Mr. Steak Buffet à la minute

營業中

休息中

同屋企人慶祝父親節，收工早左少少到。雖然可以提早入座，但都等到730先可以開始拎嘢食。7點半一到就已經稍見人龍係生蠔吧，決定先去沙律區，見加左個自助攪拌大盆，可以揀完菜再加醬汁，自己攪吓攪吓，都幾有厨師feel主角佐賀和牛分為和牛壽司同壽喜燒，壽喜燒可按自己要求幾分熟，牛味濃，份量足。和牛壽司味道不錯，但未能達到入口即溶。熟食還有羊架、鹅肝、聖子、飯麵等，味道不錯但唔算太大驚喜。海鮮有生壕（鲜甜但細隻），仲有長腳蟹、麵包蟹（大隻但偏咸）龍蝦、蝦、青口等刺生、壽司有三文魚呑拿魚甜蝦等，新鮮尚算肥美。甜品款式多，還有即焗心太軟（可在碟上提名）。間中仲有每日驚喜，不定時推出！！整體食物新鲜，款式算多，味道唔錯，價錢合理，環境舒服，地点方便，絕對係慶祝既首選！！

上次介紹過Mr. Steak Buffet à la minute的自助晚餐，雖然它一直在我心目中都是穩當的自助餐之選，但萬萬想不到這麼短時間內又會再次光臨，而與以往到訪有所不同的是：這次是我首次享用它的自助午餐。 自助午餐向來會比自助午餐相對便宜，而Mr. Steak Buffet à la minute的自助午餐亦分設兩個價格，星期六、日或公眾假期會比星期一至五貴逾七成，但當然食物選擇亦迴然不同，貴價食材如生蠔就只會在星期六、日或公眾假期的自助午餐供應。用餐當日為星期日中午，感覺上排隊人潮比以往於晚上到訪相對較少，等候時間亦較短。 食物款式與上次光顧分別不算太大，同樣設有佐賀產和牛專區，專門供應和牛壽喜燒及火炙佐賀和牛壽司兩款美食。切成薄片的佐賀和牛油脂分佈均勻得有如雪花一樣，即席放入甜醬油壽喜燒湯底數秒略為灼熟，肉質軟嫩得入口即化，肥而不膩，底下的雜菜更盡吸湯底及牛肉精華，相當入味，品嚐了一份又一份仍意猶未盡。師傅會先為和牛掃上醬汁，然後以火槍燒香表面，炮製成火炙佐賀和牛壽司。 是次到訪的最大分別是在佐賀產和牛專區右邊增設了燒烤區域，提供各種串燒如雞肉串、秋葵、粟米、雞脾菇等等。

好耐無食Buffet了🍽但最近遇上了一間高質又扺食的餐廳👍🏽😊佢就係Mr.Steak喇～～～😍🤩先講熟食 值得推介的有日本佐賀產和牛🇯🇵🇯🇵和牛壽喜燒 法式煎鴨肝🤤🤤味道方面 炙燒和牛壽司係即場用火槍燒的🔥🐮燒得剛剛好 入口即溶 配搭在壽司飯上可減低油膩感🙂☺️而和牛壽喜燒啲牛肉都幾大塊喔😍😍淥得剛剛好 肉質好滑好有和牛的味道🙃☺️至於法式煎鴨肝真係一流 好大塊又肥美又肉厚 正到呢👍🏽🤤雖然係鴨肝 但味道方面真係同鵝肝的味道無什麼大分別 真係抵食 小妹食左好多呀🐷😆冷盤方面有龍蝦 長腳蟹 麵包蟹 青口 生蠔等 龍蝦真係好大隻好新鮮 啖啖肉得嚟又勁多膏呀🤤😝小妹最少都食左兩隻呀🤣😂而長腳蟹嘅肉質都係啖啖肉 鮮甜得嚟又帶點淡淡的海水味喔👍🏽👍🏽麵包蟹又係好大隻 又係勁多膏呀 好開心呀😍☺️至於生蠔是自助餐必食的 我平時係唔食的 但我見到即場開蠔 非常大隻同肥美 我一定要試 結果真係無令我失望 口感好滑好有質感 仲食到不太濃烈的海水味 真係好高質喔😚😙各位生蠔控一定要嚟食呀🤤🤤刺身壽司方面🍣🍙 每次只可拎四款 有三文魚 帶子 赤貝 甜蝦 油甘魚 刺身新鮮肥美 食到停唔到口呀😜😋壽司方面都選是多選擇

book畫5點至7點時段，都超級多野食，無得試哂咁多樣野，全晚都無攞過魚生黎食，因為有太多其他野吸引，生蠔即開，每人限攞3隻，麵包蟹大隻得好誇張，勁多膏，食半隻都好滯，長腳蟹好有鮮味，仲要全部都啖啖肉，鵝肝同佐賀牛都好好食，入口即溶，好香油脂味，心太軟同牛奶布丁都好推介，心太軟真係流心到好肉熔岩咁，又唔會話好甜好滯，真係好好食。

