小漁港海鮮舫 鮮蒸‧鮮味火鍋

營業中

休息中

有得食蒸海鮮的地方已買少見少，太子「小漁港海鮮舫 鮮蒸•鮮味火鍋」是我近期的新發現，食材新鮮，而且好抵食，如果要過來試一定要book位，因為真係好full好多人，當日係全場爆滿。是日廚師智選套餐｜$318/位🔸 刺身拼盤有三文魚、油甘魚、北寄貝和象拔蚌，全部刺身都是厚切，而且十分新鮮🔸 椒鹽豆腐豆腐炸到金黄香脆，配上炸香的蒜粒就更惹味🔸8款時令海鮮肉蟹、鮮蝦、蠔、鮑魚、粉絲扇貝、馬友、青口、蜆分了3個時間來蒸，因為不同食材，需要不同時間來蒸熟。🔺第1 回 - 先蒸鮮蝦、鮑魚、粉絲扇貝、馬友鮑魚爽口彈牙，馬友魚肉肉質好鮮甜嫩滑，粉絲吸收了扇貝的汁，所以十分鮮味。🔺第2 回 - 蠔、青口、蜆全部都好鮮味，蜆完全無沙，讚🔺第3 回 - 肉蟹肉蟹超級大雙，蟹肉是頂殻的，十分肥美，肉質超甜，好正🔸4款時蔬有勝瓜、小蕃薯、粟米，芋頭，再配上蟲草花蒸雞烏冬蒸就後，雞的肉汁融入在烏冬當中，令烏冬帶有濃濃的雞湯，十分惹味，雞肉也十分滑嫩。🔸蟹粥在上刺身的時候，店員已將蟹蓋先放到鍋底，加入了米、豬肉、瑤柱，煮了大約1小時後，一鍋美味的蟹粥就完成了，蟹膏完全融入粥底中，也帶有瑤柱和豬肉的甜味，這蟹粥真是清甜

前幾日去深水埗見到有間蒸氣海鮮，食飯時間好旺場，去到9pm都仲有人嚟食～ 門口有幾個大魚缸，養咗好多海鮮，包括斑馬賴尿蝦，肉蟹，波士頓龍蝦，鮑魚等等，全部都好生猛～入到去係傳統中式菜館嘅設計，梳化位坐得幾舒服～餐前送酒小食有蕎頭同脆炸黃豆，黃豆炸得好香脆可口，少少辣好惹味燒魚干 $48口感香脆，惹味可口，除咗鹹香中帶點魚香味同醬油味，點埋沙律醬食非常夾，送酒一流～刺身拼盤通常火鍋店嘅刺身拼盤都係麻麻哋，估唔到呢度嘅刺身拼盤質素唔錯～ 有三文魚、北寄貝、帶子、油甘魚、象拔蚌～ 三文魚肥美鮮美；帶子厚身鮮味；象拔蚌刺身都唔係度度有得食，好爽口鮮味👍🏻波士頓龍蝦蒜蓉開邊蒸龍蝦最正，肉質爽口彈牙，好鮮味～鮮海蝦海蝦新鮮，蝦肉結實鮮味，肉質爽口彈牙～鮑魚鮑魚大大隻，洗得好乾淨，肉質爽口完全唔韌～扇貝蒸完都無縮水，入口啖啖肉又鮮甜，配上粉絲吸收咗扇貝嘅精華最夾～貝殼三寶包括蟶子、青口、蜆肉～ 蟶子新鮮有咬口；青口大隻飽滿；蜆肉鮮味，一粒沙都唔會有～農家四寶蟲草花蒸雞配烏冬雞件一啲都唔肥，配上養生蟲草花好入味～農家四寶包括南瓜、芋頭、粟米、節瓜，食咗咁多海鮮食返啲菜平衡下～ 烏冬好滑溜，吸收咗蟲草花

同朋友都勁鍾意食海鮮，成日都會周圍食海鮮😆前排又出動去呢間專門食海鮮嘅餐廳。雖然話係「小漁港海鮮舫」，但其實係市區內，位置夠方便👍🏼呢到係專人幫手蒸海鮮+serve你的，服務超好，橋埋手等食就ok🤭🤭【鮮味滿滿嘅海鮮之夜】✨象拔蚌刺身拼盤- 無諗過連刺身都幾有水準，每件刺身都好夠凍同新鮮，帶子厚切味道鮮甜，象拔蚌新鮮得來口感爽口。三文魚更加係好長身，肉著爽滑。之後就由店員逐樣海鮮蒸來食～1. 🦞龍蝦半隻- 新鮮到放上蒸籠後都郁，肉質彈口鮮甜，而且都幾多肉下😋😋😋2. 🦐海蝦- 估唔到係非一般咁大隻，蝦肉比較肥美，肉質結實得來彈口鮮甜，食落去好滿足☺️3. 元貝- 上面鋪上粉絲，吸曬帶子鮮甜精華，正！4. 鮑魚- 大大隻，肉質肥美，有嚼勁，鮮甜味慢慢滲出5. 海魚🐟- 其貌不揚，估唔到肉質都嫩滑juicy，魚皮好滑6. 貝類3種- 貴妃蚌肉厚，味道鮮甜，好重海水味- 蜆粒粒都好鮮甜飽滿，好好食- 仲有我最鍾意嘅蟶子，大大條幾躲肉，而且都鮮甜- 3種貝類食過後滿口都係鮮甜味😆7. 蟲草花蒸雞烏冬底🐔- 要由店員反覆蒸2次，熟度剛剛，雞肉好甜同肉嫩- 另外烏冬本身好彈口，撈上咖哩濃度剛好😋8.

