鐵牛台灣牛肉麵 (金巴利道) (已結業)

一年後重遊舊地，附近既鋪頭都變左好多，但佢仍然屹立不倒，而且生意仲Keep住幾好，本人好鐘意食台式野，當然要再試試佢，睇下味道有咩變化。雖然傍晚時分先去，但唔洗等好耐就有位，覺得佢有樣野好加分，就係會持續播一啲台灣歌手既歌，而且好多都係熱門既舊歌， 一邊食野一邊聽，種感覺幾好。招牌紅燒牛肉麵 - 68$紅燒牛筋腩麵- 68$麵一上枱 ，即刻試啖湯先，飲落去唔會好似死鹹既味道 ，留意返紅燒係會有啲微辣， 麵既口感幾好，但覺得食牛肉麵 ，始終都係同刀削麵最夾 ，牛肉食落好爽口， 唔會好似煲湯既瘦肉咁好乾柴， 而且牛筋滑捋捋又好彈牙，令到碗麵既口感多左啲層次變化，所以建議揀既都係揀筋腩最好。鹽酥小拼盤 -49$拼盤有鹽酥雞 花枝丸 脆薯 ，略嫌佢炸粉偏厚，但雞肉食落仲有汁流出，脆薯食落有驚喜，因為超甜，配搭埋椒鹽粉，鹹鹹甜甜好吸引。百香果QQ冰茶 及 蜂蜜愛玉綠茶 -每杯$20如果鐘意有咬口既，可以揀左邊既百香果QQ冰茶，入面有好多椰果同珍珠，右邊既蜂蜜愛玉冰茶，愛玉好似啫喱咁，味道亦都偏淡，好岩食完鹽酥類既之後飲用。

係特別的一日後，我同朋友A決定避開大量的人流，去了尖沙咀食飯。係壽司同牛肉麵之間，我揀左有珍奶的牛肉麵。餐廳叫鐵牛，黎到當然要食牛肉麵啦。呢到的面食，除了有一般的湯面外，仲有鮮蕃茄湯麵、麻辣湯麵，仲有乾拌麵。揀了食物後，就要拎張紙出去收銀處比錢。珍珠奶茶好快就到，珍珠的數量唔算特別多，不過就幾有咬口。奶茶係一般台式飲品店沖的味道，唔差但又無咩特別。由於我唔食內臟，朋友就叫碗內臟的湯麵再加小食同我Share。麻辣大腸肉燥麵的湯可以揀辣度，揀左少辣都唔少野。我見朋友食大腸時要用些少力去咬開，不過我無食過大腸，唔知係有咬口定淋身先係好食(笑)。成日都食湯麵，所以今次我見到有拌麵就叫了紅燒牛筋腩乾拌麵。湯面好似只可以揀牛筋或牛腩，但拌麵就可以食齊兩款牛。牛腩雖然表面好似有D乾，不過食落去口感淋身又入味。牛筋煮到好淋，不過膠質就差緊少少。麵的質地係夠煙韌，係我鍾意食的口感。加上拌麵的汁夠香濃，而且非常掛汁，令到每條麵都沾上了牛汁的精華。我們仲叫左一碟鹽酥小拼盤，一份有齊炸花枝丸、蕃薯條及鹽酥雞。鹽酥雞唔會炸得太乾，炸蕃薯條有開胃的酸粉，仲有炸得金黃的花枝丸。炸花枝丸入面有細細粒的花枝，食滿的口感

鐵牛於年內迅速打響名堂，由只有旺角中心主店，發展至今已在尖東及尖沙咀金巴利道各設一分店。小店主打正宗台式牛肉麵，價錢不高，深受年輕食客歡迎。尖沙咀金巴利道的分店座位較闊落舒適，環境不錯。鹽酥小拼盤($48)含酥炸花枝丸、炸蕃薯及鹽酥雞，拼盤可淺嘗數款小食，價錢亦不貴。花枝丸外脆內軟，墨魚味香。金薯亦香甜可口，友人甚為喜愛。鹽酥雞亦酥脆而富肉汁，與在台灣掃街時吃到的味道相約。主廚私房牛肉麵 ($72): 含數款部位較佳的牛肉，亦包括牛𦟌及牛筋，反正太technical也難以理解。牛肉炆至軟腍，牛味香濃，滷得入味好吃。湯底香甜而不膩，而麵的造功紮實，蠻Q彈的。除此之外，亦單點了一份紅燒牛腩切盤($88)，即使小小的一碟也有多達十大塊牛腩，同為軟腍入味。每件也連著適量的脂肪，油感適中，肉味亦香，碟內的滷水汁亦甚為惹味。

我輕輕的嚐一口你說的愛我還在回味你給我的溫柔A姐：M佬，唔好大庭廣眾口甜舌滑啦，呢啲嘢留返喺屋企先講啦！M佬：哈哈，我只係跟住Music唱，同埋講緊碗紅燒牛筋腩麵咋。A姐：你依家變咗啦，以前你都唔會咁講嘢㗎！M佬：傻豬，唔好嬲，等我嗌你上次話最好食嘅鹽酥小拼盤。話說，我哋突然有啲掛住台灣嘅味道，就係美麗華附近見到新開嘅鐵牛台灣牛肉麵分店，跟尖東店設計一樣，同樣播住台灣歌，好有Feel。紅燒牛筋腩麵紅燒牛筋腩夠軟腍，好入味，筋位夠晒彈牙，有好多骨膠原！最重點係湯底好香濃，好正宗嘅牛肉湯底呀！蔥燒豬軟骨肉燥乾拌麵乾拌麵煮得啱啱好，唔係太腍，仲係彈牙另，加埋少少麻油同肉燥，正。另外，豬軟骨煮得好入味，非常腍身。鹽酥小拼盤花枝丸夠晒香口彈牙，鮮甜美味；鹽酥雞鹹味適中，外脆內軟，濃郁嘅雞肉味道；炸番薯配上梅子粉，味道酸酸甜甜，食多件都唔會溜。麻辣豬爽耳豬耳切成一條條，仍然保持爽口度，麻辣味重，十分醒胃。肉燥小茄子小茄子細細條，一口一條，仲煮到非常入味，加埋肉燥，口感豐富。（記住Like同Share畀朋友）