞蛋，2020年起連續三年榮獲日本年度公投刺身蛋拌飯第一名🏆蛋黃飽滿🥚蛋味香濃🧡營養豐富，對身體有多種功效。和牛系鹿兒島A5和牛使用🐮油脂非常豐富，同生雞蛋 和牛丼撈勻冇得輸🤩✿ 鮑汁冬菇花膠鍋 $68 (滑牛+$15)同夢王和牛丼系一樣價錢，就食到花膠鍋😍冬菇大大件🍄吸收曬鮑汁精華😋花膠食材矜貴，數量比想像中多，黏滑口感系花膠特色。配嘅麵條亦吾系一般麵，系關廟麵，麵條軟稔中帶嚼勁🍜我同朋友都好滿意～滑牛牛肉味香濃🐮✿ 金銀菊花薏米 $20自家製鮮涼茶，使用杭州菊花🌼金銀花 薏米仁，有多重功效，可以清熱毒 潤肺 去口腫 助排毒，甜味自然，心思足夠。

今日約咗朋友嚟到太子呢間餐廳食嘢聽個名就覺得好有中式地道感覺但其實入面大熱食日式夢王和牛丼今日特登嚟試 明白點解咁多人食因為可以一個親民價錢食到高質食物- - - - - - - - - - - - - - - - - - - - - - - - 1. 夢王和牛丼比呢個夢王和牛丼吸引而嚟見佢採用鹿兒島直送頂級A5和牛同埋日本神戶兵庫縣「刺身級」雞蛋來頭好似好犀利咁 啲牛係幾軟嫩鮮美不過比起啲相 啲牛好似有啲細塊加埋飽滿濃郁生蛋 增加咗牛嘅絲滑感另外可揀溫泉蛋、流心蛋、太陽蛋隨餐都有一碟秘製醬汁 用嚟點牛唔錯2. 鮑汁冬菇花膠鍋覺得呢個好似養生鍋咁 用料實在入面係有肥厚爽脆冬菇、滑嫩鮮甜花膠兩大主角份量十足 搭配關廟麵&娃娃菜面頭仲有少少蔥絲點綴 營養豐富唔夠嘅話 可以另外自選加配其他食材上鍋嗰陣有個蠟燭熱住 啖啖都好溫暖幾鍾意佢湯汁 滾到咁上下再飲好濃郁好似呀媽煲嘅靚湯咁樣 同關廟麵好夾麵質好有咬口 滾到入晒味再食都冇咁易淋3. 小食脆炸系列雙拼(香茅炸雞翼/炸蜆蚧鯪魚球/炸花枝丸/炸墨魚餅）小食可以單拼/雙拼 單拼份量多啲我哋叫咗兩份雙拼 即係四款小食香茅炸雞翼外酥內嫩 入面好有肉汁

這間竹面譜是我的Remarks系列的其中一間，因價錢相當親民、食材優質，去開太子真是要行過來到訪一下。🛍️👫🍽️✨ 夢王和牛丼（$68），雖然這店是一間港式小店，但為迎合香港人喜愛食日本料理，餐廳特意推出和牛丼飯，價錢相對平，吸引了不少附近的街坊過來光顧。餐廳選用了鹿兒島的A5和牛和屢獲殊榮的日本神戶刺身級別的「夢王」生蛋作為食材，和牛兩邊煎至5成熟，每一片切得薄薄舖在飯上、和牛的降霜均勻，肉質嫩滑，加上生蛋的蛋香濃滑加入了和牛和飯之中，整碗飯的配搭簡單，令人有一份滿足感。🥩🥚🍚✨ 鮑汁冬菇花膠鍋（$68），來都這店的必食另一皇牌就是這個花膠鍋，價錢同樣好親民，麵底幼滑，伴隨著花膠、鮑魚片、冬菇，花膠的數量仲有成4塊，質感爽彈、膠質豐富，相當足料。因花膠和冬菇都是用鮑汁浸過，陣陣鮑汁滋味。周邊配料可自由加配，我就選了牛筋丸(+$10)，牛肉味香濃，夠哂爽口彈牙。整個鍋都是邊食由個火熱住，湯底越煮越濃，熱辣辣咁食真是回味無窮。🍲🍜🍄‍🟫🤩✨ 脆炸鮮奶卷（$28），來自順德直送的名物，外皮炸得超級鬆脆，筷子都要小心夾，太大力都會散，中間的鮮奶軟嫩甜滑、入口即化，再點上煉奶，令炸鮮奶的香甜味更勝

