陳儀興飯店 (嘉悅)

營業中

休息中

第一次入將軍澳食飯，好彩朋友推薦，有提早book位，見到呢間餐廳平日夜晚都座無虛席😲。入到餐廳唔算細，有大檯同細檯，環境乾淨寬闊。椒鹽鱔球🤤鱔球炸至金黃香脆，肉質厚實，口感彈牙，完全唔會油膩。鳝球處理得十分乾淨，啖啖肉完全無骨亦無泥味。焗魚腸🐟依家好少餐廳有得食，蛋味濃郁🥚，仲有大量魚腸🐟，而且完全無魚腥味，真係好滿足，趁熱食一流😍。鹵水拼盤(墨魚片、腩肉、大腸、紅腸、生腸、豬耳、豬頸肉、滷蛋、豆腐）😍食潮州菜點可以缺少鹵水呢，叫左一碟鹵水拼盤，一次過滿足曬多個願望😎。份量十分足夠，墨魚片有咬口，腩肉肥瘦相間，大腸生腸豬耳處理得十分乾淨無腥味，連墊底嘅豆腐都十分嫩滑，滷水蛋非常入味👍🏻。四季黃金拌鴨舌🦆鹹蛋粉漿包裹住四季豆同鴨舌，炸粉比例恰當，薄薄嘅一層，十分香口酥脆🤤。上湯龍蝦🦞超級推介即撈即煮嘅龍蝦，十分生猛，我地揀左用上湯方式處理，龍蝦鮮味，肉質鮮嫩彈牙，仲要有蝦膏。兩人食每人半隻，份量啱啱好。整體而言，朋友真係無介紹錯，呢間潮州菜果然係好好味，每樣菜式都絕對唔會馬虎，做到十分出色，下次都會繼續幫襯👍🏻。

如果想食打冷，陳儀興都係一個信心嘅選擇，新蒲崗老店都幫襯咗好多年，知道將軍澳開咗新店，梗係過嚟試吓。當行入一間裝修雅緻咁新淨嘅舖頭時，雖然佢個招牌係寫住陳儀興，但內心不免都會有一絲懷疑，但當我將個韭菜豬紅放入口嘅時候，我就知道呢一間同老店係無分別，依然食到老店嘅水準同埋味道。#鹵水鵝粉肝 $178除咗法國嘅鵝肝出名，潮州其實都有一味鹵水鵝肝，鵝肝吸足鹵水汁，口感柔嫩，甘香鮮味，入口即化。#鹵水拼盤 $138比出面打冷大碟，有墨魚片、腩肉、大腸、紅腸、生腸、豬耳、豬頭肉、鹵蛋及豆腐墊底。每間店嘅鹵水汁都唔同味，有啲偏甜或有啲重鹹，呢度鹵水汁係屬於鹹香濃郁，全部鹵得入味，而且能保留食物原本嘅味道，沾上潮州辣椒油加蒜蓉白醋一流。#潮州蠔餅 $93新鮮炸起兩大塊，上枱時熱辣辣，炸得酥脆但唔油膩，唔會話一咬落去就標晒油出嚟，外脆內軟，一定要用鴨蛋先可以炸到呢個效果，蠔仔飽滿足料，充滿蛋香，加埋蔥粒，沾埋魚露更惹味。#韭菜豬紅 $70食打冷必點韭菜豬紅，醬汁味濃複雜，用咗唔同調味料去熬製，豬紅處理得好好無腥味，吸晒醬汁好入味，韭菜好嫩無渣，份量都幾大碗，不過豬紅就鹹咗啲，應該送潮州粥食味道就剛剛好

