田浦食肉

營業中

休息中

今晚叫左個二人餐，加個飯，同埋爆炸雞蛋羹，食到好飽好飽1）五花肉+豬頸肉（二人份） 有韓國Oppa幫手燒，我地可以坐定定等食，呢個服務真係好似置身於韓國既燒肉店咁，聽住店內播緊大大聲既韓文歌，好地道既感覺！豬頸肉燒到啱啱熟，顏色粉嫩，肉質爽，唔韌；五花肉切食細細條，五花層次分明，有軟骨既五花肉，食落有微脆焦香，肉質爽彈，唔肥膩！2）「爆炸」雞蛋羹呢個蛋上檯時係識噴煙㗎，上面有芝士，夾起時有拉絲效果，加上少少飛魚籽、粟米粒同芝麻粒，口感層次豐富，又有芝麻香，熱辣辣，蛋好滑口，唔老，份量好大，夠4個人分！3）黃油飯 燒肉食到差不多，工作人員先開始幫我地即場炒飯，務求新鮮送上！炒飯用牛油、泡菜、韓國紫菜碎、芝士同埋粟米粒炒成，粒粒分明，最後仲會用上沙律醬整個可愛豬仔樣出黎，好搞笑呀😂😂又可以打下卡用餐環境地道，服務周到，前菜已經一早準備好喺每張檯上，又有凍水提供（無冰），又無限時用餐，又有專人燒肉，唔洗自己動手燒咁麻煩

°•五花肉+豬頸肉550g $470本來還以為點一個應該不夠飽，居然份量超級多，而且還配了生菜可以包起來吃，吃到差點吃不完呢～因為當天有一個美美的仙女店員幫忙燒肉，心情很好，燒肉也燒得剛剛好，平面燒至焦香也保持了肉汁，特別愛五花肉，一口下去滿滿都是油脂香，但如果怕油膩吃一下豬頸肉也是十分不錯的💓°•黃油炒飯$68烤肉後店員會幫忙炒飯，將牛油爆香鍋再炒泡菜飯，最後加上芝士和紫菜炒一炒，再由美美店員畫上一個可愛的貓貓完成，將一道炒飯昇華再於有人在客人面前精心製作，而炒飯都真的好好吃，米飯加上紫菜和芝士根本絕配，價錢也不貴可以一試😋°•雞蛋羹 $88 免費！！！只要在社交平台 upload田浦食肉沙田店的食物相片或影片，tag location就可以免費獲得一個！超級飽滿的一大碗雞蛋羹，口感很soft很順口，蛋香也十足✨️

好掛住韓國！未去到住惟有食住燒肉先！呢間韓式燒肉好地道，大部分店員都係韓國人，仲會幫客人燒埋，入到去只需要負責食。餐廳提供豐富嘅小菜伴餐，種類繁多；燒肉爐有擋板擋住，避免彈油。燒肉高質，絕對係encore之選！ 烤牛排骨原條排骨，侍應喺面前烤肉同剪開，火喉控制得啱啱好。可以蘸鹽、辣醬同燒烤醬，啖啖肉；用可以免費添加嘅生菜包肉有解膩效果。 雞蛋羹韓式雞蛋羹勁澎湃，口感香嫩柔滑。加上蔥花、麻油同芝麻好香口，仲有少少炭香味。 黃油炒飯侍應會用牛排骨筋膜肉粒撈埋啲飯一齊炒，增加香脆口感。最後仲用蛋黃醬擳成麵包超人嘅樣，得意得嚟味道啱啱好。

📍 田浦食肉話咁快對上一次去韓國已經係半年前既事🥸心心念念想去食韓國野，發掘到呢間好地道由韓國Oppa 主理既韓式燒肉店🤩餐廳主打韓式燒肉，夠曬正宗！🐷烤豬肉套餐 (五花肉＋豬頸肉) 550g $470豬肉幾新鮮，望落去肉既紋理清晰，肉質粉嫩～肥瘦均勻，亦切得非常厚身！重要既係由Oppa親手燒，成個過程都唔需要自己郁手，坐喺度等食就得啦😏🥳五花肉燒到勁香，外層焦脆嘅口感，內𥚃既油脂好香同鮮嫩既口感～而豬頸肉就較爽口，配埋各種醬料一齊食既味道好唔錯👅配菜唔夠嘅話可以無限refill架😆🥣黃油炒飯 $68又係有專人幫手炒！😌店員會留意著客人進食既進度，然後去到差唔多嘅時候就會過嚟幫手炒個韓式炒飯～配料有芝士、牛油、大量嘅紫菜碎、泡菜同埋飯～炒到最後會用沙律醬畫個公仔，最後畫左Ryan!!! 好cute😙真係睇得又食得，味道酸酸辣辣，食到有飯焦，值得一試！🐥雞蛋羹 ✨免費🆓✨上枱嘅時候勁澎湃，望住佢脹卜卜同埋不停出煙！𥚃面有芝士、蘿蔔絲、粟米粒、蔥粒，蛋味濃郁，口感細滑；由於用石鍋，雞蛋羮食到最後都係熱辣辣😌重點係免費！！！宜家只要係社交平台 upload田浦食肉沙田店既店舖，食物既相或影片

見石門最近開咗一間超正宗嘅韓國燒肉餐廳我哋終於有時間去試下～一坐低已經成枱都係前菜同醬料好有響韓國開餐嘅感覺😍😍五花肉+豬頸肉 (550g) $470先唔好講啲豬肉肥瘦均勻又切得夠厚淨係有個oppa幫我哋燒已經加晒分😍五花肉油香四溢豬頸肉就爽口彈牙生菜包埋泡菜/辣京蔥一齊食真係好幸福🤤雞蛋羹 $88好似一座小火山咁🌋一上枱就冒晒煙爆晒汁咁呢個蒸蛋面有芝士、粟米粒同蘿蔔絲口感好軟滑香甜好食到不停添食去餸飯😋😋黃油炒飯 $68本身賣相已經好靚一粒粒飯已經係kimchi咁嘅色仲有芝士同紫菜一齊炒Oppa最後仲用沙律醬畫左個多啦A夢😍😍😍太可愛喇！！唔影多幾張相對唔住oppa🫶🏻🫶🏻味道亦都一流！完全係睇得又食得👍🏻食完覺得呢度無論環境、食物同服務都💯💯大角咀、中環、北角同灣仔都有分店燒肉控真係唔好錯過👍🏻👍🏻

一入到店已經感受到濃濃嘅韓式氣氛，店員都係韓國人，仲有OPPA親自幫手燒肉，感覺好親切。五花肉+豬頸肉/550g肉質粉嫩顏色，食材新鮮，OPPA燒烤技巧一流，烤得外焦裡嫩，五花肉脂肪同瘦肉比例恰到好處，充滿住油脂香；豬頸肉肉質細嫩，肉汁豐富，嚼勁十足。雞蛋羹 份量多，加上芝士、粟米、紅蘿蔔嘅搭配，蒸蛋滑嫩又濃郁，每一啖都係舒心嘅享受。黃油炒飯全晚最有驚喜，店員會將炒飯畫成公仔圖案，每枱都唔同，店員幫我哋畫成超可愛嘅布甸狗，落足心思。泡菜炒飯酸酸辣辣，米粒鬆軟，加入黃油、紫菜一齊炒更加香。