店名： 竹面譜 地址： 荔枝角道68號地舖（近太子站c2出口）1.夢王和牛丼配溫泉蛋 $68夢王蛋冇得輸，蛋黃鮮豔，呈橙紅色，蛋味濃郁，和牛輕微煎香，飯係珍珠米，三者混合起嚟好好食2.鮑汁冬菇花膠鍋（加配滑牛+雲吞+水餃）$68（另加$15+$10+$10）花膠炆到好腍好滑好入味，一鍋有成四至五嚿花膠🤤冬菇厚度啱啱好,炆到好滑,真心無得輸😍滑牛肉嫩滑，配埋個鮑汁湯底好好味。雲吞同水餃皮薄爆餡，極度足料3.炸花之丸炸拼墨魚餅 $42師傅拿捏火喉好好，炸物嘅鬆脆香，全部掌握到，沒有過火4.炸鮮奶卷 $42食落口有爆漿嘅感覺，非常好味5.清心火（微甜）$10清甜回甘，可以平肝火，最啱食完炸物之後去下火之用金銀菊花薏米（微甜）$10金銀花香助排毒清熱毒，都非常適合啱啱食完炸物嘅我地6.上湯浸時蔬$18冇味精瑤柱湯底好鮮甜 配埋清脆嫩綠嘅時蔬相當好味#竹面譜太子店 #香港美食指南 #太子美食 #hkfood #hkfoodlover #hkfoodblogger #hkfoodie #halook.foodie

Fd子話太子食lunch唔駛$35有蔥油孖蛋大豬扒飯, 仲要用日本刺身級夢王蛋我都唔信🥚, 放工就跟佢去試試! 原來係一間新式茶記, 本來係牛頭角新蒲崗屹立咗好多年嘅粉麵舖, 喺太子開新店就加入咗好多時下hit嘅野, 例如日本刺身級夢王蛋🥚、零碳零醣零卡蒟蒻麵, 啱哂#增肌減脂!平日夜晚都有唔少街坊熟客唔駛睇餐牌就嗌到, 仲有唔少後生仔入黎指明要食花膠飯 原來有個冬菇花膠二人餐包兩個飯、炸物小食、菜同飲品🍹(凍飲仲要唔駛加錢!), 食到做節咁都係人均$60!不過主食加配小食飲品等全部都有優惠價無上限加配, 想flexible d揀返鍾意食嘅野就散嗌都唔貴味道方面, 夢王蛋係日本公投No.1刺身蛋🎌, 蛋黃呈橙黃色, 稠結濃郁, 蛋香味仲勁過蘭王🥚 整溫泉蛋用黎拌飯勁正當然加埋輕炙過嘅A5和牛片甘香肥美🥩溏心蛋放係麵豉湯蒟蒻麵又係另一番風味, 無負擔蒟蒻麵爽口無腥味, 紫菜用咗潮式頭水紫菜更香而唔鹹, 係港日fusion拉麵🍜呢度嘅豬頸肉係先蒸後烤, 無咁油得黎仲係爽口🐷, 蘸泰式香草酸辣醬勁惹味!冬菇花膠鍋用個邊爐鍋熱住超有屋企味道, 鮑汁入味鮮而不鹹, 掛汁係Q彈嘅關廟麵度又幾好食!

值得推介下呢一間超抵食嘅街坊人情味小店❤️定價都係超親民👍🏻用平民價錢就可以享受到高級和牛美食🐮🤤仲有鮑汁冬菇花膠鍋超出色！唔係唔支持呀?😍🙌🏻-🍲鮑汁冬菇花膠鍋（配關廟麵）/ $68（另加配滑牛 /$15 *仲有其他配料可以自行選配）超級推薦這鍋鮑汁冬菇花膠關廟麵！超級足料啊勁多花膠冬菇～湯底勁入味仲要零味精㗎!!第一次食關廟麵🍜一路微火煲咗勁耐麵身都可以保持到爽滑唔會淋身! 呢一鍋麵係超級滿足!!)-🐮夢王和牛丼 / $68（呢碗和牛丼你冇睇錯只要$68平民佛心價！材料仲係用日本產鹿兒島A5和牛同埋夢王蛋!!!呢一碗真係超值啊～如果怕生食蛋，仲可以揀溫泉蛋/流心蛋/太陽蛋，超貼心呢～）-🐷烤豬頸肉 / $18 （有四小片厚切好抵食！）-🐟炸蜆蚧鯪魚球 / $28（4粒）（超級飽滿的一球很大！）-🥛炸奶卷(4條)配煉奶 / $28（超級好吃！一點都不膩!!!這個推薦哦～）-🥬郊外油菜（通菜）/ $15(正常油菜～但係份量都比出面其他店嘅份量多!）-💧祛濕茶 / $10-🌼金銀菊花薏米 / $10養生涼茶類甜度仲可以自己揀㗎！大大支超抵飲！