同屋企人黎食晚餐，位置舒適，服務亦有質素，但唯獨係生蠔美中不足，食幾轉都係麻麻地，似蠔屎多過啖啖肉！失望得制無影相，但其他野食真係好掂！例如龍蝦，面包蟹，羊扒，牛扒真係必食！！次身方面都幾多選擇下，可以一次要4款，入口新鮮，但你預佢唔會切得好大舊。生蠔就希望可以改善下，轉入其他供應商。甜品方面，真係勁勁勁多款式！除左有蛋糕櫃，仲有入面心太軟，雪糕，雪條，最特別係第一次食西瓜蛋糕，真係用西瓜汁整xd比4星，值得一食

有朋友生日，聽人講左依間好食好耐，一於打去訂枱試下，$568/位，仲有88折，但生日正日只係有一件蛋糕送，但勝在服務好，打嚟同我confirm送蛋糕🎂時間，同會同你夾時間👍👍必食推介： 即開生蠔夠新鮮 / 麵包蟹🍞🦀，件件多膏 / 佐賀和牛壽喜燒，有入口即容感覺/ Haagen Dazs需糕同朱古力雪糕磚可不試： 冇諗蟶子係咁差，夠大隻，但蒸過火了咬唔開 / 鵝肝，味道好，但冇麵包，感覺太油，浪費了 / 燒牛肉，應該算係Mr. Steak的招牌，但又係過火了，老了

霎時間問我哪家酒店的自助餐最好，我答不了，腦海中浮現像好幾家級數和陣容極相似的選擇；但若果不是酒店而非放題，所想到的非 Mr. Steak 莫屬。坊間以餐廳身分去專注做自助餐生意的並不多，在港立足至少六、七年了，因為對上一次正是六年前跟男友來過兩週年紀念，那時的店仍在恆隆，以黑色打造出型格時尚感，和現在世貿中心的光猛黃調不一樣。搬過舖，地方大了，多了個維港景，但好像比以前難訂座，依舊的該是猶勝酒店的食物質素吧。忘了六年前的價位，當時還在唸書，吃個三四百的自助晚餐已是甚豪氣的，不像得現在見到價惠後的四百多會心動的說「不如放肆一次」云云。近來在做的優惠是88折，如果有匯豐信用卡的話更有買三送一的（至2017年6月30日），可惜沒有這卡，否則這次的三人行會變成四人行了。選了可以慢慢吃的7.30pm 時段，原價$568/位，加一後再88折便是大約$550/位。價位比得上某些較舊的五星級酒店，但可以肯定的是這裡的食物不會欺場，尤其是生蠔、蟹腳、和牛等較矜貴的食物，只是你肯食都會有，貨源不缺。不算是第一批到達的，因此一來到便見到海鮮區的墟冚場面。各人都排隊守秩序，輪候時間不長，不會等到煩燥。冰鎮海

屈指一算，同舊同事好友黎Mr Steak原來已有7個年頭啦~回看自己第一篇係Mr Steak的食評，已是2006年的事了! 這些年來，我地都定期係度開餐，因為佢有我地最喜愛既鵝肝。呢幾年覺得呢間店水準有點參差，但近兩次食已穩定下來，我地繼續食得開心冷盤方面，成隻麵包蟹咁食真係好滿足，肉厚，糕都多，但未至於好鮮味，反而食到蟹鉗就真係有鮮味。青口都唔錯，凍蝦就一般。今次無食到魚生，朋友話三文魚刺身比魚腩，好香好甜!熱葷方面，我鐘意食佢既比目魚，啖啖肉又滑，仲有和牛粒同羊扒都唔錯。鵝肝今次無再配多士，但不見新鮮整，所以食既時候已涼了。海鮮酥皮湯同燉湯就間著咁出，如果拎完一輪要等20分鐘先可以再拎番同一款。多數朋友都喜歡吃Mr Sreak既甜品，我就鐘意佢既雪糕~今次有我最鐘意既咖啡expresso雪糕，好濃好好味! 加埋野飲任斟，飽到上心口啦～老地方，老朋友，有感情。見住你試過水準下跌，依家又能保持番。希望keep it up la