想食海鮮但又唔想洗咁多錢，係九龍區我就會諗起小漁港，幫襯過好幾次，每次去親啲食物質數都無點變，都係好穩定，所以今日太太話想食海鮮，我馬上就話不如去食小漁港喇。今order咗個$298廚師推介套餐，佢啲餐其實都來嚟來去都係咁上下價錢，想食貴啲佢都可以on top加啲貴價海鮮，如皇帝蟹，象拔蚌之料等，嚟到可以問問老細等佢介紹返俾你，可能有拆頭俾你呢。講返今日食咗啲乜野先。一嚟枱上面就放兩碟小食，都係啲開胃小食，正正常常，係令你開胃同想飲返杯啤酒囉。事日刺身 - 象拔蚌幾爽脆之外，其餘都係一般，但溶雪處理得唔錯，食落都覺係新鮮貨嘅。本地龍蝦 - 一嚟先食咗龍蝦先，一人半隻，佢有個timer set好晒時間，生熟時間剛好，一啲都唔靭重好鮮添，本地龍特色係鮮甜爽彈，唯獨係貴啫，所以今食依隻唯一問題係唔係好大隻，肉就約莫有一隻手掌咁大，但食味與鮮度係無得彈，$298食到超抵。蒸原隻蟹 - 食完龍蝦就食蟹，原隻上，一啲都唔寒酸，蒸好啲肉唔梅，肉筫結實帶鮮甜，新鮮貨，雖然拎嚟時甩手甩腳，但食落就知佢係新鮮貨嚟嘅。海蝦 - 海蝦一人兩隻，中等size，彈牙有鮮味。扇貝 - 面頭有一個做好味嘅粉線一齊蒸，

話說近排都有d忙，都好耐無好好食過一餐，今日終於完成左個project，OT完都要好好咁慶祝下！我同朋友就揀左呢間主打海鮮蒸氣鍋嘅小漁港，每日Facebook 公佈套餐餐單，都幾有趣嘅，每次都有d新鮮感呀嘛。🎈Menu小漁港主打兩款套餐，一款$298，一款$398，我地見到$298是日廚師精選套餐都已經好豐富，有刺身拼盤，八款時令海鮮，仲有烏冬同粥，睇到都覺得抵呀，就點佢啦！✨ 避風塘鮮魷係度等上菜前，我地叫左個小食「避風塘鮮魷」，鮮魷金黃香脆，炸蒜夠晒多，有乾椒，辣勁十足，愈食愈辣，但又好過癮。✨刺身拼盤然後上枱係刺身拼盤，象拔蚌薄薄一片，好爽口鮮味。帶子肥美，微帶檸檬香，仲有北寄貝同油甘魚，好豐富。接住就到八款時令海鮮開始啦，每日都有d唔同，今日我地食左以下幾款。✨元貝、海蝦首先係海蝦及元貝，海蝦大大隻，肉質結實彈牙，食落仲帶蝦膏。而元貝就用上蒜蓉粉絲蒸，蒜香十足，粉絲吸晒d汁，少少乾身，十分惹味。✨瀨尿蝦然後係巨型瀨尿蝦，拉長大過一隻手掌，個頭好多膏，略帶咸香，肉質都幾結實，味帶甜，不用調味已經好鮮味！✨ 鮑魚、海魚接住有鮑魚及海魚，鮑魚好厚肉，結實彈牙，有咬口又一d都唔韌。海魚