跟住住將軍澳的朋友夜麻麻搵野食，好多餐廳9點零就收鋪，好彩行一陣見到呢間潮州菜。朋友話平時餐廳都好滿，就算外賣都要等好耐，今次誤打誤撞黎到食，果然無令人失望！🥢想食好耐嘅蠔仔粥勁足料，一份細嘅都分到4至5碗，蠔仔size中等，配菜有冬菜、肉碎同方魚，脆脆地，啖啖肉之餘又有粥，夠晒兩個人慢慢添食！🥢鹵水拼盤好惹味，醬汁落得一啲都唔手軟，滷得好入味！有墨魚片、腩肉大腸、紅腸、豬耳、豬頸肉、鹵蛋同豆腐，乜都可以試幾舊，啱晒口痕嘅我地😆 個人最欣賞豆腐同豬頸肉，超入味，又唔會太咸！🥢朋友話未食過白鱔，所以一試豉汁蒸大白鱔，上枱擺盤幾吸引！海鮮要襯熱食，凍咗可能會腥。大白鱔肉身好厚，但豆豉整得唔夠散，下底嘅豆卜吸唔到味。😥🥢今次係我第一次食手工芋泥，味道略甜，落得太多糖？實物同相片有距離，大家要叫就小心啲！整體用餐體驗唔錯，滿足咗想食潮州菜好耐嘅慾望！下次一黎一定會食鹵鵝片同炸蠔餅😋😋😋

以往想食潮州菜，一般都只會去九龍城或尖沙咀食開嘅老店，反而將南嘉悅地下嘅「陳儀興飯店」，經過好多次都未有衝動嘗試。今日難得阿仔話想去試吓，機會就係咁出現了😂室內裝修同一般家庭式經營飯店冇異，幫襯嘅客人，目測一般都係上左年紀既家庭客，當然年青人較為喜歡去 Cafe吧，但冇問題嘅，唔同餐廳有唔同定位客戶群，對我呢講乜都得，最緊要食物質素正😂🔻鹵水拼盤呢個拼盤睇落去感覺已經好豐富，有紅腸、豬耳、豬頭肉、腩肉、墨魚、生腸、大腸、雞蛋等等，最重要個鹵水汁亦相當唔錯，鹹甜適中，各食材亦非常入味👍🔻韭菜豬紅一見佢只可三個字形容「好大碗」，豬紅大大粒佈滿成碗，個汁底有好香濃沙嗲味，韭菜全部墊底，可以想像到幾野味😋🔻鹵水鵝片鵝片肉鮮肉嫩，加上鹵水汁靚已經完全合格，下面嘅花生亦一樣出色😍🔻潮州蠔餅好多時食到嘅蠔餅，外層都係一層厚厚嘅粉醬包住，陳儀興嘅做法我真心喜歡，層粉只係薄薄塗上去，感覺好似天婦羅咁樣，蠔仔大大粒脹卜卜，正因為層粉夠薄，所以每啖食落去，都好實在食到蠔仔鮮味，希望呢個係佢地一貫做法，抵讚👍🔻糖醋煎面糖醋煎面係我其中一個至愛，味道做得好好嘅，外脆內軟，可能遲左攞出黎，到枱時感覺涼了少少😅🔻手

放假阿媽唔想煮，所以就等佢休息一日，放是我就搵吓有乜買，最終竟然比我喺將軍澳見到有「陳儀興飯店」。之前食過太子店覺得好掂，所以即刻鎖定目標😃。餐廳喺區內好受歡迎，嚟買外賣嘅街坊同速遞員絡繹不絕🥡，收銀阿姐做到唔停手！我哋買咗三個餸，價錢唔算平，不過份量畀到足，分兩餐食都夠👍。鹵水拼盤($108)，拼盤內容好豐富😍，當中包括鹵豆腐、紅腸、大腸、鴨掌、鹵蛋、生腸、墨魚、腩肉、豬頭肉以及豬耳等。每一樣食材質素都好平均，而且處理乾淨。我個人就較為鍾意爽口嘅墨魚同生腸，而腩肉就略嫌肥咗少少🐷。鹵水鵝件($118)，🦢呢盒鵝件係近上庄位置，有胸肉同鵝翼，食落大啖肉，相對少骨。鵝肉本身香而不羶，而滷水汁味道恰到好處，唔會過重口味，主要係襯托出食材嘅鮮味。撚手蒜香骨($95)，🦴蒜香骨非常惹味，外賣水準都有95分，相信堂食定必更出色。每粒排骨經爆香，滲透出濃郁蒜味，超正；再加上外層脆脆哋同有炸蒜，口感佳！我第一次咁鍾意食有骨嘅餸。總括嚟講，陳儀興無負老字號之名，食物質素無令人失望。即使而家無得堂食，但外賣同樣可以品嚐到好味潮州鹵水同即叫小炒🍚🥢。除咗加餸之外，我仲見到佢有推出盆菜添！