想食Mr Steak幾年, 但一直都未有機會去。今次因為有88折優惠的關係，就同屋企人去試試。聽說最有名的是鵝肝、和牛及心太軟，心裡是期待已久的。雖然知道book個輪係19:30，由於我地早左半個鐘，想去餐廳門口坐低等。但原來要係世貿個地下lift lobby排隊到19:25 先可以上去。職員說上面lobby太細，要做人流管制。不過見到排頭位的伯伯拎住拐杖，如果可以人性化d，俾有需要既人上去係門口坐住等，又或者提點訂位的人士有需要自帶櫈仔排隊，會更好。其實Mr. Steak個lift lobby都唔細，anyway。我地坐的位置係梳化，一開始以為會唔好坐, 但似乎係最好的位置。梳化有硬度，唔會lup左落去，而且係成個buffet位中心點，向冷盤熱盤走都不會太遠，雖然係食客必經之路，人來人往，但勝在唔會太噪。一去度梗係攞龍蝦、麵包蟹、長腳蟹、魚生同生蠔先啦! 排場好正呀!!龍蝦、麵包蟹、長腳蟹多到滿瀉!!!!麵包蟹好多籽同肉、長腳蟹好大隻，我覺得呢兩樣好得喎 !!! 肉多新鮮! 可惜龍蝦沒有龍蝦肉味，失望; 生蠔雖然係即開即食，但冇乜肉，太瘦，唔新鮮，失望。魚生麻麻地，不過火灸壽司幾好

今日為左捉精靈，同男友去左維園行下，由於酷熱天氣4點左右，我們已經熱死左，好想食得好d,冷氣又要夠冷，最好任食坐得舒服，所以就衝去Mr. Steak 因為佢5點開始晚餐自助餐，今日我們真係好彩，無訂位都有位坐，好開心見到由愛爾蘭黎的即開生蠔，生蠔唔係好大隻，細細隻食落爽口，加d檸檬汁見到邊緣縮起，夠新鮮!我真係大愛生蠔♡跟住我就食麵包蟹，全部都斬開半隻，見到裡面勁多蟹膏，我就食左2件啦，當然仲有:阿拉斯加長腳蟹，大蝦，青口冷盤海鮮。食完海鮮跟住去食我最喜歡芝士，佢有5款，仲配上杏脯，西梅，非常突顯每種芝士不同味道，有帶苦味，有帶甜味，有帶咸味，滿足晒芝士控的我。另外我覺得熱葷都不錯，有炆冬菇鴨掌花膠同海參，花膠有膠口，少少爽口，一件件用刀叉食，感覺就係高級，海參就比較遜色，太薄無口感。鴨掌應該急凍貨無特別，冬菇又大又厚好好味有2款湯:酥皮忌廉湯和響螺燉湯，忌廉好滑，酥皮夠脆仲好飽肚，燉湯好清，味道好燶，有龍眼好補禁。煎鴨肝比想像中好食，香口，同鵝肝好相似……最特別係唔同時段，餐廳有一款心太軟的甜品，供客人寫上自己想講說話，我當然有去寫紙，因為內容太肉麻，唔可以貼上黎，但本人覺得餐廳心太

喜歡跟坐在隔離的同事分享覓食的經驗, 她和朋友每星期都有 “Happy Friday”, 故成日周圍食, 最喜歡就是吃自助餐。她最常提及就是位於銅鑼灣的Mr. Steak Buffet a la minute, 話食過咁多間長腳蟹最美味的一間, 不單止和一班朋友是常客, 每次還能吃20隻長腳蟹和3個心太軟, 還有……真是如此吸引? 既然她說了多遍, 今晚一於約埋與我一樣無海鮮不歡的best friend去大擦一餐。一出升降機門, 已被三大張推介佐賀牛、日本和牛和韓國牛的宣傳牌吸引了, 看來這必是今晚其中一款必吃的食物。旁邊放了一塊收費牌, 自助晚餐分兩個時段, 5:00-7:00pm成人收費$428, 而7:30-10:00pm成人收費為$548, 另加一服務費。甫進餐廳, 地方寬敞闊落, 裝潢華麗得體, 一排大型落地的玻璃窗, 讓客人可眺望銅鑼灣的夜景, 多美啊! 餐廳預設多張餐枱, 有數張四至六人圓枱、也有大量二至八人的長枱, 還有一排四人沙發座, 枱與枱之間空間頗多, 很適合客人出出入入取食物, 既方便又坐得舒適, 還有一些細心位, 如為客人設了擺放物品的盒子、不時有服務員為客人