想一次過食晒海鮮嘅鮮肉同精華，就非海鮮粥底蒸鍋莫屬啦😎.今次就黎到位置太子嘅「小漁港海鮮舫 鮮蒸。鮮味火鍋」食粥底蒸鍋🙆‍♀️.環境：🌕🌕🌕🌕餐廳裝潢以漁船為主題，牆身掛住一幅幅嘅壁畫，將舊時代嘅香港呈現眼前，如21世紀初期維多利亞港，19世紀初太古船塢等等。而店內雖然座無虛席，但空氣流通，坐位亦寬敞👍 蒸氣鍋嘅熱同冷氣機嘅凍互補，即使係炎熱嘅夏天，都可以食得好舒服☺️.餐牌&價錢：🌕🌕🌕🌕🌕餐牌有兩種價位，分別係$298同$398。我哋就揀咗$298嘅是日廚師精選套餐，貪佢款式較多🙈 包括左一款主食，四款時蔬，兩款刺身同八款時令海鮮。重點係廚師會挑選當日嘅新鮮貨， 所以保證新鮮之餘，每日嘅海鮮都唔同，而facebook 會日日update架✨除左蒸鍋，仲有8款小食，價位係$38-$68之間，係正式食蒸鍋前我地就叫左份避風塘豬手🥰.食評&飽肚度：🌕🌕🌕🌕🌕粥底蒸鍋一共有八層，店員先上左刺身同豬手先，邊食邊等第一層蒸鍋🙈.刺身有三款，分別係象拔蚌，帶子同北寄貝～象拔蚌同北寄貝食落爽口彈牙，而帶子又好鮮甜☺️.避風塘豬手第一次食避風塘豬手🙈 大大一碟，有好多舊，豬手炸至香脆，再加上椒鹽，辣椒同炸

好彩有book定枱，8:30時間好full!餐廳唔算好大，一坐底就安排卡位坐，舒服位啊！叫左$298套餐,就有以下落黎順序食既野刺身-樣樣都好新鮮, 份量望落少, 但完全足夠,特別個象拔蚌好爽口！先望望個粥底, 有南瓜,小柱同排骨扇貝同大蝦個扇貝洗得好乾淨, 蒸到岩岩好離肉,好鮮甜個蝦好彈牙爽口貝類-隻隻熟左打開,證明新鮮, 特別蟶子真係好爽口好正。以為d鮑魚會好un,但真係好爽口好易咬。呢條魚唔知咩名堂, 但肉質真係好滑,好似黃花魚d肉甘食到呢度已經8成飽,仲有壓軸奄仔蟹！好多膏好多膏！肉好實好甜好好好正！最後虫草花蒸雞, 烏冬係底,好煙un！但真係已經好飽,食唔哂。D瓜蒸熟嚟食真係好甜最後最後！經過甘多次海鮮精華既粥底(不含味精)好軟棉,排骨好林好正啊！總括來說：海鮮刺身真係好新鮮！海鮮洗得好乾淨，好欣賞！所有店員服務好好，好友善！餐廳裝修幾特別，好似小漁港！

星期一返到公司，同事間的話題總是離不開剛過去的星期六日去咗邊度玩或者食過什麼好嘢，大家七嘴八舌毫無保留地分享，聽到其中一位同事落力推介去太子食海鮮蒸氣火鍋，講到簡直是人間美食，材料新鮮兼超值，搞到我心思思，一於約埋死黨放工後去踩場。出咗地鐵站行幾分鐘就到，門前有一排大魚缸，海鮮非常生猛，店內裝修亦雅緻整潔，帶點懷舊風，店員安排我們坐在海鮮缸旁的圓枱，舒適闊落，可一邊吃一邊看著游來游去的海鮮呢！店舖主打蒸氣火鍋，食法較健康，用蒸氣方法保留食物的本質，有海鮮蒸鍋套餐和是日廚師精選套餐選擇，我們兩個女仔驚自己眼闊肚窄，為免浪費食物，於是點咗個 $298／位嘅「廚師精選套餐」。套餐包八款時令海鮮、兩款刺身、四款時蔬和一款主食，肯定夠飽之餘，其實我地心諗由廚師發辦，材料應該會揀當日最新鮮啩。朋友和我都是不折不扣的番薯控，看見餐牌上有一款小食「天婦羅番薯仔」，即刻兩眼發光，冒著撐破肚皮的風險都要叫番一碟來試。果然不失所望，細細粒的紫薯，咬落粉糯香甜，天婦羅粉漿薄夾脆，喜歡的話還可以蘸沙律醬同吃，一口一粒夠晒滋味。首先送來的是「刺身拼盤」，北寄貝新鮮爽脆，油甘魚厚薄適中，油鮨香，口感油滑幼細，象拔蚌