前幾日食左呢間非一般嘅「粥麵舖」😆 除左港式粉麵外，仲可以食夢王蛋和牛丼及鮑汁冬菇花膠鍋，而且其性價比之高令我幾驚喜💚和牛丼嘅夢王蛋可選配溫泉蛋、流心蛋、太陽蛋或生蛋，牛肉油脂分佈平均，肉質相當嫰滑，連同香濃嘅蛋汁撈埋白飯一齊吃，美味💯 鮑汁冬菇花膠鍋份外足料，佢地配上特別容易掛汁嘅台灣關廟麵，加上冬菇及花膠都炆得很腍，好滿足😋以上兩款美食都係 $68，個人認為好值得推介而且可以周不時來食嘅日常餐點👍🏻另外蜆介鯪魚球和炸鮮奶卷同樣係滋味之作，我特別鍾意炸鮮奶卷，外層鬆脆，鮮奶好香 (記得點煉奶一齊食🤭)最後埋單時發現，佢地正慶祝開業一周年，8 月 31 日前會有全單 88 折，推介大家去試試💚

今日去咗呢間性價比高嘅低調小店度食晚餐原來最初期嗰間係牛池灣之後搬咗去新蒲崗然後再係太子開分店呢兩間舖都有唔同嘅Menu下次再去新蒲崗試吓先夢王和牛丼 - $68牛肉係鹿兒島直送嘅頂級A5和牛入口即溶而且份量都唔少雞蛋係用咗夢王蛋粒蛋黃勁香同埋勁大粒撈勻咗成個飯同啲和牛成個口感都勁滑同勁香價錢亦都唔貴呢個嘅性價比好高世一撈丁 - $48我哋揀咗豬頸肉同埋太陽蛋太陽蛋雖然唔算有好大塊燶邊但都幾脆豬頸肉整得好好食後尾先知道原來個豬頸肉係先蒸後煎香唔怪得知食落仲Keep到好Juicy一啲都唔會乾撈丁都充滿住麻油嘅香味鮑汁冬菇花膠鍋 - $68首先想讚吓個湯底先因為真係好重冬菇味鍾意食冬菇嘅朋友應該好開心因為佢塊冬菇超大塊花膠份量都多而且整得好淋食完都感覺到滿滿嘅骨膠原關廟麵軟硬程度適中加埋佢個辣椒油更加惹味炸花枝丸配炸墨魚餅 - $42炸花枝丸大粒彈牙食落好香口花枝味都好重炸墨魚餅大塊而且好厚身咬開都係好彈牙-炸雲吞 - $28/3粒有得嗌細份都幾好食得晒之餘又可以試多啲炸物呢個炸雲吞同我想像中有啲出入比我想像中大粒好多同埋呢粒唔算大嘅雲吞入面已經有2隻蝦真係好足料菜心 - $15菜心好甜啲

呢間餐廳係新蒲崗插旗多年都未去食嘅原因係一直以為佢只係食麵，直到佢係太子開咗分店，而且推出咗夢王系列之後先想去試試佢，點知原來內有乾坤，試完返唔列轉頭了😏😏夢王和牛丼 $68太子分店主打夢王蛋，蛋香不在話下，和牛肉質鬆軟，入口有淡淡嘅油香，加埋個秘製豉油，呢個價錢食到和牛丼，都真係無乜投訴🤤瑤柱上湯浸蘿蔔 $18湯底係由豬骨雞骨熬製而成，上枱已經聞到香味，湯頭夠哂味，唔油膩，零味精使用，非常好飲，蘿蔔一咬就散，非常軟熟，一啲渣都無，最緊要係入哂味，🐻追住個湯嚟飲🤣，睇落越簡單嘅料理，越食得出背後嘅心機👍🏻鮑汁冬菇花膠鍋 $68一大鍋上枱，店家仲好窩心咁拎埋個爐上枱，煲住食夠哂熱😚 一共有6大舊花膠，仲要唔係嗰啲平價花膠，食落係滑滑地又有啲痴牙，膠質滿滿，冬菇又係大大隻，絕對唔馬虎，咬落去仲咇哂汁，個鮑汁亦都無Hea你，夠味得嚟又夠厚身，味道都幾濃，配埋個鍋本身嘅關廟麵，真係好鬼正👍🏻輕量版炸物 $28炸韭菜餃+炸蜆蚧鯪魚球兩款炸物都炸到脆卜卜熱辣辣，韭菜餃食落去好有驚喜，食到好濃嘅韭菜香味，而唔係食到出面好多餐廳都食到嘅膠味？😂 而蜆蚧鯪魚球，啖啖魚肉，勁香魚味，夠哂彈牙，食到蜆蚧嘅真