近段時間蒸氣鍋越開越多，之前都試過唔少，唯獨今次，一試已經愛上那味道！當日來到嘅時候已經坐滿人，好彩預先book枱，否則黎到唯有等。一坐低職員已經好好招呼，介紹是日嘅精選套餐，一於就跟足佢嘅介紹。等候上主菜嘅時候，先嘗試佢地嘅前菜，另外多叫左碟椒鹽豆腐，少少辣，幾開胃，重要嘅係每粒豆腐炸到啱啱好，配上炸蒜，一流！主菜上場啦，打頭陣嘅係刺身，唔好以為佢地係以蒸氣鍋為主，原來刺身同生蠔都好新鮮！跟住落來，各款時令海鮮陸續登場，侍應姐姐為我地將每款海鮮按次序地擺落蒸氣鍋，貼心地計時，令我地可以品嘗佢地最鮮嘅一刻。馬刀貝，蕃薯貝同聖子，蒸得啱啱好，新鮮海鮮嘅海水味非常突出。鮑魚食落非常爽口，若有陳皮之類調味，味道相信更加吸引。扇貝肉質好彈牙，加上蒜蓉粉絲，幾惹味。而蝦肉質結實，食落就知新鮮。而我最欣賞嘅係黃花魚，肉質嫩滑，火候啱啱好，原來當鮮味遇上火候啱啱好的時候，味道可以如此突出！而蟹亦係重點推介之一，蒸氣鍋絕對係將其鮮味帶到另一個層次。蟹肉鮮甜，蟹膏濃郁，愛蟹之人實會感到滿足。另外多叫左一碟牛，算係都特別嘅嘗試，平時打邊爐就試得多，蒸氣鍋就真係第一次，呢次嘅嘗試可算係絕對值得一試嘅體驗。味

朋友本月生日，難得齊人當然是要食大餐海鮮蒸氣鍋幾年前剛興起時曾經在老尖食過那次也是因為朋友生日感覺性比價不高，每位埋單直逼七百味道也沒有特別出色，所以之後一直沒有再食今次壽星女提出要食蒸氣鍋時，本人也不抱希望但竟然今次比幾年前的好很多避風塘豬手雖然看似很辣 但其實只是微微辣，頗脆皮下有很多膠狀軟骨，感覺可以補充骨膠原當作等候時的小食，很惹味但這款沒有包在套餐裡，是額外點的貴花蚌肉質彈牙，而且鮮甜殼的汁也可以飲帶少許咸味和鮮味蒜蓉粉絲蒸扇貝本人其中一款喜愛的菜式只要扇貝新鮮，基本上也不會是伏帶子肉質不會老，配上蒜香粉絲大愛馬刀貝這款平日刺身吃得多，蒸還是第一次比起刺身，熟食肉質比較煙韌結實，不錯蕃薯貝 & 珍珠蜆對比剛才的貝類，這款鹹香海水味最重雖然是細細粒，但肉質飽滿，鮮味無減，本人頗喜歡的鮑魚平日家父煮新鮮鮑魚都是汁煮第一次食無配料的清蒸鮑魚肉質爽口，不會過韌，帶陣陣鮮甜味草蝦蝦頭有大量膏，超級鮮甜而且肉真的很彈牙，相當新鮮平日本人不太愛食蝦，但都覺得這隻蝦是頗高質長腳蟹最期待的環節，店主捉住隻蟹過來時都覺得很生猛蟹腳啖啖肉，大家都食得津津有味大量蟹黃與生米一起在底慢慢煲成粥蟹粥結集

【海鮮都係蒸嘅好】上星期喉嚨唔舒服，但係又約咗朋友食飯，靈機一觸，揀左呢間小漁港「蒸海鮮」，海鮮都係蒸嘅好，除咗可以保留海鮮原本嘅鮮味，仲可以約一層層嘅精華留底，整返碗【鮮味粥】或者【鮮味烏冬】一入座，就望到座位隔離有個小漁船嘅模型，而且牆上好多海港嘅牆紙，睇得出想制造出漁港嘅環境同感覺。未點食物，店員已經非常快手上咗花生同喬頭，我唔係好食喬頭，但係脆卜卜嘅花生就比我食曬。我哋兩個人，每人都叫咗＄268嘅套餐，唔需要加一，非常均真。個餐包咗一盤刺身拼盤，有三文魚刺身同埋蟶子刺身，三文魚普普通通，但係蟶子就好爽口，認真唔錯。每個蒸爐係有電子計時器，一開著就會即刻霧上蒸氣，呢到同其他店嘅最大分別係其他店會一次過幾層一齊蒸，雖然精華會一層一層咁滴下，但係好容易會蒸過頭變老，所以我都幾欣賞佢逐層分開，而且海鮮精華都係會儲到最底嘅大盤中，唔會浪費。主角終於到了，第一層係生蠔、北寄貝同馬刀貝等等，非常鮮嫩！一啲都唔會腥。第二層係蒜蓉蝦、元貝及鮑魚等等，蝦同元貝我都非常滿意，但係鮑魚相比之下有啲腥，呢到有少少扣分。值得一提嘅係粟米好甜好爽口！第三層係大羔蟹同埋我覺得最正嘅「蟲草花蒸雞烏冬」，羔蟹係非